শেল-থুম মন্ত্রালয়
হলৱা সেরেমনীগা লোইনা ২০২১-২২গী কেন্দ্রগী বজেৎকী অরোইবা তাঙ্কক হৌখ্রে
শেলথুম মন্ত্রীনা স্তেকহোল্দর পুম্নমক্তা কেন্দ্রগী বজেৎকী ইনফোর্মেসন লায়না অমসুং অথুবা মওংদা ফংহন্নবা “য়ুনিয়ন বজেৎ মোবাইল এপ” লোঞ্চ তৌখ্রে
Posted On:
23 JAN 2021 4:16PM by PIB Imphal
কেন্দ্রগী শেলথুম অমসুং কোর্পরেৎ এফিয়র্সকী মন্ত্রী শ্রীমতি নির্মলা সিতারমন য়াওনা নোর্থ ব্লোক্তা ঙসি নুমিৎয়ুংবদা ২০২১-২২গী কেন্দ্রগী বজেৎকী বজেৎ শেম্বগী থবক-থৌওংগী অরোইবা তাঙ্কক য়ৌবগী হলৱা সেরেমনী পাঙথোকখ্রে। চহি খুদিংগী বজেৎকী শেম-শাবগী “লোক-ইন” প্রোসেস হৌদ্রিঙৈ মমাংনা চৎনবী ওইনা হলৱা সেরেমনী অমা পাঙথোকই।
অমুক্তা তৌখিদ্রিবা থৌরাং অমদা ২০২১-২২গী কেন্দ্রগী বজেৎ অসি অহানবা ওইনা পেপরলেস ওইনা ফংহল্লগনি। ২০২১-২২গী কেন্দ্রগী বজেৎ অসি ফেব্রুৱারী ১, ২০২১দা পুথোক্কনি।
থৌরম অসিদা শেলথুমগী মন্ত্রী শ্রীমতি নির্মলা সিতারমন্না পার্লিয়েমেন্তগী সদস্যাশিং (এম.পি.শিং) অমসুং প্রজা মীয়াম্না দিজিতেলগী খুদোংচাবগী খ্বাইদগী অচম্বা মওং শীজিন্নদুনা বজেৎ দোক্যুমেন্তশিং অরাইবা মওংদা য়েংবা য়ানবা “য়ুনিয়ন বজেৎ মোআইল এপ” অসিসু লোঞ্চ তৌখ্রে। মোবাইল এপ অসিনা এন্যুএল ফাইনান্সিএল স্তেৎমেন্ত (বজেৎ হায়না অয়াম্বনা খঙনবা), দিমান্দ ফোর গ্রান্তস (দি.জি), ফাইনান্স বিল অসিনচিংবা য়াওনা সম্বিধান্না পীবা কেন্দ্রগী বজেৎ দোক্যুমেন্ত ১৪ য়েংবা য়াহল্লি।
দাউনলোদিং, প্রিন্তিং, সর্চ, জুম ইন অমসুং আউৎ, বাইদিরেক্সনেল স্ক্রোলিং, কন্তেন্তশিংগী তেবল অমসুং এক্সতর্নেল লিঙ্ক অসিনচিংবা এম্বেদেদ ফীচরশিং য়াওবা য়ুজর-ফ্রেন্দলী ইন্তর্ফেস অমা এপ অসিদা য়াওই। মসি লোল অনি ওই (ইংলিশ অমসুং হিন্দী) অমদি এনদ্রোইদ অমসুং আই.ও.এস. প্লেৎফোর্মশিংদা ফংগনি। এপ অসি কেন্দ্রগী বজেৎ ৱেব পোর্তেল (www.indiabudget.gov.in)দগী দাউনলোদ তৌবা য়াগনি। এপ অসি দিপার্তমেন্ত ওফ ইকনোমিক এফিয়র্সকী লুচিং মখাদা নেস্নেল ইনফোর্মেতিক্স সেন্তর (এন.আই.সি.)না দেবেলপ তৌখি।
বজেৎ দোক্যুমেন্ত অসি ফেব্রুৱারী ১, ২০২১দা পার্লিয়ামেন্ততা শেলথুম মন্ত্রীনা বজেৎকী ৱারোল পীবা লোইরবা মতুংদা মোবাইল এপতা ফংগনি।
হলৱা সেরেমনী অদুদা কেন্দ্রগী শেলথুম মন্ত্রীগা লোইননা কেন্দ্রগী শেলথুম অমসুং কোর্পরেৎ এফিয়র্সকী রাজ্য মন্ত্রী শ্রী অনুরাগ সিংহ থাকুর; ফাইনান্স সেক্রেতরী অমসুং সেক্রেতরী (রিভেন্যু) দা. এ.বি. পান্দে; এক্সপেন্দিচরগী সেক্রেতরী শ্রী তি.ভি. সোমানাথন; ইকনোমিক এফিয়র্সকী সেক্রেতরী শ্রী তরুন বজাজ; দি.আই.পি.এ.এম.গী সেক্রেতরী শ্রী তুহিন কান্তা [আন্দে; ফাইনান্সিএল সর্ভিসেসকী সেক্রেতরী শ্রী বেবাশিশ পান্দা; চীফ ইকনোমিক এদভাইজর দা. কে,ভি. সুব্রমনিয়ম; এদিস্নেল সেক্রেতরী (বজেৎ) শ্রী রাজাৎ কুমার মিশ্রা অমসুং মন্ত্রালয়গী অতোপ্পা ওফিসিএলশিং শরুক য়াখ্রে।
শেলথুম মন্ত্রালয়গী অতোপ্পা ওফিসরশিং অমসুং স্তাফশিংগী মথক্তা বজেৎ শেম-শাবা অমসুং কমপাইল তৌবগী থবক-থৌরমশিংদা য়াওখিবা সি.বি.দি.তি.গী চিয়রমেন শ্রী পি.সি. মোদী, সি.বি.আই.সি.গী চিয়রমেন শ্রী এম অজিৎ কুমারসু থৌরম অসিদা শরুক য়াখ্রে।
মতুংদা শেলথুম মন্ত্রীনা ২০২১-২২গী কেন্দ্রগী বজেৎকী কমপাইলেসনগী স্তেতস রিভ্যু তৌখ্রে অমসুং মহাক্না মরী লৈনবা ওফিসিএলশিংদা য়াইফ পাউজেল পীখ্রে।
****
(Release ID: 1691778)
Visitor Counter : 254