শেন-থুমগী মন্ত্রালয়গী দিপার্তমেন্ত ওফ এক্সপেন্দিচরনা থোকখিবা “অর্বান লোকেল বোদীজ (য়ু.এল.বি.)” রিফোর্ম মাই পাক্না পাঙথোকখিবা লৈবাক অসিগী ৬শুবা রাজ্য গোৱানা ওইরে। অসুম্না রাজ্য অসিনা ওপন মার্কেৎ বোরোৱিংগী খুত্থাংদা লুপা করোর ২২৩গী অহেনবা ফাইনান্সিএল রিসোর্সশিং শীজিন্নবগী ইলিজিবল ওইখ্রে। হায়রিবা অসিগী অয়াবা অসি দিপার্তমেন্ত ওফ এক্সপেন্দিচরনা পীখি।

গোৱানা রিফোর্ম অসি মপুং ফানা পাঙথোকখিবা অতোপ্পা রাজ্য মঙা মমিং ওইনা পল্লবদা অন্ধ্র প্রদেশ, মধ্য প্রদেশ, মনিপুর, রাজস্থান অমসুং তেলঙ্গনা অসিদা য়াওশিনখ্রে। অর্বান লোকেল বোদীস রিফোর্ম মপুং ফানা পাঙথোকপদা রাজ্য মঙা অসিদা লুপা করোর ১০,৪৩গী এদিস্নেল বোরোৱিংগী অয়াবা পীখি। রাজ্য অমমমগী ওইনা অয়াবা পীখ্রবা এদিস্নেল বোরোৱিং অদু মখাদা পীরি:

অর্বান লোকেল বোদীশিংগী রিফোর্মশিং অমসুং অর্বান য়ুতিলিতীশিংগী রিফোর্মশিং অর্বান য়ুতিলিতীশিংগী রিফোর্মশ অসিনা রাজ্যদা য়ু.এল.বি.শিংগী শেল-থুমগী মপাঙ্গল কনখৎনবা অমসুং মখোয়দা হেন্না ফবা পব্লিক হেল্থ অমদি সেনিতেসন সর্ভিসশিং ফংহনবা ঙম্নবা পান্দম থমখি। য়ু.এল.বি.শিং ইকনোমিক ওইনা রিজ্যুবনেৎ তৌখিবনা অফবা সিবিক ইনফ্রাস্ত্রকচর শেম্বদসু ঙমহনগনি।

পান্দমশিং অসি ফংনবা দিপার্তমেন্ত ওফ এক্সপেন্দিচরনা শেমখিবা রিফোর্মশিং অদুদি:

(i) রাজ্যনা খঙহনগনি:

(a) হৌজিক লৈরিবা সর্কল রেৎশিং অসিগা চপ মান্নবা য়ু.এল.বি.শিংদা লৈরিবা প্রোপর্তী তেক্সকী ফ্লোর রেৎশিং (মদুদি প্রোপর্তী ত্রাঞ্জেক্সনশিংগী গাইদলাইন রেৎশিং) অমসুং;

 (b) ৱাতর-সপ্লাই, দ্রেনেজ অমসুং সিবেরেজকী প্রোবিজনগা মী লৈনবা হৌজিক্কী মমলশিং/হৌখিবা ইনফ্লেসন তাক্লিবা য়ুজরদগী লৌরিবা ফ্লোর রেৎকী চার্জশিং। হায়রিবা অসি রাজ্যনা নোতিফাই তৌগনি।

(ii) মমল হেনগৎলকপগা লোইননা প্রোপর্তী তেক্স/য়ুজরগী চার্জশিংগী ফ্লোর রেৎশিং তাঙ্কক নাইনা হেনগৎলকপগী সিস্তেম অমা রাজ্যনা থমগনি।

কোবিদ-১৯ লাইচৎনা পীরিবা শীংনবশিং অসি থেংননবা রিসোর্সকী তঙাই ফদবা মখল কয়া অসি য়েংলগা ভারত সরকারনা মে ১৭, ২০২০দা রাজ্যশিংগী বোরোৱিং লিমিৎ অসি মখোয়গী গ্রোস স্তেৎস দোমেস্তিক প্রদক্ত (জি.এস.দি.পি.)কী চাদা ২দা হেনগৎহনখি। অখন্নবা কাইথোকপা অসিগী তঙ্খাইদি হায়বদি জি.এস.দি.পি.গী চাদা ১দি রাজ্যশিংনা প্রজাগী য়াইফনবা রিফোর্মশিং পাইখৎপগা লিঙ্ক তৌগনি। প্রজাগী য়াইফনবা রিফোর্মশিং পুরক্নবা খঙদোকখিবা লম মরি অদুদি

a) ৱান নেসন ৱান রেসন কার্দ সিস্তেম ইমপ্লিমেন্ত তৌবা,

(b) ‌ইজ ওফ দুইং বিজিনেজ রিফোর্ম,

(c) অর্বান লোকেল বোদী/ য়ুতিলিতী রোফোর্মশিং ,অমসুং

(d) পাৱর সেক্তর রিফোর্মশিং।

হৌজিক ফাওবদা রাজ্য ১৭তা পীরিবা রিফোর্ম মরি অসিগী মনুংদা য়ামদ্রবদা অমদি পাঙথোকখএ অমসুং  রিফোর্মগা লিঙ্ক তৌবা বোরোৱিংগী অয়াবশিং পীখ্রে। মসিগী মনুংদা রাজ্য ১৩না ৱান নেসন ৱান রেসন কার্দ সিস্তেম ইমপ্লিমেন্ত তৌখ্রে, রাজ্য ১২না ‌ইজ ওফ দুইং বিজিনেজ রিফোর্মশিং চৎনহনখ্রে, অমসুং রাজ্য ৬না লোকেল বোদী রিফোর্মশিং পাঙথোকখ্রে অমসুং রাজ্য ২না পাৱর সেক্তরগী রিফোর্মশিং পাঙথোকখ্রে।  হৌজিক ফাওবদা রিফোর্মশিং পাঙথোকখ্রবা রাজ্যশিংদা অহেনবা বোরোৱিংগী অয়াবা পীখ্রবা শেনফম অসি পুন্না লুপা করোর ৭৬,৫১২ শুখ্রে।

****