লেপ্তিনেন্ত জেনেরেল চান্দি প্রসাদ মোহান্তি, পি.ভি.এস.এম, এ.ভি.এস.এম, এস.এম, ভি.এস.এমনা ফেব্রুৱারি ১,২০২১দা ভাইস চীফ ওফ আর্মি স্তাফ হাপ্লে।

রাস্ত্রিয়া ইন্দিয়ান মিলিতরি কোলেজ, দেরাদুন, নেসনেল দিফেন্স একাদেমি, খারকৱাসালা অমসুং ইন্দিয়ান মিলিতর একাদেমি, দেরাদুনগী মহৈরোয় অমা ওইখিবা লেপ্তিনেন্ত জেনেরেল চান্দি প্রসাদ মোহান্তি জুন ১২, ১৯৮২দা রাজপুত রেজিমেন্তদা থবক চঙখি। চহি ৪০ রোম শীনফম অসিদা লৈরক্লবা জেনেরেল ওফিসার অসিনা তোঙান-তোঙানবা ইরাং লৈবা ফমশিংদা থবক তৌরক্লে অমসুং কমান্দ,স্তাফ অমসুং ইন্সত্রক্সনেল ফম কয়া পায়খ্রে। মহাক্না জম্মু অমসুং কাস্মিরদা লাইন ওফ কন্ত্রোলদা বত্তলিয়ন অমা লুচিংখি অমসুং তুংদা অৱাং-নোংপোক্তা বত্তলিয়ন অমা লুচিংখি। ব্রিগেদ অনি লুচিংবগীদমক মহাক মমিং চৎখি: অহানবদা লাইন ওফ একজুএল কন্ত্রোল অমসুং অনিশুবদা কোঙ্গোদা লৈবাক কয়াগী য়ু.এন ব্রিগেদনি । মহাক্না লালহৌবগী ইরাং লৈবা মফম অমদা রঙ্গিয়াদা লৈবা দিবিজন অমা লুচিংখি অমসুং দোকলাম থৌদোক মতুংদা সিক্কিমদা ত্রিশক্তি কোর লুচিংখি। জেনেরেল ওফিসার অসি এদমিনিস্ত্রেতিপ ফোর্মেসন অনি: মেজর জেনেরেল ওইনা জোধপুর সব এরিয়া অমসুং লেপ্তিনেন্ত জেনেরেল ওইনা উত্তর ভারত এরিয়া লুচিংবগীদমক মমিং চৎলি।

দিফেন্স সর্বিসেস স্তাফ কোলেজ ৱেল্লিংতন, হায়র দিফেন্স মেনেজমেন্ত কোর্স সিকন্দরবাদ অমসুং নেসনেল দিফেন্স কোলেজ নিউ দিল্লিগী মহৈরোয় অমা ওইনা জেনেরেল ওফিসার অসি এন.দি.এদা ওজা ওইনা মতম খরা, অর্মর ব্রিগেদ অমগী ব্রিগেদ মেজর ওইনা, সিচিলিসতা মিলিতরি এদভাইজর ওইনা, এম.এস ব্রাঞ্চতা কর্নেল মিলিতর সেক্রেতরি(সেলেক্সন), ইস্তর্ন থিয়েতরদা কোর অমগী জেনেরেল স্তাফ(ওপরেসন্স) অমসুং ওপরেসনেল লোজিস্তিক অমসুং স্ত্রাতেজিক মুভমেন্তগী দিরেক্তর জেনেরেল ওইনা ফম পুখ্রে।

চহি ৪০ লান্মীগী শীনফম অসিদা মাইপাক্না লৈরক্লবা মতুংদা, জনুৱারি ৩১, ২০২১দা থবক্তগী পোথাখ্রবা লেপ্তিনেন্ত জেনেরেল এস.কে সাইনিদগী লেপ্তিনেন্ত জেনেরেল চান্দি প্রসাদ মোহান্তিনা ভাইস চীফ ওফ আর্মি স্তাফকী ফম লৌখিবনি।

*****