রোদ ত্রান্সপোর্ত অমসুং হাইৱে মন্ত্রালয়

নুমিৎ ১৫গী মনুংদা ভোলুন্তরি স্ক্রাপ্পেজ পোলিসিগী অকুপ্পশিং লাউথোক্লগনি: নিতিন গাদকরি

স্ক্রাপ্পেজ পোলিসিনা নৌনা লুপা করোর ১০,০০০ থাদগনি অমসুং থবক ৫০,০০০ ফংহনগনি

নেসনেল হায়ৱেজশিংগী শেনফম হেনগৎলকপদা মিনিস্তরনা তরাম্না ওকখ্রে

Posted On: 01 FEB 2021 3:47PM by PIB Imphal

য়ুনিয়ন বজেত্তা লাউথোকখিবা ভোলুন্তরি স্ক্রাপ্পেজ পোলিসি রোদ ত্রান্সপোর্ত অমসুং হায়ৱেজ অমসুং এম.এস.এম.ইগী য়ুনিয়ন মিনিস্তর শ্রী নিতিন গাদকরিনা তরাম্না ওকখ্রে অমসুং ঙসিদগী নুমিৎ ১৫গী মনুংদা থৌশিল অসিগী অকুপ্পা মরোলশিং লাউথোক্লগনি হায়না ফোঙদোকখি। মহাক্কী য়ুমদা বজেত মতুংদা পাউমীশিংদা ৱা ঙাংবদা শ্রী গাদকরিনা হায়খি স্ক্রাপ্পেজ পোলিসিনা নৌনা লুপা করোর ১০,০০০ থাদগনি অমসুং থবক ৫০,০০০ ফংহনগনি।

মিনিস্তরনা হায়খি থৌশিল অসিনা চহি ২০ হেল্লবা লাইত মোতোর ভেহিকল(এল এম ভি) লাখ ৫১ রোম অমসুং চহি ১৫গী মথক্তা লৈবা অতোপ্পা এল.এম.ভি লাখ ৩৪ রোম কোনশিনগনি। মসিনা হৌজিক চৎনরিবা ফিতনেসন সর্তিফিকেত পায়রিবা চহি ১৫ হেল্লবা মেদিয়ম অমসুং লাইত ভেহিকল লাখ ১৭শু কোনশিনগনি। হায়রিবা গারিশিং অসিনা অনৌবা গারিশিংদগী শরুক ১০-১২ হেন্না মৈখু থোকহল্লি। থৌশিল অসিগী কান্নবশিংগী মতাংদা মিনিস্তরনা হায়খি মসিনা ধাতুশিং অমুক হন্না শীজিন্নবা য়াহনগনি, অশোয়-অঙাম থোকহল্লোই, নুংশিৎ মোৎপা হন্থহনগনি অমসুং অনৌবা গারিশিং য়াম্না শীজিন্নবদগী মপান লৈবাকশিংদগী থাউ লৈবা হন্থহনগনি অমসুং শেন থাদবা হেনগৎলক্কনি।

খ্বাইদগী য়াম্না শেন থাদবা ওইনা লুপা করোর ১,০৮,০০০ থাদুনা হায়জৱেজ সেক্তরগী শেনফম লুপা করোর ১,১৮,০০০ হেনগৎলকপদা মিনিস্তরনা তরাম্না ওকখি। শেনফম শেনগৎলকপদা তরাম্না ওক্লদুনা মিনিস্তরনা হায়খি হায়ৱেজশিং মতমগা চুনবা মওংদা শেমগৎনবা মিনিস্ত্রিগী থবক হেনগৎলকপা অসিনা লৈবাক অসিদা লম্বী পাকথোক-চাউথোকপদা মতেং ওইরগনি।

মেদিয়াগা ৱারি শানবা অদু লিঙ্ক অসিদা য়েংবা য়াগনি

:https://youtu.be/ZVSNmdPKhs4

শেনফম হেনগৎলকপগী পি.আই.বি প্রেস রিলিজগী লিঙ্ক

: https://pib.gov.in/PressReleasePage.aspx?PRID=1693896

******



(Release ID: 1694166) Visitor Counter : 2