হৌজিক লৈরিবা মীওইবা জাতি অসিনা থেংনরিবা প্রোব্লেমশিং অসিগীদমক ‘বাসুদাইভা কুতুম্বকম’গী ইন্দিয়ন ৱাল্দ ভ্যু অসিনা লম্বী অদু তাকপা ঙমগনি হায়না ঙসি উপ রাস্ত্রপতি শ্রী ভেনকাইহ নাইদুনা ফোংদোকখ্রে৷ তুকুৎচবা, হিংশা তৌবা, লান্না থাজবা অমসুং পাউ শন্দোকপা, অখন্নবা লাইনিং চৎনবি অমদা কা হেন্না লুপা ময়াম অসিনা মরম ওইদুনা লৈবাক কয়া অমগী মরক্তা অমসুং কম্ম্যুনিতী কয়াগী মরক্তা লৈরিবা মরী অসি তপ্না তপ্না ফৎলক্ত্রিবা মালেম অসিগী ফিভম অসি য়েংলগা অরিবা মতমগী ইন্দিয়ন ফিলোসোফী ‘য়ুনিভর্সেল ৱান্নেজ’ অসিদা মতুং ইনবা য়াবা অখন্নবা মরী অমা মহাক্না উবা ফংখ্রে৷

ভারতকী পুন্সি লম্বী অসিদা খ্বাইদগী মতিক চারবা দেমোক্রেতিক ইথোস্কী খুদম অমা লৈ হায়না পল্লদুনা মালেম অসিদা লৈরিবা ঐখোয় মীওইবা খুদিংমক অমগা অমগা চপ মান্ননা মরু ওই হায়না শ্রী নাইদুনা ফোংদোকখ্রে৷ ঐখোয়গী সিবিলাইজেস্নেল ভেল্যুশিং অসিনা তাইবঙ মীওইবশিং অসিদা লৈরিবা বাইব্রেন্ত বেরাইতী অসি মশক খঙই অমসুং ঐখোয় পুম্নমক অসি ইশ্বোর অমতগী মচা ঙাক্তা ওইবনিনা হায়রিবা দাইভর্সিতী অসিদা মতম কুইনগী ওইনা য়েক্নদুনা থম্বা ঙমদে হায়না মহাক্না মখাতানা ফোংদোকখি৷ অসিগুম্বা ৱাল্দ ভ্যু অসিনা মালেম অসিদা লৈারিবা মীওইবা অমগা অমগা ইকাই খুম্নবা উৎনবা, অমগা অমগা তংদু লৈতানা শান্তি লৈনা হিংমিন্নবা অমসুং চাওখৎপা পুরকপা ঙম্নবা পুন্না খুৎশম্নহন্দুনা হোৎনহনবা ঙমহল্লি হায়না উপ রাত্রপতি অসিনা ফোংদোকখ্রে৷

শ্রী নরায়না গুরুদেবকী শৈরেংশিং অদু প্রোফেসর জি.কে. সাসিধারননা ইংলিস লোন্দা হন্দোক্লিবা “নোত মেনী বত ৱান”(ভোল্যুম অনি) হায়না মমিং থোনবা লাইরিক অসি ভর্চুয়েল ওইনা লোঞ্চ তৌবগী থৌরমদা হায়রিবা ওবজর্বেসনশিং অসি শ্রী নাইদুনা শেমখিবনি৷ অনৌবা ভারত অসিদা ঋশি অসিনা কা হেন্না ইথিল পিরিবা অসি পল্লদুনা শ্রী নরায়না গুরু অসি  “হিরম কয়া অমদা হৈ শিংলবা, অফাওবা মহাঋশি অমা, অফাওবা কবি অমসুং অমসুং অফাওবা মেতাফিজিসিয়ন অমা ওইরম্মী” হায়না উপ রাস্ত্রপিত অসিনা ফোংদোকখ্রে৷

শ্রী নরায়না গুরু অসি মমল নাইদ্রবা সোসিয়েল রিফোমর অমা ওইবগী থৌদাং অদু উপ রাস্ত্রপতি অসিনা মখাতানা পনখ্রে৷ লাইশঙদা চংবা য়ানবগী ইহৌদা অমসুং অতোনবা জাতিবু শোক্ন-শম্নবা য়াহন্দবা অসিগী মাইয়োক্তা মহাক্না মাংজিল থানা থেংনখি৷ শ্রী নরায়না গুরুনা সিবাগিরি পিলগ্রিমেজ অসিগী শরুক অমা ওইনা লু-নানবগী থবকশিং, মহৈ-মশিং হেন্না তমহনবা, লৌউ-শিংউ, ললোল-ইতিক, হেন্দিক্রাফশিং অমসুং তেক্নিকেল ত্রেনিংদা কা হেন্না মীৎয়েং চংখি হায়না শ্রী নাইদুনা ফোংদোকখ্রে৷

মালেম অসিদা লৈরিবা মীওইবা খুদিংদা অমসুং জিবা খুদিংদা লৈরিবা লাইনা পীবা ইনর্জী য়ুনিভর্সেল স্পিরিৎ অমনা মালেম অসিদা শন্দোকখ্রে হায়বা অসি মুনিঋশি অসিনা থাজৈ হায়না উপ রাস্ত্রপতি অসিনা ফোংদোকখ্রে৷ “নরায়না গুরুদেবকী ওইনদি “জাৎ মখল অমা, ধর্ম অমা, ময়াম পুম্নমক্কী ইশোর অমখক্তমক(ওরু জাথি, ওরু মাথম, ওরু দাইভম, মানুস্যনু) লৈ” হায়না শ্রী নাইদুনা ফোংদোকখ্রে৷ মসিগী দর্শন-শাস্ত্র অসিনা মালেম অসিগী মীওইবা অমগা মীওইবা অমগা মান্নদবা থাক খায়রিবা অমসুং সমাজ অসিনা হন্থনা থম্লিবা অসি মুথৎনবা মহাক্কী রিফোর্মশিং অসিদা শিজিন্নৈ৷

শ্রী নরায়না গুরুনা ইং চিক্না, অমগা অমগা তংদু লৈতানা শান্তি লৈনা পুন্না হিংমিন্নবা অমসুং তোঙানবা তোঙানবা মীওইবা জাতি অসিদা ইকাই খুম্নবা উৎপা হায়বা ভারত লৈবাক অসিগী অখন্নবা মংলান ওইরিবা অসি শন্দোক্তুনা মহাক অসি অনৌবা ভারত অসিগী খ্বাইদগী ফাওরবা ঋশিশিং অসিগী মনুংদা অমনি হায়না উপ রাস্ত্রপতি অসিনা ফোংদোকখ্রে৷ মহাক অসি সাইন্স অমসুং তেক্নোলোজিগী মতাংদা খঙবা ঙম্বগী লৌশিং অদু পোকপদগী য়াওরকই হায়না শ্রী নাইদুনা ফোংদোকখ্রে৷

লাইরিক ইরিবা অমসুং ফোংলিবা মী অসিনা ভোল্যুম অনি অসি ফোংবা মতমদা হোৎনখিবশিং অদু থাগৎলদুনা অসিগুম্বা লাইরিকশিং অসিনা ভারতকী ঙল্লিঙৈ মতমগী ৱারিশিং অসি য়াম্না মমুৎ তানা খঙহনবদা চাওনা কান্নবা পীরগনি হায়না শ্রী নাইদুনা ফোংদোকখ্রে৷ লাইরিক অসিবু পারিবা ভারত মচাশিং অমসুং মালেম অসিদা লৈরিবা অতোপ্পা লমশিংগী মচাশিং অসিনা ভারতকী পাক চাওরবা মংলান অমসুং তোপ-তোপ্পা য়ুনিভর্সেলিতী অদু খঙবা ঙম্লগনি৷

অসিগুম্বা মমল য়াম্লবা মণিশিং অসি ঐখোয়না থিদুনা পুথোক্কদবনি হায়না ফোংদোক্লদুনা শ্রী নাইদুনা ৱারোইশিন পীখি৷ অসিগুম্বা পব্লিকেসনশিং অসি ফোংদুনা মনুংদা তাক্নিংলিবা পাউতাকশিং অসি খঙনবা লৈবাক অসিদা লৈরিবা নহাশিং অসিদা মহাক্না হায়খ্রে৷ অসিগুম্না তৌদুনা লাক্কদৌরিবা শুরোল অসিনা চারোল শুরোলদগী লৈরক্লবা লন-থুম অমসুং ৱারিশিং অসিগী মতাংদা খঙবা ঙম্বা শুরোল অমা ওইরগনি হায়না মহাক্না খঙজৈ৷ লৈবাক অমতনা মহাক্কী লৈরম্লিবা কল্চর অমসুং হেরিতেজ অসি কাওথোক্তুনা চাওখৎপা পুরকপা ঙম্লোই হায়না উপ রাস্ত্রপতি অসিনা অমুক্কা হন্না নিংশিংখ্রে৷

লাইরিক অসিগী অইবা প্রোফেসর জে.কে. সাসিদারন, তাতা ত্রস্তকী ত্রস্তী শ্রী আর.কে. কৃস্ন কুমার, তাতা ত্রস্তকী সি.ই.ও. শ্রী এন. শ্রীনাথ অমসুং পেনগুইন হেন্দম হাউস্কী শ্রী অনিল ধর্কারনা ভর্চুয়েল্লী থৌরম অসিদা শরুক য়াখিবা মশক নাইরবা মীওইশিংনি৷

মখাগী অসিগী ৱারোল অদুগী মপুং ওইবা অইবনি:

“ ‘নোত মেনী বত ৱান’ হায়বা লাইরিক অসি ফোংনবা ঙসিগী নুমিদাংৱাইরম অসিদা নখোয় ময়াম পুম্নমক্কা শরুক য়াবা ফংজবা অসি ঐহাক য়াম্না নুংঙাই৷

তাতা ত্রস্তনা মসিগী ইনিসিয়েতিব অসি লৌখৎখিবা অমসুং শ্রী নরায়না গুরুদেবকী মমল নাইদ্রবা ৱার্কশিং অসিগী ওথেন্তিক ওইবা ভর্জন অসি ফোংবদা মতেং পাংখিবা অসিদা ঐহাক অসুক্কী মতিক পেনবা ফাওই৷

মসিগী ভোল্যুম অনি অসি য়াম্না পু্ক্নিং চিংশিন্নিঙাই ওইরবা মওং অমদা পুথোরকপা অসিগীদমক ঐনা পেনগুইন রেন্দম হাউসপু থাগৎলি৷

নরায়ন গুরু অসি হিরম কয়া অমদা হৈ শিংলবা, অফাওবা মহাঋশি অমা, অফাওবা কবি অমসুং অফাওবা মেতাফিজিসিয়ন অমা ওইবতা নত্তনা মলায়ালম, সঙ্ক্রিৎ অমসুং তামিল লোন্দা লৈরেং ইরিবা য়াম্না হৈ-শিংবা কবি অমনি৷  লাইশঙদা চংবা য়ানবগী ইহৌদা অমসুং অতোনবা জাতিবু শোক্ন-শম্নবা য়াহন্দবা অসিগী মাইয়োক্তা মহাক্না মাংজিল থানা থেংনখি৷

নরায়না গুরুদেব অসি মীওইবা জাতি অসিগী য়াইফননবগীদমক মহাক্কী পুন্সি কৎথোকখিবা অশেংবা ঋশি অমনি৷  মালেম অসিদা লৈরিবা মীওইবা খুদিংদা অমসুং জিবা খুদিংদা লৈরিবা লাইনা পীবা ইনর্জী য়ুনিভর্সেল স্পিরিৎ অমনা মালেম অসিদা শন্দোকখ্রে হায়না মুণি ঋশি অসিনা থাজৈ৷

নুংশিরবা ইচলশিং অমসুং ইনাওশিং,

লান্না থাজগনবা ত্রেদিস্নেলিস্তশিং অসিনা থিংনা থিংনা শিভ মুর্তি শেমখিবা সিভাগিরিগী মমিং লৈরবা ঋশি, লু-নানবগী থবকশিং পাংথোক্নবা, মহৈ-মশিং তম্বা যোকখৎনবা, লৌউ-শিংউ, ললোন-ইতিক, হেন্দিক্রাফতশিং অমসুং সিভাগিরি পিলগ্রিমেজকী শরুক অমা ওইনা তেক্নিকেল ত্রেনিং পাংথোক্নবা হোৎনখিবা সোসিয়েল এক্তিবিস্ত অমা, ইশাভাস্য উপনিশদ অমসুং থিরুক্কুরলগী ত্রান্সলেসনশিং য়াওনা ৱারি ৪৫ ফোংখ্রবা মমিং লৈরবা অইবা অমা ওইবা অসি ভারতকী স্পিরিচুয়েল লিদরশিং অসিগী পুৱারিদা মঙাল লৈরবা থৱানমিচাক অমগুম লৈরি৷

মসিগী লিরবা ইন্দিয়ন ভিজন অসি ঈশৈ, জগোই, আর্ত অমসুং আর্কিতেকচরগুম্বা তোঙান তোঙানবা আর্ত মখলশিং অসিদা উৎলি৷

ঐখোয়না “বাসুধাইভ কুতুমবাকম” (মালেম পুম্বা অসি ইমুং অমতনি) অমসুং  “ইকম সত, ভাইপ্রাহ বাহুধা বদন্তি”(অশিংবা মীশিংনা অচুম্বা অসি তোঙান তোঙানবা মওংদা ফোংদোকচরবসু অচুম্বা হায়বা অসি অমখক্তনি) অসিদা থাজবনা মরম ওইদুনা ইন্দিয়াগী ৱাল্দ ভ্যু অসিনা থৱাই পাল্লিবা জিবা পুম্নমক অমতনি হায়না তাক্লি৷

সোসিয়ো-পোলিতিকেল দাইমেন্সনদগী নখোয়না মসি য়েংবা তারবদি মসিনা মীপুং খুদিংমক অমগা অমগা চাং চপ মান্নবা মওং অমদা মরু ওই হায়রিবা দিমোক্রেতিক ইথোস্কী খ্বাইদগী মতিক চারবা খুদম ওই৷                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                    

নরায়না গুরুদেবকী থবকশিং অসি অমতা ওইবগী স্পিরিত অসি উৎলিবা লাইবু শৈথাবা শৈরেংশিংনি অমসুং মসিনা মরম ওইদুনা হায়রিবা ভোল্যুম অনি অসিগী তাইতল- নোত মেনী বত ৱান অসি য়াম চান্ননা ঐনা উই৷ নরায়না গুরুদেবকী ওইনদি মালেম অসিদা “জাৎ অমা, ধর্ম অমা, ময়াম পুম্নমক্কী ইশ্বোর অমখক্তনি”(ওরু জাথি, ওরু মাথম, ওরু দাইভম, মানুশ্যনু)৷

নরায়না গুরুদেব অসি মালেম অসিগী হৌরকফম মতম কুইনা থিজিন্দুনা লাক্লিবা অমসুং এদবাইতা নত্রগা নন-দ্যুলিতী নত্রগা অত্ম অমসুং পারমঅত্মগী মরক্তা খেন্নবা লৈত্রিবা ৱাখল্লোন অসিগী মতাংদা থিজিন্দুনা লৌশিং তাল্লিবা মীওই অমনি৷ মসিগী ভোল্যুম অনি অসিগী অইবা অসি ফিজিসিস্ত অমা ওইবা অমসুং নরায়না গুরুদেবতা থৱাই হকচাং য়াওনা কৎথোক্লবা মহৈরোই অমা ওইবনা, মহাক্না ঋশিগী মেতাফিজিকেল অসিগা ফিজিক্সতা নৌনা পুথোরক্লিবা দিস্কোভরীশিং অসিগী মরক্তা লৈরিবা মরী অদু য়াম্না নুংঙাইবা মওং অমদা পুশিল্লকখ্রে৷ ভেদন্তা অসি ক্বান্তম থিওরী অসিগা পুনশিন্নবা মাল্লি৷ মিস্তিকেল ইন্সাইতশিং অসি স্ত্রিঙ্গ থিওরী অসিদা য়াওরিবা খ্বাইদগী নৌরিবা থিওরীশিং অমসুং মালেম অসিগী কন্সেপ্ত কয়া অমগা য়াম্না নক্ননা মরী লৈনৈ৷

অইবা অসিনা শ্রী নরায়নাবু মালেম অসিদা খ্বাইদগী মমিং লৈরবা স্পিরিচুয়েল লিদরশিং বেদ ব্যসা অমসুং অদি সনকরাগুম্না থাক ৱাংনা থম্মী৷ থাঙৈশেংনা হায়রবদা মহাক অসি তশেংনা অফাওবা ফিলোসোফর অমনি অমসুং মথক্কী কবি অনি অসিগুম্না মহাকসু মাই পাক্লবা কবি অমনি৷

শ্রী নরায়নানা সাইন্স অমসুং তেক্নোলোজীগী তৌবা ঙম্বা অসি খঙবা ঙম্মী অমসুং সাইন্স অমসুং তেক্নোলজী অসি সিভাগিরি প্রিলগ্রিমেজ কনবেন্সনশিং অসিগী মরু ওইবা শরুক অমা ওইনা হাপকদবনি হায়না মহাক্না ফোংদোকপা লৈখ্রে৷

ফিজিক্সতবু ওইরবসু মেতাফিজিক্সতবু ওইরবসু খঙনিংবা অসিদি লোইবা খম্বা নাইররোই৷ সাইন্সতিস্তশিং অসিনা হৌজিক ফাওবদা মালেম অসিদা লৈরিবা অসিগী মনুংদা শুপ্নতগী চাদা ৪দগী ৫ ফাওবতমক খঙবা ঙম্মী৷ লেমহৌরিবা চাদা ৯৫দগী ৯৬ অসিদি দার্ক মেত্তরনি হায়না খায়দোক্তুনা-চাদা ৭৩না দার্ক ইনর্জী অমসুং চাদা ২৩না দার্ক মেত্তর ওইনা লৈরি৷ চহী লিশিং কয়াগী মমাংদা লৈরম্লবা বেদ অসিনা পাক চাওরবা মালেম অসিগী মতাংদা হায়রম্মী অমসুং হায়রিবা ময়াম অসিগী মনুংদা অয়াম্বনা মীওইবগী ৱাখল্লোন অসিনা লাম্বা ফংবগী ৱাংমদা লৈরিবা অসি কমদৌনা লৈরিবনো হায়বা অসিগী মতাংদসু হায়রম্মী৷

মসিগী ভোল্যুম অনি-নোত মেনী বত ৱান-নেহা নানস্তি অসি গুরুদেবনা কা হেন্না হৈথোই-শিংথোইরবা বুধি লৌশিং অমসুং স্পিরিচুয়েল হাইত উৎলিবা গুরুদেবকী মমল নাইদ্রবা শৈরেংশিংনি৷ প্রোফেসর সাসিধারননা মহাক্কী য়াম্না হৈথোই শিংথোইরবা খুৎয়েক অমসুং থকশি-খাশি নিংথিনা উৎতুনা ঋশি অসিগী পাউজেল অসি অমুক্কা হেন্না ময়েক শেংহল্লি৷

গুরুদেবকী য়ুনিভর্সেল ফিলোসোফী অসিদা তুকুৎচবা, হিংশা তৌবা, লান্না থাজবা অমসুং পাউ শন্দোকপা, অখন্নবা লাইনিং চৎনবি অমদা কা হেন্না লুপা ময়াম অসিনা মরম ওইদুনা লৈবাক কয়া অমগী মরক্তা অমসুং কম্ম্যুনিতী কয়াগী মরক্তা লৈরিবা মরী তপ্না তপ্না ফৎলক্ত্রিবা মালেম অসিগী ফিভম অসিগী অতাংদা অখন্নবা মরী অমা য়াওরি৷

অসিগুম্বা লাইরিকশিং অসিনা ভারতকী ঙল্লিঙৈ মতমগী ৱারিশিং অসি য়াম্না মমুৎ তানা খঙহনবদা চাওনা কান্নবা পীরগনি৷ লাইরিক অসিবু পারিবা ভারত মচাশিং অমসুং মালেম অসিদা লৈরিবা অতোপ্পা লমশিংগী মচাশিং অসিনা ভারতকী পাক চাওরবা মংলান অমসুং তোপ-তোপ্পা য়ুনিভর্সেলিতী অদু খঙবা ঙম্লগনি৷ অসিগুম্বা মমল য়াম্লবা মণিশিং অসি ঐখোয়না কল্চরেল পুৱারিগী মমল য়াম্লবা ত্রেজর হাউস অসিদা থিদুনা পুথোক্কদবনি৷

তাত গ্রুপ অসিনা মহাক্কী লৈবাক অসিগী শেমগৎপগী থবক থৌরমশিং অসিগী শরুক অমা ওইনা ইস্ততিত্যুসন কয়া অমা শেমগৎখ্রে অমসুং অসিগুম্বপা মমল নাইদ্রলা লাইরিকশিং অসি ফোংবদা মতেং পাংখিবা অসি য়াম্না থাগৎনিংঙাইনি৷ করিগুম্বা হিরম খরদা অসিগুম্বা লাইরিকশিং অসিনা হৌজিক লৈরিবা অমসুং তুংদা লাক্কদবা মীওইশিং অসিনা ভারতকী মরু ওইরিবশিং অসিগী মতাংদা খঙহনবদা মতেং পাংলগনি৷ মসিনা ঙল্লিঙৈ মতমদগী লৈরক্লবা লম-থুম ঙাক শেনবদা অমসুং পুৱারিশিং অসিগী মতাংদা নিংথীজনা খঙলবা মীরোল অমা শেম্বদা মতেং পাংলগনি৷

অসিগুম্বা ভোল্যুমশিং অসি ঙসি ফোংনবা শ্রী কৃস্ন কুমারনা ঐবু হায়বিরকপা অসিগীদমক ঐনা থাগৎচরি৷ কৎথোকপগা লোইননা অসিগুম্বা মমল নাইদ্রবা থৌদাং অসি লৌবিবগীদমক ঐনা প্রোফেসর সাসিধারনবু থাগৎচরি৷ তাতা ত্রস্তকী সি.ই.ও. শ্রী শ্রীনাথ অমসুং পেনগুইনগী শ্রী অনিল ধর্করনা গ্রান্দ ইন্দিয়ন কল্চরেল রিপর্তরী অসিদা খ্বাইদগী নিংথীনা শন্দোক্নবা হোৎনবদা মখোয়না লৌখিবা থৌদাং অসিদা ঐনা অমকপা অমতা য়াওদনা থাগৎচরি৷

জই হিন্দ!”

*****