রোদ ত্রান্সপোর্ত অমসুং হাইৱে মন্ত্রালয়না ন্যু দিল্লীগী মেদিয়া সেন্তর ওফ ত্রান্সপোর্তকী শঙলেন্দা ফেব্রুৱারী ৩ অমসুং ৪দা সেসন অনি থোক্নো “মথংগী চহিসিদা ব্লেক স্পোৎশিং চুমথোক্নবগীদমক্তা হেন্না শোই-ঙাম্লোইদবা লম্বিশিং/ব্লেক স্পোৎশিংগী ওইবা সিম্পোজিয়ম অমসুং দিসকসন” পাংথোকখ্রে।

কোবিদ-১৯গী লায়চৎ অসিগা মরি লৈননা হকচাং শোই-ঙামদনা থম্নবগা মরি লৈননা হাইব্রিদ মোদতা পাংথোকখিবা সেসনশিং অসিদা সরকারগী, একাদমিক ইন্সতিত্যুসনশিং অমসুং কন্সল্তেন্তশিংগী মহুৎ শিনবা মীওই ৯না পেনেলিস্ত ওইখি অমদি পার্তিসিপেন্ত ৫০মুক্না হকথেংননা অমদি ৮৫০মুক্না ওনলাইন্দা শরুক য়াখি।  

রোদ ত্রান্সপোর্ত অমসুং হাইৱেজগী সেক্রতরী শ্রী গিরিধর অরামানেনা ফেব্রুৱারী ৩, ২০২১দা সিম্পোজিয়ম হৌদোকখি। হৌদোকপগী ৱারোলদা লম্বিগী ইঞ্জিনিয়রিং তৌবগী মওংশিংনা মরম ওইরগা লম্বিগী খুদোংথিবা থোক্তনবা  য়াম্না নিংথিবা অমদি লম্বিগী দিজাইন তৌদুনা শেম্বা অমসুং গ্রাউন্দগী সিনারিও অসি হোংদোকপনা লম্বি খরা ফীভম শোকচিল্লিবা অসিদা মমল য়াম্লবা মীওইবগীব পুন্সি অমদি রিসোর্সশিং অসি কন্নবা খুদক্তা থবক পায়খৎপা অসিদা হেন্না মরুওইনা লৌরদুনা ৱাফম ফোংদোকখি।  রোদ দিভেলপমেন্তকী দিরেক্তর জেনরেল শ্রী আই.কে. পান্দেনসু মহাক্কী মরুওইবা ৱাফম ফোংদোকপদা হায়রিবা ৱাফম অসি শৌগৎখি অমদি পার্তিসিপেন্তশিংনা তশেংনা মীৎকুপ নাহুম শিংনবা লৈনবা হায়খি। মন্ত্রালয় অসিগী রিজনেল ওফিসর পুম্নমক্তসু নেস্নেল হাইৱে য়েংশিনবা মতমদা নেস্নেল হাইৱেদগী হেন্না লম্বিদা অশোক-অপনবা থোক্তনবনা হেন্না মরুওইনা য়েংনবা, অসিগুম্বা খুদোংচাদবশিংগী মতাংদা নোত অমা শেম্নবা অমদি মরি লৈনবা রাজ্যগী থৌ পুরিবশিংদা থবক পায়খৎনবা চে থানবা পাউতাক পীখি। অখন্নবা পেনেলিস্তশিং পুম্নমক্না মখা তানা লম্বিশিং শোই-ঙামদনবগী ওদিৎ তৌনবা, জঙ্কসনশিং, এক্সপ্রেসৱেশিং, চিং লম্বিশিং দিজাইন তৌবগী মতাং, নিংথিনা সাইনেজশিং তৌনবা অমদি লম্বিশিং শোই-ঙামদনবগী রেঙ্কিং তৌনবদা মরুওইবা মওংদা ৱাফম ফোংদোকখি।

চহি খুদিংগী পাংথোকপা রোদ সেফতী ৱীক্কা মান্নদবা মওংদা মন্ত্রালয় অসিনা হন্দক্কী চহি অসিদা জানুৱারী ১৮দগীনা ফেব্রুৱারী ১৭ ফাওবা রোদ সেফতীগী থা ওইনা পাংথোক্লি। হায়রিবা মতম অসিদা চত্থরিবা থবকশিং অসি য়েংশিন্নবা অমদি লম্বিগী খুদোংথিবা থোকপা অমদি শিবগী চাং হন্থনবগী অনৌবা লাল্লোংশিং শেমগৎনবা থৌরম কয়া পাংথোকখি।

*****