খুরুমজরি!

ঐখোয়না প্রবুদ্ধা ভারতকী ১২৫শুবা কুমওন পাঙথোকপা অসি য়াম্না নুংঙাইবা ৱাফম অমনি। মসি অশম্বা চেফোং অমা নত্তে। মসি ১৮৯৬তা স্বামি বিবেকানন্দনা হৌদোকখিবনি। মদুসু চহি কুনথ্রা হুমদোইগী য়াম্না ঙল্লিঙৈ চহিদনি। মসি লৈবাক অসিগী খ্বাইদগী অরিবা ইংলিশকী চেফোংশিংগী মরক্তা অমনি।

প্রবুদ্ধা ভারত হায়বা মমিং অসিমক য়াম্না শক্তি লৈবা ৱাখল্লোন অমনি। স্বামি বিবেকানন্দা চেফোং অসি ঐখোয়গী লৈবাক নিংবগী ৱাখল্লোন অদু ফোঙদোক্নবা প্রবুদ্ধা ভারত হায়না থোনখি। মহাক্না ‘ভারতকী ইথিল পোকহন্নবা’ মসি শেমখিবনি। ভারতপু মমুৎ তানা খঙবা মীওইশিংনা মসি রাজনিতী নত্ত্রগা ঙমখৈগী ৱাফম খক্তগী নত্তে হায়বা খঙখি। স্বামি বিবেকানন্দনা মসি য়াম্না থৌনা লৈনা অমদি চাউথোক্না ফোঙদোকখি। মহাক্না ভারত অসি চহিচা কয়া অসিদা কলচরগী খনদুনা হিংবা উবা ফংখি। মাইথিগনি হায়না খন্নরবসু শিংনবা খুদিংদা হেন্না মপাঙ্গল কনগৎপা ভারতনি। স্বামি বিবেকানন্দনা ভারত অসি ‘প্রবুদ্ধা’ নত্ত্রগা মিকপ থোকহনবা পামখি। মহাক্না ঐখোয়না অচৌবা পান্দম কয়াগীদমক জাতি অমা ওইনা ইশাদা থাজবা লৈহনবা পামখি।

মরুপশিং, স্বামি বিবেকানন্দনা লাইরবশিংগীদমক মীনুংশি পোকই। মহাক্না সমস্যা খুদিংমক্কী হৌরকফম অসি  লায়রবা হায়বা অসিনা ওই হায়না মহাক্না তশেংনা থাজখি। মরম অসিনা জাতি অসিদগী লায়রবা মুত্থৎপা তাখি। মহাক্না ‘দরিদ্রা নরায়না’বু খ্বাইদগী মরু ওইনা লৌখি।

য়ু.এস.এ.দগী স্বামি বিবেকানন্দনা চিথি কয়া ইরকখি। মহাক্না মৈসুরগী ইনিংথৌ অমসুং স্বামি রমাকৃষ্ণনন্দা জীদা ইরকখিবা চিথিশিং অদু ঐহাক পাউদমজগে। চিথিশিং অসিদা স্বামি জিনা লায়রবশিং থৌগৎনবা লালোংগী মরমদা ৱাখল্লোন অদু ময়েক শেংনা ফোঙদোকখি। অহানবদা করিগুম্বা লায়রবশিংনা মখোয় মশানা লায়না থৌগৎচবা ঙমদবা তারবদি মহাক্না লায়রবশিংবু থৌগৎপিবা পামখি। অনিশুবদা মহাক্না ভারতকী লায়রবগী মরমদা  অসুম্না হায়খি, “মখোয়দা ৱাখল্লোন পীবা তাই; মখোয়গী অকোইবদা করি তৌরিবগে হায়বা অসি উনবা মখোয়গী মমিৎ পাংহনবা তাই; অমসুং মদুদগী মখোয়না মখোয় মশা মথন্তা কনজনবা পাম্বৈ থিরক্কনি”।

মসিগী লালোং অসিগা লোইননা ঙসি ভারতনা মাংদা চংশিল্লি। করিগুম্বা লায়রবশিংদা বেঙ্কশিং য়ৌবা ঙমদ্রবদি বেঙ্কশিংনা লায়রবশিংদা য়ৌশিনগদবনি। মসিনা জন ধান য়োজন্না তৌরিবা। করিগুম্বা লায়রবশিংনা ইন্সুরেন্স য়াদ্রবদি ইন্সুরেন্সনা লায়রবশিং য়ৌশিনগদবনি। মসিনি জন সুরক্ষা স্কীমশিংদা তৌরিবা। করিগম্বা লায়রবশিংনা হেল্থ-কিয়র ফংদ্রবদি ঐখোয়না হেল্থ-কিয়রবু লায়রবশিংদা য়ৌহনবা তাই। আয়ুশমান ভারত স্কীমনা মসি পাঙথোকখি। লম্বী-থোং, এজুকেসন, ইলেক্ত্রিসিতী অমসুং ইন্তর্নেৎ কন্নেক্তিবিতী অসি মরু ওইনা লায়রবশিং য়াওনা লৈবাক অসিগী কাচিন-কোয়া পুম্নমক্তা য়ৌহনখ্রে। মসিনা লায়রবশিংগী অনীংবা-অপাম্বশিং থুংহল্লি। অমসুং মসিগী অনীংবা-অপাম্বশিং অসিনা লৈবাক অসি চাউখৎহনবা ঙম্লিবনি।

মরুপশিং, স্বামি বিবেকানন্দনা হায়, “অশোনবা কোকহন্নবা লম্বীদি মদুবু লানিং ওইদুনা লৈবা নত্তে পাঙ্গল হাপকৎনবা ৱাখল খনবনা ওইগনি”। ঐখোয়না অপনবশিংগী মতাংদা খনবা মতমদা ঐখোয়না মদুগী পোৎলুম পুই। অদুবু ঐখোয়না খুদোংচাবশিংগী খনবা মতমদা ঐখোয়না মাংদা চংশিন্নবা লম্বী উরকই। মালেমগী লাইচৎ ওইরিবা কোবিদ-১৯ অসি খুদম ওইনা লৌ। ভারতনা করি তৌখি? মানা সমস্যা অদু য়েংদুনা করি অমত্তা তৌদনা লেপতুনা লৈখিদে। ভারতনা ৱারোইশিন পুরক্নবা পাম্বৈশিংদা মীৎয়েং চংখি। পি.পি.ই. কিৎশিং পুথোকপদগী মালেমগী ফার্মাসী ওইদুনা ঐখোয়গী লৈবাক অসিনা মথং-মথং পাঙ্গল পুথোকখি। খুদোংথিবা নংবা মতম অসিদা ভারতনা মালেমগী মতেং পাংনবা লম্বী অমা ওইখি। ভারতনা কোবিদ-১৯ বেক্সিন পুথোকপদা মাং থাখি। নুমিৎ খরনিগী মমাংদা ভারতনা মালেমগী খ্বাইদগী চাউবা বেক্সিনেসন দ্রাইভ হৌদোকখি। ঐখোয়না অতোপ্পা লৈবাকশিং মতেং পাংনবা মসিগী পাঙ্গল অসিসু শিজিন্নরি।

মরুপশিং অইং-অশাদা অহোংবা লাকপা হায়বা অসি মালেম পুম্বনা থেংনরিবা অতোপ্পা সমস্যা অমনি। অদুম ওইনমক ঐখোয়না সমস্যা অসিগী মরমদা ৱাকৎপা খক্তা নত্তনা ঐখোয়না ইন্তরনেস্নেল সোলর এলাইন্সকী মওংদা পাম্বৈ অমা পুথোকখি। ঐখোয়না রিন্যুএবল রিসোর্সশিং শিজিন্নবা হেনগৎনবা এদভোকেৎ তৌরি। মসি স্বামি বিবেকানন্দগী প্রবুদ্ধা ভারতকী মঙলান অদুদা দা য়ুম্ফম ওইরগা শেমগৎপনি।  মালেমগী সমস্যাশিংগী অৱাবা কোকহন্নবা পাম্বৈ পুথোক্লিবা ভারত অদু মসিনি।

মরুপশিং স্বামি বিবেকানন্দনা ভারতকী অচৌবা মঙলান কয়া শগৎলমখি মরমদি মহাক্না ভারতকী নহারোলশিংদা চাউনা থাজবা থমখি। মহাক্না ভারতকী নহারোলবু হৈশিংবা অমসুং মশানা মশাবু থাজবা থমজবগী পাৱরহাউস ওইনা উখি। “ঐঙোন্দা থৌনা লৈবা নহারোলচমা পীয়ু ভারতপু অওনবা পুরক্কে” হায়না মহাক্না হায়রমখি। ঙসি ঐখোয়না মসিগী থৌনা লিংজেল অসি ভারতকী বিজিনেসকী লুচিংবশিং, শান্নরোইশিং, তেক্নোক্রেৎশিং, প্রোফেস্নেলশিং, সাইন্তিস্তশিং, ইন্নোবেতরশিং অমসুং অতোপ্পা কয়াদা উবা ফংলি। মখোয়না ঙমখৈ লান্থোক্তুনা ওইথোক্তবা কয়াবু ওইথোকহল্লি।

অদুবু থৌনা-লিংজেল অসি নহারোলশিংগী মরক্তা করম্না থৌগৎকনি?  প্রেক্তিকেল বেদন্তাদা মহাক্না ৱারোল পীবদা স্বামি বিবেকানন্দনা অফবা ৱাখল্লোন খরা পুথোকখি। মহাক্না অপনবশিং লান্থোকপা ঙম্নবা অমসুং মখোয়বু তমশিনহৌনবগী শরুক অমা ওইন্না উনবগী মতাংদা ৱা ঙাংখি। অনিশুবদা মীয়ামদা পোকহনগদবা ৱাখল্লোনশিং অদুদি: অকিবা লৈতবা অমসুং ইশানা থাজজবা অদু থুংহনবা অসিনি। অকিবা লৈতবা হায়বা অসি ঐখোয়না স্বামি বিবেকানন্দগী মশামক্কী পুন্সিদগী তমহৌবনি। মহাক্না তৌবা খুদিংদা মহাক্না মশাদা থাজবগা লোইননা মাংলোমদা চংশিনখি। মহাক্না মহাক মশাবু থাজবা থমজখি। মহাক্না চহিচা কয়া লিরবা ৱাখল্লোন অমগী মশক তাক্লি হায়না থাজবা থমজখি।

মরুপশিং, স্বামি বিবেকানন্দগী ৱাখল্লোনশিং অসি হোংবা নাইররোই। অমসুং ঐখোয়না মতম পুম্বদা নীংশিংগদবদি: অশেংবা ওমোর ওইবা ঙম্বা হায়বা অসি মালেমনা নীংশিংহৌগদবা করিগুম্বা খরা তৌরকপা মতমদা ওইবা ঙমগনি। করিগুম্বা ঐখোয়দগী হেনবা অমা তৌরম্বা তাই। ঐখোয়গী পুরানদা ইরম্বা ৱারীশিং অসিনা করিগুম্বা অফবা খরা তাকপীরি। মখোয়না ঐখোয়দা ওমোর ওইনবা হোৎনবনা মদু কৈদৌনুংদা ফংবা ঙমলোই হায়না তাকপিখি। অদুবু অতোপ্পগী থৌগৎ ফংজনবা পান্দম থম্বা মীওইশিংনা ওমোর ওইহৌগনি। স্বামিজি মশামক্না অসুম্না হায়রমখি, “অতোপ্পগীদমক হিংবা মীওইশিং খক্তনা হিংদুনা লৈহৌগনি”। মসি স্বামি বিবেকানন্দগী পুন্সিদসু উবা ফংখি। মহাক্না মশাগী করিগুম্বা অমত্তা তৌখিদে। মহাক্না লৈবাক অসিগী লায়রবশিংগীদমক হিংখি। মহাক্না য়োৎলিং থাংলবা ইমা লৈবাক্কীদমক মতম পুম্বদা হিংখি।

মরুপশিং স্বামি বিবেকানন্দানা স্পিরিচ্যুএল অমসুং শেন্মীৎলোনগী খোঙজেল অসি চপ মান্ননা য়াওদে হায়না উখিদে। খ্বাইদগী মরু ওইবদি মহাক্না মীয়াম্না লায়রববু রোমান্তিসাইস তৌবগী এপ্রোচ অসি য়ানিংখিদে। মহাক্না প্রেক্তিকেল ভেদন্তাগী মতাংদা ৱা ঙাংবদা মহাক্না হায়রমখি, “মালেমদা ধর্ম অমসুং পুন্সিগী মরক্তা লৈরিবা অরানবা খেন্নবা অসি লৌথোকখিগদবনি মরমদি ভেদন্তানা অমত্তা ওইগদবনি হায়না তাকপীরমখি”।

স্বামিজি অসি পুকচেল চাউবা অথোইবা মীওই অমনি। অদুবু মহাক্না লায়রবশিংগীদমক শেন্মীৎলোনগী খোঙজেল অসি থাদোক্লে হায়না লাউথোকখিদে। স্বামিজি অসি মশামক সন্যাসি অমনি। মহাক্না মশাগী ওইনা লুপা অমা ফাওবা তানখিদে।অদুবু মহাক্না অচৌবা ইন্সতিত্যুসনশিং শান্নবা ফন্দশিং খোমগৎখি। ইন্সতিত্যুসনশিং অসিনা লায়রবগা লান্থেংনরি অমসুং ইন্নোবেসনবু থৌগৎলি।

রুপশিং ঐখোয়বু লমজিং লমতাকপীবা স্বামি বিবেকানন্দগী অসিগুম্বা লন মখল কয়া লৈ। প্রবুদ্ধা ভারত চহি ১২৫ চল্লাইদুনা স্বামি জিগী ৱাখল্লোন শন্দোক্লি। মহাক্না নহারোলশিং এজুকেসন ফংহনবা অমসুং লৈবাক অসি মীকপ থোকহনবা হায়বা ৱাখল্লোন অদু শাগৎখি। মসিনা স্বামি বিবেকানন্দগী ৱাখল্লোনশিং অসি ওমোর ওইহনবদা শিংথানীংঙাই ওইনা মতেং পাংখি। ঐখোয়না প্রবুদ্ধা ভারতনা তুংলমচৎতা অফবা কয়া তৌরক্নবা য়াইফ-পাউজেল পীজরি।

থাগৎচরি।

***