১শুবা রিনেৱেবল ইনর্জিগী লমদা অপুনবা ৱার্কিং গ্রুপ মিতিং অমা ইন্দিয়া অমসুং বাহ্রাইনগী কিংদম অনিগী মরক্তা ঙরাং ভর্চুএল ওইবা মওংদা পাংথোকখ্রে। ঐচ.ই. দাঃ অবদুল হুসেইন বিন অলি মির্জা সস্তেনেবল ইনর্জি ওথোরিতিগী প্রসিদেন্ত বাহ্রাইনি দিলিগেসনশিং লুচিংখি। ইন্দিয়াগী দেলিগেসন অসিনা ন্যু অমসুং রিনেৱেবল ইনর্জি মিনিস্ত্রীগী, জোইন্ত সেক্রেতরী ঐচ.ই. মিস্তর দিনেশ দয়ানন্দ জাগদালেনা লুচিংখি। বাহ্রাইনগী কিংদম ইন্দিয়াগী এম্বাসাদুর ওইরিবা ঐচ.ই. শ্রী পিয়ুশ শ্রীবস্তাবাশু মিতিং অসিদা শরুক য়াখি।

ইন্দিয়া অমসুং বাহ্রাইনগী মরক্তা মেমোরেন্দম ওফ অন্দরস্তেন্দিং অমা ২০১৮গী জুলাইদা রিনেৱেবল ইনর্জি লমদা নাকন অনিগা ওইবা মতেং পীনবা ওইনা তৌনখি।

মসি য়াম্না কান্নবা মিতিং অমা ওইখি, হায়রিবা অসিদা রিনেৱেবল ইনর্জিনা অইং অশাদা থমগদবা পন্থুং অসিগী মরুওইবা অমসুং মখোয়না লৌখৎখিবা খোঙথাংশিং অসি উৎখি অমসুং মখোয়-মখোয়গী সরকারনা থম্লিবা তুংগী ওইবা পান্দমশিং উৎখি। মখোয়না এক্সপরিয়েন্স, এক্সপর্তাইজ অমসুং খ্বায়দগী ফবা থবক পীনবা হায়না য়ান্নখি। নাকন অনিনা মথৌ পীবদা হেন্না থবক তৌবা অমসুং কোওপরেসন্দা হেন্না মিয়েং চংবা, মরু ওইনা সোলার, নুংশিৎ অমসুং অশেংবা হায়দ্রোজেন অসিদা মরুওইবা পীখি।

মিতিং অসি  মরুপ মপাং ওইবা মওংদা চৎথখি। মথংগী জে.দবল্যু.জি.গী মিতিং অসি খুদোংচাবা নুমিৎ য়েংলগা দিপ্লোমেতিক ওইবা চেন্নেলদা লেপ্নবা য়ান্নখি।

****