প্রধানমন্ত্রীগী লোইশঙ

প্রধান মন্ত্রীনা হায় মদুদি বজেৎ অসিনা ইন্দিয়াবু মশানা মশাবু থাজবা উৎলি

বজেৎ অসিনা আত্মানির্ভারতাগী মিয়েং অমা অমসুং নাগরিক পুম্বা য়াওবগী পুদুনা চৎলি

বজেৎ অসিনা ইন্দিভিজুএল, ইনভেস্তর, ইন্দস্ত্রী অমসুং ইনফ্রাস্ত্রকচরগী সেক্তরদা অফবা অওনবা পুরক্লি: প্রধান মন্ত্রী

খুঙ্গংশিং অমসুং ঐখোয়গী লৌমীশিংনা বজেৎ অসিগী ময়াইদা লৈ: প্রধান মন্ত্রী

Posted On: 01 FEB 2021 4:08PM by PIB Imphal

প্রধান মন্ত্রী শ্রী নরেন্দ্র মোদীনা হায় মদুদি হন্দক্কী চহিগী বজেৎ অসিনা চাওখৎপদা অশেংবা অমসুং থাজবা অমা ফাওরি অমসুং ইন্দিয়াগী ওইনা মশানা থাদবা অমা উৎলি। মহাক্না অমুশু হায় মদুদি য়াম্না লুরবা মতম অসিদা মালেম অসিদা থাজবা অমা লৈরগনি। 

লোক সভাদা য়ুনিয়ন বজেৎকী তেবল লৌরবা মতুংদা মহাক্না ৱা ঙাংবদা, প্রধান মন্ত্রীনা হায় মদুদি বজেৎ অসিনা আত্মানির্ভারতাগা মিয়েং অমা অমসুং নাগরিক পুম্বা য়াওবগী পুদুনা চৎলি। শ্রী মোদীনা শন্দোক্না তাক্লি মদুদি বজেৎ অসিগী মতুংদা য়াওরিবা অসি – চাওখৎনবা অনৌবা খুদোংচাবা চাওথোকহনবা; নহাশিংগী অনৌবা খুদোংচাবা; হুমেইন রিসোর্সতা অনৌবা মখল অমা পীবা; ইনফ্রাস্ত্রকচর চাওখৎবনবা অমসুং অনৌবা সেক্তর চাওখৎপদা মতেং পাংবা।

প্রধান মন্ত্রীনা হায় মদুদি বজেৎ অসিনা ‘ইজ ওফ লিবিং’অসি মীচমদা চৎন-পথাপশিং লায়থোকহন্দুনা হেন্না কান্নবা পীবা। বজেৎ অসিনা ইন্দিভিজুএল, ইনভেস্তর, ইন্দস্ত্রী অমসুং ইনফ্রাস্ত্রকচরগী সেক্তরদা অফবা অওনবা পুরকহনবা।

প্রধান মন্ত্রীনা হায় মদুদি বজেৎ অসি উৎপা পুংশিং খরগী মনুংদা য়াম্না থুনা য়ানিংবা পীরকই। মহাক্না হায়, সরকারনা মতিক চানা বজেৎ অসিগী চাওবা হেনগৎপদা য়াম্না কুপ্না য়েংই। মহাক্না হরাওবা ফোংদোকখি মদুদি বজেৎ অসিগী ময়েক শেংবা অসি এক্সপার্তশিংনা থাগৎখিবা অসিনি।

সরকারনা মাংজৌননা লৌখিবা অসি পল্লদুনা, মসি কোরোনাগী লায়চৎ মনুং অমসুং আত্মানির্ভরাতাগী কেম্পেইন্দসু, প্রধান মন্ত্রীনা হায় মদুদি বজেৎ অসিনা চংশিনবদা অৱাৎপা লৈখিদে। “ঐখোয়না খিংনা তৌবদগী হেন্না তৌখি অমসুং মাংজৌননা বজেৎ পীখি” হায়না প্রধান মন্ত্রীনা হায়খি।

বজেৎ অসিগী মাইকৈ খুদিংগী চাওখৎপা অসিগী মরুওইবা অসি থাগৎলদুনা, শ্রী মোদীনা হায় মদুদি মসি নুঙাই-য়াইফবা, এম.এস.এম.ই অমসুং ইনফ্রাস্ত্রকচরদা মিয়েং থম্মি। মহাক্না মসি অমগসু খঙহল্লি মদুদি হকশেলগী চেকশিন থৌরাংদা অমুক্তা তৌখিদ্রিবা মওংদা মিয়েং থম্মী। প্রধান মন্ত্রীনা হরাওবা ফোংদোক্লি মদুদি বজেৎ অসি খারোমথংবা স্তেতশিং, অৱাং-নোংপোক অমসুং লেহ-লাদাখকী মফমশিং চাওখৎপগী একাউন্তদা ওইবা অসিদা। মহাক্না হায় মদুদি মসি য়াম্না চাওবা খোঙথাং অমনি মদুদি সমুদ্রগী মপাল ওইরিব স্তেতশি হায়বদি তামিল নাদু, কেরলা, ৱেস্ত বেঙ্গাল অসি ব্যুজিনেশকী পৱারহাউস ওন্থোরকপা অসিনি। বজেৎ অসিনা অৱাং নোংপোক্‌কী লমদম হায়বদি আসম গুম্বা স্তেতশিংদা হেন্না কান্নরগনি।

বজেৎ অসিনা সমাজ অসিগী মফম কয়া অমদা পীরিবা শাফু অসি পল্লদুনা শ্রী মোদীনা হায় মদুদি মসিগী রিসর্স অমসুং অনৌবা পুথোকপদা পীরিবা মরুওইবা পীবা অসিনা নহাশিংদা মতেং য়াম্না পীরগনি। মীচম প্রজাশিংনা হকশেল, স্বাচছতা, ন্যুত্রিসন, অরুবা ঈশিং অমসুং খুদোংচাবা মান্ননা অসিদা মরুওইবা পীদুনা কান্নহনগনি। 

প্রধান মন্ত্রীনা হায় মদুদি বজেৎ অসি এগ্রীকলচরেল সেক্তর অমসুং লৌমীগী ইনকম হেনগৎনবা প্রোবিজন লৈ। লৌমীনা লায়না অমসুং অহেনবা ক্রেদিৎ লৈগনি। প্রোবিজন অসিনা মখোয়বু এ.পি.এম.সি. অমসুং এগ্রীকলচরেল ইনফ্রাস্ত্রকচর ফন্দ কনখৎহল্লি। “মসিনা উৎলি মদুদি খুঙ্গং অমসুং লৌমীনা ঐখোয়গী বজেৎ অসিগী থৱায়নি”  হায়না প্রধান মন্ত্রীনা হায়খি।

শ্রী মোদীনা খঙহল্লি মদুদি এম.এস.এম.ই. সেক্তর এল্লোকেসন অসিনা থবক্কী খুদোকচাবা অসিদা শরুক অনি থোক্না হেনগৎহল্লি। মহাক্না হায় মদুদি বজেৎ অসিনা অনৌবা দিকেৎ অমগীদমক অরিংবা ফাওন্দেসন অমা লৈরে অমসুং ইরৈচাশিংবু বজেৎ অসি আত্মানির্ভর ভারতকীদমক থাগৎপা ফোংদোক্লি।

***



(Release ID: 1694074) Visitor Counter : 5