মহারাস্ত্র সরকারগী প্রিন্সিপল হেল্থ সেক্রেতরী, দা. প্রদীপ কুমার ব্যাসনা ঙসি মুম্বাইগী ফিল্মস দিবিজনদা কোবিদ-১৯ বেক্সিনেসন অমসুং আত্মানির্ভর ভারতকী এৱার্নেস পীনবা মল্তিমীদিয়া একজিবিসন ভেন অমা লমথাখ্রে। লমথাবগী থৌরম অদুদা ফিল্মস দিবিজনগী দিরেক্তর জেনরেল মিস স্মিতা ভাৎস শর্মা অমসুং দবল্যু.ঐচ.ও.গী সর্ভিলেন্স মেদিকেল ওফিসর দা. বিবেক আর পরদেশিসু শরুক য়াখ্রে।

ভেন অসিনা মুম্বাইগী রুৎ ৩দা চৎকনি, বন্দ্রা-ধারাবি-জুহু-অন্ধেরি-বোরিভলি; গোরেগাও-চিঞ্চভলি-মলাদ-কন্দিভলি-চারকোপ-বোরিভলি-দাহিসর; কুর্লা-চেমপুর-ঘাৎকোপর-মানখুর্দ-তুর্ভে-ভান্ধুপ-ভিক্রোলি।

কেম্পেন অসিগী মখাদা খন্ননা শেম্লবা ভেন ১৬না মহারাস্ত্রগী জিলা ৩৬তা কোইনা চৎতুনা মীয়ামদা এৱের্নেসকী পাউজেল পীগনি। ভেনশিং অসিনা এল.ই.দি. স্ক্রীনশিংগী খুত্থাংদা মেসেস দিস্প্লে তৌগনি অমসুং মসি ক্যু.আর. কোদ মপুং ফানা স্কেন তৌরবা মতমদা ইন্তিগ্রেতেদ দেশবোর্দকী খুত্থাংদা ভেনশিং অসি জি.পি.এস.কী খুত্থাংদা লাইফ ত্রেক তৌবা য়াগনি

আর.ও.বি.না লৌখৎখিবা থৌরাং অদুবু থাগৎলদুনা দা. প্রদীপ ব্যাসনা হায়, চহি অমগী মমাংদা মহারাস্ত্রদা অহানবা কোবিদ-১৯ কেস রিপোর্ত তৌরকপা মতমদা ওইখিবা ফীভম অদুগা হৌজিক ওইরিবা অসিদা খেৎনবা চাউনা লৈরে। মতম অদুদা লাইনা অসিগী মরমদা করিমত্তা খঙখিদে। অদুবু হৌজিক্তি লাইনা অসিগী মতমদা ঐখোয়না হেন্না খঙবা ঙম্লে মরম অসিনা মীয়ামদা করি পাউজেল পীগদগে হায়বা ঐখোয়না খঙলে হায়া দা. ব্যাসনা ফোঙদোকখ্রে। মহাক্না হায় সেপ্তেম্বর থাদা মহারাস্ত্র সরকারনা কোবিদকী মতাংদা কম্ম্যুনিকেসন কেম্পেন অমা চত্থবা হৌখিবা মতমদা মদুগী মহৈ ফংখি অমসুং নবেম্বর থাদগী রাজ্য অসিদা ফীভম অসি হেন্না ফগৎলকখি। মহাক্না মখা তারদুনা হায় হৌখিবা নুমিৎ ১০নি অসিদা রাজ্য অসিদা কোবিদকী কেসশিং অমুক হন্না হেনগৎলকখি অমসুং অসিগুম্বা ফীভম অসিদা আর.ও.বি.না লৌখৎখিবা থৌরাং অসি মতাং য়াম্না চাই।

“হৌজিক মীয়ামদা মরু ওইবা পাউজেল খরা য়ৌহনবা হায়বা অসি তঙাই ফদে”, হায়না দা. ব্যাসনা ফোঙদোকখ্রে। মখোয় অদুদি: ১) কোবিদ অসি হৌজিকসু মীওই অমা হেক্তদা অদোমগী ইমুংগী মীওইদা ওইরবসু নাবা য়াই। ২) কোবিশিল্দ অমসুং কোবাক্সিন বেক্সিন অনিমক খুদোংথিনিঙাই ওইদে, কান্নবা ফংঙি অমসুং কনাগুম্বনা বেক্সিন অমা হেক্তা কাপ্পদা য়াগদবনি। ৩) হৌজিক্কী ওইনা মীরোনবী অমসুং অঙাং খোম পীথক্লিবা নুপীশিং অমসুং চহি ১৮গী মখাদা লৈবশিংদা বেক্সিন অসি কাপত্রি। ৪) কনাগুম্বা মীওই অমদা বেক্সিন অমা কাপ্পা মতমদা মহাক খক্তা নত্তনা মহাক্কী অকোইবদা লৈরিবা মীওইশিং অমসুং মহাক্কা পুল্লিবা মীওইশিংসু ঙাকশেল ফংহল্লি। অসুম্না মখোয় মশাবা তেস্ত তৌরুবা অমদি মখোয়দা এন্তিবোদীশিং দিবেলপ তৌরে হায়বা খঙলবশিংনা বেক্সিন অসি কাপথোকপদা পন্থবা তৌরোইদবনি। ৫) বেক্সিনগী অনিশুবা দোজ নুমিৎ ২৮নিগী মতুংদা কাপকদবনি।

মহারাস্ত্র সরকারগী প্রিন্সিপল হেল্থ সেক্রেতরীনা মখা তারদুনা হায়, বেক্সিনেসন অমসুং বেক্সিনেসনগী মতাংদা এৱের্নেস পীবা অসি পুন্না চৎমিন্নগদবনি। মসিনা বেক্সিনশিংগী মরমদা অরানবা পাউ অমসুং তোকঙা শন্দোক্লিবা অসি লাকশিনবা ঙমগনি।

থৌরম অসিদা ৱা ঙাংলদুনা ফিল্মস দিবিজনগী দি.জি. মিস স্মিতং ভাৎস শর্মানা হায় কোবিদকী চুন্নবা চৎন-লোনচৎকী মতাংদা পাঙথোক্লিবা কেম্পেন অসিনা ঐখোয়বু কোবিদকী লাঞ্জং অসিদা বেক্সিন কাপ্পগী তাঙ্কক ফাওবদা য়ৌবা ঙমহনখ্রে। মল্তিমীদিয়া একজিবিসন ভেনশিংনা কোইনা চৎপগী মরমদি মীয়ামদা ই-পাউ পীবা খক্তা নত্তনা ইনফোতেনমেন্তগী প্রোসেস অমগী খুত্থাংদা বেক্সিনেসনগী মতাংদা মীপুম খুদিংমক সেন্সিতাইজ তৌবনি। মল্তিমীদিয়া ভেনশিং অসি ইন্তরপর্সনেল কম্ম্যুনিকেসন অমসুং দিজিতেল তেক্নোলোজী শিন্নবগী অপুনবা অমনি। অমরোমদা আর.ও.বি.গী পর্ফোর্মিং আর্তিসশিংনা কলচরেল পর্ফোর্মেন্সকী খুত্থাংদা আত্মানির্ভার ভারত অমসুং বেক্সিনেসগী পাউজেল অসি পীগনি, ভেনশিং অসিদা দিস্প্লে তৌরিবা ক্যু.আর. কোদশিং স্কেন তৌদুনা ওফিসিএল ৱেবসাইৎশিং অমসুং সোসিএল মীদিয়া হেন্দলশিংদগী প্রজা মীয়াম্না মসিগী মতাংদা অহেনবা ই-পাউ খঙনবা য়াগনি।

সোং এন্দ দ্রামা দিবিজনগী কলচরেল আর্তিস্তশিংনা থৌরম অসিদা স্ত্রীৎ প্লে অমসুং জগোই খুদোল তমখি। মখোয়না মহারাস্ত্রগী জিলাশিং/রিজনশিংগী ওইনা মশা-মশাগী মমিং লৈরবা ফোক পর্ফোর্মেন্সকী খুত্থাংদা মেসেসশিং পীগনি। কোবিদ-১৯ লাইচৎ অসি লাকশিনবদা কম্ম্যুনিকেসন্না অচৌবা থৌদাং অমা লৌখি। মসিনা মরম ওইরগা সরকারগী কম্ম্যুনিকেসন মীয়ামগী য়ুমশিংদা য়ৌহন্নবা কেম্পেন অসিনা পান্দম থমখি। থৌরম অদুদা পার্তনর ওর্গনাইজেসন পুম্নমক্কী মীহুৎশিং অমসুং ফিল্মস দিবিজনগী অতোপ্পা মকোক থোংবা ওফিসিএলশিং অমসুং স্তাফনা শরুক য়াখ্রে।

কেম্পেন অসি ৱর্ল্দ হেল্থ ওর্গনাইজেসন, য়ুনিসেফ অমসুং মহারাস্ত্র সরকারগী হকশেল বিভাগকী আই.ই.সি. দিবিজনগা লোইননা খুৎশম্নদুনা ইনফোর্মেসন এন্স ব্রোদকাস্তিং মন্ত্রালয়গী মীদিয়া য়ুনিৎ অমা ওইরিবা রিজনেসল আউৎরীচ ব্যুরো (আর.ও.বি.), পুনেনা দিজাইন তৌদুনা ইমপ্লিমেন্ত তৌখিবনি। কেম্পেন অসি চয়োল অমগী মমাংদা ইনফোর্মেসন এন্দ ব্রোদকাস্তিংগী কেন্দ্রগী মন্ত্রী শ্রী প্রকাশ জাবদেকরনা পুনেদা হৌদোকখিবনি।

***