কোবিদ-১৯ লায়চৎ অসিনা মালেম অসিদা তম্বীরি মদুদি অতোপ্পা অমনা অৱাবা তাদুনা লৈবদা কনা অমত্তা শাফবা ওইদে হায়না ভারতকী রাস্ত্রপতি রাম নাথ কোবিন্দনা হায়খি। মহাক্না কর্নাতকাগী বেঙ্গালুরুদা ঙসি (ফেব্রুৱারী ৭, ২০২১) রজিব গান্ধী য়ুনিভর্সিতি ওফ হেলথ সাইন্সকী ২৩শুবা চহিগী ওইবা থৌরমদা ৱা ঙাংখি। রাস্ত্রপতিনা হায় মদুদি অহানবা মপুং ওইনা চহি চাম্মগী মতুংদা লাকপা লায়চৎ অসিনা লৈবাক অসিদা উবা ফংদবা মীয়ামগী ওইবা হকশেলগী ওইবা অৱাবা থেংনবা মতমদা শেম-শাবগী খুদোংচাবা অমা ফংহল্লি। অদুবু কোবিদ-১৯ অসি য়াম্না তাংনা থোকপা থৌদোক অমনি, সাইন্তিস্ত খর অমনদি তুংদসু অসিগুম্বা ময়াম অমা থোকলকপা য়াবা মরম্না চেকশিন্নবা হায়রি। মহাক্না ফোংদোকখি মদুদি মালেম অসি ঙসিদি পারা অমা তম্লে। মহাক্না হায় মদুদি কোবিদ মতুং অসিনা মালেম অসিনা হেন্না চেকশিনগদবনি।

গ্রেজুএৎ ছাত্রশিং অসিদা ৱা ঙাংলদুনা, রাস্ত্রপতিনা হায় মদুদি মখোয়না শিংথানিঙাই ওইরবা শিনফম অসিদা চংলকপা অসিনা মখোয়না উবা ফংদবা অমসুং অমুক্তা থোকখিদ্রিবা মওংদা মীওইবা জাতি অসিদা সেবা তৌবা ফংনবগী খুদোংচাবা অমা ফংলি। হায়রিবা অসি মখোয়না মতৌ করম্না খুদোংচাবা অসি লৌবগে হায়বা অদুনি। মহাক্না হায় মদুদি য়ুনিয়ন বজেৎতা ফেব্রুৱারী ১দা লাওথোকখিবা অসিদা য়াওরিবা ‘হেলথ অমসুং ৱেল-বিইং’ অসি আত্মানির্ভর ভারতকী খ্বায়দগী লুবা য়ুম্বী অমনি। লৈবাক অসিদা হকশেলদা অহেনবা পীবা অসি মরুওইবা অমনি।

রাস্ত্রপতিনা হায় মদুদি ইন্দিয়াদা হকশেলদা পীরিবা কান্নবা অসি থাক খুদিংদা অহোংবা অমা লাক্লে -ঙাকথোকপা, লায়ওং খঙদোকপা অমসুং লায়েং পীবা অসিনি। কাংবু অমত্তনা হেলথকেয়র সেক্তর অসিদা ফংদবা অমসুং মায় পাকপা ফংদবা লৈতে। সেক্তর অসিগী ইবোলুসন অসিবু এক্তিব ইবোলুসন অমসুং থৌবু খুদিংমক শরুক য়াবা অমসুং অনৌবা পুথোকপদা থোং শাবা অসিনি।

রাস্ত্রপতিনা হরাওবা ফোংদোক্লি মদুদি রাজিব গান্ধী য়ুনিভর্সিতি ওফ হেলথ সাইন্স অসি মালেমগী ওইনা এফিলিয়েৎ তৌবদা খ্বায়দগী চাওবা নেতৱার্ক অমনি, হায়রিবা অসিনা হেলথকেয়র এজুকসন্দা অনৌবা কয়া অমা পুথোকপদা মকোক চিংলি। মহাক্না হায় মদুদি য়ুনিভর্সিতি অসিনা লেপ্পা লৈতনা হোৎনবনা মালেমগী ওইনা মকোক থোংনা লৈরি।

চানবিদুনা রাস্ত্রপতিগী ৱা ঙাংবা য়েংনবা মফম অসিদা নম্বিয়ু

***