য়ুথ এফিয়র্স এমসুং স্পোর্তস (আই./সি.)গী মিনিস্তর ওফ স্তেত (এম.ও.এস.) অমসুং মাইনোরিতি এফিয়র্সকী এম.ও.এস. শ্রী কিরেন রিজিজুনা ২০২১গী জানুৱারীগী ২৮দা নই দিল্লীদা ২০২১গী রিপব্লিক দেগী মনা মথুম য়েন্থোকখ্রে। উত্তর প্রদেশনা তাবলু ৩২গী মনুংদা খ্বায়গী অহেনবা তাখ্রে -স্তেত অমসুং য়ুনিয়ন তেরিতোরি (য়ু.তি.)দগী ১৭, মিনিস্ত্রী/দিপার্তমেন্ত অমসুং পেরামিলিতরী ফোর্সেসতগী মাপল অমসুং মিনিস্ত্রী ওফ দিফেন্সতগী তরুক অসিনা লৈবাক অসিগী থায়নগী ওইবা পোৎলমশিং, ইকোনোমিক চাওখৎপা অমসুং দিফেন্সকী ওইবা অসিনা ২০২১গী জানুৱারীগী ২৬তা রাজপাথতা উৎখি। উত্তর প্রদেশকী তাবলু অসিগী থীম অসি অয়োধ্যা:কলচরেল হেরিতেজ ওফ উত্তর প্রদেশনি।

ত্রীপুরাগী তাবলু অসিনা অনিশুবা মনা ফংখি। ত্রীপুরাগী তাবলু অসিনা অকোইবদা শোকহন্দবগী চৎনবি পুক্নিং থৌগৎতুনা সোসিও-ইকোনোমিক্তা মরোমদোম লেপচনবা অসি উৎখি। অৱাং-নোংপোক স্তেত অসি ত্রাইব ১৯গী ময়ুম ওইজবা মফম্নি অমসুং মালেমগী ওইবা ৱা মখল ২১ মফম অসিদা মরাং কাইনা লৈরি। তাবলু অসিনা মরাং কাইনা লৈরিবা ৱশিং অসি উৎখি অমসুং ত্রাইবশিংনা মখোয়গী নাৎকী ওইবা ফিজোল, ৱানা শাবা উপ্নবা মাস্ক অমসু লীগী পোত্থোকশিং উৎখি।

‘দেব ভুমী’ – ‘দ লেন্দ ওফ দ গোদস’ হায়না মমিং থোনবা উত্তরাখন্দগী তাবলু অসিনা স্তেতশিং অমসুং য়ু.তি.শিংগী মরক্তা অহুশুবা তাখি। তাবলু অসিগী মমাং থংবা শরুক অসি মখোয়গী স্তেতকী শা মুস্ক দীয়র উৎলি। কেদরখন্দ লোয়ননা হিমালায়াগী অৱাংবা মফমশিংদা ফংবা স্তেতকী উচেক ‘মোনাল’ অমসুং স্তেতকী লৈ ‘ব্রহ্মাকমল’ অসিশু উৎখি। তাবলু অসিগী ময়াই থংবা অসিদা ‘নন্দি’, লোর্দ শিবগী কাং উৎলি। ময়াই থংবা শরুক অসিদা লোর্দ জ্যোতির্লিংগ তরানিথোইগী অমা ওইরিবী কেদরগী মন্দির উৎলি। দিব্যা শিলা, হায়রিবা অসি ২০১৩দা অমাং অতা থোকহনখিবা ঈশিং ইচাওদগী কনখিবা অসিনা মন্দির অসিগী হেক মনিংদা উৎলি।

মখল কয়াগী মিনিস্ত্রী/দিপার্তমেন্ত অমসুং পেরামিলিতরি ফোর্সেসকী তাবলু মাপল অমসুং দিফেন্স মিনিস্ত্রী তাবলু তরুক্কী মনুংদা, বাইওতেক্নোলোজি দিপার্তমেন্তকী তাবলু অসিনা অথোইবা ইকাইখু্ম্নবা ফংখ্রে। তাবলু অসিনা আত্মনির্ভর ভারত আভিয়ান: কোবিদ, থৌওং কয়াদা বেক্সিনগী থৌওং অসি উৎখি। লমদম অসিদা পুথোকপা, লায়োং য়েংবগী চেকশিনবা অমসুং থেরীপ্যুথিক ফোর্মুলেসন অসি উৎখি।

 সেন্ত্রেল পব্লিক ৱার্ক দিপার্তমেন্ত (সি.পি.দবল্যু.)গী তাবলু, থীম ‘অমর জাৱান’ হায়বা অসিনা অখন্নবা মনা অসি আর্ম ফোর্সেসতা থৱায় থাখ্রবা হিরোশিং অদুগী দ্ধাঞ্জলী কৎলি। তাবলু ‘অমর জাৱান’ হায়রিবা অসি মুৎনাইদ্রবা পুন্সি হায়বনি। নেস্নেল ৱার মেমোরিয়েল অসি ইন্দিয়ন আর্ম ফোর্সেস অসি নিংশিংনবা ত্রেক্তরগী মমাংদা খিল্লি। তাবলু অসি তগৎ-তগৎ তেকপা মচু কয়াগী লৈশিংনা মিয়েং চিংশিন্নবা শেম্লি।

শ্রী কিরেন রিজিজুনানা খ্বায়দগী অথোইবা কলচরেলগী মনা অসি দিল্লীগী মাউন্ত অবু পব্লিক স্কুল অমসুং বিদ্যা ভারতি স্কুল রোহিনিগী অঙাংশিংদা পীখি। মসিগা অঙাংশিং অসিনা আত্মানির্ভর ভারত ইন্দিয়ানা মরোমদোম লেপচবগী মিয়েং উৎখি। পুৱারী ওইরবা রাজপাথ অসিদা নুপামচা ৩৮ অমসুং নুপীমচা ৫৪না ইন্দিয়া পুম্বা ঐখোয়গী মংলান ওইরিবা আত্মানির্ভর ভারত অসি উৎখি। 

দিল্লী তামিল এজুকেসন এসোসিএসন সেনিয়র সেকেন্দরী স্কুল, নই দিল্লীনা স্কুল অঙাংশিংগী মরক্তা কোন্সোলেসন মনা ফংখি। অঙাংশিং অসিনা তামিল নাদুগী নাৎকী ওইবা ফোল্ক আর্ত অমসুং ক্রাফকী হৈ-শিংবা উৎখি। ফোল্ক জগোই অসি মতম মতমগী ওইবা মন্দির অমসুং কম্ম্যুনিতিগী ওইবা ফংসন শিংদা খুঞ্জাশিংদা হরাও তয়াম্বগী উৎপনি। অঙাংশিং অসিনা মচু কয়াগী ফিজোল শেৎতুনা অয়েংবশিংগী পুক্নিং পেলহনখি। 

রিপব্লিক দেগী পেরেদতা শরুক য়াখিবা দিফেন্স মিনিস্ত্রী অমসুং অতৈ অতোপ্পা মিনিস্ত্রী/দিপার্তমেন্তগী মকোক থোংবা ওফিসরশিং অমসুং আর্তিস্ত ময়াম অমা অমসুং অঙাংশিংনা থৌরম অসিদা শরুক য়াখি। শ্রী কিরেন রিজিজুনা শরুক য়ারিবশিং অসিগা ৱারী শান্নখি অমসুং মখোয়না পেরেদতা উৎখিবা অদুগীদমক থাগৎপা ফোংদোকখি।

*****