রাস্ত্রপতিগী লোইশঙ
ভারতকী রাস্ত্রপতিনা রাস্ত্রপতি ভবনগী চহিগী “উদ্বানোতসব” ফেব্রুৱারীগী ১২দা হাংদোক্কদৌরি
মুগল লৈকোল প্রজাগীদমক ফেব্রুৱারীগী ১৩দা হাংদোক্কদৌরি
মনুং চংবগীদমক মাংজৌননা ওনলাইন বুকিং তৌবা খক্তা ওইগনি
Posted On:
11 FEB 2021 6:27PM by PIB Imphal
ভারতকী রাস্ত্রপতি, শ্রী রাম নাথ কোবিন্দনা রাস্ত্রপতি ভবনগী চহিগী “উদ্বানোতসব” ২০২১গী ফেব্রুৱারী ১২দা হাংদোক্কদৌরি।
মুগল লৈকোল প্রজাগীদমক ২০২১গী ফেব্রুৱারী ১৩দগীনা ২০২১গী মার্চকী ২১ ফাওবা (শেমজিন-শাজিনবা নুমিৎ নিংথৌকাবা খক্তা নত্তনা) অতৈ নুমিৎকী পুং ১০০০দগী পুং ১৭০০ ফাওবা হাংদোক্কদৌরি।
চেকশিন থৌরাংগীদমক, লাকপগা হেক চংবগী অয়াবা হন্দক্কী চহিগী ওইনা লৈরোইদরি। বিজিতরশিংনা লৈকোল অসিদা লাক্নবা হান্ননা ওনলাইন বুকিং তৌগদবনি। বুকিং অসি https://rashtrapatisachivalaya.gov.in নত্ত্রগা https://rb.nic.in/rbvisit/visit_plan.aspx তৌবা য়াগনি।
হান্ননা বুক তৌখ্রবশিং পুং ১০০০ অমসুং ১৭০০ ফাওবদা স্লোত ৭ ফংগনি। খ্বায়দগী অরোইবা পুংশিং ১৬০০ ওইগনি। স্লোত অমদা য়াম্লব মীওই ১০০গী অয়াবা পীরি। কোইরিঙৈ মতম অসিদা, বিজিতরশিংনা কোবিদকী প্রোতোকোল হায়বদি মাস্ক, থাপ্না লৈনবা অসিচিংবা চৎনগদবনি। মখোয়না চংফমদা থর্মেল স্ক্রীনিং তৌগনি। কোবিদ-১৯গী চিংনবা লৈবশিং অয়াবা পীরোইদরি।
চংখিবা অমসুং থোক্লকপা বিজিতর পুম্বা রাস্ত্রপতিগী ভবনগী মনাক্তা লৈরিবা প্রসিদেন্ত ইস্তেতকী গেত ন. ৩৫ অসিদা ওইগনি।
বিজিতরশিংনা ঈশিং বোত্তলশিং, ব্রিফকেসশিং, হেন্দবেগ/নুপীগী পর্সশিং, কেমেরাশিং, রেদিওশিং/ত্রান্সমিতরশিং, বোক্সশিং, ছাতিনশিং, চান-থক্নবা অসিনচিংবা পুবা য়ারোইদরি। খুৎ-শাগী সেনিতাইজর, থক্নবা ঈশিং, তোইলেৎ, ফার্স এইদ/মেদিকেলগী খুদোংচাবা মফম অসিদা পুম্নমক ফংগনি।
চহিগী ওইনা হাংলিবা মুগল লৈকোল অসিদা নত্তনা মীয়াম্না রাস্ত্রপতি ভবন অমসুং রাস্ত্রপতি ভবন ম্যুজিয়মশিং লোয়ননা গার্দ হোংবগী থৌরম উবা ফংগনি। হেন্না মরীক চুম্বা http://rashtrapatisachivalaya.gov.in/rbtour/ ফংবিগনি।
*****
(Release ID: 1697299)
Visitor Counter : 113