য়ুনিয়ন এজুকেসন মিনিস্তর শ্রী রামেশ পোখ্রিয়াল ‘নিশঙ্ক’না ঙসি এ.এস.ই.এ.এন. ইন্দিয়া হেকাথোনগী থৌরম হৌদোকপদা ৱা ঙাংখ্রে।

থৌরম অসিদা ৱা ঙাংবদা, শ্রী পোখ্রিয়ালনা হায়খি মদুদি ইন্দিয়া অমসুং এ.এস.ই.এ.এন. তাই অসি মখা তানা লৌথনবা এজুকেসন মিনিস্ত্রীনা এ.এস.ই.এ.এন.-ইন্দিয়া হেকাথোন অসি ঙসি হৌদোকখিবনি। মহাক্না নিংশিংখি মদুদি প্রধান মন্ত্রী শ্রী নরেন্দ্র মোদীনা ২০১৯দা সিঙ্গাপুর ইন্দিয়া হেকাথোন  মনুংদা এসিয়াগী লৈবাকশিংগা হেকাথোন অমগী অপাম্বা ফোংদোকখিবনি। মহাক্না হায় মদুদি হেকাথোন অসিনা ইন্দিয়া অমসুং এসিয়ান লৈবাকশিংদা অখন্নবা খুদোংচাবা অমা পীদুনা য়াম্না পাকপা থীম “ব্লু ইকোনোমী” অমসুং “এজুকেসন” অসিদা থেংনরিবা অৱাবশিং খঙদোক্লগনি অমসুং এজুকেসন, সাইন্স অমসুং তেক্নোলোজি অসি পুন্না থবক তৌমিন্নদুনা ইকোনোমি অমসুং কলচরেলগী খুদোংচাবা অমা ফংহল্লগনি। মসিগী হেকাথোন অসিনা ঐখোয়গী সমাজ অসি চাওখৎপগী চংদ্রবা য়াদবা মচাক তরুক লেপকনি: ইকাই খুম্নবা, ৱারী শাবা, কোওপরেসন, ইংনা চিক্না লৈবা, নুঙাই-য়াইফবা অমসুং অনৌবা পুথোকপা অসিনি হায়না মহাক্না মখা তাখি।  

শ্রী পোখ্রিয়ালনা হায়খি মদুদি ইন্দিয়া-এ.এস.ই.এ.এন.গী মরী অসি থাজবা থম্বা, ধর্ম্ম অমসুং সংস্কৃতীদগী হৌরকই। মহাক্না হায় মদুদি ইন্দিয়া অসিনা মফম অসিগী খ্বায়দগী চাওবা দেমোক্রেতিক অমসুং দেমোগ্রাফিক ওইবা লৈবাক অমা ওইবনা এ.এস.ই.এ.এন.গী কাংবু অসিবু লুচিংবদা মোরেলগী ওইবা থৌদাং লৈ।  হিরম অসিদা মহাক্না পল্লি মদুদি ইন্দিয়ানা এ.এস.ই.এ.এন.গী লৈবাকশিং অসিদা কোবিদ বেক্সিন পীদুনা মতেং পীরি। য়াম্না লিংবা একাদেমিক অমসুং রিসর্স তাইজ অসি উৎলদুনা, মহাক্না হায় মদুদি ইন্দিয়াগী য়ুনিভর্সিতি কয়া অমা মদুদি আই.আই.তি.-দিল্লী অমসুং তেজপুর য়ুনিভর্সিতিনা এ.এস.ই.এ.এন.গী লৈবাকশিংগী ছাত্রশিংগীদমক য়ুম্বু ওইরি। ভারত সরকারনশু এ.এস.ই.এ.এন. পি.ঐচ.দি. ফেল্লোশিপ ১০০০ হৌদোক্লি।

নেস্নেল এজুকেসন পোলিসি ২০২০ অসিদা, চহি ৩৪গী মতুংদা হৌদোরক্লিবা, অসিদা য়ুনিয়ন মিনিস্তরনা হায় মদুদি এন.ই.পি. ২০২০ অসিনা ইন্দিয়া খক্তা নত্তনা মালেমগী ওইনা খুদোংচাবা অমা পীরগনি।

শ্রী পোখ্রিয়ালনা লোইশিল্লকপদা হায়খি মদুদি বাসুধেব কুতুমবকমগী ফিলোজোফীনা, ইন্দিয়ানা য়াম্না লিংনা এ.এস.ই.এ.এন.গী লৈবাকশিংদা অফবা থৌদাং লৌবা ঙম্লি।

এ.এস.ই.এ.এন.-ইন্দিয়া হেকাথোন

এ.এস.ই.এ.এন.-ইন্দিয়া হেকাথোন অসি প্রধান মন্ত্রী শ্রী নরেন্দ্র মোদীনা ময়েং শেংনা কৌবদগী এজুকেসন মিনিস্ত্রীনা খোঙথাং অসি লৌখৎপনি। এ.এস.ই.এ.এন.-ইন্দিয়া হেকাথোন অসি ২০২১গী ফেব্রুৱারীগী ১দগী ৩ ফাওবা ওনলাইন্দা শিনগদৌরি অমসুং ২০২১গী ফেব্রুৱারীগী ৪দা মনা-মথুম য়েন্থোক্কনি। অখন্নবা হেকাথোন অসিনা  এসিয়াগী লৈবাক ১০দা খুদোংচাবা পীরি অমসুং ইন্দিয়ানা এজুকেসন, সাইন্স অমসুং তেক্নোলোজি অসিদা পুন্না থবক তৌম্মিন্দুনা মখোয়গী ইকোনোমিক অমসুং সংস্কৃতীগী মরী ফগৎনবা মাংলোমদা চংশিল্লি।

মফম অসিদা এ.এস.ই.এ.এন.-ইন্দিয়া হেকাথোনগী মরীক চুম্বগীদমক নম্বিয়ু : https://india-asean.mic.gov.in/

****