ইন্দিয়াগী মীরমদা চেং থাদোকপগী য়াম্না চাওরবা হৌরকফম অমা ওইদুনা, কাকিনন্দদা অরুবা ঈশিংগী হিদাংফমদগী মপোৎ অমা হোনবা হৌখ্রে। আন্ধ্র প্রদেশকী সরকারনা কাকিনন্দদা অরুবা ঈশিংগী হিদাংফম অসি লৈরিবা হিদাংফম অসি য়াম্না চিনবা ওইরকপদগীনি।  

এগ্রীকলচর অমসুং প্রোসেস ফুদ প্রোদক্ত এক্সপোর্ত দিবলপমেন্ত ওথোরিতি (এ.পি.ই.দি.এ.)গী মেম্বর অমনা ওইরিবা এম./এস. সত্যাম বালাজি রাইস ইন্দস্ত্রী প্রাইবেতেৎ লিমিতেৎ (চান্দিগরদা পুথোকপা, লৌফম অমসু লীবা) অসিনা মপোৎ অমা কাকিনন্দদা অরুবা ঈশিংগী হিদাংফমদগী ২০২১গী ফেব্রুৱারীগূ ১২দা থাখি।

লমথাবগী থৌরম অসিদা এ.পি.ই.দি.এ.গী চেয়রমেন দাঃ এম. অঙামুথু, নোংপোক থংবা গোদাবরীগী দিস্ত্রীক্ত কল্লেক্তর মিস্তর দি মুরালিধর রেদী, নোংপোক থংবা গোদাবরীগী জোইন্ত কল্লেক্তর দাঃ জি. লক্সমিশা, কাকিনন্দদা হিদাংফমদগী সি.ই.ও. মিস্তর এম. মুরালিধর, জেনেরেল মেনেজর এস.এস. নায়র অসমসুং এ.পি.ই.দি.এ.গী দিপুতি চেয়রমেন শ্রীমতি বিনিতা সুধানশু অমসুং দাইরেক্তোরেৎ ইন্দস্ত্রীগী ওফিসিএলশিংনা থৌরম অসিদা শরুক য়াখি।  

এ.পি.ই.দি.এ.গী হায়রিবা অসি চেং মীরমদা পুথোকপগী রেজিস্তর অমসুং য়েংশিল্লিবা অসিনা আন্ধ্র প্রেদেশ সরকারগা কাকিনন্দদা অরুবা ঈশিংগী হিদাংফম অসি পোৎ পুথোকপগী অয়াবা পীনবা পাউ ফাওনরি। কাকিনন্দদা অরুবা ঈশিংগী হিদাংফম অসি আন্ধ্র প্রেদেশ সমুদ্রগী ওইবা বোর্দকী মখাদা য়েংশিনবা অসিনা ইন্দিয়ানা চেং মীরমদা পুথোকপদা য়াম্না কান্নরগনি। কাকিনন্দদা লৈরিবা হিদাংফমশিং অসি য়াম্না চিনবগী অৱাবা কয়া অমা মায়োক্নরি, মরুওইনা চেং থাদোকপা অসিদনি। কাকিনন্দাগী মীরমদা চেং থাদোকপগী এসোসিএসন অসিনসু আন্ধ্র প্রদেশ সরকার অসিদা চপ মান্ননা হায়জরি।

চৎলিবা চহি ২০২০-২১গী অহানবা থা খর অসিদা ইন্দিয়াগী সেরিএল – চেং, গেহু অমসুং কোর্স সেরিএল পুথোকপা অসি য়াম্না হেনগৎলক্লি।  ২০২০গী এপ্রিলদগী দিসেম্বর ফাওবগী দেতা মতুং ইন্না সেরিএল মীরমদা পুথোকপা অসি লুপা করোর ৪৯,৮৩২দগী লুপা করোর ৩২,৫৯১ (৪৫৮১ য়ু.এস. মিল্লিয়ন দোল্লারদা) মমাংগা চপ মান্নবা মতমগা চাংদম্নবদা খেন্নবা রিপোর্ত লৈরি।

২০২০গী এপ্রিলদগী দিসেম্বর ফাওবগী দেতা মতুং ইন্না বাস্মাতি চেং অসি মীরমদা পুথোকপদা লুপা করোর ২২,০৩৮ (২৯৪৭ য়ু.এস. মিল্লিয়ন দোল্লারদা) মসি  লুপা করোর ২০,৯২৬ (২৯৩৬ য়ু.এস. মিল্লিয়ন দোল্লারদা)গা য়েংনবদনি। মনম নুংশিবা অমসুং অশাংবা চেংম মীরমদা পুথোকপা অসি ৫.৩১% লুপা অমসুং ০.৩৬% দোল্লারদা হেনগৎলি।

২০২০-২১গী অহানবা থা খর অসিদা বাস্মতি নত্তবা চেং অসি য়াম্না মীরমদা পুথোকখি। বাস্মতি নত্তবা চেং অসি ২০২০গী এপ্রিলদগী দিসেম্বর ফাওবদা লুপা করোর ২২,৮৫৬ (৩০৬৮ য়ু.এস. মিল্লিয়ন দোল্লারদা) মসি ২০১৯গী দিসেম্বর ফাওবদা য়েংনবদা লুপা করোর ১০,২৬৮ (১৪৪৮ য়ু.এস. মিল্লিয়ন দোল্লারদা)। বাস্মতি নত্তবা চেং মীরমদা পুথোকপা অসি ১২২.৬১% লুপাদা অমসুং ১১১.৮১ % দোল্লারদা হেনগৎলি।

 বাস্মতি নত্তবা চেং মীরমদা পুথোকপা হেনগৎপা অসি আফ্রিকান অমসুং এসিয়ানগী লৈবাকশিংনা কোবিদ লায়চৎ মনুং অসিদা দিমান্দ হেনবদগীনি। লৈবাক কয়া অমনা চেংশিং অসি চিরবা মতমদা শিজিন্নবা থমজিনবা পাম্মী। বাস্মতি নত্তবা চেং মীরমদা পুথোকপা অসিগী মরম অমনা থাইলেন্দ অসিনি, মালেমদা ইন্দিয়াগী হেক মতুংদা চেং মীরমদা পুথোকপা লৈবাক অমা ওইরিবা অসি ইচাওনা মরম ওইদুনা পুথোকপা ঙমখিদবা অসিনি।

*****