ঙসি ভিদিও কনফরেন্সিংগী খিৎথাংদা জপানগী এম./এস. নিসেনকেন ক্বালিতী ইভেল্যুসন সেন্তর অমসুং ভারত সরকারগী তেক্সতাইল মন্ত্রালয়গী তেক্সতাইল কম্মিতীগা  য়ানা অমগী শহি পীনবগী থৌরম পাংথোকখ্রে৷ ২০২০গী সেপ্তেম্বর ২দা ইকাই খুম্নরবা প্রধান মন্ত্রীনা সভাপতি ওইদুনা ফমখিবা কেন্দ্র কেবিনেৎ অসিনা ওর্গনাইজেসন অনি অসিগী মরক্তা য়ানা ৱারোল অসিগী শহি পীনগদবা অসিগী অয়াবা পীখ্রে৷ শহি পীনবগী থৌরম অসি ভারতকী মাইকৈদগী ইকাই খুম্নরবী তেক্সতাইলগী মন্ত্রী অমসুং ৱুমেন অমসুং চাইল্দ দিভেলপমেন্তগী মন্ত্রী শ্রীমতি শমৃতি জুবিন ইরানি অমসুং জাপানিজ মাইকৈদগী জপান সরকারগী ইকাই খুম্নরবা ইকোনোমী, ত্রেদ অমসুং ইন্দস্ত্রীগী রাজ্যগী মন্ত্রী শ্রী য়াসুমসা নগাসকানা থৌরম মপু ওইখি৷

তেস্তিং, ইন্সপেক্সন অমসুং কনফোর্মিতী এসেস্মেন্ত, ত্রেনিং অমসুং কেপাসিতী বিল্দিং, রিসর্চ অমসুং দিভেলপমেন্ত(আর.অমসুং দি.) অমসুং কন্সল্তেন্সী হেনগৎহন্দুনা জাপানিজ বাইয়রশিং অসিগী অৱাৎপাশিং অসিগী মতুং ইন্না হেন্না ক্বালিতী লৈনা ফংহন্নবগীদমক তেক্সতাইলগী ত্রেদ অমসুং ইন্দস্ত্রীদা মতেং পীবা অসিনা য়ানা ৱারোল অসিগী খ্বাইজদগী মরু ওইবা পান্দম ওইরি৷ য়ানা ৱারোল অসিনা মালেম অসিগী তেক্সতাইল এক্সপোর্ত পন্থুংফমগী অহুমশুবা মফম কল্লিবা জপানদা ভারতনা তেক্সতাইল অমসুং এপারেলশিং(তি.অমসুং এ.) হেন্না থাদোক্তুনা লৈবাক অনি অসিগী মরক্তা লৈরিবা ললোন-ইতিক্কী মরী অসি হেন্না ফহল্লগনি হায়না থাজনরি৷

শহি পীনবগী থৌরম অসিদা ৱা ঙাংলদুনা ভারত অমসুং জপান অনিগী মরক্তা মমাংঙৈ মতমদগী লৈরক্লিবা মরুপ মপাং ওইবগী মরী, অকনবা কল্চরেল অমসুং সিভিলাইজেসনগী ওইবা মরী অদু শ্রীমতি শমৃরিতি জুবিন ইরানিনা পন্দুনা নিংশিংখ্রে৷ ইকাই খুম্নরবা প্রধান মন্ত্রী শ্রী নরেন্দ্র মোদীগী লুচিং মখাদা ভারত অমসুং জপান লৈবাক অনি অসিগী মরাক্তা লৈরিবা মরী অসি মখাতানা হেন্না ফনা লৈননবগী মতাংদসু ফোংদোকখ্রে৷ মন্ত্রী অসিনা জপানদা থাদোক্নবা পোৎশিং অসিগী ক্বালিতী অসিগা মরী লৈনবা চেলেঞ্জ অদু মখাতনা পনখ্রে অমসুং জপান্দা বেজ তৌবা ইমপোর্তরশিং অসিনা পাম্লিবা তোঙান তোঙানবা পেরামিতর মখলশিং অসিগী মতাংদা এৱার্নেস পীবদা য়ানা ৱারোল অসিনা মতেং ওইরগনি অমসুং জাপান ইমপোর্তরশিং অসিনা পাম্লিবা পোৎশিং অসিগী ক্বালিতী অসি ফহন্নবা মখোয়গী তেক্নোলোজী অসি শিজিন্ননবা অমসুং অপগ্রেদ তৌনবা ইন্দিয়ন এক্সপোর্তরশিং অসি মতেং পীরগনি হায়না থাজনা ফোংদোকখ্রে৷

থৌরম অসিদা ৱা ঙাংলদুনা ভারত অসি জপানিজ মার্কেৎকী অচৌবা মার্কেৎ অমনি হায়না জাপানগী ইকোনোমী, ত্রেদ অমসুং ইন্দস্ত্রীগী রাজ্যগী মন্ত্রী শ্রী য়াসুমসা নগাসকানা ফোংদোকখ্রে অমসুং অসিগুম্না অমগা অমগা মতেং পাংনবা অসিনা লৈবাক অনি অসিগী মরক্তা লৈরিবা ললোন-ইতিক্কী ওইবা মরী অসি হেন্না ফহল্লগনি হায়না থাজবা পীখ্রে৷

তেক্সতাইল কম্মিতী অসিগী মতাংদা

পার্লিয়ামেন্তগী এক্ত অমনা ১৯৬৩দা তেক্সতাইল কম্মিতী অসি লিংখৎখিবনি অমসুং মসি দোমেস্তিক অমসুং এক্সপোর্ত মার্কেৎশিং অসিগীদমক হেন্না ফবা তেক্সতাইল অমসুং তেক্সতাইল প্রদক পুম্নমক ক্বালিতী লৈনা পুথোক্নবা তেক্সতাইল মন্ত্রালয়গী লৈরিবা স্তেত্যুতরী বোদী অমনি৷ তেক্তাইল কম্মিতী অসি মরী লৈনবা নেস্নেল অমসুং ইন্তরনেস্নেল স্তেন্দর্দশিং অসিগী মখাদা অয়াবা পীরবা স্তেত ওফ আর্ত লেবোরেতরী ১৯ য়াওনা লৈবাক অসিদা লৈরিবা মহাক্কী বেতৱার্ক ওফিস ২৮ য়াওনা পান-বেসিস্তা ইন্তিগ্রেতেদ ফোর্মেৎ অমগী মওংদা তেক্সতাইল ভেল্যু চেন (তি.ভি.সি.) পুম্নমক্কী ক্বালিতীগা মরী লৈনবা তঙাই ফদবা অদু ফংহল্লিবা লৈবাক অসিগী বোদী অসি খক্তনি৷

নিসেনকেন ক্বালিতী ইভাল্যুসন সেন্তর, জপানগী মতাংদা

এম./এস. নিসেনকেন ক্বালিতী ইভেল্যুসন সেন্তর অসি ১৯৪৮দা জপানদা লিংখৎখিবা মমিং লৈরবা তেস্তিং অমসুং ইন্সপেক্সন ওর্গনাইজেসনশিং অসিগী মনুংদা অমনি অমসুং মসিনা জপান অমসুং অতোপ্পা লৈবাকশিং চাইনা, ইন্দোনেসিয়া, ম্যানমার, ভিয়েৎনাম, বঙ্গলাদেশ, কম্বোদিয়া অমসুং ভারত লৈবাকশিং অসিদা লৈরিবা তেক্সতাইল ত্রেদ অমসুং ইন্দস্ত্রী অসিদা মমল নাইদ্রবা সর্ভিসশিং পীরি অমসুং ৱাল্দ ক্লাসকী ওইবা খুদোংচাবশিং ফংহল্লি৷

*****