তেক্সতাইল মন্ত্রালয়
য়ুনিয়ন এজুকেসন মিনিস্তর শ্রী রামেশ পোখ্রিয়াল ‘নিশঙ্ক’না, শ্রীমতি শিম্রিতি জুবিন ইরানি অমসুং শ্রী পিয়ুশ গোয়াল পুন্না ইন্দিয়া তোয় ফেয়র -২০২১গী ৱেবসাইত হৌদোকখ্রে
ভর্চুএল ইন্দিয়া তোয় ফেয়র অসি ফেব্রুৱারী ২৭তগী মার্চকী ২ ফাওবা পাংথোক্কদৌরি
Posted On:
11 FEB 2021 6:31PM by PIB Imphal
ইকাই খুম্নরবা প্রধান মন্ত্রীনা ময়েক শেংনা হায়রিবা অসিদা থবক ওইনা ওন্থোক্তুনা ইন্দিয়াদা শাবা শান্নপোৎ অসিদা মরুওইবা লৌদুনা হেন্না পুথোকপা হেন্নবা অমসুং “অত্মানির্ভর ভারত” অমসুং “গেত ভোকেল ফোর লোকেল” কেম্পেইনগী থীম অসিদা মালেমগী মার্কেত অসিদা লাক্পা ঙম্নবা ১শুবা “ইন্দিয়া তোয় ফেয়র -২০২১” অসি ভর্চুএল ওইবা পম্বাক্তা ২০২১গী ফেব্রুৱারী ২৭তগী মার্চকী ২ ফাওবা পাংথোক্কদৌরি।
ইন্দিয়া তোয় ফেয়র -২০২১গী ৱেবসাইত www.theindiatoyfair.in অসি য়ুনিয়ন এজুকেসন মিনিস্তর শ্রী রামেশ পোখ্রিয়াল ‘নিশঙ্ক’না, তেক্সতাইলগী য়ুনিয়ন মিনিস্তর শ্রীমতি শিম্রিতি জুবিন ইরানি অমসুং কম্মর্স অমসুং ইন্দস্ত্রীগী য়ুনিয়ন মিনিস্তর শ্রী পিয়ুশ গোয়াল পুন্না ঙসি হৌদোকখি।
‘ইন্দিয়া তোয় ফেয়র -২০২১’গী ৱেবসাইত অসিনা অঙাংশিং, মমা-মপাশিং, ওজাশিং, একজিবিতরশিং, অসিনচিংবশিং অসিবু ভর্চুএল ফেয়র অমসুং ভারতরী শান্নপোৎ মখল কয়া অমা উৎননবা মশানা মিং চনবা য়াহনগনি। মসি দিজিতেলগী ওইনা উৎপা অহানবা একজিবিসন অমনি অমসুং হায়রিবা অসিদা খুদোংচাবা অমা ফংদুনা ভারতকী স্তেতশিং অমসুং য়ু.তি.শিংদগী লাকপা একজিবিতর ১০০০গী মথক্তা লৈবশিংনা উৎলিবা শান্নপোৎশিং অসি য়েংবা অমসুং লৈবা ফংগনি, মসিদা নত্তনা ৱেবিনার, পেনেল দিসকসন অমসুং থৌওং কয়া অমা শরুক য়াবা ফংগনি।
থৌরম অসিদা ৱা ঙাংলদুনা য়ুনিয়ন এজুকেসন মিনিস্তর শ্রী রামেশ পোখ্রিয়ালনা হায় মদুদি ইন্দিয়গী শান্নপোৎ অসি অঙাং ওইরিঙৈগী হরাও তয়াম্বগী মচাক অমনি। মখোয় অসি ঙাইহাক নুঙাইনবগী খক্তা নত্তনা তম্বা অমসুং হৈবা হেন্নবগী খুলায় অমসু ওইরি। ইন্দিয়া তোয় ফেয়র -২০২১ অসি ইহান হানবা খোহথাং অমা ওইনা মখল কয়াগী ইন্দস্ত্রীগী থৌবুশিংবু মরুওইনা অঙাংশিং, মমা-মপাশিং অমসুং ওজাশিং অসিগী দিজিতেলগী ফম্বাক্তা অমত্তা ওইনা লৈনবা খোঙথাং লৌখৎপনি।
হায়রিবা অসি মরুওইনা নেস্নেল এজুকেসন পোলিসি ২০২০দা পান্দম থম্লি। এন.ই.পি. ২০২০গী থৌরাংদা হাপ্পা শরুক অমা ওইনা, শান্নপোৎতা বেজ তৌবা পেদাগোজী অসি প্রি-স্কুলদগী গ্রেদ ১২ ফাওবা শেমগৎলি, হায়রিবা অসিদা ক্লাসতা পৈশা য়াম্না চংদনা শান্নপোৎ শাবা হৌদোকপা অসিনি হায়না মহাক্না হায়খি। লাইরিক তম্বা অসি ভারতকী নাৎকী চৎনবীদা শান্নপোৎ শাদুনা তম্বিবা ইন্দিয়াগী চৎনবি অসিগী লৌশিং ফংগনি হায়না মহাক্না হায়খি। শ্রী পোখ্রিয়ালনা হায় মদুদি প্রধান মন্ত্রী শ্রী নরেন্দ্র মোদীনা অত্মানির্ভর ভারত পুথোক্তুপদা শান্নপোৎকী ইন্দস্ত্রীগী মশক নাইবা অমগী ভোকেল ওইরি। ইন্দিয়া তোয় ফেয়র -২০২১ অসিগা লোয়ননা মহাক্কী মিয়েং অসি মংফাওনহন্দুনা ইন্দিয়া অসি শান্নপোৎকী মথং হব ওইহল্লশি। মহাক্কী ৱা ঙাংবদা য়ুনিয়ন কম্মর্স অমসুং ইন্দস্ত্রী মিনিস্তর শ্রী পিয়ুশ গোয়ালনা হায় মদুদি ভারতকী শান্নপোৎ ফেয়র অসি মোদী সরকারগী অতোপ্পা খুদম অমনি, হায়বদি দিপার্তমেন্ত খুদিংনা পুন্না তৌমিন্নবা অসিদা। মহাক্না হায় মদুদি সরকার অসিনা অপীকপা পোৎশিং অসিদসু চপ মান্ননা অচৌবী মিয়েং থম্লি। শ্রী গোয়ালনা হায় মদুদি চহি খরগী মমাংদা লৈবাক অসিদা মপাল লমদগী পুশিল্লকপা শান্নপোৎশিং অসি য়াম্না হোংবা মগুন য়াওদবগী ৱাকৎ লাকখি, হায়রিবা অসিনা ভারতকী শান্নপোৎকী ইন্দস্ত্রীদা য়াম্না শাথিনা শোকখি। হিরম অসিদা কম্মিতি অমনা য়েংশিনবদা মপালদগী পুশিল্লকপা প্লাস্তিক্কী শান্নপোৎ ৩০% অমদি মসিদা য়াওগদবা থাক্তগী য়াম্না হেন্দোক্তুনা কেমিকেল অমসুং হেবি মেতেল য়াম্না য়াওবা থেংনখি।অতোপ্পা শান্নপোৎ খর অমনা মগুন য়াওদবা থেংনখি। মসিনা, মহাক্না হায়খি মদুদি শান্নপোৎতা ক্বালিতি কন্ত্রোলগী ওর্দর লাকখিবনি। মহাক্না হায় মদুদি মসিনা ইন্দিয়ানা অফবা মখলগী শান্নপোৎ শাবগী খোঙথাং লাকপনি। শ্রী গোয়ালনা হায় মদুদি শান্নফোৎশিং অসি ভারত খক্তা নত্তনা মপাল লমদা থাদোকপগী ক্বালিতিদা শাগদবনি। শান্নপোৎকী মরুওইবা পল্লদুনা হায় মদুদি মসিনা অঙাংশিং অসি শেমবদা মতেং ওইরি।
থৌরম অসিদা ৱা ঙাংলদুনা তেক্সতাইল অমসুং দবল্যু.সি.দি.গী য়ুনিয়ন মিনিস্তর শ্রীমতি শিম্রিতি জুবিন ইরানিনা হায় মদুদি আত্মানির্ভর ভারতকী কোম্পেইন মখাদা শান্নপোৎ ইন্দস্ত্রী চাওনা শেমগৎনবা অমসুং প্রধান মন্ত্রী শ্রী নরেন্দ্র মোদীনা থম্লিবা মিয়েং অসিদা ‘ভোকেল ফোর লোকোল” অসিগী খোঙথাং লৌখৎলি। শ্রীমতি শিম্রিতি জুবিন ইরানিনা হায় মদুদি ছাত্রশিং, ওজাশিং অমসুং শান্নপোৎকী এক্সপার্তশিংনা শরুক য়াদুনা থৌরম অসিবু মপুং ফাহনবিয়ু হায়রি।
******
(Release ID: 1697296)
Visitor Counter : 162