ইন্দিয়াগী অহানবা ওইনা দিজলগী ত্রেক্তর অসি সি.এন.জি.দা ওন্থোক্লে, হৌনবী মতুং ইন্না রোদ ত্রান্সপোর্ত অমসুং হায়ৱেজগী য়ুনিয়ন মিনিস্তর শ্রী নিতিন গাদকারীনা হয়েং হৌদোক্লগনি। হায়রিবা অসি রাউমাত তেক্নো অমসুং তোমাসেতো একিল্লি ইন্দিয়াগা পুন্না চৎমিন্নবনি, মসিনা লৌমীশিংদা মখোয়গী ইনকম হেনগৎহনগনি, লোয়ননা মমল হন্থনবা অমসুং ইন্দিয়াগী খুঙ্গংশিংদা থবক পীবদা মতেং ওইরগনি। য়ুনিয়ন মিনিস্তরশিং শ্রী ধর্মেন্দ্র প্রধান, শ্রী নরেন্দ্র সিংহ তোমার, শ্রী পার্শোত্তাম রুপালা অমসুং জেন. (রিতদ.) ভি.কে. সিংহশু হৌদোকপা অসিদা শরুক য়াখি। খ্বায়দগী মরুওইবা অমা হায়রগদি লৌমীশিংনা চহি অমদা থাওগী পৈশাদগী লুপা লাখ অমা কল্লগনি।

সি.এন.জি.দা ওন্থোকপগী মরুওইবা কান্নবশিং:

• মসিদা কার্বোন অমসং অতৈ পোল্লুতেন্ত য়াম্না হন্থনা য়াওবা মরম্না অনানবা থাও ওইরি।

• মসিদা লিদ য়াওদবা অমসুং নন-কোরোসিব, নন-দাইলুতিব অমসুং নন-কন্তামিনেতিং ওইবা মরম্না ইঞ্জিনগী মপুন্সি শাংহল্লি অমসুং য়াম্না তোইবা শেম্বা মথৌ তাদে।

• সি.এন.জি.গী মমল অসি হোংবা খক্তা নত্তনা পেত্রোলগী মমলগা য়েংনবদা লেঙদবা ওই; অমদি সি.এন.জি.গী মাইলেজ অসি দিজল/পেত্রোলগী গারীদগী হেন্না ফবা ওইরি।  

• সি.এন.জি.গী তেঙ্ক অসি চেৎনা লাকপনা খুদোংথিনিঙাই ওইদে, অমদু থাও হানবদা পোকখায়বগী চাং য়াম্না হন্থৈ।

• মসিনা তুংগী হায়বা অদু ওইরহনি মরমদি গারী মিল্লিয়ন ১২ হান্ননা নেচুরেল গ্যাস অসিনা মালেম অসিদা শিজিন্নবা হৌখ্রে অমসুং কম্পনিশিং অমসুং ম্যুনিসিপালিতিশিংশু সি.এন.জি.দা নুমিৎ খুদিংগী য়াওশিল্লক্লি।

• মসি ৱেস্ততগী ৱেল্দদা ওইরকপনি হায়বদি চরু-শিংনাংশিং (পারালি) শিং অসিনা বাইও-সি.এন.জি. পুথোকপদা শিজিন্নৈ হায়রিবা অসিদা লৌমীশিংনা মসি য়োন্দুনা পৈশা তানবা য়ারি।

লৌমীশিংগীদমক ত্রেক্তকশিং অসি সি.এন.জি.দা ওনবা অসিনা খ্বায়দগী অখন্নবা কান্নবশি:

• চাংয়েং তৌরুবগী রিপোর্ত মতুং ইন্না রেত্রো হাপ্লবা ত্রেক্তরশিংনা দিজলনা চেনবা ইঞ্জিন্দগী হেন্না কনবা হেল্লি।
• দিজলগা চাংদম্নবদা মৈখু থোকপগী চাং অসি ৭০% হন্থৈ।
• লৌমীশিংনা থাওদা ৫০% কনবা ঙম্লগনি মরমদি হৌজিক দিজলগী মমল লিতরদা লুপা ৭৭.৪৩ ওইবা মতমদা সি.এন.জি.গী শুপ্নতগী কে.জি.দা লুপা ৪২ ওইরি।

***********