নেতাজি সুভাস চন্দ্র বোসকী মফমদা মতিক চাবা ইকায়খুম্নবা উৎপা অমা ওইনা, ইজুকেসন মিনিস্ত্রিগী সমগ্র সিক্ষাগী মখাদা লিংখৎপা রেসিদেন্সিএল স্কুলশিং/হোস্তেলশিং নেতাজি সুভাস চন্দ্র বোস রেসিদেন্সিএল স্কুল/হোস্তেল হায়না মমিং থোন্নবা মিনিস্ত্রিনা ৱারেপ লৌরে। হায়রিবা স্কুলশিং অসিগা নেতাজি সুভাস চন্দ্র বোসকা মরী লৈনবা অসিনা অঙাংশিংদা ইথিল অমা পীগনি অমসুং মহৈরোয়শিং অৱাংবা থাক অমদা পুখৎপা ঙম্নবা ওজাশিং, স্তাফশিং অমসুং স্কুলগী থবক-থৌরম পাংথোক্লিবশিংশু পুক্নিং থৌগৎকনি। মসিনা খুদোংচাদবা মফমশিংদা লৈরিবা রেসিদেন্সিএল স্কুলশিং অমসুং হোস্তেলশিংগী মরমদা খঙহনবদা মতেং পাংগনি অমসুং হায়রিবা স্কুলশিং অসি মগুন লৈবা লাইরিক-লাইশু তম্বা ঙম্নবা ইথিল পীগনি।

চীংগী লম, অপীকপা অমসুং মী লন্না তাবা মফমশিংগী লৈফম অমসুং চেকশিন্না শেন্নবা দরকার ওইবা অঙাংশিংগী রেসিদেন্সিএল স্কুলশিং অমসুং হোস্তেলশিং লিংখৎনবা রাজ্যশিং অমসুং য়ু.তিশিংদা সমগ্র সিক্ষাগী মখাদা ইজুকেসন মিনিস্ত্রিনা শেন্থং পীরি। স্কুলশিং লিংখৎপদা খুদোংচারোইদবা মী লন্না তাবা(ত্রাইবেলশিং লমশিং)মফমশিংদা স্কুল তম্নবগী খুদোংচাবশিং ফংহনবা অমসুং মী খুদিংমক লাইরিক স্কুল কাহনবা অমসুং চেকশিন্না শেন্নবা দরকার ওইবা সহরগী মফম কয়াগী অঙাংশিং লাইরিক তমহনবা অসিনা মসিগী পান্দমনি।

থবক শুবা শীন্মী ওইরম্বদগী কল্লক্লবা অঙাংশিং, লায়রবা লম লৈজদবা ইমুংশিংগী অঙাংশিং, অহলশিং শেন্নবীদ্রবা অঙাংশিং, ইমুং-মনুংগা শেৎনরবা অঙাংশিং, লৈফম লৈত্রবা মীওইশিং অমসুং খুন্নাইগী লৈতাদবা অমসুং মুক্নবা অমসুং মহৌশাগী অমাং-অতা নংলবা মফমশিংগী অঙাংশিংদা লৈফমগী খুদোংচাবশিং ফংহল্লে। ই.বি.বিশিং, এল.দব্লিউ.ইনা শোকহল্লবা মফমশিং, এস.এফ.দিশিং অমসুং নিতি অয়োগনা মশক খঙদোক্লবা এস্পিরেসনেল দিস্ত্রিকশিংদা হেন্না খুদোংচাবা পীরে।

রেসিদেন্সিএল স্কুলশিং অমসুং হোস্তেলশিং অসিদা অঙাংশিংদা মহৌশাগী স্কুলগী করিকুলম, অকক্নবা স্কিল ত্রেনিং, মশা ঙাকথোক্নবা ফিজিকেল ত্রেনিং, অনা-লায়য়েং, মীয়াম শরুক য়াবা অমসুং থাগী স্তাইপেন্দ অঙাংশিংদা ফংহল্লি। হৌজিক ফাওবদা রাজ্যশিং অমসুং য়ু.তিশিংদা রেসিদেন্সিএল স্কুল ৩৮৩ অমসুং হোস্তেল ৬৮০ পুন্না স্কুল/হোস্তেল ১০৬৩ লিংখৎনবা অয়াবা পীখ্রে।

*****