বেঙ্গলুরুদা পাংথোক্লিবা এরো ইন্দিয়া ২০২১ অসিগা ইরোইননা ফেব্রুৱারি ৪দা রক্সা মন্ত্রী শ্রী রাজনাথ সিংহনা ৱা ঙাংদুনা ইন্দিয়ন ওসিন রিজন(আই.ও.আর.) দিফেন্স মন্ত্রীশিংগী কনক্লেব হৌদোকখ্রে৷ আই.ও.আর. লৈবাকশিং অসিগী তোঙান তোঙানবা দিফেন্স মন্ত্রীশিং, এম্বাসেদরশিং, হাই কম্মিশনারশিং অমসুং সেনিয়র ওফিসিয়েলশিংনা থৌরম অসিদা হকথেংননা অমসুং ভর্চুয়েল ওইবা মওংদা শরুক য়াখি৷ এজেন্দা অসিগী মতাংদা পল্লদুনা কোস্ত লাইন কি.মি. ৭৫০০ হেন্না লৈরিবা আই.ও.আর. রিজনগী খ্বাইদগী চাওরিবা লৈবাক অমা ওইনা লৈবাক পুম্নমক অসি শান্তি লৈনা অমসুং চাওখৎপা মওং অমদা পুন্না হিংমিন্নহনবদা ভারতকী য়াম্না চাওবা থৌদাং লৈ হায়না রক্সা মন্ত্রী অসিনা ফোংদোকখ্রে৷ ইন্দিয়ন ওসিন অসি সেয়র এসেত অমনি অমসুং মসিদা মালেম অসিগী কন্তেনর জহাজশিং অসিগী তংখায়মুক চত্থোক চশিন তৌরি, মালেম অসিগী বল্ক কার্গো ত্রাফিক্কী শরুক অহুম থোকপগী অমা অমসুং মালেম অসিগী ওইল সিপমেন্তগী শরুক অহুম থোকপগী মনুংদা অনি চত্থোক চশিন তৌদুনা ইন্তরনেস্নেল ত্রেদ অমসুং ত্রান্সপোর্তকী লাইফলাইন অমা ওইরি হায়না শ্রী রাজনাথ সিংহনা ফোংদোকখ্রে৷

২০১৫দা প্রধান মন্ত্রী শ্রী নরেন্দ্র মোদীনা ফোংদোকখিবগী মতুং ইন্না সাগর-সেক্যুরিতী অমসুং গ্রোথ ফোর ওল ইন দি রিজন অসিনা ইন্দিয়ন ওসিন পোলিসী অসিগী থীম ওইরি হায়না শ্রী রাজনাথ সিংহনা ফোংদোকখ্রে৷ মসিগা ইরোইননা আই.ও.আর. কনক্লেব অসিনা সেক্যুরিতী, কম্মর্জ, কন্নেক্তিবিতী, তেরোরিজম অমসুং ইন্তর কল্চরেল এগচেঞ্জশিং অসিগী মাইয়োক্তা লান্থেংনবা অসিদা হেন্না মীৎয়েং চংগদবনি হায়না মহাক্না ফোংদোকখ্রে৷ লিত্তরেলশিং অসিদা শেল-থুমগী ফিভম ফগৎহনবা অমসুং সেক্যুরিতী কোওপরেসন পীনবা, লম অমসুং মেরিতাইম তেরিতোরীশিং অসি হাক শেন্নবা কেপাসিতী হেনগৎহনবা, নিংথীজনা অমসুং নিয়ুম চুম্না ঙা ফাদুনা মফমশিং অসি চাওখৎলক্নবা হোৎনবা অমসুং নন-ত্রেদিস্নেল থ্রেতশিং খুদম ওইনা নেচরেল দিজাস্তরশিং, পাইরেসী, তেরোরিজম, আইনা য়াদবা, রিপোর্ত তৌদনা অমসুং চাং নাইদবা মওং অমদা ঙা ফাবা হায়রিবা থ্রেতশিং অসি থেংননবা এক্স পুন্না লৌখৎমিন্নবা হায়রিবা হিরমশিং অসি সাগরগা মরী লৈনবা মচাকশিংনি হায়না রক্সা মন্ত্রীনা ফোংদোকখ্রে৷ পাইরেসী, দ্রগশিং/মীশিং অমসুং নোংমৈশিং আইননা য়াদবা মওং অমদা করবার তৌবা, হ্যুমেনিকরিয়ন অমসুং দিজাস্তর রিলিফ য়াওনা তোঙান তোঙানবা চেলেঞ্জশিং আই.ও.আর.না থেংনৈ হায়না মহাক্না ফোংদোকখ্রে৷

ভারতনা এরোস্পেস অমসুং দিফেন্স সেক্তরদা চাওখৎলক্লিবা অমসুং মালেম অসিগী খ্বাইদগী চাওবা স্তার্ত অফ ইকোসিস্তেমশিং অসিগী মনুংদা অমা ওইদুনা গ্লোবেল আর অমসুং দি হব অমা ওইনা থোক্লক্লিবা অসি পল্লদুনা হায়রিবা সেক্তরশিং অসি নাকল অনিমক কান্নবা য়াবা মওং অমদা আই.ও.আর. লৈবাকশিং অসিনা শিজিন্নবা য়াগনি হায়না রক্সা মন্ত্রী অসিনা ফোংদোকখ্রে৷ মমাংদা ইকুই কুইদ্রিঙৈদা হিন্দুস্তান এরোনোতিক্স লিমিতেদ(হাল)তগী লাইত কোম্বেৎ এয়রক্রাফত (এল.সি.এ.)তেজাস এম.কে.-১এ. ৮৩ লৈনবা ইন্দিয়ন এয়র ফোর্স্তগী লাকখিবা অসি ভারত লৈবাক অসিনা মশানা শাজবা দিফেন্স মেনুফেকচরিংদা অচৌবা থাক অমা কনবা ঙমখ্রে হায়না মহাক্না ফোংদোকখ্রে৷ তোঙান তোঙানবা ৱেপন সিস্তেমশিং অসি আই.ও.আর. লৈবাকশিং অসিদা ফংহন্নবা ভারতনা শেম-শাদুনা লৈরি হায়না শ্রী রাজনাথ সিংহনা ফোংদোকখ্রে৷

ভুতান, মালদ্বীপস, বঙ্গলাদেশ, নেপাল, ম্যানমার অমসুং সিচেলস লৈবাকশিং অসিদা গ্রান্ত এসিস্তেন্সকী মখাদা ভেক্সিনশিং পীখিবা অসিনা মীওইবা জাতি অসি কোবিদ-১৯ লাইনা-লাইচৎ অসিদগী কন্নবা হোৎনবদা ভারতনা লৌরিবা থৌদাং অদু মাংজৌননা উৎখ্রে হায়না শ্রী রাজনাথ সিংহনা ফোংদোকখ্রে৷

গ্লোবেল চেলেঞ্জশিং অসি থেংননবা ভারতকী খোঙথাং অমসুং মংলান অসি প্রধান মন্ত্রী শ্রী নরেন্দ্র মোদীগী দাইনামিক ‘এস’ মঙাগী মংলান-সম্মন(ইকাই খুম্নবা উৎপা), সমভাদ(ৱারি শান্নবা), সাহয়োগ(মতেং পাংনবা), শান্তি(তংদু লৈতাবা) অমসুং সমৃধি(চাওখৎপা) অসিনা পনখ্রে হায়না রক্সা মন্ত্রী অসিনা ফোংদোকখ্রে৷

আই.ও.আর. লৈবাক ২৮গী মনুংদা ২৬না হকথেংননা অমসুং ভর্চুয়েল ওইবা মওংদা কনক্লেব অসিদা শরুক য়াখ্রে৷ লোই 

শিল্লকপগী মতমদা থৌরম অসিদা ময়াম পুম্নমক শরুক য়ারিবা অসিনা আই.ও.আর. লৈবাকশিং অসি পুন্না চৎমিন্নদুনা থবক তৌমিন্নবা পাম্বগী শক্তম অদু উৎলে হায়না শ্রী রাজনাথ সিংহনা ফোংদোকখ্রে৷ কনক্লেব অসিদা হেন্না মশেক মঙাল নাইবা তুং অমা ওইননবগীদমক উৎখিবা দাইনামিজন, আইদিয়াশিং অদু মহাক্না থাগৎখ্রে৷

ললোন-ইতিক তৌবা, ঙাক শেনবা, নন-ত্রেদিস্নেল থ্রেতশিং লান্থেংনবা অমসুং অহাংবা সমুদ্রশিং অসিদা অয়েৎ অপন য়াওদনা থবকশিং পাংথোকপদা আই.ও.আর. লৈবাকশিং অসিনা তৌবা ঙম্বা অদু কনক্লেব অসিনা ময়েক শেংনা উৎলে হায়না শ্রী রাজনাথ সিংহনা ফোংদোকখ্রে৷

কনক্লেব অসিদা দিফেন্স সেক্রেতরী দা. অজে কুমারনা ৱা ঙাংদুনা থৌরম অসি হৌদোকখি৷ দিফেন্স স্তাফকী চীফ জেনেরেল বিপিন রৱত, নেভেল স্তাফকী চীফ এদমাইরেল করমভির সিংহ, আর্মী স্তাফকী চীফ এম.এম. নরবেনি অমসুং (দিফেন্স প্রদক্সন) সেক্রেতরী শ্রী রাজ কুমারসু থৌরম অসিদা শরুক য়াখি৷ 

*****