সিবিল এবিয়েসন মন্ত্রালয়

সিবিল এভিএসন মন্ত্রালয়গী পার্লিয়ামেন্তরী কন্সল্তেতিব কম্মিতিগী মীফম পাঙথোকখ্রে

Posted On: 19 FEB 2021 4:16PM by PIB Imphal

ঙরাং সিবিল এভিএসন মন্ত্রালয়গী মেম্বর্স ওফ পার্লিয়ামেন্তগী কন্সল্তেতিব কম্মিতিগী মীফম পাঙথোকখ্রে। মীফম অদুদা সিবিল এভিএসগী এম.ও.এস., আই/সি, শ্রী হর্দীপ এস. পুরিনা ময়াই তাংবল লৌখ্রে। শ্রী রাম নাথ থাকুর, শ্রী নীরজ দাঙ্গি, শ্রী প্রফুল পতেল, শ্রী রাজিব প্রতাপ রুদী, শ্রী শ্বেৎ মালিক, শ্রী সুব্রমনিয়ম স্বামী, শ্রী বিশমভর প্রসাদ নিশাদ অমসুং শ্রী বিনায়ক ভৌরাই রাৱৎ ইকাই খুম্নরবা এম.পি.শিংনা মীফম অসিদা শরুক য়াখ্রে।

ইকাই খুম্নরবা এম.পি.শিংগী ৱাহংশিংগী পাউখুম পীরদুনা শ্রী পুরিনা ইকাই খুম্নরবা এম.পি.শিংদা কোবিদ-১৯ লাইচৎ মনুংদা মন্ত্রালয় অসিনা মীয়ামগী লোইননা এয়রলাইন্স অমসুং এভিএসন সেক্তরগী কান্নবা লৌখৎখিবা তোঙান তোঙানবা খোঙথাংশিং অদু পাউদমখ্রে। মহাক্না ফ্লোর প্রাইস অমসুং সিলিং প্রাইসকা লোইননা ফেয়র বেন্দশিং চৎনহনখি হায়না পাউদমখ্রে। শ্রী পুরিনা হায় নোংমা-নোংমগী দোমেস্তিক এয়র ত্রাফিক অসি হেনগৎলক্লি অমসুং হৌজিক নোংমদা পেসেঞ্জর লাখ ৩রোম য়ৌবা ঙম্লে। মহাক্না মখা তারদুনা হায় সম্মর সেদ্যুলদা দোমেস্তিক ত্রাফিক হেন্না হেনগৎলক্কদবনা ফেয়র বেন্দশিং অমসুং অতোপ্পা অথিংবশিং থম্লবা য়াই। শ্রী পুরিনা আর.সি.এস.-উরান স্কীমগী বিদ্দিং প্রপসেস অমসুং রুৎশিংগী অকুপ্পা মরোলশিং খঙহনখ্রে। মহাক্না মখা তারদুনা হায় বিদ্দিংগী রাউন্দ ৪সু হাপচিনখি অমসুং রুৎ ৭০০ হেন্না সেঙ্কসন তৌখ্রে অমরোমদা স্কীম অসিগী মখাদা রুৎ ৩০০গী মথক্তা হৌজিক মথৌ তৌহনখ্রে। মহাক্না হায় দরভঙ্গা এয়রপোর্ত অসি স্কীম অসিগী মখাদা মাই পাকখিবগী খুদমশিংগী মনুংদা অমনি। শ্রী পুরিনা ইকাই খুম্নরবা এম.পি.শিংনা হংলকপগী মতুং ইন্না বিহার, পঞ্জাব, উত্তর প্রদেশ অসিনচিংবা রাজ্যশিংদা লৈরিবা এয়রপোর্তশিং অমসুং ফ্লাইৎশিংগী মতাংদা ই-পাউশিং ফংহনখ্রে।

ইকাই খুম্নরবা এম.পি.শিংনা এয়রপোর্ত প্রাইবেতাইজেসন তৌবা, অনৌবা এয়রপোর্তশিং হাংদোকপা, এয়রপোর্তশিং চাউথোকপা, ফ্লাইয়িং ত্রেনিং ওর্গনাইজেসনশিং অসিনচিংবগী মতাংদা ৱাখল্লোনশিং থমখ্রে।

****



(Release ID: 1699447) Visitor Counter : 26