কোবিদকী শিংনবশিং লৈজরবসু ইন্দিয়ন রেলৱেজনা কোবিদ মমাংগী মতমশিংগা চাংদম্নবদা হৌজিক মেল এক্সপ্রেস ত্রেন ৬৫% চেলহল্লি

কোবিদকী শিংনবশিং লৈজরবসু ইন্দিয়ন রেলৱেজনা হৌজিক তোঙান তোঙানবা ইন্দিয়ন রেলৱেজকী জোনশিংদা নোংমদা ফেস্তিবেল এক্সপ্রেস ত্রেনশিং য়াওনা মেল/এক্সপ্রেস পু্ন্না ১১৩৮ চেল্লি। লৈবাক অসিগী মরু ওইবা লমথুংফমশিং হায়রিবা অখন্নবা ত্রেনশিং অসিনা ফাওনহল্লি। অহেনবা ত্রেনশিং চেলহন্নবগী মথৌ তাবা অদু তোইনা য়েংশিল্লি।

কোবিদকী মতমগী মমাংদা ইন্দিয়ন রেলৱেজনা নোমদা চাংচৎতা মেল/এক্সপ্রেস ১৭৬৮ চেলম্মি।

শিংথানিংঙাই ওইবদি ২০২১গী জনুৱারী থা ফাওবদা মেল/এক্সপ্রেস ত্রেন পুন্না পিয়র ১১৫ অয়াবা পীখ্রে।

মসিগী মথক্তা হৌজিক ইন্দিয়ন রেলৱেজনা সবঅর্বান ত্রেন সর্ভিস অসি ইন্দিয়ন রেলৱেজকী তোঙান তোঙানবা জোনশিংদা নোংমদা পুন্না ৪৮০৭ চেহল্লি। কোবিদকী মমাংগী মতমদা সবঅর্বান ত্রেন সর্ভিস অসি চাংচৎ ওইনা ৫৮৮১ চেলমখি।

মসিগী মথক্তা ইন্দিয়ন রেলৱেজতা পেসেঞ্জর ত্রেন সর্ভিস পুন্না ১৯৬ চেলহনখ্রে। কোবিদকী মতমগী মমাংদা লৈবাক অসিদা পেসেঞ্জর ত্রেন সর্ভিস ৩৬৩৪ চেলমখি।

*****