ਪ੍ਰਧਾਨ ਮੰਤਰੀ ਸਵਸਥ ਸੁਰਕਸ਼ਾ ਯੋਜਨਾ (ਪੀ ਐੱਮ ਐੱਸ ਐੱਸ ਵਾਈ) ਤਹਿਤ 22 ਨਵੇਂ ਏਮਜ਼ ਸਥਾਪਤ ਕਰਨ ਦੀ ਮਨਜ਼ੂਰੀ ਦਿੱਤੀ ਗਈ ਹੈ । ਇਨ੍ਹਾਂ ਵਿੱਚ ਦਸ ਏਮਜ਼, ਜਿਨ੍ਹਾਂ ਨੂੰ ਸਾਲ 2017—18 ਵਿੱਚ ਜਾਂ ਉਸ ਤੋਂ ਬਾਅਦ ਮਨਜ਼ੂਰੀ ਦਿੱਤੀ ਗਈ ਸੀ , ਸ਼ਾਮਲ ਹਨ । ਛੇ ਪ੍ਰਵਾਨਗੀ ਵਾਲੇ ਏਮਜ਼ ਹਨ — ਭੋਪਾਲ , ਭੁਵਨੇਸ਼ਵਰ , ਜੋਧਪੁਰ , ਪਟਨਾ , ਰਾਏਪੁਰ ਅਤੇ ਰਿਸ਼ੀਕੇਸ਼, ਜੋ ਇਸ ਵੇਲੇ ਚਾਲੂ ਹਨ । ਬਾਕੀ 16 ਨਵੇਂ ਏਮਜ਼ ਨਿਰਮਾਣ ਦੀਆਂ ਵੱਖ ਵੱਖ ਸਟੇਜਾਂ ਤੇ ਹਨ । ਸੂਬਾ ਅਨੁਸਾਰ ਇਨ੍ਹਾਂ 16 ਏਮਜ਼ ਦੀ ਜਗ੍ਹਾ, ਉਨ੍ਹਾਂ ਦੀ ਕੈਬਨਿਟ ਪ੍ਰਵਾਨਗੀ ਦੀ ਤਿਥੀ ਅਤੇ ਪ੍ਰਵਾਨਿਤ ਲਾਗਤ ਹੇਠ ਲਿਖੇ ਅਨੁਸਾਰ ਹੈ ।
ਛੇ ਚਾਲੂ ਏਮਜ਼ ਤੋਂ ਇਲਾਵਾ ਛੇ ਏਮਜ਼ — ਰਾਏਬਰੇਲੀ , ਮੰਗਲਾਗਿਰੀ , ਗੋਰਖਪੁਰ , ਬਠਿੰਡਾ , ਨਾਗਪੁਰ ਅਤੇ ਬੀਬੀਨਗਰ ਵਿੱਚ ਓ ਪੀ ਡੀ ਸੇਵਾਵਾਂ ਸ਼ੁਰੂ ਕਰ ਦਿੱਤੀਆਂ ਗਈਆਂ ਹਨ ।
ਬਾਰਾਂ ਏਮਜ਼ — ਮੰਗਲਾਗਿਰੀ , ਨਾਗਪੁਰ , ਕਲਿਆਣੀ , ਗੋਰਖਪੁਰ , ਬਠਿੰਡਾ , ਰਾਏਬਰੇਲੀ , ਦਿਓਗੜ੍ਹ , ਬੀਬੀਨਗਰ , ਗੁਹਾਟੀ , ਬਿਲਾਸਪੁਰ , ਜੰਮੂ ਅਤੇ ਰਾਜਕੋਟ ਵਿੱਚ ਐੱਮ ਬੀ ਬੀ ਐੱਸ ਕੋਰਸ ਸ਼ੁਰੂ ਕੀਤੇ ਗਏ ਹਨ । ਆਂਧਰਾ ਪ੍ਰਦੇਸ਼ ਦੇ ਮੰਗਲਾਪੁਰੀ ਵਿੱਚ  ਏਮਜ਼ ਦਾ ਨਿਰਮਾਣ ਚੱਲ ਰਿਹਾ ਹੈ । ਸ਼ੁਰੂ ਵਿੱਚ ਨਿਰਮਾਣ ਕੰਮ ਲਈ ਰੇਤ ਉਪਲਬਧ ਨਾ ਹੋਣ ਕਰਕੇ ਕੁਝ ਦੇਰੀ ਹੋਈ ਸੀ । ਸੂਬਾ ਸਰਕਾਰ ਵੱਲੋਂ ਕੁਝ ਗਤੀਵਿਧੀਆਂ ਮੁਕੰਮਲ ਕਰਨ ਵਿੱਚ ਹੀ ਕੁਝ ਦੇਰੀ ਹੋਈ ਸੀ , ਜਿਨ੍ਹਾਂ ਗਤੀਵਿਧੀਆਂ ਕਾਰਨ ਦੇਰੀ ਹੋਈ , ਉਨ੍ਹਾਂ ਵਿੱਚ ਪਾਣੀ ਸਪਲਾਈ ਦਾ ਪ੍ਰਬੰਧ , ਸਟੌਰਮ ਵਾਟਰ ਡਿਸਪੋਜ਼ਲ ਡਰੇਨ , ਕੈਂਪਸ ਨੂੰ ਮੁੱਖ ਪਹੁੰਚ ਸੜਕ ਅਤੇ ਮੌਜੂਦਾ ਐੱਨ ਡੀ ਆਰ ਐੱਫ ਕੈਂਪਸ ਨੂੰ ਤਬਦੀਲ ਕਰਨਾ ਸ਼ਾਮਿਲ ਸੀ । ਕੋਵਿਡ 19 ਮਹਾਮਾਰੀ ਨੇ ਵੀ ਕੰਮ ਦੀ ਗਤੀ ਤੇ ਪ੍ਰਭਾਵ ਪਾਇਆ ਹੈ ।
ਡੀ ਐੱਮ ਐੱਸ ਐੱਸ ਵਾਈ ਤਹਿਤ ਚਾਲੂ ਪ੍ਰਾਜੈਕਟਾਂ ਦੀ ਉੱਨਤੀ ਨੂੰ ਲਗਾਤਾਰ ਲਾਗੂ ਕਰਨ ਵਾਲੀਆਂ ਏਜੰਸੀਆਂ ਅਤੇ ਹੋਰ ਹਿੱਸੇਦਾਰਾਂ ਵੱਲੋਂ ਸਮੀਖਿਆ ਕੀਤੀ ਜਾ ਰਹੀ ਹੈ , ਤਾਂ ਜੋ ਮਿੱਥੇ ਸਮੇਂ ਅਨੁਸਾਰ ਮੁਕੰਮਲ ਕਰਨ ਨੂੰ ਯਕੀਨੀ ਬਣਾਇਆ ਜਾ ਸਕੇ ।

ਇਹ ਜਾਣਕਾਰੀ ਅੱਜ ਰਾਜ ਸਭਾ ਵਿੱਚ ਸਿਹਤ ਤੇ ਪਰਿਵਾਰ ਭਲਾਈ ਮੰਤਰਾਲੇ ਦੇ ਰਾਜ ਮੰਤਰੀ ਸ਼੍ਰੀ ਅਸ਼ਵਨੀ ਕੁਮਾਰ ਚੌਬੇ ਨੇ ਲਿਖਤੀ ਰੂਪ ਵਿੱਚ ਦਿੱਤੀ ਹੈ ।

ਐੱਮ ਵੀ / ਐੱਸ ਜੇ