প্ৰধানমন্ত্ৰীৰ কাৰ্যালয়
অসমত বিভিন্ন উন্নয়নমূলক আঁচনি মুকলি কৰি প্ৰধানমন্ত্ৰীয়ে প্ৰদান কৰা ভাষণৰ অসমীয়া ৰূপান্তৰ
Posted On:
18 FEB 2021 3:23PM by PIB Guwahati
নমস্কাৰ অসম!
শ্ৰীমন্ত শংকৰদেৱৰ কৰ্মস্থলী আৰু সত্ৰসমূহৰ ভূমি মাজুলীলৈ মোৰ প্ৰণাম! কেন্দ্ৰীয় মন্ত্ৰীমণ্ডলত মোৰ সহযোগী শ্ৰী নীতিন গাডকাৰীজী, শ্ৰী ৰবিশংকৰ প্ৰসাদজী, শ্ৰী মনসুখ মাণ্ডৱ্যজী, অসমৰ মুখ্যমন্ত্ৰী শ্ৰী সৰ্বানন্দ সোণোৱালজী, মেঘালয়ৰ মুখ্যমন্ত্ৰী কনৰাড চাংমাজী, অসমৰ বিত্তমন্ত্ৰী ড০ হিমন্ত বিশ্ব শৰ্মাজী আৰু অসমৰ মোৰ মোৰ ভাই আৰু ভনীসকল৷ এনেকুৱা লাগিছে যেন আলি আই লিগাং উৎসৱৰ আনন্দ দ্বিতীয় দিনাও অব্যাহত আছে৷ কালি মিছিং সম্প্ৰদায়ৰ বাবে খেতি আৰু কৃষকৰ উৎসৱৰ দিন আছিল আৰু আজি মাজুলীসহিতে সমগ্ৰ অসম আৰু উত্তৰ পূৰ্বাঞ্চলৰ বাবে বিকাশৰ এক বৃহৎ উৎসৱ হিচাপে বিবেচিত হৈছে৷ তাকামে লিগাং আছেগেং ছেলিডুং!
ভাতৃ আৰু ভগ্নীসকল,
ভাৰতৰত্ন ড০ ভূপেন হাজৰিকাই লিখিছিল- মহাবাহু ব্ৰহ্মপুত্ৰ মহামিলনৰ তীৰ্থ, ক’ত যুগ ধৰি আহিছে প্ৰকাশি সমন্বয়নৰ অৰ্থ৷ অৰ্থাৎ ব্ৰহ্মপুত্ৰৰ বিস্তাৰ বন্ধুত্ব, ভাতৃত্ববোধ, মিলনৰ তীৰ্থ৷ শ শ বছৰজুৰি এই পবিত্ৰ নদীয়ে মিলাপ্ৰীতিৰ, যোগাযোগৰ সাধন হৈ আহিছে৷ কিন্তু এয়াও সত্য যে ব্ৰহ্মপুত্ৰত যোগাযোগৰ সৈতে জড়িত যিমান কাম পূৰ্বে হ’ব লাগিছিল সিমান নহ’ল৷ তাৰবাবে অসমৰ ভিতৰত আৰু উত্তৰ পূৰ্বাঞ্চলৰ অন্য ক্ষেত্ৰত যোগাযোগ এক বৃহৎ প্ৰত্যাহ্বান হিচাপে পৰিগণিত হৈছিল৷ মহাবাহু ব্ৰহ্মপুত্ৰৰ আশীৰ্বাদত এতিয়া এই দিশত ক্ষীপ্ৰ গতিত কাম হ’বলৈ ধৰিছে৷ বিগত বৰ্ষসমূহত কেন্দ্ৰ আৰু অসমৰ ডাবল ইঞ্জিন চৰকাৰে এই সমগ্ৰ ক্ষেত্ৰৰ ভৌগোলিক আৰু সাংস্কৃতিক, দুয়ো প্ৰকাৰৰ দূৰত্ব হ্ৰাস কৰাৰ প্ৰয়াস কৰিছে৷ আমি ব্ৰহ্মপুত্ৰৰ শ্বাশ্বত ভাৱনাৰ অনুৰূপ, সুবিধা আৰু সু-অৱকাশ তথা সংস্কৃতিৰ পুল নিৰ্মাণ কৰিছো, সেঁতু নিৰ্মাণ কৰিছো৷ অসমসহিতে সমগ্ৰ উত্তৰ পূৰ্বাঞ্চলৰ কায়িক আৰু সাংস্কৃতিক সংবদ্ধতাক বিগত বৰ্ষসমূহত সশক্ত কৰা হৈছে৷
বন্ধুসকল,
আজিৰ দিনটোত অসমসহিতে সমগ্ৰ উত্তৰ পূৰ্বাঞ্চলৰ বাবে এই ব্যাপক দৃষ্টিভংগী বিস্তাৰিত হ’ব৷ ড০ ভূপেন হাজৰিকা সেঁতুৱেই হওক, শৰাইঘাট দলঙেই হওক,এনে অনেক দলঙে অসমবাসীৰ জীৱন সহজ কৰি তুলিছে৷ ই দেশৰ সুৰক্ষা শক্তিশালী কৰাৰ লগতে আমাৰ বীৰ সেনাসকলকো উপকৃত কৰিছে৷ অসম আৰু উত্তৰ পূৰ্বাঞ্চলৰ বিভিন্ন অংশৰ সৈতে সংযোগ স্থাপন কৰাৰ এই অভিযানক আগুৱাই নিয়া হৈছে৷ আজিৰ পৰা ২খন ডাঙৰ দলৰ কাম আৰম্ভ হৈছে৷ যেতিয়া কিছু বৰ্ষ পূৰ্বে মই মাজুলী দ্বীপলৈ গৈছিল তেতিয়া তাৰে সমস্যা অতি কাষৰ পৰা অনুধাৱন কৰিছিলো৷ মই সুখী কিয়নো সৰ্বানন্দ সোণোৱালজীৰ চৰকাৰে এই সমস্যা হ্ৰাস কৰাৰ বাবে সমগ্ৰ নিষ্ঠাৰ সৈতে প্ৰয়াস কৰিছে৷ মাজুলীত অসমৰ প্ৰথমটো হেলিপ’ৰ্ট নিৰ্মাণ কৰা হৈছে৷
ভাতৃ আৰু ভগ্নীসকল,
এতিয়া মাজুলীৰ বাসিন্দাসকলে পথৰো দ্ৰুত আৰু সুৰক্ষিত বিকল্প লাভ কৰিব৷ আপোনালোকৰ বৰ্ষ পুৰণি দাবী আজি দলঙৰ ভূমি পূজনৰ সৈতে আৰম্ভ হ’ব৷ দলংখনৰ ভূমি পূজনৰ সৈতে আজি আপোনাৰ বছৰ পুৰণি চাহিদা সম্পূৰ্ণ হ'বলৈ আৰম্ভ কৰিছে। কালিবাড়ী ঘাটৰ পৰা যোৰহাটক সংযোজিত কৰা ৮ কিলোমিটাৰ দৈৰ্ঘৰ এই দলংখন মাজুলীৰ হাজাৰ হাজাৰ পৰিয়ালৰ জীৱনৰেখা হৈ পৰিব। এই দলংখন আপোনাৰ বাবে সুবিধা আৰু সম্ভাৱনাৰ দলং হ'ব। একেদৰে, যেতিয়া মেঘালয়ৰ পৰা, ধুবুৰীৰ পৰা ফুলবাৰীলৈ ১৯ কিলোমিটাৰৰ দীঘল দলংখন সাজু হৈ উঠিব, ই বৰাক উপত্যকাৰ সংযোগ ব্যৱস্থা শক্তিশালী কৰিব। এই দলংখনে অসমৰ পৰা মেঘালয়, মণিপুৰ, মিজোৰাম আৰু ত্ৰিপুৰালৈ দূৰত্ব যথেষ্ট হ্ৰাস কৰিব। কল্পনা কৰক, প্ৰায় ২৫০ কিলোমিটাৰৰ মেঘালয় আৰু অসমৰ মাজৰ দূৰত্ব ভৱিষ্যতে মাত্ৰ ১৯-২০ কিলোমিটাৰ হৈ পৰিব। দলংখন আন দেশৰ সৈতে আন্তৰ্জাতিক যান-বাহনৰ বাবেও গুৰুত্বপূৰ্ণ বুলি প্ৰমাণিত হ'ব।
ভাতৃ আৰু ভগ্নীসকল,
দাসত্বৰ সময়তো অসম দেশৰ আটাইতকৈ সমৃদ্ধ আৰু অধিক ৰাজহ প্ৰদানকাৰী ৰাজ্য আছিল। আনকি চাহ আৰু পেট্ৰ'লিয়াম সামগ্ৰী, ব্ৰহ্মপুত্ৰ-পদ্মা-মেঘনা নদীৰে আৰু ৰে’লপথেৰে চট্টগ্রাম আৰু কলকাতা বন্দৰলৈ গৈছিল। সংযোগৰ এই নেটৱৰ্ক অসমৰ সমৃদ্ধিৰ এক মুখ্য কাৰণ আছিল। কিন্তু স্বাধীনতাৰ পিছত, য'ত এই আন্তঃগাঁথনিৰ আধুনিকীকৰণ কৰাটো প্ৰয়োজন আছিল সেয়া এৰি দিয়া হৈছিল। জলপথতো মনোনিবেশ কৰা হোৱা নাছিল, এইটো প্ৰায় শেষ হৈ পৰিছিল। অঞ্চলটোত বিশৃংখলা আৰু অস্থিৰতাৰ আঁৰত বিকাশৰ ওপৰত কৰা এই অৱহেলাও এটা ডাঙৰ কাৰণ আছিল। অটল বিহাৰী বাজপেয়ীজীয়ে ইতিহাসত কৰা সেই ভুলবোৰৰ সংশোধন কৰিবলৈ আৰম্ভ কৰিছিল। এতিয়া, সেইসমূহ অধিক সম্প্ৰসাৰিত কৰা হৈছে, অধিক গতি প্ৰদান কৰা হৈছে। এতিয়া অসমৰ বিকাশক অগ্ৰাধিকাৰ প্ৰদান কৰাৰ লগতে দিন-ৰাতিয়ে প্ৰচেষ্টাও কৰা হৈছে।
ভাতৃ আৰু ভগ্নীসকল,
যোৱা পাঁচ বছৰত, অসমৰ বহুমুখী সংযোগ পুনৰ স্থাপনৰ বাবে এটা পদক্ষেপ লোৱা হৈছে। অসমক উত্তৰ-পূৰ্বাঞ্চল, অন্যান্য পূৱ এছিয়াৰ দেশসমূহৰ সৈতে আমাৰ সাংস্কৃতিক আৰু বাণিজ্য সম্পৰ্কৰ কেন্দ্ৰ কৰি ৰখাৰ বাবে প্ৰচেষ্টা কৰা হৈছে। সেয়েহে আভ্যন্তৰীণ জলপথক ইয়াত এক ডাঙৰ শক্তি কৰি তোলাৰ কাম চলি আছে। শেহতীয়াকৈ, জল সংযোগ বৃদ্ধিৰ বাবে বাংলাদেশৰ সৈতে এক চুক্তিও স্বাক্ষৰ কৰা হৈছে। ব্ৰহ্মপুত্ৰ আৰু বৰাক নদীক সংযোগ কৰিবলৈ হুগলী নদীত ভাৰত-বাংলাদেশ প্ৰট’কল পথৰ কাম চলি আছে। ই অসমৰ উপৰিও হালদিয়া, কলকাতা, গুৱাহাটী আৰু যোগীঘোপালৈ মেঘালয়, মিজোৰাম, মণিপুৰ আৰু ত্ৰিপুৰালৈ এক বিকল্প সংযোগ প্ৰদান কৰিব। অৰ্থাৎ, ই উত্তৰ-পূৰ্বাঞ্চলক বাকী ভাৰতৰ সৈতে সংযোজিত কৰিবলৈ আমাৰ নিৰ্ভৰশীলতা থকা সংকীৰ্ণ অঞ্চলৰ ওপৰত সেই নিৰ্ভৰশীলতা হ্ৰাস কৰিব।
ভাতৃ আৰু ভগ্নীসকল,
যোগীঘোপাৰ আইডব্লিউটি টাৰ্মিনেলে এই বিকল্প পথটো অধিক শক্তিশালী কৰিব আৰু অসমক কলকাতাৰ পৰা হালদিয়া বন্দৰলৈ জলপথৰ দ্বাৰা সংযোজিত কৰিব। টাৰ্মিনেলটোৱে ভূটান আৰু বাংলাদেশৰ কাৰ্গো, যোগীঘোপা মাল্টি-মোডেল লজিষ্টিক পাৰ্কৰ কাৰ্গো আৰু ব্ৰহ্মপুত্ৰ নদীৰ বিভিন্ন স্থানলৈ যাবলৈ সুবিধা প্ৰদান কৰিব।
বন্ধুসকল,
যদি সাধাৰণ মানুহৰ সুবিধা প্ৰাথমিকতা হয় আৰু বিকাশৰ লক্ষ্য অটল হয় তেতিয়া নতুন পথৰো সৃষ্টি হয়। মাজুলী আৰু নিমাতীৰ মাজত ৰো-পেক্স সেৱা এনে ধৰণৰ উদাহৰণ। আপুনি পথেৰে প্ৰায় ৩২৫ কিলোমিটাৰ ঘূৰি ফুৰিব নালাগে। আপুনি এতিয়া ৰো-পেক্সৰ জৰিয়তে মাত্ৰ ১২ কিলোমিটাৰতেই আপোনাৰ চাইকেল, স্কুটাৰ, বাইক বা গাড়ীখন জাহাজলৈ লৈ যাব পাৰে। এই পথত চলি থকা ২খন জাহাজে এবাৰত প্ৰায় ১৬০০ যাত্ৰী আৰু ডজনসংখ্যক বাহন বহন কৰিবলৈ সক্ষম হ'ব। এতিয়া গুৱাহাটীৰ লোকসকলকো একেধৰণৰ সুবিধা প্ৰদান কৰা হ'ব। এতিয়া, উত্তৰ আৰু দক্ষিণ গুৱাহাটীৰ মাজৰ দূৰত্ব ৪০ কিলোমিটাৰৰ পৰা মাত্ৰ ৩ কিলোমিটাৰলৈ হ্ৰাস হ'ব। একেদৰে, ধুবুৰী আৰু হাটশিঙিমাৰীৰ মাজৰ দূৰত্ব প্ৰায় এশ পঁচিশ কিলোমিটাৰৰ ৰ পৰা ৩০ কিলোমিটাৰলৈ হ্ৰাস হ'ব।
বন্ধুসকল,
আমাৰ চৰকাৰে কেৱল জলপথ তৈয়াৰ কৰাই নহয়, সেইবোৰ ব্যৱহাৰ কৰা লোকসকলক সঠিক তথ্য প্ৰদান কৰাটো নিশ্চিত কৰিবলৈ আজি এই ই-পোৰ্টেল আৰম্ভ কৰা হৈছে। কাৰ-ডি পোৰ্টেলে প্ৰকৃত সময়ত ৰাষ্ট্ৰীয় জলপথৰ সকলো কাৰ্গো আৰু ক্ৰুজ সম্পৰ্কীয় ট্ৰেফিক তথ্য দখল কৰাত সহায় কৰিব। একেদৰে, পানী পৰ্টেলে নেভিগেছনৰ উপৰিও জলপথৰ আন্তঃগাঁথনিৰ বিষয়েও তথ্য প্ৰদান কৰিব। জিআইএছ-আধাৰিত ভাৰত মেপ প’ৰ্টেলে এনে লোকসকলক সহায় কৰে যিসকলে চৌদিশে ভ্ৰমণ কৰিবলৈ বিচাৰে অথবা ব্যৱসায়ৰ বাবে আহিবলৈ বিচাৰে। আত্মনিৰ্ভৰ ভাৰতৰ বাবে বহুমুখী সংযোগ বিকশিত কৰা হৈছে, অসম তাৰে ভিতৰত সৰ্বশ্ৰেষ্ঠ উদাহৰণ হ'বলৈ ধৰিছে।
ভাতৃ-ভগ্নীসকল,
অসম আৰু উত্তৰ-পূৰ্বাঞ্চলৰ জলপথ-ৰেলৱে-ঘাইপথ সংযোগৰ সৈতে ইণ্টাৰনেট সংযোগো সমানে অত্যাৱশ্যকীয়। ইয়াৰ ওপৰতো নিৰন্তৰভাৱে কাম কৰা হৈছে। এতিয়া, শ শ কোটি টকা বিনিয়োগেৰে উত্তৰ-পূৰ্বাঞ্চল গুৱাহাটীৰ প্ৰথম আৰু ষষ্ঠ ডাটা চেণ্টাৰ হ'বলৈ ধৰিছে। কেন্দ্ৰটোৱে উত্তৰ-পূৰ্বাঞ্চলৰ সকলো ৮ খন ৰাজ্যৰ বাবে ডাটা চেণ্টাৰৰ হাব হিচাপে কাম কৰিব। এই তথ্যই অসমকে ধৰি উত্তৰ-পূৰ্বাঞ্চলত ই-গভৰ্ণমেণ্ট, তথ্য প্ৰযুক্তি সেৱা আধাৰিত উদ্যোগ, আৰম্ভণিক অধিক উদগনি প্ৰদান কৰিব। উত্তৰ-পূৰ্বাঞ্চলৰ যুৱচামৰ বাবে বিপিঅ' পৰিৱেশতন্ত্ৰ বিগত বৰ্ষসমূহত বিকশিত কৰা হৈছে৷ এতিয়া সেয়া অধিক শক্তিশালী কৰা হ'ব। এক প্ৰকাৰে, কেন্দ্ৰটোৱে উত্তৰ-পূৰ্বাঞ্চলত ডিজিটেল ভাৰতৰ দৃষ্টিভংগীও শক্তিশালী কৰিব।
ভাতৃ-ভগ্নীসকল,
ভাৰতৰত্ন ড০ ভূপেন হাজৰিকাই লিখিছিল: "কৰ্মই আমাৰ ধৰ্ম, আমি নতুন যুগৰ নতুন মানৱ, আনিম নতুন স্বৰ্গ, অৱহেলিত জনতাৰ বাবে ধৰাত পাতিম স্বৰ্গ! অৰ্থাৎ কাম হৈছে আমাৰ ধৰ্ম। আমি নতুন যুগৰ নতুন মানুহ। যিসকলৰ কেতিয়াও বিচাৰ কৰা হোৱা নাই তেওঁলোকৰ বাবে আমি এক নতুন স্বৰ্গৰ সৃষ্টি কৰিম। সবকা সাথ, সবকা বিকাশ, সবকা বিশ্বাসৰ এই চেতনাৰ সৈতে চৰকাৰে আজি অসম আৰু উত্তৰ-পূৰ্বাঞ্চলকে ধৰি সমগ্ৰ দেশতে কাম কৰি আছে। অসমীয়া সংস্কৃতি, আধ্যাত্মিকতা, জনজাতি আৰু জৈৱ বৈচিত্ৰতাৰ সমৃদ্ধ পৰম্পৰা হৈছে আমাৰ ঐতিহ্য যি ব্ৰহ্মপুত্ৰৰ চাৰিওফালে বিস্তৃত হৈছে। শ্ৰীমন্ত শংকৰদেৱেও এই ঐতিহ্যক শক্তিশালী কৰিবলৈ মাজুলী দ্বীপলৈ আহিছিল। মাজুলীক তেতিয়া আধ্যাত্মিকতাৰ কেন্দ্ৰ, অসমৰ সংস্কৃতিৰ আত্মা হিচাপে চিনাক্ত কৰা হৈছিল। আপোনালোক সকলোৱে যিদৰে সত্ৰীয়া সংস্কৃতি অনুসৰণ কৰিছে সেয়া প্ৰশংসনীয়। মুখা শিল্প আৰু ৰাস উৎসৱৰ বিষয়ে দেশ আৰু বিশ্বত যিদৰে উৎসাহ বৃদ্ধি হৈছে সেয়া সঁচাকৈয়ে আশ্চৰ্যজনক। এই শক্তি, এই আকৰ্ষণবোৰ কেৱল আপোনালোকৰ সৈতে আছে। ইয়াক অধিকভাৱে সংৰক্ষণ কৰিব লাগিব৷
ভাতৃ-ভগ্নীসকল,
মই সৰ্বানন্দ সোণোৱাল আৰু তেওঁৰ সমগ্ৰ দলটোক তেওঁলোকৰ প্ৰশংসনীয় কামৰ বাবে অভিনন্দন জনাইছো, অসমৰ মাজুলীৰ এই সাংস্কৃতিক, আধ্যাত্মিক আৰু প্ৰাকৃতিক সম্ভাৱনা বৃদ্ধি কৰাৰ বাবে তেওঁ প্ৰশংসনীয় কাম কৰিছে। অধিৱেশন আৰু অন্যান্য গুৰুত্বপূৰ্ণ স্থানসমূহক অবৈধ দখলৰ পৰা মুক্ত কৰা, সাংস্কৃতিক বিশ্ববিদ্যালয় স্থাপন কৰা, মাজুলীক "জৈৱ বৈচিত্ৰ্য ঐতিহ্য স্থান"ৰ মৰ্যাদা প্ৰদান কৰা, তেজপুৰ-মাজুলী-শিৱসাগৰ ঐতিহ্য বৰ্তনী, নমামি ব্ৰহ্মপুত্ৰ আৰু নমামি বৰাকৰ দৰে উৎসৱ অনুষ্ঠিত কৰাৰ অভিযানে অসমক অধিক সমৃদ্ধ কৰি তুলিছে।
বন্ধুসকল,
আজি উদ্বোধন আৰু আধাৰশিলা স্থাপন কৰা সংযোগৰ প্ৰকল্পসমূহে অসমত পৰ্যটনৰ বাবে নতুন দুৱাৰ মুকলি কৰিব। ক্ৰুজ পৰ্যটনৰ ক্ষেত্ৰত, অসম দেশৰ এক মুখ্য গন্তব্য স্থান হ'ব পাৰে। অসমৰ পৰ্যটন উদ্যোগত নিমাতী, বিশ্বনাথ ঘাট, গুৱাহাটী আৰু যোগীঘোপাৰ পৰ্যটক জাহাজ-ঘাটে এক নতুন মাত্ৰা লাভ কৰিব। যেতিয়া দেশ আৰু বিশ্বত ক্ৰুজ ভ্ৰমণ কৰিবলৈ অধিক ব্যয় কৰা এজন পৰ্যটক অসমলৈ আহিব তেতিয়া অসমৰ যুৱক-যুৱতীসকলৰো উপাৰ্জন বৃদ্ধি পাব। পৰ্যটন হৈছে এনে এক খণ্ড য'ত কম পঢ়া লোকেও আৰ্থিক উপাৰ্জন কৰে আৰু এজন দক্ষ পেছাদাৰীয়েও উপাৰ্জন কৰে। এইটো হৈছে বিকাশ, যিয়ে দৰিদ্ৰতম, সাধাৰণ নাগৰিকক আগবাঢ়ি যোৱাৰ সুযোগ প্ৰদান কৰে। আমি বিকাশৰ এই ক্ৰমটো বৰ্তাই ৰাখিব লাগিব আৰু গতি বৃদ্ধি কৰিব লাগিব। অসমক, উত্তৰ-পূৰ্বাঞ্চলক আত্মনিৰ্ভৰ ভাৰতৰ এক শক্তিশালী স্তম্ভ কৰি তুলিবলৈ আমি একেলগে কাম কৰিব লাগিব। আকৌ এবাৰ, মই আপোনাক উন্নয়নৰ নতুন প্ৰকল্পৰ বাবে অভিনন্দন জনাইছো।
অশেষ ধন্যবাদ!
***
DS/VJ/BM/MANN
(Release ID: 1699077)
Visitor Counter : 251
Read this release in:
English
,
Urdu
,
Hindi
,
Marathi
,
Bengali
,
Manipuri
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam