উপ রাস্ত্রপতি, শ্রী এম. ভেঙ্কায়া নাইদুনা  ঙসি দি.আর.দি.ও.গী সাইন্তিস্ত অমসুং ইঞ্জিনিয়রশিংবু মখোয়গী কন্না হোৎনবা, কৎথোকপা অমসুং অখাং কন্না হোৎনদুনা ইন্দিয়াবু মিসাইল তেক্নোলোজিদা য়াম্না নক্না মরোমদোম লেপচবা হোৎনবা অসিদা থাগৎপা ফোংদোকখ্রে। “ইশা ইথন্তগী ওইবা দিফেন্স সেক্তর অমা লৈবা অসি লৈবাক্কী ওইবা য়াম্না লুবা অমসুং লালোংগী মরুওইবা খক্তা নত্তনা মসি লৈবাক অসিগী চাওথোকচনিঙাই ওই” মহাক্না হায়খি। 

হায়রিবা অসি উপ রাস্ত্রপতিনা হায়দ্রাবাদতা দাঃ এ.পি.জে. অব্দুল কালাম মিসাইল কম্প্লেক্সতা অনৌবা খুদোংচাবা অনি হৌদোকখ্রবা মতু সাইন্তিফিক কম্ম্যুনিতি অমদা ৱা ঙাংবদা হায়খিবনি। উপ রাস্ত্রপতিনা মিসাইল কম্প্লেক্স লেবোরেতোরীগী তেক্নোলোজিশিং য়েংখি অমসুং হায় মদুদি ইরমদমগী ওইবা পোত্থোকশিং অসি উবদা য়াম্না হরাওই। “ঐহাক্না দি.আর.দি.ওগী সাইন্তিস্তশিংনা পুথোক্লিবা মরোমদোম লেপচবা সেক্যুরিতি অমসুং অঙম্বা অসি উবদা কিবা ফাওদ্রে”, শ্রী নাইদুনা হায়খি। মহাক্না থাজবা ফোংদোকখি মদুদি দি.আর.দি.ও.গী সাইন্তিস্ত অমসুং তেক্নোলোজিস্ত মখোয়গী তৌবা ঙম্বা অমসুং ৱা ঙাকপা অসিনা মরোমদোম লেপচদুনা আত্মানির্ভর ভারতপু মসিগী ফিবমদা থম্লগনি অমসুং মালেম পুম্বনা ভারত  পর নির্ভর (ইন্দিয়াদা তাংজবা)হায়বা অসিদা লৈরগনি।

আত্মানির্ভর ভারত হায়বা অসিদা মরুওইবা পীরদুনা, উপ রাস্ত্রপতিনা হায় মদুদি মরোমদোম লেপচবা তেক্নোলোজি অসিনা লোকেল ইন্দস্ত্রী ফগৎলগনি, থবক্কী খুদোংচাবশিং ফংলগনি অমসুং মপাল লমগা মমল লৈরবা পোৎ ওন্থোক ওনশিন য়ারগনি।

হন্দক্তা আকাশ মিসাইল অসি মিনিস্ত্রী ওফ দিফেন্সনা মপাল লমদগী পুশিল্লক্নবা নেগেতিব লিস্ততা হাপখিবা অসিগদা মহাক্না হায়খি মদুদি মসি দি.আর.দি.ও.গী মায় পাকপা অমনি। “অসিনা তাকপদি. ইন্দিয়া অসি হৌজিক্তি মশাগী মিসাইল সিস্তম লৈদুনা মরোমদোম লেপচবা ঙম্লে অমসুং আর্ম ফোর্সেসশিংনা মান্নবা মিসাইল সিস্তম পুশিল্লকপা মথৌ তাদ্রে” হায়না হায়খি।

শ্রী নাইদুনা নুঙাইবা ফোংদোকখ্রে মদুদি ইন্দিয়ানা দিফেন্সকী পোৎ লৈবদা খ্বায়দগী চাংনা লৈরমবা অদু হোংদোক্তুনা দিফেন্সকী মচাক খ্বায়দগী মপালদা থাদোকপা ওইগদৌরি। মহাক্না মরুওইবা পীদুনা হায় মদুদি ইন্দিয়ানা হৌজিকশু পোৎ মপালদা পুথোকপদা য়াম্না নেম্লি, মরম অদুনা দিফেন্স তেক্নোলোজি অসি মগুন হেনগৎহনবা মথৌ তাই হায়না হায়খিয মহাক্না সাইন্তিস্ত অমসুং তেক্নোলোজিস্তশিংদা হায় মদুদি মখোয়না লৈবাক অসিগী তুংগী ওইবা দিফেন্স খক্তা য়েংবা নত্তনা মপালদা থাদোকপা য়াবা তেক্নোলোজিসু য়েংশিন্নবা হায়খি।

তোইনা হোংলিবা তেক্নোলোজি অসি য়েংলগা, উপ রাস্ত্রপতিনা হায় মদুদি দি.আর.দি.ও.না অমুক হন্না য়েংশিন্দুনা দিফেন্স তেক্নোলোজি অসি লনাইগী ওইবা সেক্তরশিংদা পায়বা ঙম্বশিংদা পীনবা হায়খি। মহাক্না হরাওবা ফোংদোকখি মদুদি দি.আর.দি.ও. না তেক্নোলোজি চাওখৎলবা সেন্তর ৮ লিংখৎতুনা তুংগী ওইবা মিলিতরী এপ্লিকেসন অসিদা রিসর্স তৌনবা অসিদা। শ্রী নাইদুনা নুপীশিংশু  সাইন্স অমসুং তেক্নোলোজিগী লমদা শরুক য়াহন্নিংবগী অপাম্বা ফোংদোকখি। 

অমুক্তা থোকখিদ্রিবা কোবিদ-১৯গী লায়চৎ অসিনা মীওই কয়া অমা শোকহনবা, মরুওইনা লায়ররবা অসি পন্দুনা শ্রী নাইদুনা ভারত সরকারনা ভাইরস অসি লাকশিন্নবা লৌখিবা থৌদাং অসি থাগৎপা ফোংদোকখি। মহাক্না সাইতিস্তশিংবু পীখিবা মতমদা বেক্সিন পুথোক্নবা অমসুং মীপুম খুদিংদা বেক্সিন অসি য়ৌহন্দুনা অমসুং লায়চৎ অসি অথুবা মতমদা লোইরগনি হায়না আশা তৌই হায়রি।

ইন্দিয়ানা কোবিদ-১৯গী মায়োক্তা লান্থেংনবা অসিনা ভাইরস অসিবু লাকশিনখিবগী মায় পাকপগী ৱারী অসি থমদুনা, শ্রী নাইদুনা হায় মদুদি মসিগী লান্থেং অসিদা থৌনা লনা হোৎনরিবা অদুদি ইন্দিয়াগী মীয়ামশিং, পুলিস ফোর্সেস, মেদিকেল ফ্রাতরনিতি, সাইন্তিস্ত অমসুং তেক্নোলোজিস্ত অমসুং চংদবা য়াদবা পোৎলম পীরিবশিং অসিনি। মখোয়না লৈবাক অসিগী থৌদোক অসিদা মখোয় মশাবু নাবগী খুদোংথিনিংঙাই তুংওইনরগা মতেং পাংখি, হায়না মখা তাখি। মহাক্না লৈবাক অসিগী লৌমীশিংবু লায়চৎ অসিগী মরক্তা মহৈ-মরোং পুথোকপগীদমক থাগৎপা ফোংদোকখি।

লায়চৎ অসিনা ইকোনোমী অমসুং পুন্সি মহিংদা শোকহনবা অসি খঙদুনা, উপ রাস্ত্রপতিনা হায় মদুদি মসিনা ঐখোয়দা থৌনা অমসু পাঙ্গল পীরি। মহাক্না হায় মদুদি ইরমদমগী ওইবা বেক্সিন পুথোকপা, পি.পি.ই. কিত অমসুং হকশেলগী চেকশিন থৌরাং অমসুং মপাল লমদা থাদোকখিবনা অসিনা আত্মানির্ভর ভারত শেম্বদা থৌনা পীরি।

মহাক্না দি.আর.দি.ও.বু কোরোনাভাইরসকী মায়োক্তা লান্থেংনবদা থৱায় হকচাং য়াওনা  অনৌবা তেক্নোলোজি পাম্বৈ কয়া অমা শিজিন্নদুনা মতেং পাংবগীদমক থাগৎপা ফোংদোকখি। “নুমিৎ ১২গী মনুংদা ফমুং ১০০০ লৈবা হোস্পিতাল অমা লিংখৎখিবা অসিনা দি.আর.দি.ও.না ঙম্বা উৎলি অমসুং মসিনা লালগুম্না য়াম্না থুনা মতেং পাংখি,” হায়না মহাক্না হায়খি।

থৌরম অসিদা, উপ রাস্ত্রপতিনা অনৌবা ফেসিলিতি অনি- দাঃ এ.পি.জে. অব্দুল কালাম মিসাইল কম্প্লেক্সতা দি.আর.দি.এল. সেমিনার হোল অমা অমসুং মিসাইল তেক্নোনোলোজি এক্সপোজিসন হোল অমসুং এয়র কোম্মোদোরে ভি গানেসান ইন্তেগ্রেতেৎ ৱিপন সিস্তেম দিজাইন অমসুং দিবলপমেন্ত সেন্তর অসি হৌদোকখি।

উপ রাস্ত্রপতিনা দি.আর.দি.এল.গী ১৯৬১দগী হৌরকখিবা মিসাইল তেক্নোলোজি দিবলপমেম্ত অসিবু থাগৎপা ফোংদোক্লি। দাঃ কালামগী ইন্তিগ্রেসন মিসাইল দিবলপমেন্ত প্রোগ্রাম (আই.জি.এম.দি.পি.) থৌদাংশিংবু পল্লদুনা, শ্রী নাইদুনা হান্নগী রাস্ত্রপতিনা উন্নখিবা অসি নিংশিংলি অমসুং মহাক্কী চমজবা, মহাক্কী ৱাখল লৈবা অমসুং মহাক্কী ইন্দিয়াবু শক্তি লৈবা পাম্বা অসি হায়খি।

মহাক্না কোবিদ -১৯ লায়চৎ মনুং অসিদা য়াম্না কন্না হোৎনরিবা মিসাইল চাওখৎনবগী থৌরম অসিদা থৌদাং লৌরিবা সাইন্তিস্তশিংবু থাগৎপা ফোংদোকখি অমসুং অতৈ মায় পাকপা কয়া অমসু পনখি মদুদি ক্যু.আর.এস.এ.এম. (কুৱিক রিএক্সন সর্ফেস-তু-এয়র মিসাইল), এম.আর.এস.এ.এম. (মেদিয়ম রেঞ্জ সর্ফেস-তু-এয়র মিসাইল) , এস.এ.এ.দবল্যু. (স্মার্ত এন্তি-এয়রফিল্দ ৱিপন), এস.এম.এ.আর.তি. (সুপরসোনিক মিসাইল এসিস্তেৎ) অসিনি।

দি.আর.দি.ও.গী চেয়রমেন, দাঃ জি. সাথীখ রেদী, দাইরেক্তর জেনেরেল (মিসাইল অমসুং স্ত্রাতেজিক সিস্তেম) শ্রী এম.এস.আর. প্রসাদ, দি.আর.দি.ও. সাইন্তিস্তশিংনা শরুক য়াখি।

স্পীচকী মপুং ফাবা তেক্স মখাদা পীরি:

“দি.আর.দি.ও.গী চেয়রমেন, দাঃ জি. সাথীখ রেদী, দাইরেক্তর জেনেরেল (মিসাইল অমসুং স্ত্রাতেজিক সিস্তেম) শ্রী এম.এস.আর. প্রসাদ, দি.আর.দি.ও. সাইন্তিস্তশিং অমসুং নুংশিরবা ইচল-ইনাওশিং,

মসি য়াম্না নুঙাইবা ফাওই মদুদি দি.আর.দি.ও.গী মিসাইল ক্লস্তরগী লেবোরেতোরীগী সাইন্তিস্তশিংনা য়াম্না ৱানা হোৎনদুনা সাইন্স অমসুং তেক্নোলোজি দিফেন্সদা পীরিবা থৌদাং অসিদা। মসি হায়বদা চাওথোকচবা ফাওই মদুদি অদোম পুম্বা দি.আর.দি.এল. কেম্পস হায়বদি ইন্দিয়াগী মিসাইল চাওখৎনবা অমসুং পুথোকপগী মনুংগী ওইবা অসিদা।

ঐখোয়না খঙই মদুদি, ইন্দিয়াগী মিসাইল তেক্নোলোজি চাওখৎপা অসি দি.আর.দি.এল.না ১৯৬১দা লিংখৎখিবা অদুদগী হৌখিবনি। লৈরিবা ফোর্স অহুম অসি হেন্না খুমাং চাওশিন্নবা দি.আর.দি.ও.গী সাইন্তিস্ত অমসুং তেক্নোলোজিস্তশিংনা ইন্তিগ্রেতেৎ গাইদেদ মিসাইল দিবলপমেন্ত প্রোগ্রাম (আই.জি.এম.দি.পি.) হৌদোকখি। আই.জি.এম.দি.পি. অসি মায় পাক্না ইন্দিয়াগী খ্বায়দগী ফাওরবা মচানুপা হান্নগী রাস্ত্রপতি দাঃ এ.পি.জে. অব্দুল কালাম্না লুচিংখি।

হন্দক্তা, ঐহাক্না চেন্নাইদা দাঃ কালামগী লাইরিক মমিং “অব্দুল কালাম – নিনাইবুকাধালুকু মারানামিল্লাই” আর্থনা  “অব্দুল কালাম – ইম্মোর্তেল মেমোরিজ”। লাইরিক অসি তামিলদা ফোংবনি অমসুং দাঃ এ.পি.জে.এম. নাজিমা মারাইকায়র অমসুং মমিং লৈরবা স্পেস সাইন্তিস্ত দাঃ ৱাই. এস. রজন্না ইবনি।

ঐহাক্না দাঃ কালামগা থৌদোক কয়াদা মহাক্না দি.আর.দি.ও.দা লৈরিঙৈদা উন্নখিবা অসিদা লাইবক ফবনি হায়না খল্লি অমসুং মতুংদা মহাক্না ইন্দিয়াগী রাস্ত্রপতি ওইরিঙৈদা। ঐহাক্না মহাক্কা উন্নবা খুদিংগী, মহাক্কী চমজবা অসিনা ফাদুনা লৈ, মহাক্কী খঙবা অমসুং মহাক্না ইন্দিয়া অসিবু অকনবা লৈবাক অমা ওইহন্নিংবা অসিদা।

দিফেন্স সেক্তরদা মরোমদোম লৈজবা অসি লুবা খক্তা নত্তে অমসুং লৈবাক অসিগী লালোংদা মরুওইবা খক্তা নত্তে অদুবু লৈবাক্কী ওইনা চাওথোকচনিঙাইনি। ঐহাক্না মসি খঙবদা হরাওবা ফাওই মদুদি দি.আর.দি.ও.গী সাইন্তিস্ত কাংবুনা দাঃ কালাম্না পাংথোক্লম্বা থবকশিং মিসাইল সিস্তেম অসিদা চৎথরকপা অসিনি।   

হন্দক্তা মায় পাক্না চাংয়েং তৌখিবশি অদুদি ক্যু.আর.এস.এ.এম., এম.আর.এস.এ.এম., এস.এম.এ.আর.তি. অসিনি।

ঐহাক্না খঙই মদুদি কোবিদ-১৯ লায়চৎনা মরম ওইদুনা লোতদাউন্দগী অৱাবা মায়োক্নরিবা অসিদা সাইন্তিস্তশিং অসিনা মিসাইল চাওখৎ থৌরাংগীদমক কন্না হোৎনদুনা মরুওইবা থাক অমা য়ৌনবা হোৎনরি। হায়রিবা অসিদা ক্যু.আর.এস.এ.এম. (কুৱিক রিএক্সন সর্ফেস-তু-এয়র মিসাইল), এম.আর.এস.এ.এম. (মেদিয়ম রেঞ্জ সর্ফেস-তু-এয়র মিসাইল) , এস.এ.এ.দবল্যু. (স্মার্ত এন্তি-এয়রফিল্দ ৱিপন), এস.এম.এ.আর.তি. (সুপরসোনিক মিসাইল এসিস্তেৎ) অসি য়াওরি।  

নুংশিরবা ইচল-ইনাওশিং,

ইন্দিয়া অমসুং মালেমগী অতৈ মফমদা অমুক্তা থোকখিদ্রিবা মওংদা কোবিদ-১৯গী লায়চৎ অসিনা অৱাবা মায়োক্নরি। মীপুম খুদিংমক মরুওইনা লায়রবাশিং অসি লায়চৎ অসি শোকহল্লি।

অদুম ওইনমক ভারত সরকারনা লায়চৎ অসিবু হন্থনবা থবক কয়া অমা খুদক্তা পায়খৎলি। প্রজাগী মতেংনা ঐখোয়না লৈবাক অসিদা কোরোনা ভাইরস অসি লাকশিনবা ঙম্লি। সাইন্তিস্তশিংনশু মতম তান্নদুনা চৎল্লি অমসুং মতম চানা বেক্সিন অসি পুথোক্লি অমসুং মসিগী মরম্না ঙসি মী লাখ কয়া তিকা থাবা ফংখি।

ইন্দিয়গী কোবিদ-১৯গী মায়োক্তা লান্থেংনবা অসিনা ভাইরস নমথবদা মায় পাকপগী ৱারী লীরি। মসিদা লান্থেংনরিবা অসি ইন্দিয়ী প্রজাশিং, মেদিকেল ফ্রাতর্নিতি, সাইন্তিস্ত অমসুং তেক্নোলোজিস্তশিং অমসুং লায়না অসিবু চংগনি হায়বা অসি মায়োক্নরগা তৌরিবশিং অসিনি।

ঐখোয়গী লৌমীশিং অসি থাগৎপদা মতিক চাই মদুদি মখোয়না লায়চৎ অসিগী মনুংদা অথিংবা কয়া লৈরবসু মিল্লিয়ন তোন ২৯৬.৬৫ অমা ২০১৯-২০দা মহৈ মরোং পুথোকখি।

চিংনবা লৈতনা, লায়চৎ অসিনা মীওই কয়াগী ইকোনোমী অমসুং পুন্সি মহিংদা অকাইবা পীরি। মতম অসিদা মসিনা পাঙ্গল থৌনাগী খুদোংচাবা পীরি।

দি.আর.দি.ও.না মখোয়গী মথৌ দিফেন্সি আর. অমসুং দি. খক্তা নত্তনা কোরোনাগী লায়চৎ অসি থেংনবা হোৎনরিবা অসিদা ঐহাক্না হরাওবা ফোংদোক্লি। লোকদাউন্দ মনুং অসিদা দি.আর.দি.ও.না তেক্নোলোজিগী পাম্বৈ কয়া অমা চাওখৎনবা হোৎনখি। মসি পনবা য়াই মদুদি দি.আর.দি.ও.না থবক তৌবশিংনা ফমুং ১০০০ লৈবা সর্দার ভল্লাভাই পতেল হোস্পিতাল অমা দিল্লীদা লিংখৎখি। নুমিৎ ১২দা ফমুং ১০০০ লৈবা হোস্পিতাল লিংখৎপা অসিনা দি.আর.দি.ও.গী তৌবা ঙম্বা উৎলি।  

ঐহাক্না হরাওবা ফাওই মদুদি মিসাইল সাইন্তিস্তনা কন্না হোৎনদুনা ইন্দিয়াগী ওইনা মরোমদোম লেপচবা ঙম্নবা হোৎনবা অসিদা। ঐহাক্না হায়রি মদুদি আকাশ মিসাইল অসি হন্দক্তা মপাল লমদগী পুশিল্লকপা অসি নেগেতিব লিস্ততা য়াওহল্লি। মসিনা তাকপদি ইন্দিয়া অসি হৌজিক্তি মিসাইল সিস্তেমদা মরোমদোম লেপচবা ঙম্লে হায়বনি। 

ইন্দিয়ানা হৌজিক্তি খ্বায়দগী চাওবা দিফেন্সকী পোত্থোক পুশিল্লকপা অসি খ্বায়দগী মকোক্তা লৈবা পোত্থোক মপালদা পুথোকপা লোমদা ওইহনগদৌরি। ইন্দিয়াগী দিফেন্স তেক্নোলোজিগী কাংবুনা চহি মঙা অসিদা খুলাই ১০১, প্লেতফোর্ম অমসুং মচাকশিং সরকারদা পুশিল্লকপা থিংহল্লগনি। সরকার অসিনা দিফেন্সকী পোৎলম মপালদা থাদোকপা অসি চহি মরি অসিদা চাওরাক্না লুপা করোর ৩৫,০০০গী পান্দম থম্লি।

মরোমদোম লেপচবা তেক্নোলোজি অসিনা লোকেলগী ওইবা ইন্দস্ত্রী চাওখৎপা, থবকশিং ফংহনবা অমসুং মপাল লমগা পোৎ ওন্নবা অসিনি। অশুম্না তেক্নোলোজি মরোমদোম ওইজবা অসিনা লৈবাক অসিগী ইকোনোমীদা মতেং পীবদা চাওরবা থৌদাং লৌরি। প্রধান মন্ত্রী শ্রী নরেন্দ্র মোদীগী কন্না হায়রিবা আত্মানির্ভর ভারত অমসুং ভোকেল ফোর লোকেল অসিনা মরোমদোম লেপচবা ঙম্নবা অচেৎপা ৱাখল্লোন পীরি।

মীওইবগী গ্যানগী তেক্নোলোজি অসিশু য়াম্না থুনা অহোংবা লাক্লি। তুংদা লাক্কদৌরিবা মিলিতরী সিস্তেম অসি আর্তিফিসিএল ইন্তিলিজেন্সগী লমদা, ক্বান্তম তেক্নোলোজি, এজিম্মেত্রীক্ত তেক্নোলোজি অমসুং স্মার্ত মেতরিএলদা শিজিন্নগদৌরি। ঐহাক্না নুঙাইবা ফাওই মদুদি দি.আর.দি.ও.না হন্দক্তা খুমাং চাওশিল্লবা তেক্নোলোজি সেন্তর ৮ তুংগী ওইবা রিসর্স তৌনবা অসিদা।

ঐহাক্না থাজবা থম্মী মদুদি দি.আর.দি.ও. সাইন্তিস্ত অমসুং তেক্নোলোজিস্তশিং অসিনা মখোয়গী হৈ-শিংবা অমসুং ফিরেপ অসিনা ইন্দিয়া অসি অত্মানির্ভর ভারত হায়না মরোমদোম লেপচদুনা মালেমগী ওইনা ভারত পর নির্ভারগী থাক্তা লৈবা ঙম্লগনি।

জয় হিন্দ!”

*****