সেন্ত্রেল ইন্দয়াগী মশক নাইবা সাইন্তিস্তশিং, ৱাখল লৈবা লুচিংবশিং, একাদমিসিয়নশিং অমসুং ইন্দস্ত্রী এক্সপর্তশিংনা তেক্নোলোজী ইন্দিজিনাইজেসন তৌবগী তঙাই ফদবা, আয়ুশগুম্বা ত্রেদিস্নেল মেদিসিন সিস্তেমদা মীৎয়েং চংবা, খুঙ্গংগী সমস্যাশিং কোকহনবদা, গ্রাসরুৎ ইন্নোবেতরশিংগী পেতেন্ত অমসুং আই.পি. রুলসশিং য়ৌশিনবদা রাজ্যশিংগী থৌদাং অদু হন্দক্তা পাঙথোকপা “নিতিচর্চা” হায়না থোনবা ৪শুবা এস.তি.আই.পি. পোস্ত-দ্রাফ কন্সল্তেসনদা থমখি।

“কোবিদ ১৯না ভারতকী সাইন্স, তে্নোলোজী অমসুং ইন্নোবেসন (এস.তি.আই.) অনৌবা মায়োল অমদা পুখি মসিদা খুন্নাই অমদি এস.তি.আই. ইকোসিস্তেমদা মরু ওইনা হকশেলদা অনৌবা পরা অমা তম্বীদুনা খুন্নাইগী ওইবা খুদোংচাদবা অসিগী পাম্বৈ অমা সাইন্সনা ময়েক শেংনা পুথোকখি। ফীফম অসিদা ইন্তরস্তেৎ কন্সল্তেসন তৌখিবা অহানবা পোলিসী ফোর্ম্যুলেসন, এস.তি.আই.পি.না জি.ও.আই.গী বিভাগ ৮১ য়াওনা মখল খুদিংমক্কী স্তেকহোল্দরশিংদা য়ৌশিনখি,” হায়না কন্সল্তেসন অসি লুচিংলিবা দি.এস.তি.গী এস.তি.আই.পি. সেক্রেতরয়েৎকী এদভাইজর অমসুং হেদ দা. অখিলেশ গুপ্তানা ফোঙদোকখ্রে।

“হৌখিবা চহি খরা অসিদা এ.আই., মেছিন লর্নিং, ক্বান্তম কম্প্যুতিং অমসুং অতোপ্পা কয়া অসিগুম্বা অনৌবা থৌওং অমসুং কান্নরবা তেক্নোলোজীশিং থোরকপা উবা ফংখি অমসুং মালেম পুম্বনা তেক্নোলোজীশিং অসি শিজিন্নরি। অনৌবা এস.তি.আই.পি.না অসিগুম্বা তেক্নোলোজীশিং অসি ইন্দস্ত্রী, একাদেমিয়া অমসুং আর এন্দ দি ইন্সতিত্যুসনশিংগা পুন্না থবক তৌমিন্নদুনা মাইকৈ অহুমদগী এপ্লাই তৌবদা মীৎয়েং থম্লি হায়না মহাক্না মখা তাখ্রে।

জি.ও.আই.গী দিপার্তমেন্ত ওফ সাইন্স এন্দ তেক্নোলোজী (দি.এস.ই.)গা খুৎশম্নদুনা উত্তর প্রদেশ কাউন্সিলোফ সাইন্স এন্দ তেক্নোলোজী-  য়ু.পি.সি.এস.তি.গা লোইনা বাবাসাহেব ভিমরাও অম্বেদকর য়ুনিভর্সিতী (বি.বি.এ.য়ু.), লকখনৌনা সেন্ত্রেল ইন্দিয়াগী মশক নাইবা মীওইশিংগা লোইননা ভর্চ্যুএক কন্সল্তেসনগী মীফম অসি পাঙথোকখি।

বি.বি.এ.য়ু.গী ভাইস চাঞ্চেলর প্রোফেসর সঞ্জে সিংহনা অনৌবা সাইন্স, তেক্নোলোজী অমসুং ইন্নোবেতিব পোলিসী অসিনা খুন্নাইগী মরু ওইনা তঙাইফদবশিং কোকহনবা অমসুং ফংহন্নবা থবক তৌগদবা ত্রানস্লেসনেল রিসর্চতা হেন্না মীৎয়েং চংনবা অপাম্বা ফোঙদোকখি অমসুং মসিনা সাইন্স অসি রিলে রেস ওইনা লৌদুনা তাঙ্কক অমগী ফলশিং অদু অতোপ্পা তাঙ্কক অমদা পুখৎতুনা অরোইবা ফল অদু য়ৌনবা চংশিনবদা মীৎয়েং থমগদবনি হায়খ্রে।

তোঙান তোঙানবা দোমেনদগী এক্সপরিয়েন্স লৈরবা পেনেলিস্তশিংনা রিসর্চকী মরু ওইবা লমশিংদা মীৎয়েং চংবা, ইন্দস্ত্রী অমসুং একাদেমিয়া ইন্তর্ফেস দেবেলপমেন্ত তৌবা, অঙনবা থাক্তগী তেক্নোলোজীবু কৈথেলদা য়ৌহনবদা ইন্দস্ত্রীগী মতেং পাংবা, সাইন্স ইন্সতিত্যুসনশিংদা ওতোনোমী হেন্না পীবা, ইনক্লুসিব সাইন্স, অনৌবা পোলিসীদা এজিসিজমগুম্বা সমস্যা কোকহনবা , ইক্বিতী অমসুং ইনক্লুজন মীৎয়েং চংনবা সিস্তেমেতিক ওইবা ফন্দিং সিস্তেম লৈহনবা, থবক ঔবগী মতমদা ফ্লেক্সিবিলিতী লৈহনবা, ভারতকী চেফোংশিং অপগ্রেদ ঔবা, সাইন্স, তেক্নোলোজী অমসুং ইঞ্জিনীয়রিংআ ক্রোস-দিসিপ্লিনরী প্লেৎফোর্মশিং লৈহনবা অসিগুম্বা মখল কয়াগী লমশিংদা সজেসনশিং পীখ্রে।

দ্রাফ তৌরবা এস.তি.আই.পি. অসি ভারত সরকার (জি.ও.আই.)গী প্রিন্সিপল সাইন্তিফিক এদভাইজর (পি.এ.এ.)গী লোইশঙ অমসুং জি.ও.আই.গী দিপার্তমেন্ত ওফ সাইন্স এন্দ তেক্নোলোজী (দি.এস.তি.)দগী মতেং ফংবগা লোইননা দা. অখিলেশ গুপ্তাগী লুচিং মখাদা এস.তি.আই.পি. সেক্রেতরিয়েৎনা পুনশিনখ্রে। সেক্রেতরিয়েৎ অসিনা ভারতকী অমসুং মপালগী স্তেকহোল্দর ৪৩,০০০ হেনবা য়াওদুনা খন্ন-নৈনবা রাউন্দ ৩০০গী মথক্তা পাঙথোক্তুনা পাক শন্না কনসল্তেসন প্রোসেস পাঙথোকখ্রে অমসুং এস.তি.আই.পি. অসি পব্লিক কনসল্তেসনগীদমক্তা দিসেম্বর ৩১, ২০২০দা থাদোকখি। মসিদগী হৌনা সজেসনশিং অমসুং রিকম্মেন্দেসনশিং থারক্নবা পোস্ত-দ্রাফ কনসল্তেসন মশিং কয়া হৌখ্রে। মথংগী চয়োল ২ অসিগী মনুংদা কনসল্তেসন মথং-মথং পাঙথোক্নবা থৌরাং তৌখ্রে।

******