হ্যুমেন রিসোর্স চাউখৎ-থৌরাংগী মন্ত্রালয়
অহানবা এ.এস.ই.এ.এন.-ইন্দিয়া হেক্কাথোন ২০২১ লোইশিনখ্রে
এ.এস.ই.এ.এন.-ইন্দিয়া হেক্কাথোন অসি অপস্তি ২০১৬-২০২৫গী পান্দমগা মপুং ফানা মরী লৈনৈঃ কেন্দ্রগী এজুকেসন মন্ত্রী
এ.এস.ই.এ.এন.-ইন্দিয়া হেক্কাথোন অসি নহাশিংনা মখোয়গী ৱাখল্লোন অমসুং ইনর্জীবু অমত্তা ওইবা ফম্বাক্তা থমদুনা শিজিন্নবগী তোপা তোপ্পা প্লেৎফোর্ম অমনিঃ কেন্দ্রগী এক্সতর্নেল এফিয়র্স মন্ত্রী
Posted On:
05 FEB 2021 11:32AM by PIB Imphal
কেন্দ্রগী এজুকেসন মন্ত্রী, শ্রী রামেশ পোখ্রিয়াল ‘নিশাঙ্ক’ অমসুং কেন্দ্রগী এক্সতর্নেল এফিয়র্স মন্ত্রী, শ্রী সুব্রমনিয়ম জয়শঙ্করনা এ.এস.ই.এ.এন. লৈবাকশিংগী মীথুংলেন অমসুং মন্ত্রীশিংগা লোয়ননা এ.এস.ই.এ.এন.-ইন্দিয়া হেক্কাথোন ২০২১গী মনা য়েন্থোকপগী থৌরমদা শরুক য়াখি। ভারত অমসুং এ.এস.ই.এ.এন. লৈবাক ১০গী মহৈরোয় ৩০০ হেনবা, মেন্তর অমসুং ওফিসিএলশিংনা শরুক য়াদুনা হেক্কাথোন অসি মাই-পাক্না লোইশিনখি।
![https://static.pib.gov.in/WriteReadData/userfiles/image/image0012IJ6.jpg](https://static.pib.gov.in/WriteReadData/userfiles/image/image0012IJ6.jpg)
হেক্কাথোন অসিদা শরুক য়ারিবশিংদা ৱা ঙাংবগী থৌরমদা, কেন্দ্রগী এজুকেসন মন্ত্রীনা অসুম্না হায়খি, “অহানবমক্তদা ঐহাক্না মীয়াম খুদিংবু অহানবা এ.এস.ই.এ.এন.-ইন্দিয়া হেক্কাথোন্না মাই পাক্না লোইশিনখিবা ঙমখিবগীদমক্তা থাগৎপা ফোংদোক্লি। ঐহাক্না অসিগুম্লবা খ্বাইদগী অহানবা মখলগী খোঙথাং অসিদা শরুক য়ারকপগীদমক্তা এ.এস.ই.এ.এন.গী লৈবাকশিংদা থাগৎপা ফোংদোকচরি। হৌখিবা নুমিৎ হুম্নিদা, কাঙলুপ ৫৪ অসিনা শিংনবগী ৱারোল ১১দা য়াম্না থৱাই য়াওনা হোৎনখি অমসুং হেক্কাথোন অসিগী মনুংদা শরুক য়ারিবশিংনা পাংথোকখিবা থৌওং কয়াগী মগুন অসিদা মসিগী জ্যুরী অমসুং মেন্তরশিংনা অদুক্কী মতিক নুংঙাইবা ফাওই হায়নসু ঐঙোন্দা পাউদম্লকখি। মসিগী এ.এস.ই.এ.এন.-ইন্দিয়া হেক্কাথোন অসি এ.এস.ই.এ.এন.- প্লান ওফ এক্সন ওন সাইন্স, তেক্নোলোজী অমসুং ইন্নোভেসন (অপস্তি) ২০১৬-২৫গী পান্দমগা মপুং ফানা মরী লৈনৈ”।
শ্রী পোখ্রিয়ালনা অনৌবা থৌওং পাংথোকপা অমসুং ওন্তোপ্রিনর্শিপ্তা বজেৎনা মিৎয়েং চঙলিবা অসিবু থাগৎপা ফোংদোকপগা লোয়ননা প্রধান মন্ত্রী রিসর্চ ফেলোশিপ, স্পার্ক, স্ত্রাইদ, ইম্প্রিন্ত অমসুং অতোপ্পা রিসর্চকী স্কিমশিংগী খুত্থাংদা রিসর্চকী ইকোসীস্তেম্বু খুমাং চাউশিলহনবদা অহেনবা মিৎয়েংসু চঙখি।
শ্রী পোখ্রিয়ালনা হায়খিবদা, প্রধান মন্ত্রী, শ্রী নরেন্দ্র মোদীগী লুচিং মখাদা ভারত অমসুং এ.এস.ই.এ.এন. লৈবাকশিংগী মরক্তা এজুকেসন, সাইন্স অমসুং তেক্নোলোজীগী হীরমদা লৈনরিবা মরী অসি মপাঙ্গল হেন্না কনশিল্লে হায়না ফোংদোকখি। মসিগী হেক্কাথোন অসিগী মরু ওইবা পান্দমশিংগী মনুংদা অমদি তুং কোইনা চাউখৎপা পুরকপদা পুক্নিং থৌগৎপগা লোয়ননা অহেনবা থবক কয়া অমা লৈহন্দুনা লৈবাক অসিবু মরোমদোম লেপচবা ঙমহনবনি। ঙসিদি, ভারত অমসুং এ.এস.ই.এ.এন. লৈবাকশিং অসিনা অতোপ্পা লৈবাকশিংনা মতৌ তম্বা য়াবা ইনর্জী, সীনর্জী অমসুং মালেমগী থাক্তা খুৎশম্নদুনা চৎপগী খ্বাইদগী অফবা খুদম অমা ওইরে। করিগুম্বা ভারত অমসুং এ.এস.ই.এ.এন. লৈবাকশিংগী হ্যুমেন রিসোর্স অমসুং মহৌশাগী ওইবা রিসোর্সশিং অসি নীংথিনা শিজিন্নরবদি, মীওইবা খুন্নাইবু হেন্না ফগৎহন্নবা মালেমগী অনৌবা থোঙ অমা হাংলগনি।
এক্সতর্নেল এফিয়র্সকী মন্ত্রী, শ্রী সুব্রমনিয়ম জয়শঙ্করনা অসুম্না হায়খি, “এ.এস.ই.এ.এন. ইন্দিয়া হেক্কাথোন অসিনা নহাশিংদা মখোয়গী ৱাখল্লোন অমসুং ইনর্জীবু অমত্তা ওইনা থমদুনা শিজিন্নবা য়ানবা তোপ-তোপ্পা প্লেৎফোর্ম অমা পীবিরে। মসিনা থৌরম অসিদা শরুক য়ারিবশিংদা অমত্তা ওইনা থবক তৌমিন্নবগী ইথিল পীবগী পাম্বৈ অমা ওইবতা নত্তনা মখোয়গী তোঙান-তোঙানবা ৱাখল্লোন, চৎনবী অমসুং থবক তৌবগী কাঙলোনশিংবু লৈবাকশিংগী ঙমখৈ লান্না মীয়াম মাংদা পুরকপদসু তেংবাংলিবনি”।
এ.আই.সি.তি.ই.গী চেয়রমেন, প্রোফঃ অনিল সাহসরাবুধেনা অসুম্না ফোংদোকখি, “ খ্বাইদগী ইহান হানবা এ.এস.ই.এ.এন.-ইন্দিয়া হেক্কাথোনবু মাই-পাক্না লোইশিনবা ঙমখিবা অসি ঐখোয়গী ওইনা য়াম্না চাউথোকচনীংঙাই ওইরবা মিকুপ অমনি। হৌখিবা নুমিৎ ৪নি অসিদা, ঐখোয়না মহৈরোয়শিংনা মতৌ করম্না ‘ব্লু ইকোনোমী’ অমসুং এজুকেসন সেক্তরদা লৈরিবা শিংনবশিংগী ৱারোইশিন পুরকখিবগে হায়বদু উবা ফংখি। মহৈরোয়শিংনা আর্তিফিসিএল ইন্তেল্লিজেন্স, মেছিন লর্নিং, এ.আই.এস. দেতা অমসুং রীএল তাইম দেতা মোনিৎরিংগী তেংবাংনা ব্লু ইকোনোমীগী হীরমদা য়াম্না নীংথিবা মওংদা অনৌবা ৱারোইশিন শেম-শাখি”।
থৌরম অসিনা মকোক মথং তারবা কাঙবুশিংদা পীগদবা মনা অমসুং মসিদা শরুক য়ারিবা অতোপ্পা কাঙবুশিংদা পুক্নিং থৌগৎপগী মনা পীনবা লাউথোকপগা লোয়ননা লোইশিনখি।
![https://static.pib.gov.in/WriteReadData/userfiles/image/image0020R4K.jpg](https://static.pib.gov.in/WriteReadData/userfiles/image/image0020R4K.jpg)
মখাদা পল্লিবা এ.এস.ই.এ.এন. লৈবাক্কী মীথুংলেনশিংসু এ.এস.ই.এ.এন.-ইন্দিয়া হেক্কাথোনগী মনা পীবগী থৌরমদা শরুক য়াখিঃ
⮚ ব্রুনৈগী এজুকেসন মন্ত্রী, ঐচ.ই. য়াং বেরহোর্মাৎ দাতো সেরী সেত্যা অৱাং হাজী হমজাহ বিন হাজী সুলাইমান।
⮚ কম্বোদিয়াগী পোস্ত অমসুং তেলিকম্ম্যুনিকেসনগী মন্ত্রী, ঐচ.ই. শ্রী চেয়া ভন্দেথ।
⮚ মলেসিয়াগী হাইয়র এজুকেসনগী মন্ত্রী, হার এক্সেলেন্সী, দাতুক সেরী দাঃ নোরাইনী অহমদ।
⮚ সিঙ্গাপোরগী এজুকেসন মন্ত্রী, ঐচ.ই. শ্রী লোরেন্স ৱোং।
⮚ থাইলেন্দগী হাইয়র এজুকেসন, সাইন্স, রিসর্চ অমসুং ইন্নোভেসনগী মন্ত্রী, ঐচ.ই. দাঃ অনেক লাউথামাতাস।
⮚ ইন্দোনেসিয়াগী এজুকেসন অমসুং কলচরগী মন্ত্রালয়গী হাইয়র এজুকেসনগী দাইরেক্তর জেনেরেল, ঐচ.ই. প্রোফঃ ইর নিজাম।
⮚ লাও পি.দি.আর.গী এজুকেসন অমসুং স্পোর্ত মন্ত্রালয়গী দেপ্যুতী মন্ত্রী, ঐচ.ই. দাঃ ফাউৎ সিম্মালাভোং।
⮚ ভিএৎনামগী এজুকেসন অমসুং ত্রেনিং মন্ত্রালয়গী দেপ্যুতী মন্ত্রী, ঐচ.ই. শ্রী ঙুয়েন ভান ফুক।
⮚ ফিলিপিন্সকী ইনফোর্মেসন অমসুং কম্ম্যুনিকেসন তেক্নোলোজী বিভাগকী সেক্রেতরী, ঐচ.ই. গ্রেগোরিও বি. হোনাসান ২।
মলেসিয়াগী হাইয়র এজুকেসনগী মন্ত্রী, হার এক্সেলেন্সী, দাতুক সেরী দাঃ নোরাইনী অহমদনা অসুম্না ফোংদোকখি, “ঐহাক্না ভারত সরকারবু নহাশিংনা অসিগুম্বা লুরবা তাঞ্জা অসিদা অমত্তা ওইনা পুন্দুনা মখোয়গী হৈ-শিংবা উৎপা য়াবা প্লেৎফোর্ম পীবগী অসিগুম্বা থৌরম অমা শিন-লাঙবা অসিগীদমক্তা থাগৎপা ফোংদোক্লি”।
ব্রুনৈগী এজুকেসন মন্ত্রী, ঐচ.ই. য়াং বেরহোর্মাৎ দাতো সেরী সেত্যা অৱাং হাজী হমজাহ বিন হাজী সুলাইমান্না মহাক্কী ৱারোল অমদা অসুম্না ফোংদোকখি, “ভারত অমসুং এ.এস.ই.এ.এন. লৈবাকশিংনা হ্যুমেন রিসোর্স দিভেলপমেন্ত, মীওই অমগা মীওই অমগা শম্নবা অমসুং এজকেসনগী হীরমশিং য়াওনা য়াম্লবা হীরম কয়াদা মতম কুইনদগী খুৎশম্নবা চৎমিন্নবা খোঙলোয় ওইদুনা লাক্লি”।
ফিলিপিন্সকী ইনফোর্মেসন অমসুং কম্ম্যুনিকেসন তেক্নোলোজী বিভাগকী সেক্রেতরী (মন্ত্রীগী থাক্তা লৈবা), ঐচ.ই. গ্রেগোরিও বি. হোনাসান ২না অসুম্না হায়খি, “ঙসিদি, মালেম অসিনা তোঙান-তোঙানবা থাক্তা লৈবা শিংনবা কয়া অমা মায়োক্নরি। মসিগী খুদোংচাদবশিং থেংনবা অসিদা তেক্নোলোজীগী অনৌবা ৱারোইশিন কয়া অমগী তঙাইফদবা লৈ। ঐখোয়না য়াম্না তোয়না হোংবা মতম অমদা হিংলি। মালেমগী মরীনা লুখৎলকপা হেনগৎপা অমসুং হোংলক্লিবা মালেমগী শেন্মিৎলোন অসিদা ঐখোয়না শিংনবশিং অসিগী অনৌবা ৱারোইশিন পুরকপগী তঙাই ফদবা লৈ”।
সিঙ্গাপোরগী এজুকেসন মন্ত্রী, ঐচ.ই. শ্রী লোরেন্স ৱোংনা অসুম্না হায়খি, “মতম খরগী মতুংদদি, মসিগী লাইচৎ অসি লোইগনি। অদুবু মসিদা ঐখোয়না থেংনরিবা খুদোংচাদবশিংগী অরোইবদি নত্তে। অইং-অশা হোংবা অসি মালেমগী ওইবা, মরু ওইনা এ.এস.ই.এ.এন. লৈবাকশিংগী ওইনা, শিংনবা অমা অদুম ওইদুনা লৈখিগনি। মতাং অসিদসু, ঐখোয়না কোবিদ-১৯গা মাইয়োক্নখিবগী মান্নবা ইথিল অসিগা লোয়ননা অমত্তা ওইনা চুঙশিনফম থোকই”।
এ.এস.ই.এ.এন. অমসুং ভারত্তগী শরুক য়াখিবা মহৈরোয়শিংনা ভারতকী এজুকেসন মন্ত্রালয়না পীরিবা খুদোংচাবা অসিগীদমক্তা হরাওবা ফোংদোকখি।
ইন্দোনেসিয়াগী মহৈরোয় অমা, স্যাহশিয়াহ রোহিদাহনা অসুম্না হায়খি, “মমাংগী নুমিৎ খরনি অসি য়াম্না নুংঙাইবা খোঙচৎ অমা ওইখি। ঐহাক্না অনৌবা মীওই কয়া অমগা তিন্নদুনা মখোয়গা খুৎশম্নদুনা থবক তৌবগী খুদোংচাবা ফংখি”। মহাক্কী কাঙবুনা “ক্বান্তিফিকেসন ওফ মেরিন লিত্তর য়ুজিং ইমেজ প্রোসেসিং”গী মতাংদা ৱারোইশিন অমগী ৱাফম হৌদোকখি।
কম্বোদিয়াগী মহৈরোয়, স্যুন স্যুফিঙ্গানা অসুম্না হায়খি, “মসিগী হেক্কাথোন অসি ঐহাক্কী ওইনদি খ্বাইদগী ইহান হানবা ওইনা থেংনজবনি”।
ভিএৎনামগী মহৈরোয়, দিন থান হিএননা অসুম্না ফোংদোকখি, “ঐহাক্না মসিগী হেক্কাথোন অসি য়াম্না নুংঙাইখি অমসুং তুংদসু অসিগুম্বা মালেমগী থাক্কী থৌরমশিং কয়া য়াওনিংলি”।
ফিলিপিন্সকী মহৈরোয়, ক্লারিস জোহান্না সোলিসনা হায়খি, “মসিগী থৌওংশিং অসি মতম য়াম্না চঙবা য়াম্না ৱাবা অমদি ওইখি, অদুবু য়াম্না নুংঙাইবা অমদি ওইখি। মসিদা থেংনখিবশিং অসি তসেংনা য়াম্না নুংঙাইবা অমদি ওইখি”। মালেমগী ঙমখৈশিং হাংদোক্লকপা মতমদা মহাক্না ভারত্তা লাকপা পাম্মি হায়নসু ফোংদোকখি।
এ.এস.ই.এ.এন.-ইন্দিয়া হেক্কাথোন ২০২১না ভারত অমসুং এ.এস.ই.এ.এন. লৈবাকশিংগী মরক্তা সাইন্স, তেক অমসুং এজুকেসনগী হীরমদা লৈনরিবা মরীশিংবু হেন্না ফগৎহন্নবা পান্দম থম্বনি। শিংনবা কয়া অমবু ব্লু-ইকোনোমী অমসুং এজুকেসনগী পাক-চাউরবা হীরম অনিগী মখাদা অনৌবা ৱারোইশিন পুরকপগী তোপ-তোপ্পা খোঙথাং অসিদা এ.এস.ই.এ.এন. লৈবাকশিংনা শরুক য়ানখি। এ.এস.ই.এ.এন. লৈবাক ১০ অমসুং ভারতকী মহৈরোয়গী কাঙবুশিংনা এ.এস.ই.এ.এন.-ইন্দিয়া হেক্কাথোন অসিদা শরুক য়াখি। মসিদা মহৈরোয় ৩৩০ অমসুং মেন্তর ৯০না শরুক য়াখি। মহৈরোয়শিং অসিবু লৈবাক ময়াম য়ানশিন্নদুনা কাঙবু ৫৪ থোক্না খাইদোকখি অমসুং কাঙবু অমদা মহৈরোয় ৬ অমসুং মেন্তর ১ লৈখি। মসিগী তোঙান-তোঙানবা কাঙবুশিং অসিনা মনিং লৈরবা লুপ অমসুং সরকারগী বোদীশিংনা পীরকপা শিংনবা ১১গী খ্বাইদগী ফবা ৱারোইশিন পীবা ঙম্নবা চাংয়েংনখি।
এজুকেসন মন্ত্রালয়গী ইন্নোভেসন সেল অমসুং ওল ইন্দিয়া কাউন্সিল ফোর তেক্নিকেল এজুকেসন্না এক্সতর্নেল এফিয়র্স মন্ত্রালয় (এম.ই.এ.) অমসুং এ.এস.ই.এ.এন. লৈবাকশিংগা খুৎশম্নদুনা অহানবা এ.এস.ই.এ.এন.-ইন্দিয়া হেক্কাথোন অসি শিন-লাঙখিবনি। কোবিদ-১৯না মরম ওইদুনা অথিংবা কয়া লৈখিবদগী, মসিগী হেক্কাথোন অসি এজুকেসন মন্ত্রালয়গী ইন্নোভেসন সেলনা লমদম অসিদা শাজবা দিজিতেল প্লেৎফোর্ম অমা শিজিন্নদুনা ওনলাইন্দা পাংথোকখি।
*****
(Release ID: 1695464)
Visitor Counter : 208