शिक्षण मंत्रालय
समग्र शिक्षा योजनेंतर्गत अनुदानित निवासी शाळा वा वसतीगृहांचे नेताजी सुभाषचंद्र बोस निवासी शाळा/वसतीगृह असे नामकरण
Posted On:
05 FEB 2021 5:38PM by PIB Mumbai
नेताजी सुभाषचंद्र बोस यांना आदरांजली म्हणून शिक्षण मंत्रालयाने त्यांच्या समग्र शिक्षा या योजनेखाली अनुदानित निवासी शाळा/वसतीगृहांचे नामकरण नेताजी सुभाषचंद्र बोस निवासी शाळा / वसतीगृह असे करावयाचा निर्णय घेतला आहे. नेताजीं सुभाषचंद्र बोस यांच्याशी या शाळांचे अश्या प्रकारे बंध जुळले तर विद्यार्थ्यांना प्रेरणा मिळेल , शिक्षक तसेच इतर कर्मचाऱ्यांनाही आपल्यातील उत्कृष्टतेची उच्चतम पातळी गाठण्यास प्रोत्साहन मिळेल. यामुळे या निवासी शाळांच्या व वसतीगृहांच्या सुविधा दुर्गम भागातही माहिती होतील व या शाळांना दर्ज्यात्मक शिक्षणात उच्च पातळी गाठता येईल.
समग्र शिक्षा योजनेअंतर्गत शिक्षण मंत्रालय राज्ये व केंद्रशासित प्रदेशांना डोंगराळ, लहान व तुरळक वस्ती असणाऱ्या प्रदेशांमधील मुलांच्या नियमित शिक्षणासोबत निवारा व देखभालीची व्यवस्था व्हावी म्हणून निवासी शाळा व वसतीगृहे चालवण्यासाठी आर्थिक मदत पुरवते.
सुटका केलेले बालकामगार, स्थलांतरीत मुले, कुटुंबापासून दुरावलेली मुले, सामाजिक अस्थिरतेमुळे वा नैसर्गिक संकटांमुळे विस्थापित झालेल्या व्यक्ती आणि मुले यांनाही निवासी सुविधा पुरवण्यात येते.
आतापर्यंत राज्ये व केंद्रशासित प्रदेशांमध्ये 1063 निवासी उपक्रम ( 383 निवासी शाळा व 680 वसतीगृहे) मंजूर करण्यात आली आहेत.
समग्र शिक्षा अंतर्गत (एकूण) मंजूरी मिळालेल्या निवासी शाळा व वसतीगृहांची यादी या दुव्यावर
***
S.Tupe/V.Sahajrao/P.Kor
***
सोशल मिडियावर आम्हाला फॉलो करा:
@PIBMumbai
/PIBMumbai
/pibmumbai
pibmumbai[at]gmail[dot]com
(Release ID: 1695540)
Visitor Counter : 228