কোবিদ১৯দগী ঙাকথোক্নবা বেক্সিন কাপখিবা হেল্থকিয়র অমসুং ফ্রন্তলাইন ৱার্করশিংগী মথং মথং হেনগৎলক্লিবা মশিং অসি ঙসি লাখ ৮০ হেনখ্রে।

প্রোবিজনেল রিপোর্তকী মতুং ইন্না ঙসি নুমিদাং পুং ৬ ফাওবা সেসন ১,৬৯,২১৫গী খুত্থাংদা বেনিফিসরী ৮০,৫২,৪৫৪ বেক্সিন কাপখ্রে। মসিদা হেল্থ কিয়র ৱার্কর (ঐচ.সি.দবল্যু.) ৫৯,৩৫,২৭৫  অমসুং ফ্রন্ত লাইন ৱার্কর (এফ.এল.দবল্যু) ২১,১৭,১৭৯ য়াওখি।

অহানবা দোজ কাপখিবা মতুংদা নুমিৎ ২৮ মপুং ফারবা বেনিফিসরীশিংগী ওইনা কোবিদ১৯ বেক্সিনেসনগী অনিশুবা দোজ ঙসি কাপ্পা  হৌখ্রে। দি.সি.জি.আই.না পীখিবা অয়াবা অদুনা অনিশুবা দোজকী চয়োল ৪দগী চয়োল ৬কী ৱিন্দো অমা এক্কোর্দ তৌখি। ঙসি ঐচ.সি.দবল্যু. ৭,৬৬৮দা অনিশুবা দোজ কাপখ্রে।

প্রোবিজনেল রিপোর্তকী মতুং ইন্না, লৈবাক শিনবা থুংনা পাঙথোকপা কোবিদ১৯গী বেক্সিনেসন প্রোগ্রামগী কুন-মাপনশুবা নুমিৎ ওইরিবা ঙসিগী নুমিদাং পুং ৬ ফাওবা পুন্না বেনিফিসরী ৮৪,৮০৭ বেক্সিন কাপখ্রে। ঙসিগী নুমিদাং পুং ৬ ফাওবা সেসন ৪,৪৩৪ পাঙথোকখ্রে।  অরোইবা রিপোর্ত ঙসি নুমিদাং অথেংবদা মপুং ফংগনি।

ঙসি কোবিদ বেক্সিনেসন অসি রাজ্য/য়ু.তি. ৩৮দা পাঙথোকখি।

রাজ্য/য়ু.তি. ১২দা রেজিস্তর তৌখিবা হেল্থকিয়র ৱার্করশিংগী ৭০%দগী হেন্না বেক্সিন কাপখ্রে। মখোয় অদুদি –বিহার, লক্ষদীপ, ত্রিপুরা, ওরিশা, মধ্য প্রদেশ, উত্তরাখন্দ, হিমাচল প্রদেশ,  ছত্তিসগর, কেরেলা, রাজস্থান, মিজোরাম অমসুং সিক্কিমনি।

নাকল অমরোমদনা, রাজ্য/য়ু.তি. তরেৎতা রেজিস্তর তৌখিবা হেল্থকিয়র ৱার্করশিং ৪০% দগী তানা কভর তৌবগী রিপোর্ত তৌরকখ্রে। মখোয় অদুদি মেঘালয়, পঞ্জাব, মনিপুর,  তামিল নাদু, চান্দিগর, নাগালেন্দ, অমসুং পুদুচেরীনি।

বেক্সিন কাপখিবা বেনিফিসরীশিংগী মশিং খ্বাইদগী ৱাংনা রিপোর্ত তৌরকখিবা রাজ্য ১০ অদুদি জম্মু অমসুং কাশ্মির, ৱেস্ত বেঙ্গল, গুজরাত, ঝার্খন্দ, অন্ধ্র প্রদেশ, কর্নাতকা, বিহার, উত্তরাখন্দ, ত্রিপুরা অমসুং দিল্লীনি।

হৌজিক ফাওবদা পুন্না মীওই ৩৪ কোবিদ১৯ বেক্সিন কাপখ্রবা মতুংদা হোস্পিতালদা পুখৎখ্রে। মসি বেক্সিন কাপখ্রবা মীওইগী অপুনবগী ০.০০০৪% ওইরি। হোস্পিতালদা পুখৎলকখিবা কেস ৩৪গী মনুংদা ২১ লায়েং চত্থরবা মতুং দিসচার্জ তৌখ্রে অমরোমদা মীওই ১১ লৈখিখ্রে অমসুং ২না লায়েং চত্থরি। হৌখিবা পুং ২৪দা মীওই অমত্তা হোস্পিতালদা পুখৎলকপা লৈতে।

ঙসি ফাওবদা পুন্না লৈখিদবা ২৭ রেকোর্দ তৌখ্রে। মসি বেক্সিন কাপখ্রবা মীওইগী অপুনবগী ০.০০০৩% ওইরি। মসিগী মনুংদা মীওই ১১ হোস্পিতালদা লৈখিদে অমরোমদা লৈখিদবা ১৬না হোস্পিতালদা ওইখিদে হায়না রেকোর্দ তৌরকখ্রে।

ঙসি ফাওবদা বেক্সিনেসনগা মরী লৈনবা অরুবা/অকনবা এ.ই.এফ.আই./লৈখিবগী কেস অমত্তা লৈতে।

হৌখিবা পুং ২৪দা নৌনা লৈখিদবা অহুম রিপোর্ত তৌখ্রে। মসিগী মনুংদা মধ্য প্রদেশকী হর্দাদগী চহি ৩৮ শুরবা মীওই অমা বেক্সিন কাপ্লবা মতুং নুমিৎ ৯ লৈরগা ময়োকার্দিএল ইনফার্ক্সননা মরম ওইরগা লৈখিদ্রে। অতোপ্পা অমনা হরিয়ানাগী পনিপৎতগী চহি ৩৫শুরবা এক্যুৎ রেস্পিরেতরী দিস্ত্রেস সিন্দ্রোমগা লোইননা ন্যুমোনিয়া নাবা মীওই অমা বেক্সিন কাপ্পা মতুং নুমিৎ ৮ লৈরগা লৈখিদ্রে। পোস্ত-মোর্তেমগী রিজলশিং ঙাইরি। রাজস্থানগী দৌদাদগী চহি ৫৮ শুরবা মীওই অমা দ্যুতী তৌরিঙৈদা জ্ঞান মাংলকখি অমসুং বেক্সিন কাপ্পবা মতুংদা হোস্পিতালদা শীরগা পুখৎলকখি। মহাক্কী পোস্ত-মোর্তেমগী মরোল ঙাইরি।

কেন্দ্রগী হকশেল সেক্রেতরীনা ঙসি রাজ্য অমসুং য়ু.তি. পুম্নমক্কা লোইননা কোবিদ-১৯ বেক্সিনেসন দ্রাইভকী স্তেতস অমসুং থবক্কী খোঙজেল য়েংশিনখ্রে। মহাক্না মখোয়দা বেক্সিনগী অহানবা দোজ অদুদা ঐচ.সি.দবল্যু. অমসুং এফ.এল.দবল্যু. পুম্নমক কভর তৌনবা তাইমলাইনশিং ঙাক্না চৎনবা অমসুং মখোয়গী মোপ-অপ রাউন্দশিং মতম লেপ্নবা খঙহনখ্রে। অনিশুবা দোজকী মতম লেপ্নবগী এস.ও.পি.শিং কো-ৱিনগী খুত্থাংদা রাজ্যশিং/য়ু.তি.শিংদা সিয়র তৌখ্রে। সেক্রেতরীনা মপুং ফানা স্তোক মেনেজমেন্ত তৌবগী খোঙথাংশিং অমসুং স্তেৎ মীদিয়া রেস্পোন্স সেল লিংখৎপা হায়রিবশিং অসিগী তঙাই ফদবা অদু য়েংশিন মীফম অদুদা ফোঙদোকখ্রে।

রাজ্য অমসুং য়ু.তি. পুম্নমক্তা ইখিবা চীথি অমদা কেন্দ্রগী হকশেল সেক্রেতরীনা হায় রেপিদ এসেসমেন্ত সিস্তেম (আর.এ.এস.)কী মতুং ইন্না বেনিফিসরী ৯৭%দি বেক্সিনেসনগী এক্সপরিয়েন্স অসিদা অপেনবা পোকই হায়না ফোঙদোরকখি, শুপ্নগী বেনিফিসরী ৮৮.৯%না সেসন সাইৎতা এদভর্স ইভেন্ত ফোলোৱিং ইম্ম্যুনাইজেসন(এ.ই.এফ.আই.)গী মতাংদা ৱাফমশিং খঙহল্লি হায়না ফোঙদোরকখি। রাজ্যশিং/য়ু.তি.শিংদা মখোয়গী বেক্সিনেসন ওফিসর পুম্নমক ত্রেন তৌবা অমসুং এ.ই.এফ.আই.গী মরমদা খঙহন্নবা য়াথং পীখ্রে অমসুং মখোয়না কোবিদ-১৯ বেক্সিন কাপ্লবা বেনিফিসরী পুম্নমক্তা এ.ই.এফ.আই.গা মরী লৈনবা ই-পাউ পীনবা খঙহনখ্রে।

কোইদ-১৯ বেক্সিনেসনগী মতুংদা সর্ভিলেন্স চত্থবা হেনগৎহন্নবা, হেল্থ সেক্রেতরীনা রাজ্যশিং অমসুং য়ু.তি.শিংদা মখোয়গী রাজ্য অমসুং জিলাগী থাকশিংদা এদভর্স ইভেন্ত ফোলোৱিং ইম্ম্যুনাইজেসন(এ.ই.এফ.আই.) কম্মিতিশিং চাং নাইনা উন্নদুনা এ.ই.এফ.আই. সর্ভিলেন্স সিস্তেমগী পর্ফোর্মেন্স য়েংশিনগদবনি। মসিনা মীয়ামদা বেক্সিন অসিদা থাজবা অদু পীবা কান্নবা ওইগনি। রাজ/য়ু.তি.শিংদা মখোয়গী ফীদবেক সিয়র তৌনবা অমসুং কেন্দ্রগী হকশেল মন্ত্রালয়দগী মথৌ তারকপা মতমদা মতেং লৌনবসু খঙহনখ্রে।

****