রোদ ত্রান্সপোর্ত অমসুং হাইৱেজ মন্ত্রালয়না স্তীল পুম্নমক -ওর, বিল্লেৎশিং, পিল্লেৎশিং নত্রগা স্ক্রেবতগী শুংদোরকপা ওইরো স্তীলগী অখন্নবা থাকশিংগী ওইনা মথৌ তাবা স্তেন্দর্দশিং য়ৌবা ঙমদ্রিঙৈফাওবা স্তীল পুম্নমক শিজিন্নবা য়ারগনি হায়বগী ওর্দর থোকখ্রে। হায়রিবা শিজিন্নগদৌরিবা স্তীল অসি এন.এ.বি.এল.-অয়াবা ফংদ্রিঙৈগী মমাংদা অহু শুবা পার্তী অমা ওইনা চাংয়েং তৌনবা এক্রিদেতেদ লেবোরেতরী দা তেস্ত তৌরবা ওইগদবনি। খোংথাং অসি এনালাইসিস অমসুং স্তেকহোল্দরশিংগা  ৱা খন্ন-নৈনবা অমদি তেক্নিকেল ওপিনিয়নশিংদা য়ুম্ফম ওই।

মসিগী মমাংদদি কন্ত্রেক্ত প্রোভিজনশিং অসি প্রাইমারী/ইন্তিগ্রেতেদ স্তীল প্রদ্যুসরশিংখক্তনা পুথোকপা স্তীলশিং অসি শিজিন্নবগী মথৌ তাখি। নেস্নেল হাইৱেশিং অসি শাবদা শাফু পীগদৌরিবা স্তীলগী মমল হেনগৎলকপা অসিদা মীৎয়েং থম্লগা রোদ ত্রান্সপোর্ত অমসুং হাইৱেজ মন্ত্রালয়গী কেন্দ্র মন্ত্রী শ্রী নিতিন গদকরীনানা হাইৱে শাবদা শিজিন্নবা মচাকশিংগী ক্বালিতী শোকহন্দনা অপনবা ওইগদৌরিবা ৱাফম খুদিংমক অমুক হন্না মীৎয়েং চংবগী মথৌ তাই হায়বগী ৱাফম থমখ্রে।   

মসিগী খোংথাং অসিগা লোয়ননা নেস্নেল হাইৱেশিং শাবদা শিজিন্নবা স্তীল সপ্লাই তৌরিবশিং অসি হেনগৎহনগনি, মসিনা বাজারশিংদা হেন্না হিদান্নবা হেনগৎহনগনি অমদি হেন্না হোংবা মমলশিং য়েংগনি।   মসিসু মন্ত্রালয় অসিনা সপ্লাইয়রশিংদা লৈহল্লিবা অথিংবশিং হন্থহন্দুনা অমদি লৈবগী সিস্তেম অসি ময়েক শেংনা উহন্দুনা অনৌবা তেক্নোলোজীদগী মমল হন্থহন্নবা লেপ্তনা হোৎনরকপগী শরুক অমনি।  

*****