কেমিকেল্স অমসুং ফর্তিলাইজর মন্ত্রালয়
কেন্দ্রগী কেমিকেল্স অমসুং ফর্তিলাইজর্সকী মন্ত্রীনা এফ.ৱাই. ২০১৯-২০ অমসুং এফ.ৱাই. ২০২০-২১গী ওইনা রাস্ত্রিয়া কেমিকেল্স এন্দ ফর্তিলাইজর্স লিমিতেদতগী লুপা করোর ১৬৭.১৬কী দিবিদেন্দ রিসিপ্ত ফংখ্রে
Posted On:
17 FEB 2021 4:11PM by PIB Imphal
ঙসি কেমিকেল্স অমসুং ফর্তিলাইজর্সকী কেন্দ্রগী মন্ত্রী শ্রী দি.ভি. সদানন্দ গৌরানা এফ.ৱাই. ২০১৯-২০গী ওইনা রাস্ত্রিয়া কেমিকেল্দ এন্দ ফর্তিলাইজর্স লিমিতেদ (আর.সি.এফ.)তগী লুপা করোর ১১৭.৫১গী শেনফম ওইবা ২৮.৪%গী খ্বাইদগী ৱাংবা দিবিদেন্দ ফংখ্রে। মসিগী মথক্তা আর.সি.এফ.না এফ.ৱাই. ২০২০-২১গীদমক্তা লুপা করোর ৪৯.৬৫কী ইন্তেরিম দিবিদেন্দ অমসু খুৎশিন্নখ্রে।
দিবিদেন্দ চেক অসি আর.সি.এফ.কী চিয়রমেন অমসুং মেনেজিং দিরেক্তর শ্রী শ্রীনিৱাস সি. মুদগেরিকরনা সেক্রেতরী (ফর্তিলাইজর্স) শ্রী আর.কে. চাতুর্বেদী অমসং ফর্তিলাইজর্স বিভাগকী অতোপ্পা মকোক থোংবা ওফিসরশিংগী মমাংদা খুৎশিন্নখ্রে।
থৌরম অদুদা ৱা ঙাংলদুনা শ্রী গৌরানা হায় লাইচৎ অসিনা মরম ওইরগা থোকহনবা অকাইবশিং অসি য়েংলগা চৎলিবা ফিস্কেল অসিদা আর.সি.এফ.কী পর্ফোর্মেন্স অসি শীংথানিঙাই ওইখি। পনবা য়াবদি খুদোংচাদবশিং লৈজরবসু কম্পনী অসিনা হৌখিবা চহিগী চপ মান্নবা মতম অসিগী মনুংদা ফংখিবা লুপা করোর ৬৫.৮৭গা চাংদম্নবদা চৎলিবা এফ.ৱাই. (দিসেম্বর ২০২০ ফাওবা) অসিদা নেৎ প্রোফিৎ লুপা করোর ২২১.০৯ ফংদুনা ২৩৫.৬৫% হেনগৎপগী রেজিস্তর তৌখি।
নীংশিংবা য়াবদি আর.সি.এফ. অসি ভারত সরকারনা মসিগী ইক্বিতীগী ৭৫% পাইবগা লোইননা মাংজিল থারিবা ফর্তিলাইজশিং অমসুং কেমিকেলশিং শারিবা অমসুং ললোন-ইতিক তৌরিবা কম্পনী অমনি। মসিগী ওপরেতিং য়ুনিৎ অনি লৈ, অমনা মুম্বাইগী ত্রোমবেদা অমসুং অতোপ্পা অমনা মহারাস্ত্রগী রাইগদ জিলাগী থালদা লৈ। আর.সি.এফ.না য়ুরিয়া, কম্প্লেক্স ফর্তিলাইজর্স, বাইও-ফর্তিলাইজর্স, মাইক্রো-ন্যুত্রেন্তশিং, চাদা ১০০ ওইবা ঈশিংদা তুম্বা ঙম্বা হারশিং, সোইল কন্দিস্নরশিং অমসুং মখল কয়াগী ইন্দস্ত্রিএল কেমিকেলশিং শারি। “উজ্বালা” (য়ুরিয়া) অমসুং “সুফালা” (কম্প্লেক্স ফর্তিলাইজর্স) অসিগুম্বা ব্রান্দ ইক্বিতী ৱাংবা ব্রান্দশিংগা লোইননা কম্পনী অসি ভারতকী খুঙ্গংশিংদদি য়ুমথোং খুদিংক্না খঙনবা ওইরি। আর.সি.এফ.কী লৈবাক শিনবা থুংবা মার্কেতিং নেৎৱার্ক মরু ওইবা রাজ্য পুম্নমক্তা লৈ। ফর্তিলাইজর প্রদক্তশিং অসিগী মথক্তা আর.সি.এফ.না মচু শংনবা, সোলবেন্তশিং, শুন, ফার্মাকোতিকেলশিং, বেকরী প্রদক্তশিং শাবদা মরু ওইবা ইন্দস্ত্রিএল কেমিকেল মশিং য়াম্না পুথোক্লি অমসুং অতোপ্পা ইন্দস্ত্রিএল প্রদক্তশিংগী হোস্ত অমা ওইরি।
এফ.ৱাই. ২০১৯-২০গী পর্ফোর্মেন্সকী পাউদমশিং মখাদা পীরি:
১. লুপা করোর ৯৬৯৭.৯৫গী খ্বাইদগী ৱাংবা এন্যুএল রিবেন্যু।
২. লুপা করোর ১৫৬.৬৮ শেনফম ওইবা শেনবা চহি ২০১৯-২০গী ইক্বিতী সিয়র ২৮.৪%গী খ্বাইদগী ৱাংবা দিবিদেন্দ আর.সি.এফ.না লাউথোকখি (সরকারগী সিয়র @৭৫% লুপা করোর ১১৭.৫১)
৩. আর.সি.এফ.কী প্রিমিয়ম এন.পি.কে. ফর্তিলাইজর সুফালাগী খ্বাইদগী ৱাংবা এন্যুএল সেল ফংবা ঙমখি।
৪. এফ.ৱাই.গী মনুংদা আর.সি.এফ.না অনৌবা প্রদক্ত অনি লোঞ্চ তৌখি: ওর্গানিক গ্রোথ স্তিম্যুলেন্ত অমসুং ৱাতর-সোলুবল সিলিকোন ফর্তিলাইজরশিং।
৫. এফ.ৱাই. ২০১৯-২০গী মনুংদা নোংমগী লিতর মিলিয়ন ১৫গী কেপাসিতী ওইবা সিৱেজ ত্রীৎমেন্ত প্লান্ত কম্মিসন তৌখি।
৬. আর.সি.এফ. অসি সরকারগী মহুৎ শিন্দুনা য়ুরিয়া ইম্পোর্ত তৌনবগী ‘স্তেৎ ত্রেদিং ইন্তর্প্রাইস’ অমা ওইনা আর.সি.এফ.পু শকখঙখি।
লৈবাক অসিগী “আত্মানির্ভর ভারত”কী মঙলান অমসুং কেমিকেল প্রদক্তশিং ইম্পোর্ত তৌবা মহুৎ শিন্নবা আর.সি.এফ.না মখল কয়াগী খোঙথাংশিং লৌখৎখ্রে। খোঙথাং খরা মখাদা পীরি:
১. আর.সি.এফ.না মখোয়গী ত্রোম্বে য়ুনিৎতা ২০২০গী সেপ্তেম্বর ৮দগী মিথানোল পুথোকপা মাই পাক্না অমুক হন্না হৌখি। ললোন-ইতিক তৌবগী মথক্তা মিথানোলগী লৈরিবা মথৌ তাবা অসি লমদম অসিদা পুথোকচবা মিথানোল শিজিন্নদুনা থুংহনবা ঙমখি অসুম তৌদুনা লমদম অসিদা শিজিন্ননবা অমসুং ললোন-ইতিক্কী হিরমশিংগী মিথানোল ইম্পোর্ত তৌবা মপুং ফানা লেপহনবা ঙমখি।
২. ত্রোম্বে য়ুনিৎতা অহেনবা এম্মোনিয়া প্লান্ত লিংখৎতুনা মথৌ তারিবা এম্মোনিয়া ফংহন্নবা হোনখি। মসিনা এম্মোনিয়া ইম্পোর্ত তৌবা অসি হন্থহনবসু ঙমহল্লগনি।
৩. আর.সি.এফ.না ব্রান্দ বেল্যু ৱাংবা তোঙান-তোঙানবা ইন্দস্ত্রিএল কেমিকেল প্রদক্তশিং পুথোক্লি। ঐখোয়গী ইন্দস্ত্রিএল কেমিকেল প্লান্তশিং: নাইত্রিক এসিদ, এম্মোনিয়ম নাইত্রেৎ, এম্মোনিয়ম বাইকার্বোনেৎ, কনসেন্ত্রেতেদ নাইত্রিক এসিদ অমসুং সুলফ্যুরিক এসিদ পুথোকপা অসি মার্কেৎ দিমান্দ থুংহন্নবা হেনগৎহনখ্রে। কোবিদ১৯ লাইনচৎনা মরম ওইদুনা থোকহনখিবা খুদোংচাদবশিং মায়োক্নরবসু আর.সি.এফ.না চৎলিবা চহি অসিদা মরু ওইনা ইন্দস্ত্রিএল প্রদক্তশিংদা মাইপাকখিবগী রেজিস্তর তৌখি। মখোয় খরা অদুদি :
- ২০২০গী নবেম্বরগী থাদা এন.এন. মেল্ত অসি এম.তি. ১৬,৫৬১ য়োন্দুনা খ্বাইদগী ৱাংনা য়োনখিবা থা ওইখি।
- এম্মোনিয়া, নাইত্রিক এসিদ, এম্মিনিয়ম নাইত্রেৎ মেল্ত, এম্মোনিয়ম বাইকার্বোনেৎ রেকোর্দ ওইনা নুংতিগী ওইনা খ্বাইদগী ৱাংনা য়োনবা ঙমখি।
- ২০২০গী নবেম্বর ১৮দা আর.সি.এফ.না লুপা করোর ৫.৪৪গী ইন্দস্ত্রিএল প্রদক্তশিং নুংতিগী ওইনা খ্বাইদগী ৱাংনা য়োনবা ঙমখি।
- আর.সি.এফ.না মার্কেৎতা আই.পি.এদ.দা বেজ তৌবা হেন্দ ক্লিঞ্জিং জেল পুথোকখি। প্রদক্ত অসি হৌজিক ওইরিবা কোবিদ লাইচৎ অসি শন্দোকপা লাকশিনবদা মতেং পাংনবা পুথোকখিবনি।
******
(Release ID: 1698988)
Visitor Counter : 117