ਯੁਵਾ ਮਾਮਲੇ ਤੇ ਖੇਡਾਂ ਬਾਰੇ ਕੇਂਦਰੀ ਰਾਜ ਮੰਤਰੀ ਐੱਮ ਓ ਐੱਸ (ਸੁਤੰਤਰ ਚਾਰਜ) ਅਤੇ ਐੱਮ ਓ ਐੱਸ ਘੱਟ ਗਿਣਤੀ ਮਾਮਲੇ ਸ਼੍ਰੀ ਕਿਰੇਨ ਰਿਜਿਜੂ ਨੇ ਅੱਜ 28 ਜਨਵਰੀ 2021 ਨੂੰ ਨਵੀਂ ਦਿੱਲੀ ਵਿੱਚ ਗਣਤੰਤਰ ਦਿਵਸ ਪਰੇਡ 2021 ਵਿੱਚ ਭਾਗ ਲੈਣ ਵਾਲਿਆਂ ਨੂੰ ਪੁਰਸਕਾਰ ਪ੍ਰਦਾਨ ਕੀਤੇ । ਉੱਤਰ ਪ੍ਰਦੇਸ਼ ਦੀ ਝਾਕੀ ਸਰਵੋਤਮ ਰਹੀ । ਇਸ ਪਰੇਡ ਵਿੱਚ 17 ਸੂਬਿਆਂ ਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ , ਵੱਖ ਵੱਖ ਮੰਤਰਾਲੇ ਤੇ ਵਿਭਾਗਾਂ ਦੀਆਂ 9 ਝਾਕੀਆਂ ਅਤੇ ਪੈਰਾ ਮਿਲਟ੍ਰੀ ਬਲਾਂ ਅਤੇ ਰੱਖਿਆ ਮੰਤਰਾਲੇ ਦੀਆਂ 6 ਝਾਕੀਆਂ ਨੇ ਅਮੀਰ ਸਭਿਆਚਾਰ ਵਿਰਾਸਤ , ਆਰਥਿਕ ਗਤੀ ਅਤੇ ਰੱਖਿਆ ਮਹਾਰਤ ਨੂੰ 26 ਜਨਵਰੀ 2021 ਨੂੰ ਰਾਜਪੱਥ ਤੇ ਪੇਸ਼ ਕੀਤਾ ਸੀ । ਉੱਤਰ ਪ੍ਰਦੇਸ਼ ਦੀ ਝਾਕੀ , ਆਯੋਧਿਆ : ਉੱਤਰ ਪ੍ਰਦੇਸ਼ ਦੀ ਸਭਿਆਚਾਰਕ ਵਿਰਾਸਤ ਦੇ ਥੀਮ ਤੇ ਅਧਾਰਿਤ ਸੀ ।
ਤ੍ਰਿਪੁਰਾ ਦੀ ਝਾਕੀ ਨੇ ਦੂਸਰਾ ਸਰਵੋਤਮ ਸਥਾਨ ਹਾਸਲ ਕੀਤਾ । ਤ੍ਰਿਪੁਰਾ ਦੀ ਝਾਕੀ ਵਿੱਚ ਸਮਾਜਿਕ ਆਰਥਿਕ ਪੈਮਾਨਿਆਂ ਵਿੱਚ ਆਤਮਨਿਰਭਰਤਾ ਪ੍ਰਾਪਤ ਕਰਨ ਲਈ ਵਾਤਾਵਰਣ ਦੋਸਤਾਨਾ ਰਵਾਇਤ ਨੂੰ ਉਤਸ਼ਾਹਿਤ ਕਰਦਿਆਂ ਦਰਸਾਇਆ ਗਿਆ ਹੈ । ਪੂਰਬ ਉੱਤਰੀ ਸੂਬਾ 19 ਕਬੀਲਿਆਂ ਦਾ ਘਰ ਹੈ ਅਤੇ ਵਿਸ਼ਵ ਨੂੰ ਬਾਂਸ ਦੇ ਅਮੀਰ ਸਰੋਤ ਨਾਲ 21 ਕਿਸਮਾਂ ਨਾਲ ਸਹਾਇਤਾ ਕਰਦਾ ਹੈ । ਇਸ ਝਾਕੀ ਵਿੱਚ ਬਾਂਸਾਂ ਦੀਆਂ ਵੰਨਗੀਆਂ ਅਤੇ ਕਬੀਲਿਆਂ ਵੱਲੋਂ ਆਪਣੇ ਰਵਾਇਤੀ ਕਪੜੇ , ਬਾਂਸ ਅਤੇ ਕੇਨ ਉਤਪਾਦਾਂ ਤੋਂ ਬਣੇ ਮਾਸਕ ਦਿਖਾਏ ਗਏ ਸਨ ।
ਸੂਬਿਆਂ ਤੇ ਕੇਂਦਰ ਸ਼ਾਸਤ ਪ੍ਰਦੇਸ਼ਾਂ ਵਿੱਚੋਂ ਉਤਰਾਖੰਡ ਜਿਸ ਨੂੰ ਦੇਵਭੂਮੀ ਕਿਹਾ ਜਾਂਦਾ ਹੈ, ਦੀ ਝਾਕੀ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ । ਇਸ ਝਾਕੀ ਦੇ ਸਾਹਮਣੇ ਵਾਲਾ ਹਿੱਸਾ ਸੂਬਾ ਜਾਨਵਰ ਮਸਕ ਹਿਰਨ ਨੂੰ ਦਰਸਾਉਂਦਾ ਹੈ । ਸੂਬਾ ਪੰਛੀ (ਮੋਨਲ) ਅਤੇ ਸੂਬਾ ਫੁੱਲ (ਬ੍ਰਹਮਾ ਕਮਲ) ਵੀ ਦਿਖਾਏ ਗਏ , ਜੋ ਕੇਦਾਰਖੰਡ ਅਤੇ ਉੱਚ ਹਿਮਾਲਈ ਖੇਤਰਾਂ ਵਿੱਚ ਪਾਏ ਜਾਂਦੇ ਹਨ । ਝਾਕੀ ਦੇ ਵਿਚਲੇ ਹਿੱਸੇ ਵਿੱਚ "ਨੰਦੀ" ਭਗਵਾਨ ਸਿ਼ਵ ਦੀ ਵਾਹਨ ਦਰਸਾਈ ਗਈ ਹੈ ਅਤੇ ਝਾਕੀ ਦੇ ਪਿਛਲੇ ਹਿੱਸੇ ਵਿੱਚ ਭਗਵਾਨ ਕੇਦਾਰ ਦਾ ਮੰਦਰ ਦਿਖਾਇਆ ਗਿਆ ਹੈ , ਜੋ 12 ਜਯੋਤਿਰਲਿੰਗਾਂ ਵਿੱਚੋਂ ਇੱਕ ਹੈ । ਇਸ ਮੰਦਰ ਦੇ ਬਿਲਕੁੱਲ ਪਿੱਛੇ ਦਿਵਿਆਸਿ਼ਲਾ , ਪਵਿੱਤਰ ਪਹਾੜੀ ਦਿਖਾਈ ਗਈ ਹੈ , ਜਿਸ ਨੇ 2013 ਵਿੱਚ ਆਪਦਾ ਦੌਰਾਨ ਕੇਦਾਰਨਾਥ ਧਾਮ ਨੂੰ ਹੜਾਂ ਤੋਂ ਬਚਾਇਆ ਸੀ ।
ਵੱਖ ਵੱਖ ਮੰਤਰਾਲਿਆਂ , ਵਿਭਾਗਾਂ ਦੀਆਂ 9 ਝਾਕੀਆਂ ਅਤੇ ਪੈਰਾ ਮਿਲਟ੍ਰੀ ਬਲਾਂ ਅਤੇ ਰੱਖਿਆ ਮੰਤਰਾਲੇ ਦੀਆਂ 6 ਝਾਕੀਆਂ ਵਿੱਚੋਂ ਬਾਇਓ ਟੈਕਨੋਲੋਜੀ ਵਿਭਾਗ ਦੀ ਝਾਕੀ ਨੂੰ ਸਰਵੋਤਮ ਮਾਨ ਸਨਮਾਨ ਦਿੱਤਾ ਗਿਆ । ਇਸ ਝਾਕੀ ਵਿੱਚ ਆਤਮਨਿਰਭਰ ਭਾਰਤ ਅਭਿਆਨ : ਕੋਵਿਡ , ਵੱਖ ਵੱਖ ਪ੍ਰਕਿਰਿਆ ਰਾਹੀਂ ਵੈਕਸੀਨ ਵਿਕਾਸ ਦੀ ਪ੍ਰਕਿਰਿਆ ਦਿਖਾਈ ਗਈ ਹੈ । ਬਾਇਓ ਟੈਕਨੋਲੋਜੀ ਵਿਭਾਗ ਨਵੀਨਤਮ ਉਤਪਾਦ ਵਿਕਾਸ ਸਮਾਜ ਦੇ ਸੰਦਰਭ ਵਿੱਚ ਵਾਤਾਵਰਣ ਪ੍ਰਣਾਲੀ ਸਥਾਪਿਤ ਕਰਨ ਤੇ ਧਿਆਨ ਕੇਂਦਰਿਤ ਕਰ ਰਿਹਾ ਹੈ । ਸਵਦੇਸ਼ੀ ਟੀਕਿਆਂ , ਨਵੇਂ ਜਾਂਚ ਸਿਹਤ ਸੰਭਾਲ ਦੇ ਬਿੰਦੂ ਅਤੇ ਇਲਾਜ ਦੇ ਫਾਰਮੁਲੇ ਜੋ ਰਵਾਇਤੀ ਗਿਆਨ ਤੇ ਅਧਾਰਿਤ ਹਨ , ਨਾਲ ਖੋਜ ਸਰੋਤਾਂ ਅਤੇ ਸੇਵਾਵਾਂ ਦੇਣ ਲਈ ਵਿਕਾਸ ਉੱਪਰ ਧਿਆਨ ਕੇਂਦਰਿਤ ਕਰ ਰਿਹਾ ਹੈ ।
ਸੈਂਟਰਲ ਪਬਲਿਕ ਵਰਕਸ ਡਿਪਾਰਟਮੈਂਟ (ਸੀ ਪੀ ਡਬਲਯੁ ਡੀ) ਦੀ ਝਾਕੀ ਜਿਸ ਦਾ ਥੀਮ (ਅਮਰ ਜਵਾਨ) ਸੀ , ਨੂੰ ਹਥਿਆਰਬੰਦ ਫੌਜਾਂ ਦੇ ਸ਼ਹੀਦਾਂ ਨੂੰ ਸ਼ਰਧਾਂਜਲੀ ਦੇਣ ਲਈ ਵਿਸ਼ੇਸ਼ ਇਨਾਮ ਹਾਸਲ ਕੀਤਾ । ਝਾਕੀ ਅਮਰ ਜਵਾਨ ਦਾ  ਮਤਲਬ ਰਾਜਪੱਥ ਉੱਪਰ ਜਵਾਨਾਂ ਦੀਆਂ ਅਮਰ ਜਿ਼ੰਦਗੀਆਂ ਹਨ । ਭਾਰਤੀ ਹਥਿਆਰਬੰਦ ਫ਼ੌਜਾਂ ਦੇ ਸਨਮਾਨ ਲਈ ਟਰੈਕਟਰ ਦੇ ਸਾਹਮਣੇ ਬਿਲਕੁੱਲ ਸਿੱਧੀ ਕੌਮੀ ਜੰਗੀ ਯਾਦਗਾਰ ਹੈ । ਝਾਕੀ ਦੇ ਆਸ—ਪਾਸ ਦੇ ਪੈਨਲ ਜਵਾਨਾਂ ਦੇ ਉਤਸ਼ਾਹ ਨੂੰ ਦਰਸਾਉਂਦੇ ਹਨ । ਇਸ ਝਾਕੀ ਨੂੰ ਅੱਖਾਂ ਲਈ ਬਹੁਤ ਖੁਸ਼ੀ ਭਰਿਆ ਤਜ਼ਰਬਾ ਦੇਣ ਲਈ ਤਾਜ਼ਾ ਫੁੱਲਾਂ ਨੂੰ ਉਹਨਾਂ ਦੇ ਅਸਲੀ ਰੰਗਾਂ ਨਾਲ ਬਣਾਇਆ ਗਿਆ ਸੀ ।
ਸ਼੍ਰੀ ਕਿਰੇਨ ਰਿਜਿਜੂ ਨੇ ਮਾਉਂਟ ਆਬੂ ਪਬਲਿਕ ਸਕੂਲ ਅਤੇ ਵਿਦਿਆ ਭਾਰਤੀ ਸਕੂਲ , ਰੋਹਿਨੀ ਦਿੱਲੀ ਦੇ ਬੱਚਿਆਂ ਨੂੰ ਸਰਵੋਤਮ ਸਭਿਆਚਾਰ ਪਰਫੋਰਮੈਂਸ ਲਈ ਪੁਰਸਕਾਰ ਦਿੱਤਾ । ਇਹਨਾਂ ਬੱਚਿਆਂ ਨੇ ਸਵੈ ਨਿਰਭਰ ਭਾਰਤ ਦੀ ਦ੍ਰਿਸ਼ਟੀ ਆਤਮਨਿਰਭਰ ਭਾਰਤ ਨੂੰ ਪੇਸ਼ ਕੀਤਾ । ਇਤਿਹਾਸਕ ਰਾਜਪੱਥ ਤੋਂ 38 ਲੜਕਿਆਂ ਅਤੇ 54 ਲੜਕੀਆਂ ਨੇ ਸਾਰੇ ਭਾਰਤ ਨੂੰ ਆਪਣੇ ਸੁਪਨਿਆਂ ਦਾ ਆਤਮਨਿਰਭਰ ਭਾਰਤ ਉਸਾਰਣ ਲਈ ਸੱਦਾ ਦਿੱਤਾ । ਬੱਚਿਆਂ ਦੇ ਮਨਮੋਹਕ ਨਾਚ ਦੀਆਂ ਦਿਲ ਖਿੱਚ ਚਾਲਾਂ ਨਾਲ ਉਹਨਾਂ ਨੇ ਆਰਥਿਕ ਉੱਨਤੀ , ਤਕਨਾਲੋਜੀ ਵਿਕਾਸ , ਨਵੀਂ ਸਿੱਖਿਆ ਨੀਤੀ , ਹੁਨਰ ਵਿਕਾਸ ਅਤੇ ਮਹਿਲਾ ਸਸ਼ਕਤੀਕਰਨ ਲਈ ਜਸ਼ਨ ਮਨਾਏ ।
ਬੱਚਿਆਂ ਦੇ ਸਕੂਲਾਂ ਦੀਆਂ ਆਈਟਮਾਂ ਵਿੱਚੋਂ ਦਿੱਲੀ ਤਾਮਿਲ ਐਜੂਕੇਸ਼ਨ ਐਸੋਸੀਏਸ਼ਨ ਸੀਨੀਅਰ ਸੈਕੰਡਰੀ ਸਕੂਲ ਨਵੀਂ ਦਿੱਲੀ ਨੇ ਕੋਂਸੋਲੇਸ਼ਨ ਇਨਾਮ ਪ੍ਰਾਪਤ ਕੀਤਾ । ਬੱਚਿਆਂ ਨੇ ਤਾਮਿਲਨਾਡੂ ਦੀ ਅਮੀਰ ਕਲਾ ਤੇ ਕਲਾਕ੍ਰਿਤੀਆਂ ਦੀ ਅਮੀਰ ਵਿਰਾਸਤ ਸੰਸਕ੍ਰਿਤੀਆਂ ਨੂੰ ਪੀੜੀਆਂ ਦਰ ਪੀੜੀਆਂ ਚੱਲੇ ਆ ਰਹੇ ਹੁਨਰ ਨੂੰ ਪੇਸ਼ ਕੀਤਾ । ਮੰਦਰ ਉਤਸਵਾਂ ਦੇ ਮੌਕਿਆਂ ਅਤੇ ਸਮੂਹਿਕ ਸਮਾਗਮਾਂ ਦੇ ਮੌਕੇ ਪੇਸ਼ ਕੀਤੇ ਜਾਣ ਵਾਲੇ ਲੋਕ ਨਾਚ ਪੇਸ਼ ਕੀਤੇ ਗਏ , ਜਿਹਨਾਂ ਨਾਲ ਪੇਂਡੂਆਂ ਨੂੰ ਖੁਸ਼ੀ ਅਤੇ ਮਨੋਰੰਜਨ ਮਿਲਦਾ ਹੈ । ਬੱਚਿਆਂ ਨੇ ਆਪਣੀ ਪਰਫੋਰਮੈਂਸ ਨਾਲ ਦਰਸ਼ਕਾਂ ਦਾ ਧਿਆਨ ਖਿੱਚਿਆ ।
ਰੱਖਿਆ ਮੰਤਰਾਲੇ ਦੇ ਸੀਨੀਅਰ ਅਧਿਕਾਰੀਆਂ ਅਤੇ ਹੋਰ ਮੰਤਰਾਲੇ ਤੇ ਵਿਭਾਗਾਂ ਅਤੇ ਕਈ ਕਲਾਕਾਰਾਂ ਤੇ ਬੱਚਿਆਂ ਜਿਹਨਾਂ ਨੇ ਗਣਤੰਤਰ ਦਿਵਸ ਪਰੇਡ ਵਿੱਚ ਹਿੱਸਾ ਲਿਆ ਸੀ, ਇਸ ਮੌਕੇ ਤੇ ਸਿ਼ਰਕਤ ਕੀਤੀ । ਸ਼੍ਰੀ ਕਿਰੇਨ ਰਿਜਿਜੂ ਨੇ ਹਿੱਸਾ ਲੈਣ ਵਾਲਿਆਂ ਨਾਲ ਗੱਲਬਾਤ ਕੀਤੀ ਅਤੇ ਪਰੇਡ ਵਿੱਚ ਉਹਨਾਂ ਦੀ ਕਾਰਗੁਜ਼ਾਰੀ ਲਈ ਮੁਬਾਰਕਬਾਦ ਦਿੱਤੀ ।
 

ਏ ਬੀ ਬੀ / ਐੱਨ ਏ ਐੱਮ ਪੀ ਆਈ / ਕੇ ਏ / ਡੀ ਕੇ / ਏ ਡੀ ਏ