হকশেল অমসুং য়াইফ-য়ুম্বাল মন্ত্রালয়

দাঃ হার্শ বর্ধন্না শ্রী রাম কোলেজ ওফ কম্মর্সকী ৯৪শুবা লিংখৎখিবা নুমিৎতা মখোয়গী ছাত্রশিংদা দিজিতেল ওইনা ৱা ঙাংখ্রে


“মরোমদোম লেপচবা আত্মানির্ভর ভারতকী মংলান অসি করিগুম্বা ঐখোয়না ঐখোয়গী নহাশিংদা ‘ইন্নোভেৎ, পেতেন্ত, প্রোদুস অমসুং প্রোসপর’ অসি পুক্নিং থৌগৎলবদি ঙমগনি”

Posted On: 03 FEB 2021 2:10PM by PIB Imphal

হেলথ অমসুং ফেমিলি ৱেলফিয়রগী য়ুনিয়ন মিনিস্তর দাঃ হার্শ বর্ধন্না শ্রী রাম কোলেজ ওফ কম্মর্সকী ৯৪শুবা লিংখৎখিবা নুমিৎতা মখোয়গী ছাত্রশিংদা ঙসি দিজিতেল ওইনা ৱা ঙাংখ্রে।

কোলেজ অসিগী মায় পাকপশিং অসিদা থাগৎপা ফোংদোক্লদুনা দাঃ হার্শ বর্ধন্না খঙহনখি মদুদি, “ঐহাক্না মসিগী ইন্সতিত্যুৎ অসিগী লেঙবা নাইদ্রবা অখাঙ কনবা, মসিগী ফেক্লতি মেম্বর অমসুং থৌবু পুম্বনা কন্না হোৎনদুনা লৈবাক অসিবু শেমগৎপদা থৌদাং লৌরিবা অসিদা থাগৎপা ফোংদোক্লি। চহি অহুমগী মমাংদা, ২০১৭গী ফেব্রুৱারীদা দুবাইদা এস.আর.সি.সি. গ্লোবেলগী সম্মিত্তা লৈবাক্কী ওইনা হৌদোকখিবদা নখোয়গী মরক্তা শরুক য়াবা ফংখিবা অসি ঐহাক্কী য়াম্না ইকাই খুম্ননিঙাই অমনি। মসি য়াম্না চাওথোকচনিঙাই ওই মদুদি অদোম পুম্বনা ঐহাকপু নুংশি চানবিনা তৌবিবা অসি। মহাক্না এস.আর.সি.সি.বু কন্তিনেন্ত অসিদা খ্বায়দগী ফবা কম্মর্সকী কোলেজ অমনি অমসুং মসিনা লম খুদিংদা মশক থোকপা কোরপোরেৎ এফিয়র্স, লো, অমসুং পোলিতিক্স পুথোক্লি হায়না থাগৎপা ফোংদোলক্লি।

ইন্দিয়া অসিনা বিশ্বা-গুরুগী মিয়েংদা উবা অসিদা মরুওইবা ওইনা লৌদুনা অমসুং ঐখোয়গী নহাশিং অসিগী তৌরক্কদৌরিবা অসিনা ফম্বাক ওইরগা হায়বা অসিদা, দাঃ হার্শ বর্ধন্না হায় মদুদি, “সরকার অসিনা লৈবাক অসিগী নহাশিংদা মরুওইবা হেন্না পী। ঐখোয়গী মিয়েং শানবা প্রধান মন্ত্রী শ্রী নরেন্দ্র মোদীগী লুচিং মখাদা হৌদোকখিবা অনৌবা এজুকেসন পোলিসি অসিনা লাক্কদৌরিবা মীরোল অসিদা শোইদনা লৈবাক অসিগী ওইনা অওনবা অমা পুরক্লগনি। শেংনা হায়রবদা, এজুকেসন অসিদা খ্বায়গী অৱাংবা থাক্তা থম্বা অসি সরকার অসিগা অহানবা খোঙথাংনি মরমদি এজুকেসন অসিনা সমাজ অমা শেমবদা মকোক থোংনা লৈরিবনি। ঐখোয়গী নুংশিজরবা প্রধান মন্ত্রী শ্রী নরেন্দ্র মোদীনা লৈবাক অসি মরোমদোম লেপচনবা অমসুং য়াম্না লিংবা লৈবাক অমা ওইনবা লাওদুনা লৈরিবানি, আত্মনির্ভর ভারত অসি হান্ননা মালেমগী শক্তি লৈরবশিংগা চৎমিন্নদুনা লৈরবনি। মহাক্না পনখি মদুদি, মরোমদোম লেপচবা আত্মানির্ভর ভারতকী মংলান অসি করিগুম্বা ঐখোয়না ঐখোয়গী নহাশিংদা ‘ইন্নোভেৎ, পেতেন্ত, প্রোদুস অমসুং প্রোসপর’ অসি পুক্নিং থৌগৎলবদি ঙমগনি”।

দাঃ হার্শ বর্ধন্না লায়চৎ মনুং অসিদা ইন্দিয়া মনুংদা নহাশিংনা লৌরিবা থৌদাং অসিদা মহাক্কী ৱাখলদা লৈবা অদু শন্দোক্না হায়রি মদুদি, “কোবিদ-১৯ অসিনা মতম খরদি খংহৌদনা হল্লক্লি অমসুং মসিগী শাথিরবা ভাইরস অসিনা চাওখৎ খোঙথাং অসি মতম খরদি থিন্থদুনা লৈহল্লি। মসিগী মতম অসি মীয়ামগী ওইবা মতেং, ৱাখল লৈবা লুচিংবা অমা চংই। মসিদা মীয়াম পুন্না হৌবা, নমদনা তৌবা কেম্পেইন, শক্তি লৈবা মপাং অমসুং অখাং কনবা অমা চংই। মসিগী লুরবা মতম অসিদা নহাশিংনা মখোয়গী লৈজবা শক্তি, থৱায় য়াওবা অমসুং হৈ-শিংবা ময়াম অমা উৎখি। মখোয়দা বেক্সিনেসন অসিগী মতাংদা মরীক চুম্বা অশেংবা ই-পাউ পীবগী মতং চংই অমসুং কোবিদ-১৯গা মরী লৈনবা পোলিসিগী মতাংদা খহবনবা অমা চংই।

সাইন্তিস্ত অমসুং হেলথ প্রোফেসনেলশিং অসিগী হোৎনরিবা অসি থাগৎপা ফোংদোক্লদুনা, মহাক্না হায়খি, “ইন্দিয়াগী সাইন্তিস্ত অমসুং হেলথ প্রোফেসনেলশিং মতম খুদিংদা লেপ্তুনা লৈ। ঐখোয়গী কোবিদকী লান্মীশিং অসিনা মশানা কত্থোক্তুনা ঐখোয় পুম্বগী শাফনবা হোৎনরিঙৈ অসিদা, সাইন্তিস্ত অসিনা কোবিদ-১৯ বেক্সিন পুথোক্নবা কন্না হোৎনদুনা লৈ। ঐহাক্না থাজবা পীরি মদুদি সরকার অসিনা অহেনবা মতম শিজিন্নদুনা মীওই বিল্লিয়ন ১.৩৫ অমা তিকা থানবা হোৎনরি”।

দাঃ হার্শ বর্ধন্না মহাক্না লোইশিল্লকপদা স্বামী বিবেকানন্দগী ৱাহৈশিং পনখি, হায়রিবা মহাক অসি মতম পুম্বদা মহৈগী মপু ওইরিবনি, “মহৈ অসিনা মীচম প্রজা মীয়ামদা পুন্সিগী অৱাবা থেংনবা মতমদা মতেং পীদ্রবা, লমচৎকী থৌনা হাপত্রবা, অমসুং নোংশা অমগী মমিংগী মতিক চাবা হায়বা অদু ওইরিবরা? অশেংবা মহৈ হায়বা অসি মশানা মখোঙনা মরোমদোম লেপচবা ঙম্বা অদুনি”। দাঃ হার্শ বর্ধন্না হায়খি মদুদি মীপুম খুদিংনা খুৎশম্নদুনা বিশ্বা-গুরু অমসুং ফেক্লতি অমসুং ছাত্রগা লোয়ননা ইন্দিয়া অসি মশাগী ফিবমদা অমুক হঞ্জিনশি হায়খি।

*****



(Release ID: 1694761) Visitor Counter : 100