হাউসিং অমসুং অর্বান এফিয়র্সকী এম.ও.এস. (আই./সি.), শ্রী হরদীপ সিংহ পুরীনা নই-দিল্লীগী পন্দিৎ পন্ত মার্গতা লৈবা ভারত রত্না পন্দিৎ গোবিন্দ বল্লভ পন্তকী মুর্তীদা লৈ-হুকপগী থৌরম অমদা ময়াই তাংবল লৌবা থৌরম অমদা লুচিংবা অসিনা ভারতকী নিং-তম লান্দা য়াখিবা থৌদাংশিংবু নীংশিংলদুনা ঐখোয়গী খুন্নাই অমসুং লৈবাক্কী চাউখৎপদা মশাগী ওইজবা থাদোক্তুনা খোঙফম চেৎনবগীদমক্তা ভারত মচা কয়াদা ইথিল পীরিবা ভারত রত্না পন্দিৎ গোবিন্দ বল্লভ পন্তকী খোঙচৎ অমসুং ৱাখল্লোনবু মতিক চানা ইকায় খুম্ননবগীদমক্তা অনৌবা মফম অমা শেম্লি হায়বা ৱাফম ফোংদোকখি। মুর্তী অসি হান্না লৈরম্বা মফমদগী হৌজিক্না চর্চ রোদ, লোক সভা মার্গ, রাজ্য সভা মার্গ অমসুং পন্দিৎ পন্ত মার্গকী তায়নবদা লৈবা রোতারী নম্বর ৪৮দা হোংদোক্লে অমসুং মসিবু মমিং চৎপা লেন্দমার্ক কয়ানা কোয়শিল্লি। মসিগী অনৌবা মফম অসি লৈবাক্কী লুচিংবা অসিবু মতিক চানা ইকায় খুম্নবগী মওংদা শেমগৎপনি। দি জি.বি. পন্ত মেমোরিএল সোসাইতীগী চেয়রপর্সন, শ্রীমতি ইলা পন্ত; দি জি.বি. পন্ত মেমোরিএল সোসাইতীগী চীফ ইদিতর অমসুং এদভাইজর, শ্রীমতি কুলসুম নুর সাইফুল্লাহ; মুর্তী শাবা, শ্রী রাম সুলতার; এম.ও.ঐচ.য়ু.এ.গী সেক্রেতরী অমসুং সেন্ত্রেল পব্লিক ৱর্ক দিপার্তমেন্তকী দাইরেক্তর, শ্রী দুর্গা শঙ্কর মিশ্রানসু লৈ-পরেং হুকপগী থৌরম অদুদা শরুক য়াখি।

শ্রী পুরীনা থৌরম অসিদা ৱা ঙাংবদা হায়খিবদা, প্রধান মন্ত্রী, শ্রী নরেন্দ্র মোদীজীনা মঙজবা ‘অনৌবা ভারত’কী মঙলান অসি হৌজিক্কী মতমগী চাউখৎপা অমসুং অহোংববু ইন্দুনা চৎপগা লোয়ননা ঐখোয়গী লৈজরম্বা ইনাক খুল্লনা হেরিতেজ অমসুং চৎনবীবুসু ঙাক-শেন্দুনা থম্বনি হায়খি। সেন্ত্রেল বিস্তা প্রোজেক্ত অসি ঐখোয়গী নিং-তম লান্মী, নীংথিজরবা পুৱারী, আর্কিতেকচরগী খেৎনবা লৈরিবা অমসুং নাৎকী মওংশিংবু নীংশিংবা অমসুং ইকায় খুম্নবগা লোয়ননা ঙসিগী ওইরিবা ইনফ্রাস্ত্রকচরদা মরু ওইরবা অৱাৎপা লৈরিবা অসিদা মিৎয়েং চঙবগী প্রোজেক্ত অমনি।

ভারত রত্না, শ্রী গোবিন্দ বল্লভ পন্তকী মুর্তী অসি রাইসিনা লম্বী অমসুং রেদ ক্রোস লম্বীগী শম্নবদা লৈররিবা রাইসিনা রোদ সর্কলদা অহানবদা লৈরম্বনি। মসিগী মফম অসি পার্লিয়ামেন্তকী অনৌবা বিলদিং শাবগী থৌরাং অসিগী মনুংদা তাবনা মফম হোংদোকপগী তঙাই ফদবা লৈখিবনি। ময়াই ওইরপ্না মফম চাবা অমসুং পন্দিৎ পন্ত মার্গ অসিবু ভারত রত্না, শ্রী পন্দিৎ গোবিন্দ বল্লভ পন্তপু ইকায় খুম্নবা ওইনা থোনখিবা ওইবনা, রাউন্দ অবাউৎ নম্বর ৪৮ অসি মুর্তী অসিবু নৌনা খিনবগী চুনবা মফম অমা ওইখি। মসিগী মফম অসি চর্চ রোদ, লোক সভা মার্গ, রাজ্য সভা মার্গ অমসুং পন্দিৎ পন্ত মার্গকী তায়নফমদা লৈবনি। ফুৎ অনিগী ৱাংখৎপা অমসুং অথেনবা ঈশিং লৈবগী মওং চেন্দুনা মুর্তী অসিগী শেম-শাবগী মওং অসিনা লৈবাক অসিগী চীঙগী মফমশিংগা মান্নবা শক্তম অমা ওইহল্লি অমসুং পন্দিৎ পন্তনা চীঙগী মফম অমসুং মসিগী মীয়ামগী চাউখৎনবগীদমক্তা তেংবাংখিবা অদুবু ইকায় খুম্নবা ওইনা মওং অসি শেম্বনি।

পন্দিৎ পন্তকী মুর্তী অসি নই-দিল্লীদা ইং ১৯৬৬তা মতম অদুগী ভারতকী রাস্ত্রপতি, দাঃ এস. রাধাকৃষ্ণননা  মায়খুম হাংদোকখিবনি। দি গোবিন্দ বল্লভ পন্ত মেমোরিএল সোসাইতী অসি লৈবাক শিনবা থুংনা মহাকপু নীংশিংবগী থৌরম শিন্নবা শেমখিবনি। চহি কয়া অসিগী মনুংদা, মসিবু রাস্ত্রপতি অমসুং প্রধান মন্ত্রী কয়ানা লুচিংদুনা লাকখি। হৌজিক্কী ওইনদি, মসিবু পন্দিৎ পন্তকী মমৌনুপী, শ্রী ইলা পন্ত, ১২শুবা লোক সভাগী হান্নগী মেম্বর ওফ পার্লিয়ামেন্ত ওইবীরম্বী অসিনা সোসাইতী অসিগী চেয়রপর্সন ওইরি।

য়ুনাইতেদ প্রোভিন্সকী পৃমিয়র (১৯৩৭-১৯৩৯), উত্তর প্রদেশকী অহানবা মুখ্য মন্ত্রী (১৯৪৬-১৯৫৪) অমসুং কেন্দ্রগী গৃহ মন্ত্রী (১৯৫৫-১৯৬১), ভারত রত্না পন্দিৎ গোবিন্দ বল্লভ পন্তনা রাজ্য সভাগী মেম্বর অমা ওইনা-ওইনা ১৯৫৭তা লৈবাক অসিগী মীচম-মীয়ামদা পীবা খ্বাইদগী ৱাংবা মনা, ভারত রত্না ফংবা মীওই ওইখি। মহাক অসি উত্তরাখন্দগী অল্মোরাদা পোকখি অমসুং মহৈ-মশিংদা মীথোই-মীহেনবগীদমক্তা লুমসদেন মেদলগী মনা ফংদুনা অল্লাহবাদ য়ুনিভর্সিতীগী মুইর কোলেজতগী বি.এ. (এল.এল.বি.) লোইখি। ভারতনা নিং-তম্বা ফংলবা মতুংদা, মহাক্না উত্তর প্রদেশকী অহানবা মুখ্য মন্ত্রী ওইখি অমসুং মহাক্না মতম অদুদা জমিন্দারী পথাপ মুত্থৎপা, উমঙ ঙাক-শেনবা, নুপীগী হক, তংদু লৈতাবা শেন্মিৎলোন অমসুং খ্বাইদগী শোত্থরবা কাঙলুপকী মীওইশিংগী পুন্সি মহিংবু ঙাক-শেনবগী থবকশিংবু হান্না তৌগদবা থৌওং ওইনা অকনবা মিৎয়েং চঙলমখি। মহাক্না অকোনবা মতমদা ভারতকী মীয়ামগী গনতন্ত্রগী মপাঙ্গল হাপ্পদা মিৎয়েং চঙবগা লোয়ননা কেন্দ্রগী গৃহ মন্ত্রীগী ফমসু পায়খি।

****