প্রধান মন্ত্রী শ্রী নরেন্দ্র মোদীনা ঙসি বিস্বা-ভারাতি য়ুনিভর্সিতিগী কোনবোকেসন থৌরমদা ভিদিও কনফরেন্সকী খুত্থাংদা ৱা ঙাংখ্রে। ৱেস্ত বেঙ্গালগী রাজ্যপাল অমসুং বিস্বা-ভারাতি য়ুনিভর্সিতিগী রেক্তর, শ্রী জগদীপ ধনখর, য়ুনিয়ন এজুকেসন মিনিস্তর দাঃ রামেশ পোখ্রিয়াল ‘নিশঙ্ক’ অমসুং এজুকেসনগী য়ুনিয়ন মিনিস্তর ওফ স্তেত শ্রী সঞ্জয় ধোত্রেসু থৌরম অসিদা শরুক য়াখি।

প্রধান মন্ত্রীনা কোনবোকেসন অসিদা ৱা ঙাংবদা মহাক্না গুরুদেব রাবিন্দ্র নাথ তেগোরগী বির শিবাজি হায়রিবা শৈরেং অসিনা মহাকপু পুক্নিং থৌগৎখিবা অসি পনখি অমসুং ইন্দিয়াগী লিংজেল মান্নবা পুক্নিং চিংশিনখি। প্রধান মন্ত্রীনা হায় মদুদি য়ুনিভর্রসিতি অমদা ছাত্র অমসুং ফেকল্তি খক্তগী শরুক নত্তে, অদুবু ত্রেদিসন কয়াগী বিয়াররশিংশু য়াওরি। মহাক্না হায় মদুদি গুরুদেবনা য়ুনিভর্সিতি অসি বিস্বা-ভারাতি হায়না থোনখি মরমদি কনাদুম্বা অমা মসিদা মহৈ তম্বা লাকপা অদু মহাক্না মালেম পুম্বা উবা ফংগনি। মরম অদুনা বিস্বা-ভারাতি মহাক্না ভারতকী মমল য়াম্লবা থায়নদগী লৈরক্লবা অসি তম্বা য়ানবা শেমখি।  মহাক্না ভারতকী মমল য়াম্লবা থায়নদগী লৈরক্লবা অসি থিজিনবা য়ানবা অমসুং লায়রবদগী লায়রবশিং অসি কোক্নবা পাম্বৈ অমা থিনবা লোমদা থবক তৌখি।  মহাক্না হায় মদুদি গুরুদেব তেগোরগী বিস্বা-ভারাতি অসি লৌশিং খক্তা তানবা ইন্সতিত্যুৎ নত্তে অদুবু ভারতগী চৎনবী অসিবু খ্বায়দগী মকোক্তা লৈনবা হোৎনবা অসিনি।

প্রধান মন্ত্রীনা হায়খি মদুদি গুরুদেবনা থাজবা থম্মি মদুদি ঐখোয়না ঐখোয়গী ইশাগী মনুংদা লৈজরিবা ৱাখলশিং অমসুং খেন্নবশিং অসি থিদোক্কদবনি। প্রধান মন্ত্রীনা হায়খি মদুদি তেগোর অসি বেঙ্গালগী চাওথোকচবা অমনি চপ মান্ননা মহাক অসি ভারতকী মখল কয়াগী চাওথোকচবনি। অমসুং মসিনা হায়বদি গুরুদেবকী মিয়েংনা মরম ওইদুনা শান্তিনিকেতন্না মীওইবগী মিনুংশিগী চাওখৎপা য়াম্না লৈরিবা অসি। মহাক্না বিস্বা-ভারাতি অসি লোইবা নাইদবা লৌশিংগী শমুদ্রনি। অনৌবা অমা পুথোকপা অমসুং লৌশিং হায়বা অসিদা অকক্নবা অমা লৈতে।  হায়রিবা অসি মহাক্কী ৱাখল্লোন অসিনা চাওরবা য়ুনিভর্সিতি অসি লিংখৎখিবনি। প্রধান মন্ত্রীনা হায়খি মদুদি ছাত্রশিংনা মতম পুম্বদা নিংশিংগদবা অসি লৌশিং, ৱাখল অমসুং হৈ-শিংবা হায়বা অসি অরোইবা নাইবা নত্তে অদুবু য়াম্না মথৌ লৈবা অমসু লেপ্পা নাইদবা অমনি। মহাক্না হায় থৌদাং অমা লৌবা অসি লৌশিং অমসুং শক্তিদগী লাকই।        

প্রধান মন্ত্রীনা ছাত্রশিংদা ৱা ঙাংবদা মহাক্না হায়খি মদুদি অদোমগী লৌশিং অসি অদোম খক্তগী নত্তে অদুবু মসি সমাজ অমসুং লৈবাক অসিগীদমক্নি। অদোমগী লৌশিং অমসুং হৈ-শিংবনা লৈবাক অসি চাওথোকচবা ঙমগনি নত্ত্রগা মসিনা অমম্বা অমসুং অমাং -অতা থোকহনবা য়াই। মহাক্না হায় মালেম অসিদা অকি-তুজুংবা থবক চৎথরিবশিং অমসুং অকাইবা তৌরিবশিং অসি মহৈগী থাক ৱাংবা অমসুং য়াম্না হৈ-শিংবা ঙাক্তনি। নাকন অমরোমদনা মীওই খর অমনা মখোয়গী পুন্সিবু খুদোংথিবা কয়া অমা মায়োক্নদুনা অমসুং হোস্পিতালদা লৈদুনা লায়চৎশিং হায়বদি কোবিদ কুম্বা অসিদগী মীওই কয়াগী পুন্সিবু কল্লি। মহাক্না হায় মসি ৱাখল্লোল নত্তে অদুবু ৱাখল্লোন অদু শেমদোকপনি মসি অফববু ওইগেরা নত্ত্রগা ফত্তববু ওইগেরা। অনিমক্কী চপ চাবা মফমশিং লৈ। মহাক্না ছাত্রশিংদা অৱাবা তাবগী শরুক অমসুং পাম্বৈ অমা পুথোকপা অনি অসিদা করম্বনা পাম্বগে হংখি। মহাক্না মখা তাখি মদুদি করিগুম্বা লৈবাক্কী হান্না খল্লবা পুম্নমক পাম্বৈ অমা লৈবরোমদা চংশিল্লি। মহাক্না ছাত্রশিংদা পাওতাক পীরি মদুদি কৈদৌনুংদা ৱারেপ অমা লৌবদা কিরোইদবনি। মহাক্না মসিগী মরমদা সরকারনা পীবা য়াবা মতেং পীগনি।  

নাৎকী ওইবা ইন্দিয়ন এজুকেসন সিস্তেমগী পুৱারী নিংশিংদুনা প্রধান মন্ত্রীনা গান্ধীয়ান শ্রী ধরমপালগী লাইরিক ‘দ ব্যুতিফুল ত্রী – ইন্দিজিনিয়স ইন্দিয়ন এজুকেসন ইন আইতিন সেনচুরী’ অসি থমখি। মহাক্না হায় মদুদি ১৮২০গী সর্ভেদা খুঙ্গং খুদিংদা গুরুকুল অমগী মথক্তা লৈরম্মী হায়রিবা অসি মফম অদুগী মন্দির অমগা শম্নখি অমসুং লাইরিক হৈবগী চাং অসি য়াম্না ৱাংখি। হায়রিবা অসি ব্রিতিশ স্কোলারশিংনা মশক খঙখি। শ্রী মোদীনা হায়, গুরুদেব রাবিন্দ্রনাথনা ইন্দিয়াগী মতমগা চুনবা মহৈ পুখৎপা অমসুং মীনাইগী য়োৎহিংদগী নান্থোকপগী সিস্তেম অসি য়াওরি।

মসিগা মান্ননা, অনৌবা নেস্নেল এজুকেসন পোলিসি অসিনা মমাংদা লৈরম্বা অথিংবা কয়া অমা লৌথোকখি অমসুং ছাত্রশিংদা মখোয়গী ঙমজবা পুম্বা পুথোক্নবা খঙহনখি। মসিদা সবজেক্ত খন্নবগী কোমথোকপা অয়াবা পীরি। পোলিসি অসিনা এন্ত্রেপ্রেন্যুরশিপ অমসুং মশানা থবক পীজবা; রিসর্স অমসুং অনৌবা পুথোকপা অসিদা পুক্নিং থৌগৎলি। ‘নেস্নেল এজুকেসন পোলিসি অসি আত্মানির্ভর ভারত শেম্বগী মপুং ওইবা খোঙথাং অমগী থাক অমনি’হায়না প্রধান মন্ত্রীনা হায়। প্রধান মন্ত্রীনা হায় মদুদি হন্দক্তা স্কোলারশিংদা জর্নেল লাখ অমা সরকারনা লেম্না পীখি। হন্দক্কী চহিগী বজেৎ অসিদা নেস্নেল রিসর্স ফাউন্দেসনগী মখাদা রিসর্স তৌনবা চহি মঙগী ওইনা লুপা করোর লিশিং ৫০ হাপ্লি। মসিগী এজুকেসন পোলিসি অসিনা জেন্দর ইনক্লুজন ফন্দ শেম্লি মসিনা নুপীমচাশিং অসিদা অনৌবা থাজবা অমা পীরি। নুপীমচাশিংনা স্কুল তোখখিবা অসি য়াম্না কুপ্না য়েংখি।                 

বেঙ্গাল অসি এক ভারত-শ্রেস্থা ভারতকী ইথিলনি হায়না প্রধান মন্ত্রীনা পন্দুনা হায়খি মদুদি বিস্বা ভারতি অসিনা ২১শুবা সেনচুরীগী লৌশিংগী ইকোনোমী অসিদা অচৌবা থৌদাং অমা লৌরগনি, ইন্দিয়াগী লৌশিং অসি লৌদুনা অমসুং মালেমগী কাচিন কোয়া কয়াদা মশক খঙহল্লগনি। শ্রী মোদীনা হায়খি মদুদি ছাত্রশিংনা লেমজনিঙাই ওইরবা ইন্সতিত্যুৎ অসি মথং চহি ২৫ ফাওবা খ্বায়দগী চাওবা পন্থুং ২৫ বিস্বা ভারতিগী ওইনা ২০৪৭দা ওইনবা হায়খি। প্রধান মন্ত্রীনা ইন্দিয়াগী মরমদা পাউজেল শন্দোক্নবা হায়খি। বিস্বা ভারতি অসিনা ইন্সতিত্যুৎশিং অসিদগী খ্বায়দগী মকোক থোংবা ওইহনগদবনি হায়বদি মসিনা ইন্দিয়াগী পাউজেল অমা পুগনি অমসুং মালেমদা ইন্দিয়া শক্তাক্কনি। প্রধান মন্ত্রীনা  ছাত্রশিংদা মনাক নকপা খুঙ্গংশিংদা আত্মানির্ভর থিদোকপা অমসুং মখোয়গী পোত্থোকশিং মালেমদা পুখোক্নবা হায়রি।

*****