ফোরেন দাইরেক্ত ইনভেস্তমেন্ত (এফ.দি.আই.) অসি শেন্মিৎলোনগী শাহৌগী মরু ওইবা শাফু অমা ওইবগা লোয়ননা ভারতকী শেন্মিৎলোন চাউখৎনবা নন-দেৎ ফাইনান্সকী মরু ওইবা হৌরকফম অমসু ওইরি। শেল থাদবশিংনা নুংঙাইগদবা এফ.দি.আই. পোলিসী অমসুং লৈহন্দুনা চৎনহনবগী হীরম অসি ভারত সরকারগী খোঙথাং অমা ওইদুনা লাক্লি। থৌওংশিং অসিগী পান্দমদি এফ.দি.আই. পোলিসী অসিবু শেল থাদবশিংগী নুংঙাইনবা অমা ওইহনবগা লোয়ননা লৈবাক অসিদা ইনভেস্তমেন্ত চঙলকপদা থেংনরিবা খুদোংচাদবশিংবু লৌথোকপনি। হীরম অসিগী মাইকৈদা পায়খৎপা খোঙথাংশিং অসি মহৈ য়াল্লক্লি অমসুং মসিগী মাই-পাকপগী ফিভম অসি ভারত্তা এফ.দি.আই. চঙলকপগী চাং হেনগৎলক্লিবা অসিদা উবা ফংই।

এফ.দি.আই. পোলিসীদা শেমদোকপা, শেল থাদহন্নবা পুক্নিং চীংশিনবা অমসুং কারবার তৌবদা নুংঙাইহনবগী মতাংদা ভারত সরকারনা পায়খৎলিবা থবকশিং অসিনা মাই পাক্তুনা লৈবাক অসিদা এফ.দি.আই. চঙলকপগী চাং হেনগৎলক্লি। মখাদা পীরিবা ভারত্তা শেল থাদবগী চৎনবীশিং অসিনা ভারতপু মালেমগী শেল থাদফমগী মরক্তা খ্বাইদগী পাম্নবা পন্থুংফম অমা ওইবগী হৌজিক লৈরিবা থাক অসিনা ময়েক শেংনা উৎলিঃ

• এপ্রিলদগী নবেম্বর, ২০২০গী মনুংদা শেল থাদরকপগী অপুনবা শেনফম য়ু.এস. $ বিলিয়ন ৫৮.৩৭ ফংখি। মসিনা শেনবা চহি অমগী থা ৮গী খ্বাইদগী য়াম্বা শেনফম্নি অমসুং শেনবা চহি ২০১৯-২০গী অহানবা থা ৮দা লাকখিবা য়ু.এস. $ বিলিয়ন ৪৭.৬৭ ওইখিবা অদুগা চাংদম্নবদা ২২%গী চাং হেল্লি।
• শেনবা চহি ২০২০-২১ (এপ্রিলদগী নবেম্বর, ২০২০ ফাওবা)গী মনুংদা ফংখিবা এফ.দি.আই. ইক্বিতী ইনফ্লো অসি য়ু.এ $ বিলিয়ন ৪৩.৮৫ ওইখি। মসিনা শেনবা চহি অমগী অহানবা থা ৮গী খ্বাইদগী য়াম্বা ওইখি অমসুং শেনবা চহি ২০১৯-২০গী অহানবা থা ৮দা লাকখিবা য়ু.এস. $ বিলিয়ন ৩২.১১ ওইখিবা অদুগা চাংদম্নবদা ৩৭%কী চাংদা হেনখি।

*****