ঙসি পার্লিয়ামেন্ততা শেল-থুম অমসুং কোর্পোরেৎ এফিয়র্সকী কেন্দ্রগী মন্ত্রী শ্রীমতি নির্মলা সিতারমন্না ২০২১-২২গী কেন্দ্রগী বজেৎ পুথোকপদা মালেমগী ওইরিবা লাইচৎ কোবিদ-১৯মা লৈবাক অসিগী পব্লিক হেল্থকী লমদা পীখিবা শাফু অদু ময়েক শেংনা উবা ফংখ্রে। মহাক্কী বজেৎকী ৱারোল অদু লৈবাক অসিনা কোবিদ-১৯গী মায়োক্তা লান্থেংনখিবা, অমসুং কেন্দ্র সরকারনা মতম চানা, তাঙ্কক নাইনা অমসুং প্রোএক্তিব ওইনা লৌখৎখিবা তোঙান তোঙনবা খোঙথাংশিংগী মতাংদা ৱারী লিবদগী হৌদুনা শেলথুমগী মন্ত্রীনা কেন্দ্রগী বজেৎ পুথোকপদা আত্মা নির্ভর ভারতকী মরু ওইবা য়ুম্বী ৬কী মনুংদা হেল্থ অমসুং ৱেলবিং হায়বা অসি অমনি হায়না ফোঙদোকখ্রে। অতোপ্পা সেক্তরশিংগা লোইননা মশা-মউ ফবা ভারতনা “জাতি হান্না হায়বা ৱাশক অসি হেন্না চেৎশিনহনগনি”, হায়না মহাক্না বজেৎ পুথোকদা ফোঙদোকখি।

কোবিদ হেল্থ ক্রাইসিস মনুংদা হেল্থ অমসুং ৱেলবিং হায়বা অসি কেন্দ্র সরকারনা খ্বাইদগী মরু ওইনা লৌখি। কেন্দ্রগী বজেৎকী য়ুম্ফম ওইরিবা মরুওইবা য়ুম্বী তরুক্কী মনুংদা খ্বাইদগী মরু ওইবা অমনি।

লৈবাক অমগী চাউখৎ থৌরাংদা হেল্থ অমসুং ৱেলবিংগী মরু ওইবা অদু থম্লদুনা হায়রিবা অসিগী বজেৎ এল্লোকেৎ অসি বি.ই. ২০১৯-২০দা লুপা করোর ৯৪,৪৫২ ওইরম্বদগী বি.ই. ২০২১-২২দা লুপা করোর ২,২৩,৮৪৬তা হেনগৎখ্রে। চাদা ১৩৭ ওইদুনা চাউনা হেনগৎপা উবা ফংখ্রে।

অহেনবা ওইনা বজেৎ অসিনা হকশেলদা হোলিস্তিক এপ্রোচ অমা পুরক্তুনা লম অহুমগী মপাঙ্গল হাপকৎপদা মীৎয়েং থমখ্রে: প্রিবেন্তিব, ক্যুরেতিব অমসুং ৱেলবিং।

শেলথুমগী মন্ত্রীনা বজেৎ অসিদা হেল্থ ইনফ্রাস্ত্রকচরদা ইনবেস্তমেন্ত চাউনা হেনগৎপগা ইরোইননা “ইন্সতিত্যুসনশিংনা হেন্না শিজিন্নবগী মতুং ইন্না ঐখোয়না হেন্না তৌগনি” হায়না ফোঙদোকখ্রে।

হেল্থ অমসুং ৱেলবিং সক্তরদা তৌগদবা চাদিংগী অকুপ্পা মরোল মখাদা পীরি:

হেল্থ অমসুং ৱেলবিং – এক্সপেন্দিচর (লুপা করোর দা)

পি.এম. আত্মা নির্ভর স্বাস্থ ভারত য়োজনা

মপাঙ্গল কনবা হেল্থ সিস্তেমশিংগী  অসি হেল্থ সেক্তর চাউনা চাউখৎনবগী মরু ওইবা য়ুম্বী অমা ওই হায়বা খঙলদুনা অনৌবা কেন্দ্রনা স্পোন্সর তৌবা স্কীম পি.এম. আত্মা নির্ভর স্বাস্থ ভারত য়োজনা অসি চহি ৬কী লুপা করোর ৬৪,১৮০গী আউৎলেগা লোইননা হৌদোক্লগনি। মসিনা প্রাইমরী, সেকেন্দরী অমসুং তর্সরী হেল্থ সিস্তেমশিংগী কেপাসিতীশিং হেনগৎহনগনি, হৌজিক লৈরিবা নেস্নেল ইন্সতিত্যুসনশিং মপাঙ্গল কনগৎহনগনি অমসুং অনৌবা অমসুং থোরকপা লাইনাশিং লায়েংনবা, খঙদোক্নবা অনৌবা ইন্সতিত্যুসনশিং লিংখৎহনগনি। মসি নেস্নেল হেল্থ মিসনগী মথক্তা অহেনবা ওইগনি।

স্কীম অসিগী মখাদা মপুং ওইনা লৌখৎকদবশিং:

১.

1. 1. খুঙ্গংগী হেল্থ এন্দ ৱেলনেস সেন্তর ১৭,৭৮৮ অমসুং সহরগী ১১,০২৪গী মেং পাংগনি।
   2. জিলা পুম্নমক্তা অমসুং রাজ্য ১১গী ব্লোক পব্লিক হেল্থ য়ুনিৎ ৩৩৮২দা ইন্তিগ্রেতেদ পব্লিক হেল্থ লেবশিং লিংখৎপা ;
   3. জিলা ৬০২ অমসুং সেন্ত্রেল ইন্সতিত্যুসন ১২দা ক্রিতিকেল কিয়র হোস্পিতাল ব্লোকশিং লিংখৎপা;
   4. নেস্নেল সেন্তর ফোর দিজিজ কন্ত্রোল, মাগী রিজনেল ব্রাঞ্চ ৫ অমসুং মেত্রোপোলিতেন হেল্থ সর্ভিলেন্স য়ুনিৎশিংগী মপাঙ্গল কনখৎহনবা;
   5. পব্লিক হেল্থ লেবশিংগা কন্নেক্ত তৌনবা রাজ্য/য়ু.তি. পুম্নমক্তা ইন্তিগ্রেতেদ হেল্থ ইনফোর্মেসন পোর্তেল চাউথোকপা;
   6. এয়রপোর্ত ৩২, সীপোর্ত ১১ অমসুং লেন্দ ক্রোসিং ৭, পোইন্ত ওফ এন্ত্রীশিংদা অনৌবা পব্লিক হেল্থ য়ুনিৎ ১৭ চল্লাইহনবা অমসুং হান্না লৈরিবা পব্লিক হেল্থ য়ুনিৎ ৩৩ মপাঙ্গল কনখৎহনবা ;
   7. হেল্থ ইমর্জেন্সী ওপরেসন সেন্তর ১৫ অমসুং মোবাইল হোস্পিতাল ২ লিংখৎহনবা; অমসুং
   8. ৱান হেল্থকী নেস্নেল ইন্সিতিত্যুসন অমা, দবল্যু.ঐচ.ও. সাউথ ইস্ত এসিয়া রিজনগী রিজনেল রিসর্চ প্লেৎফোর্ম অমা, বাইও-সেফতী লেবেল III লেবোরেতোরী ৯ অমসুং নেস্নেল ইন্সতিত্যুতস ওফ ভাইরোলোজী ৪ লিংখৎপা।

মিসন পোশান ২.০

লৈবাক অসিগী হেল্থ অমসুং ৱেলবিংদা ন্যুত্রিসন হায়বা অসি মরু ওইবা মচাক অমনি হায়না থমখ্রে। ন্যুত্রিস্নেল কন্তেন্ত, দেলিবরী, আউৎরীচ অমসুং আউৎকম হেনগৎহন্নবা কেন্দ্রগী বজেৎনা সপ্লিমেন্তরী ন্যুত্রিসন প্রোগ্রাম অমসুং পোশন অভিয়ান পুনশিন্নবা প্রপোজ তৌখ্রে। মসিবা মিসন পোশন ২.০গী অমব্রেলা শেমগনি। এস্পিরেস্নেল দিস্ত্রিক্ত ১১২দা ন্যত্রিস্নেল আউৎকমশিং হেনগৎনবা অকনবা লালোং অমগা প্রপোজ তৌখ্রে।

বেক্সিনশিং

কোবিদ-১৯ বেক্সিন পুথোকপা অসিনা কেন্দ্রগী বজেৎতা চাউথোকচবগী মফম অমা কনখ্রে। কেন্দ্রগী শেলথুমগী মন্ত্রীনা হায় “ ইকাই খুম্নরবা প্রধান মন্ত্রীনা ঐখোয়গী সাইন্তিস্তশিংদা মনা পীদুনা অমসুং ধাগৎতুনা বেক্সিনেসন দ্রাইভ হৌদোকখি। মখোয়গী মপাঙ্গল অমসুং কন্না হোৎনখিবশিং অসিগীদমক ঐখোয়না তৌবিমল খঙবা উৎচরি”। মহাক্না হায় ভারত্তা বেক্সিন অনি ফংলে অমসুং কোবিদ-১৯গী মায়োক্তা মশাগী প্রজাশিং ঙাকশেল পীবা খক্তা নত্তনা লৈবাক ১০০ অমদি অতোপ্পা কয়াদসু পীরি। “অতোপ্পা বেক্সিন অনি নত্ত্রগা কয়া অথুবদা পুথোরক্লনি খঙবদা নুংঙাই”, হায়না মহাক্না মখা তাখ্রে।

বি.ই. ২০২১-২২দা কোবিদ-১৯ বেক্সিনগীদমক লুপা করোর ৩৫,০০০ এলোকেৎ তৌখ্রে। “করিগুম্বা মথৌ তারবদি ঐহাক্না অহেনবা অদু পীগনি”, হায়না শেলথুমগী মন্ত্রীনা মখা তানা ফোঙদোকখ্রে।

মসিগী মথক্তা ন্যুমোকোকল বেক্সিন, ‘মেদ ইন ইন্দিয়া’ প্রদক্ত অসি হৌজিল রাজ্য ৫দা খক্তা ফংলি, মসি লৈবাক শিনবা থুংনা রোল আউৎ তৌরগনি। মসিনা চহি অমদা অঙাং ৫০,০০০ হেন্না শীরিবা অসি ঙাকথোক্লগনি, হায়না বজেৎকী ৱারোলদা শেলথুমগী মন্ত্রীনা ফোঙদোকখ্রে।

নেস্নেল নর্সিং এন্দ মিদৱাইফরী কম্মিসন বিল

শেলথুম মন্ত্রীনা নেস্নেল কম্মিসন ফোর এলাইদ হেল্থকিয়র পওফেস্নেল্স বিলস অসি পার্লিয়ামেন্তদা এলাইদ হেল্থকিয়র প্রোফেসন ৫৬তা ত্রান্সপরেন্সী লৈহন্নবা অমসুং মপুং ফানা রেগুলেসন তৌনবা পুথোকখ্রে। নর্সিং প্রোফেসনদা ত্রান্সপরেন্সী, ইফিসেন্সী অমসুং গভর্নান্স রিফোর্মশিং পুরক্নবা সরকারনা নেস্নেল নর্সিং এন্দ মীদৱাইফরী কম্মিসন বিল পুথোকখ্রে হায়না মহাক্না লাউথোকখ্রে।

******