ইস্তর্ন রেলৱেগী মালদা দিভিজনগী মখাদা লৈরিবা সুজনিপরা অমসুং বাসুদেবপুর স্তেসনশিংদা ফুত অনি ৱাংবা ওভর ব্রিজশিং, দহাপরাধম অমসুং নিয়ালিশপরা স্তেসনশিংগী, তেনয়া, লালবগ কোর্ত রোদ, খাগ্রঘাত রোদতা ফুত মঙা ৱেবা ওভর ব্রিজ, মাল্দাগা নক্নবা অমসুং মনিগ্রমদা শারিবা রোদ আন্দর ব্রিজ(আর.য়ু.বি.), ন্যুলী ইলেক্ত্রিইদ মনিগ্রম-নিম্তিতা সেক্সন লৈবাক অসিদা ভারত সরকারগী রেলৱেজ, কম্মর্জ অমসুং ইন্দস্ত্রী অমসুং কঞ্জুমর এফিয়র্স, ফুদ অমসুং পব্লিক দিস্ত্রিব্যুসনগী ইকাই খুম্নরবা মন্ত্রী শ্রী পিয়ু্শ গোয়লনা ঙসি ভিদিও কনফরেন্সিংগী খুৎথাংদা লৈবাক অসিদা কৎখ্রে৷ ন্যুলী ইলেক্ত্রিফাইদ সেক্সন মনিগ্রম-নিম্তিতা সেক্সন অসিদা পোৎ-চৈ পুবা ত্রেন শ্রী গোয়লনা লমথাখ্রে৷ ভারত সরকারগী এনবাইরোনমেন্ত, ফোরেস্ত অমসুং ক্লাইমেৎ চেঞ্জ মন্ত্রালয়গী ইকাই খুম্নরবা রাজ্যগী মন্ত্রী শ্রী ববুল সুপ্রিয়ো অমসুং অতোপ্পা মশক নাইবা মীওইশিংনা থৌরম অসিদা ভিদিও কনফরেন্সিংগী খুৎথাংদা শরুক য়াখ্রে৷

থৌরম অসিদা ৱা ঙাংলদুনা “লৈবাক অসিদা ৱেস্ত বেঙ্গল অসি ত্রেদিং অমসুং ব্যুজিনেস এক্তিবিতীদা মশক থোকপা রাজ্য অমা ওইহন্নবা ঐখোয়না হোৎনরগনি” হায়না মমাং মতমদা ইকাই খুম্নরবা প্রধান মন্ত্রী শ্রী নরেন্দ্র মোদী জিনা ফোংদোকপা লৈখ্রে হায়না শ্রি পিয়ুশ গোয়লনা ফোংদোকখ্রে৷ পেসে়ঞ্জর কন্নেক্তিবিতী অসি হেন্না চাওথোকহন্দুনা, ফ্রইত ত্রেনশিংগী কন্নেক্তিবিতী অসি চাওথোকহন্দুনা, রো মেতরিয়েলশিং অসি ফংহন্দুনা অমসুং ৱেস্ত বেঙ্গলদগী লৈবাক অসিগী অতোপ্পা মফমশিং অসিদা প্রদক্তশিং পুথোক পুশিন তৌদুনা ৱেস্ত বেঙ্গল অসি চাওখৎহনবদা রেলৱেজনা য়াম্না মরু ওইবা থৌদাং অমা লৌরগনি৷ ৱেস্ত বেহ্গলদা লৈরিবা সিঙ্গল লাইন খুদিংমক ২০২৩ ফাওবগী মনুংদা লৈ ফংহন্দুনা পোলুসন হন্থহল্লগনি, স্পিদ হেনগৎহল্লগনি অমসুং পেসে়ঞ্জর এমিনিতীশিং হেন্না ফংহনবা ঙম্লগনি হায়না মহাক্না মখাতানা ফোংদোকখ্রে৷ হৌখিবা চহী তরুক অসিদা ৱেস্ত বেঙ্গলগী রেলৱে ইনফ্রাস্ত্রকচর অসি হেন্না শেমগৎনবা লুপা কোতি ১৯৮১১গী শেনফম থাদখ্রে৷

কার্বোন ফুত প্রিন্ত হন্থহন্নবগীদমক অমসুং গ্রীন ইনর্জী হেন্না য়োকখৎনবা ইস্ত্রন রেলৱেগী কি.মি. ৩৪ শাংবা মনিগ্রম-নিম্তিতা সেক্সন লুপা কোতি ৫২.০৫ থাদদুনা ইলেক্ত্রিফাইদ তৌখ্রে৷ মসি “সাগর পর্বোদয়া সমপার্ক লাইন” হৌরাহদগী দিব্রুগার্হ ফাওবা চৎলিবা হাই য়ুতিলিতী নেতৱার্ক্কী শরুক অমনি৷ মসিনা সেক্সন অসিদা পেসে়ঞ্জর ত্রেনশিং দেমুদগী মেমুদা ওন্থোক্নবগী লম্বী অদু মখাতানা পীরগনি৷ মসিনা দিজল থাউ কনবা ঙম্লগনি অমসুং মফম অদুগী অপুনবা ইন্দস্ত্রীয়েল দিভেলপমেন্তদা চাওনা কন্ত্রিব্যুত তৌরগনি৷

এল.সি. গেত নম্বর ২এগী মহুৎতা ন্যু ফরক্কা-মাল্দা তাউন সেক্সনদা মাল্দাদা নক্ননা লুপা কোতি ১.৮ চংনা রোদ আন্দর ব্রিজ শাখ্রে৷ মসিনা লম্বী চত্থোক চশিন তৌবদা হেন্না লাইহল্লগনি অমসুং রেল ত্রাফিক অয়েৎ অপন অমতা য়াওদনা নিংথীনা চেনবা য়াহল্লগনি৷ রেল অমসুং লম্বীদা অয়েৎ অপন অমতা য়াওদনা থৌবা য়ানবা এল.সি. গেত নম্বর ৬ অসিগী মহুৎতা অজিমগঞ্জ-ন্যু ফরক্কা সেক্সনদা লৈরিবা মনিগ্রমদা লুপা কোতি ২.৬৩ চংনা অতোপ্পা রোদ আন্দর ব্রিজ অমগা শাখ্রে৷

পেসে়ঞ্জরশিং য়াম্না লাইনা অমসুং সেফ ওইনা চত্থোক চশিন য়ানবগীদমক বন্দেল-কতৱা-অজিমগঞ্জ সেক্সনগী মখাদা লৈরিবা দহাপরাধম অমসুং নিয়ালিশপরা স্তেসনশিংগী চেনয়া, লালবাগ কোর্ত রোদ, খগ্রঘাত রোদতা পুন্না লুপা কোতি ৯.৩১ চংনা ফুদ মঙা ৱাংবা ওভর ব্রিজশিং শাখ্রে৷ মসিদগী হেন্দোক্তুনা অজিমগঞ্জ-ন্যু ফরক্কা-মাল্দা তাউন সেক্সনগী মখাদা সুজনিপরা অমসুং বাসুদেবপুর স্তেনশিং অসিদা লুপা কোতি ৩ চংনা ফুদ অনি ৱাংবা ওভর ব্রিজ শাখ্রে৷ মসিনা পেসেঞ্জরশিংনা অয়েৎ-অপন অমতা লৈতনা য়াম্না লাইনা চত্থোক চশিন তৌবা য়াহল্লগনি অমসুং লাইবক থিবা থৌদোকশিং থোকপা য়াবগী চাঞ্চ অদুসু হন্থগল্লগনি৷

                                                                                     *****