নেতাজি সুবাশ চন্দ্র বোজকী ১২৫শুবা পোকপগী নুমিৎ পলান তৌনবা কোলকতাগী নেস্নেল লাইব্রেরীদা ঙসি শিল্লিবা ‘শৌরিয়ানজলি’ প্রোগ্রাম অসিদা কেন্দ্রগী গৃহ মন্ত্রী শ্রী অমিত শাহনা শরুক য়াখ্রে৷ থৌরম অসিদা লৈবাক অসি মমিং মখা তম্নবা হোৎনবদা থৱাই কৎখ্রবা বেঙ্গলগী নিংতম লান্মীশিং অসিদা শ্রী অমিত শাহনা ইকাই খুম্নবা উৎখ্রে৷ বেঙ্গলগী নিংতম লান্মীশিং অসিগী মথৌনা অসি উৎথোক্লিবা এগজিবিসন অমা মহাক্না হৌদোকখ্রে৷ থৌরম অসিদা নিংতম লানশিং অসিগী য়াম্না মরু ওইবা থৌদোকশিংদা য়ুমফম ওইবা কল্চরেল প্রোগ্রাম অমসু উৎখ্রে৷ কেন্দ্রগী গৃহ মন্ত্রী অসিনা সাইকল রেল্লী অমা থাখ্রে৷ রেল্লী অসিদা নেতাজি সুবাশ চন্দ্র বোজ, রাসবিহারি বোজ অমসুং খুদিরাম বোজ হায়না মমিং থোন্দুনা তীম অহুম্না শরুক য়ারগনি, মসিনা নিংতম ইহৌশিং অসিদা থৱাই হকচাং য়াওনা বেঙ্গলগী নিংতম লান্মীশিং অসিনা কৎথোকখিবা অসিগী মতাংদা ৱেস্ত বেঙ্গলগী তোঙান তোঙানবা মফমশিংদা এৱার্নেস পীরগনি৷ কল্চর অমসুং তুরিজমগী রাজ্যগী মন্ত্রী(ইন্দিপেন্দেন্ত চার্জ), শ্রী প্রহলাদ সিংহ পতেল অমসুং এনবাইরোনমেন্ত, ফোরেস্ত অমসুং ক্লাইমেৎ চে়ঞ্জকী রাজ্যগী মন্ত্রী শ্রী ববুল সুপ্রিয়ো য়াওনা মশক নাইবা মীওই কয়ানা থৌরম অসিদা শরুক য়াখি৷

লৈবাক অসিগী মীয়ামশিংনা সুবাশ বাবু হৌজিক ফাওবা নুংশিরি অমসুং ইকাই খুম্নবা উৎলি হায়না শ্রী অমিত শাহনা মহাক্কী ৱারোলদা ফোংদোকখ্রে৷ সুবাশ বাবুগী পর্সোনেলিতী, মহাক্কী মরৈবাক নিংবা অমসুং কা হেন্না কৎথোকপা অসিনা চারোল শুরোল কয়া অমগী ৱাখলদা মহাকপু অদুমক কাওবা ঙমদনা নিংশিংদুনা লৈরগনি হায়না শ্রী শাহনা ফোংদোকখ্রে৷ সুবাশ বাবুগী ৱাখল অসি কাওথোক্কে হায়না কয়ারক হন্না খন্দুনা হোৎনরবসু নেতাজিগী কৎথোকপা অসি লাক্কদৌরিবা শুরোলশিং অসিনা অদুমক নিংশিংদুনা লৈহৌনবা মোদি সরকার অসিনা হোৎনৈ হায়না শ্রী শাহনা ফোংদোকখ্রে৷

লৈবাক অসিদা হৌরক্লিবা নহাশিং অসিনা মখোয় মখোয়গী পুন্সি অসিদা সুবাশ চন্দ্র বোজকী পুন্সি ৱারি অসি অমুকখক্তা ওইরবসু পানবা শ্রী অমিত শাহনা হায়খ্রে, মখোয়না পুন্সি ৱারি অসিদগী তমজহৌগদবা কয়া অমা লৈ৷ লৈবাক অসিগীদমক থৱাই কৎখ্রবা মীওইশিং অসিবু ঐখোয়না নিংশিংগদবনি অমসুং লৈবাক অসি শেমগৎপদা ঐখোয়সু শরুক য়াগদবনি হায়না নহাশিং অসিদা শ্রী শাহনা ফোংদোকখ্রে৷

করিগুম্বা সুবাশ বাবুনা মহাক মশা খক্তগী ওইনা খল্লম্বা তারবদি ঙসি অজাদ হিন্দ ফোজকী মঙাল নাইরবা পুৱারি অসি লৈরম্লোই, ঙসিদি মসিদা লৈবাক অসিগী নহা কোতি কয়ানা ইন্সপিরেসন ওইরি অমসুং চহী ১২৫গী মতুংদা অদুমক ওইদুনা লৈখিগনি হায়না শ্রী শাহনা ফোংদোকখ্রে৷ মসিগী ফঙ্কসন অসি নেতাজি সুবাশ চন্দ্র বোজকী ১২৫ শুবা মপোক নুমিৎ অসি পালন তৌনবা নেস্নেল অমসুং ইন্তরনেস্নেলকী থাক্তা পাংথোক্লিবা তোঙান তোঙানবা প্রোগ্রামশিং অসিগী য়াম্না মরু ওইবা শরুক অমনি হায়না শ্রী শাহনা ফোংদোকখ্রে৷

থৌরম অসিদা শ্রী শাহনা সাইকল রেল্লী অমসু থাখ্রে অমসুং মসিদা তীম অহুম্না শরুক য়াখি৷ তীম অমনা নেতাজি সুবাশ চন্দ্র বোজকী মমিং লৌদুনা থোল্লগনি অমসুং মসিনা কি.মি. ২৭০ শাংনা চৎলগনি অমসুং ফাওরবা অমসুং মশক খঙহৌদ্রবা লৈবাক অসিগীদমক থৱাই কৎখ্রবা মীওইশিং অসিগী ৱারিশিং অসি নিংশিংহন্নবা হোৎনরগনি৷ অনিশুবা কন্তিঞ্জেন্ত অসিনা রাজবিহারি বোজ কন্তিঞ্জেন্তনি অমসুং অহুমশুবা গ্রুপ অসিনা খুদিরাম বোদকী মমিং লৌদুনা থোল্লি৷

সুবাশ চন্দ্র বোজকী ১২৫রক শুবা মপোক নুমিৎ অসিগা মরী লৈনবা পাংথোক্লিবা থৌরমশিং অসিদা লৈবাক অসিগী নহাশিং অসিনা শরুক য়াবা তঙাই ফদে হায়না শ্রী অমিত শাহনা ফোংদোকখ্রে৷ লৈবাক অসিনা মমিং মখা তমখিবা চহী ৭৫ শুখিবা অমসুং সুবাশ চন্দ্র বোজকী ১২৫রক শুবা মপোক নুমিৎ পালন তৌবা অসিগা পুন্না তামিন্নবা অসি য়াম্না নুংঙাইবা শরুক অমনি হায়না শ্রী শাহনা ফোংদোকখ্রে৷

লৈবাক অসিদা মীওই কয়া অমগী লন-থুম, য়ুম-কৈ কয়ারক হন্না লৌশিন্দুনা অথিংবা থমখ্রবা ইমুং কয়ামরোমগী মীওইশিং লৈ অদুবু মখোয় লান্থেংনবদি লেপ্তে হায়না শ্রী অমিত শাহনা ফোংদোকখ্রপে৷ ভীর সভার্কর মীওই অমগী পুন্সি অমদা অনিরক লাইফ সেন্তেন্সেকী চৈরাক ফংখ্রবা নিংতম লান্মী অমখক্নি৷

                                                                                       *****