উপ-রাস্ত্রপতিগী লোইশঙ

উপ রাস্ত্রপতিনা নহাশিংদা লায়রবা, লাইরিক হৈতবা অমসুং সমাজদা হন্থনা য়েংবা অসি থেংননবা হায়খ্রে

অনৌবা ভারত অমসুং নুঙাই-য়াইফরবা ভারত অদুগুম্লবা নাগরিক পুম্বা মান্নবা খুদোংচাবা ফংবা ওইহল্লশি - উপ রাস্ত্রপতিনা নহাশিংদা

নেতাজী বোসকী মপোক কুম্মোম্দা য়াম্না চাওনা শ্রদ্ধাঞ্জলী কৎপা; সরকারনা মসিবু পরক্রম দিবস হায়না পাংথোকপা ফিরেপ লৌখ্রে

নেতাজীবু মীয়াম অমগী পুক্নিং চিংশিনবগীদমক শক্তি লৈবা লুচিংবনি হায়না কৌরি

নেতাজীগী দেমোক্রেতিক ওইবা ৱাখল্লোল অসি কত্থোকপা অমসুং পুনশিনবা হায়বা অসিদা ফিদম ওই -উপ রাস্ত্রপতি

হায়দ্রাবাদকী এম.সি.আর. ঐচ.আর.দি. ইন্সতিত্যুৎতা ফাউন্দেসন কোর্স য়াওরিবা ওফিসর ত্রেনিশিংদা ৱা ঙাংখি

Posted On: 23 JAN 2021 1:25PM by PIB Imphal

উপ রাস্ত্রপতি, শ্রী এম. ভেঙ্কায়া নাইদুনা ঙসি নহারোলশিংদা নেতাজী সুভাস চন্দ্র বোসকী পুন্সিদগী তমজনবা অমসুং লায়রবা, লাইরিক হৈতবা অমসুং সমাজদা হন্থনা, নুপী-নুপা খায়বা, শেল চাবা, কাংলুপকী খেন্নবা থম্বা অমসুং কম্ম্যুনলাইজম অসি থেংননবা হায়খ্রে।

উপ রাস্ত্রপতি ৱাফম অসি নেতাজী সুভাস চন্দ্র বোসকী ১২শুবা মপোক কম্মোন অসি ‘পরক্রম দিবস’ হায়না লৈবাক শিনবা থুংনা পাংথোক্লিবা অসিদা হায়দ্রাবাদকী এম.সি.আর. ঐচ.আর.দি. ইন্সতিত্যুৎতা ফাউন্দেসন কোর্স য়াওরিবা ওফিসর ত্রেনিশিংদা ৱা ঙাংবদা হায়খিবনি।  

মহাক্না খঙহনখি মদুদি ঐখোয়গী মীশিংগী চাদা ৬৫ অমদি চহি ৩৫গী মখাদা লৈ, শ্রী নাইদুনা হায় মদুদি অনৌবা ভারত অমসুং নুঙাই-য়াইফরবা ভারত অদুগুম্লবা নাগরিক পুম্বা মান্নবা খুদোংচাবা ফংবা ওইহল্লশি হায়রিবা অসি নহারোলশিংনা মকোক চিংগদবনি।

‘পরক্রম’ নত্ত্রগা থৌনৌ লৈবা হায়বা অসি নেতাজীগী মশক তাকপা পোৎশক অমনি, উপ রাস্ত্রপতিনা লাওরি মদুদি নেতাজীগী মপোক কুম্মোন অসি ‘পরক্রম দিবস’ হায়না লৈবাক অসিগী মীয়াম অসিবু পুক্নিং থৌগৎলদুনা পাংথোক্নবা ফিরেপ লৌরে হায়রি।

নেতাজী সুভাস চন্দ্র বোস্তা য়াম্না চাওনা শ্রদ্ধাঞ্জলী কৎলদুনা মহাক্না হায় মদুদি নেতাজী অসি শক্তি য়াম্না লৈবা লুচিংবা অমনি অমসুং ময়ামগী মরক্তা ভারত অসিবু চাওখৎনবা হোৎনবদা নিং-খা তম্বগী খোঙজংদা মকোক থোংবা লুচিংবা অমনি, ঐখোয়না ভারত মচা অমা ওইনা কাংলুপ নাইবা, ধর্ম্ম খেন্নবা থম্বা মফমগী খেন্নবা থম্বা অসিদগী লাপ্না লৈগদবনি।

নেতাজী সুভাস চন্দ্র বোস্না লৌখিবা চাওরবা থৌদাংশিং অমসুং নিংতম লান্মী কয়া অমা, সমাজ শেমগৎপা, মমিং লৈহৌদ্রবা মফম কয়াদগী হিরোশিং, মহাক্না হায়খি মদুদি মীওই কয়া অমা পুৱারীদী ইরমদবনা মখোয়গী মরমদা কনা অমত্তনা খঙবিখিদ্রে। “ঐখোয়না ঐখোয়গী মতিক লৈরবা লুচিংবশিং অসিগী পুন্সিশিং অসিগীদমক থৌরম পাকথোকপা মথৌ তাই। ঐখোয়না কাংলুপ নাইবা ৱাখল্লোস অসিদগী থোক্লক্কদবনি” মহাক্না কন্না হায়খি।

শ্রী নাইদুনা হায় মদুদি. “মসিনা হায়রি মদুদি ইন্দিয়ন আর্ম ফোর্সশিং অসিনা মখোয়গী মমা লৈবাক নিংবা অসি হেনগৎলকপা অসিনা মরম ওইদুনা ব্রিতিশনা ইন্দিয়া থাদোক্লম্বনি”। মাইকৈ কয়াগী লুচিংবশিং অসিনা নিংতম্বগীদমক চংশিল্লিবা অসি উরগা উপ রাস্ত্রপতিনা হায় মদুদি হনবা লৈতবা নিংতম্বগী পান্দম অসিনা কোলোনিয়েল লৈঙাক্তগী ইন্দিয়ানা নিং-খা তম্বা ফংখিবনি।

নেতাজীনা কাংলুপকী চৎনবি অসি লৌথোকপা পাম্বা অসি উৎলদুনা শ্রী নাইদুনা হায় মদুদি ১৯৪০দা য়েংবদা, ধর্ম্ম, কাংলুপ খাইদনা অমত্তা ওইনা লান্মীশিংনা লৈমিন্নখি, চামিন্নখি অমসুং ভারতকীদমক হৌবদগীনা লোইবা ফাওবা লান্থেংনখি।

শ্রী বোস্না অরানবা তৌবশিং অসিগী মায়োক্তা মহাক্কী স্কুলগী মতমদগী লৈরকপা অসি নিংশিংদুনা উপ রাস্ত্রপতিনা হায় মদুদি মঙোন্দা রামাকৃষ্ণ পরমাহনশা, স্বামী বিবেকানন্দা অমসুং শ্রী ঔরোবিন্দোগী তম্বিরকপশিং য়াওরি।

নেতাজীগী দেমোক্রেতিক ওইবা ৱাখল্লোল অসিগী ফিদমদা কত্থোকপা অমসুং অপুনবা হয়বা অসিদা খঙহন্দুনা উপ রাস্ত্রপতিনা হায় মদুদি শ্রী বোসনা নাগরিক পুম্বা লমচৎ-কাংলোন খঙবনবা, মশাগী থৌদাং লৈহনবা, সেবা তৌবা অমসুং মমা লৈবাক নিংবা অসিনা ভারত অসি নিং খা তম্বগী মরুনি হায়খি।

শ্রী নাইদুনা হায় মদুদি লৈবাক নিংবগী অশেংবা ইথিল লৈবা অসিনা লৈবাক অসিগী মীয়ামশিংদা অফবা অমা পীনবগী মচাক অমা ওই।

উপ রাস্ত্রপতিনা মসি অমসু হায় মদুদি নেতাজী সুভাস চন্দ্র বোস্না ভারতকী চাওখৎপগী মগুন অমসুং নাৎকী লৈজরিবা অসিদা মতম খুদিংদা চাওথোকপা ফাওই, মসিনা মঙোন্দা মশানা মথন্তা থাজনবগী মচাক ওই।

নেতাজী পুক্নিং থৌগৎপা য়াবা লুচিংবগী মগুন চেল্লিবা অসি মথং-মনাও নাইনা পীদুনা উপ রাস্ত্রপতিনা হায় মদুদি মহা্ক্কী মিত্রংগুম্বা,  মহাক্কী থৱায় য়াওবা অসিনা ‘লালগী প্রিজন্নরশিং’ অসি ‘নিংতম লান্মী’ দা ওন্থোকই অমসুং মখোয়না মখোগী পুন্সি মাংলবা ফাওবা মখোয়গী লুচিংবগীদমক লাল শোক্নৈ।

উপ রাস্ত্রপতিনা হায় মদুদি শ্রী বোস্না নুপীদা চপ মান্নবা পীবা – সমাজগী, ইকোনোমিক, অমসুং রাজনিতিশিংদা চপ মান্ননা পীবা অসি মহাক্কী থাজবনি। “নেতাজীগী ৱাখল্লোল অসি কদাই ফাওবা য়ৌবগে হায়বা অসি মহাক্না নুপীগী কোর্পস অমা আই.এন.এ.দা রানি ওফ ঝান্সি রেজিমেন্ত থোন্দুনা শেম্নবা লৌখিবা ফিরেপ অসিদা খঙবা ঙম্মী” মহাক্না হায়খি অমসুং সরকারনা নুপীগীদমক লেঙদবা কম্মিসন অমা আর্ম ফোর্সেস্তা পীখিবা অসিদা থাগৎপা ফোংদোক্লি।

 

নেতাজীনা থাজরিবা মহৈ অসিনা লমচৎ শেম্বা অমসু মীওইবা পুন্সি অমা শেমগৎপদা মাইকৈ পুম্বদা চংলিবা অসি পন্দুনা শ্রী নাইদুনা হায় মদুদি তম্বিবগী মওং অসি হেন্না আর্থ থোকপা অমা ওইনবা শেমদোকপা মথৌ তারে অমসুং ভারত অসি মহৈগী হব অমা ওইনবা হোৎনগদবনি।

এম.সি.আর. ঐচ.আর.দি. ইন্সতিত্যুৎকী দাইরেক্তর জেনেরেল শ্রী হার্প্রীত সিংহ, ইন্সতিত্যুৎ অসিগী এদ্দিসনেল দাইরেক্তর জেনেরেল শ্রী বেনহর মাহেশ দত্তা এক্কা, ফেকল্তি স্তাফ অমসুং ওফিসর ত্রেনিনা থৌরম অসিদা শরুক য়াখি।

 

মখাদা পীরিবা অসি মপুং ফাবা স্পীচকী তেক্সনি -

“ইচল-ইনাওশিং,

ঙসি অসি য়াম্না মরু ওইবা নুমিৎ অমনি … ঐখোয়না লৈবাক অসিগী চাওথোকচনিঙাই ওইরবা অফাওবা নুপা -নেতাজী সুভাস চন্দ্র বোসকী ১২৫শুবা মপোক কুম্মোন পাংথোক্লি।

ভারত সরকারনা মসি ‘পরক্রম দিবস’ হায়না লৈবাক শিনবা থুংনা পাংথোক্তুনা লৈবাক অসিগী মীয়ামশিং মরুওইনা নহারোলশিং অসিবু পুক্নিং থৌগৎনবা ফিরেপ লৌরি। মসি পরক্রম নত্ত্রগা থৌনা হায়না শ্রদ্ধাঞ্জলী কৎপা অসিনা নেতাজীগী মগুনগা চান্নবা ওইরি। স্কুলগী মতমদগী মহাক্না খঙগনবা, য়াম্না থৌবা অমসুং অকিবা লৈতবা ওইরকই। মহাক্না অরানবা তৌবশিংগী মায়োক্তা লেপখি। করিগুম্বা অমত্তনা মঙোন্দা মমা লৈবাক নিংবগী ফিরেপ অসি হোংহনবা ঙমখিদে।

নেতাজী অসি য়াম্না শক্তি লৈবা লুচিংবা অমনি অমসুং নিংতম খোঙজংদা খ্বায়দগী মচিন তুম্বা লুচিংবনি। মহাক্কী মমালৈবাক নিংবা অসিনা কনখিদুনা মহাক্না ইন্দিয়ন সিবিল সর্বিসতগী থবক থাদোকখি অমসুং ইংলেন্দদগী ইন্দিয়াদা হল্লকখি।

ভারত অসিবু অকনবা অমা ওইনবা মহাক্না নিংশিংবা য়াবা থবক কয়া অমা তৌখি। মহাক্কী মথৌনা অমসুং ইচং থৌবা লুচিংবগী মওং অসিনা লৈবাক পুম্বদা মরুওইনা নহারোলশিংদা পুক্নিং থৌগৎখি।

নেতাজীনা ভারতনা চাওখৎপা হায়বা অসিদা য়াম্না চেৎনা থাজখি, ঐখোয়না ধর্ম্ম, জাৎ, কাংলুপ  অমসুং মফমগী খেন্নবা অসি য়াম্না লাপ্না থমদুনা ইন্দিয়া হায়বা অসিনা অহানবা ওইনা পুরক্কদবনি। মহাক্কী লেঙদ্রবা মমা লৈবাক নিংবা অসিনা মীয়াম্বু পুলহনবা খক্তা নত্তনা মখোয়বু আজাদ হিন্দ ফৌজদা মখোয়বু য়াওহনখি। ১৯৪০দা য়েংবদা, ধর্ম্ম, জাৎ, কাংলুপ খায়দনা লান্মীশিংনা চখুম অমতদা চাক চামিন্নদুনা ভারতনা অহানবা অমসুং অরোইবা হায়দুনা লান শোক্নরম্মী। হায়রিবা অসি মহাক্কী চিংশিনবা ঙম্বা মগুন য়াওবা লুচিংবা অমা ওইবননি। মীপুম খুদিংমক্না মহাকপু নুংশিনা নেতাজী হায়না কৌখি হায়বদি “ইকাই খুম্নরবা লুচিংবা”।  

মহাক্কী মীয়ামগী ওইবা ৱা ঙাংবদা নেতাজীনা ভারত্তা জাৎকী চৎনবি লৈবা অসি মুথৎনবা হায়খি।মতম মতমদা মহাক্না হায়খি মদুদি ভারত অসি খেন্নবা থম্লিবা অসি লৌথোক্লবা মতমদা চাওখৎপা ঙমগনি হায়খি

“নুংশিরবা ইচল-ইনাওশিং,

নেতাজী সুভাস চন্দ্র বোস্না ইশানা ইশাবু ইকাই খুম্নবা হায়বা অসিদা য়াম্না কন্না ইথিল পীরম্মী। মহাক্কী স্কুল মতমদগী মহাক্না অরানবা তৌব অসিগী মায়োক্তা লেপ্পগী খুদম মশীং খঙদনা লৈরি। মহাক্না হায়রম্মী মদুদি: “য়াম্না শাথিবা ক্রাইম অমবু অরানবা ৱায়েলনা কৈদৌনুংদা য়াশিন্নবা পুরক্লোইদবনি হায়বা অসি কাওরোইদবনি”।

ধর্ম্মগী কনবা ইমুংদগী হৌরকপা মরম ওইদুনা, নেতাজী অসি য়াম্না লাইগী ওইবা থাজবা মীনি অমসুং মদুদি মঙোন্দা রামাকৃষ্ণ পরমাহনশা, স্বামী বিবেকানন্দা অমসুং শ্রী ঔরোবিন্দোগী তম্বিরকপশিং য়াওরি। মহাক্কী নুঙগী ওইবা অসিনা মঙোন্দা লৈবাক মচাশিং অসিনা থেংনরিবা অৱা-অনা অসিদগী লাপথোকহনবা ঙমখিদে, মদুগী মহুৎতা মঙোন্দা হেন্না থৌনা পীখি।

নুংশিরবা মরুপশিং,

ঐখোয়গী লৈবাক্কী মীওইবগী চাওখৎপা অসি য়াম্না শিংথানিঙাইনি মসিদা ‘সেয়র অমসুং কেয়র’ অমসুং ‘বাসুধাইভা কুতুমবকম’ য়াওরি। নেতাজীনা হায়রিবা চাওখৎপগী ভেল্যু অসিদা চাওথোকচৈ অমসুং মসিনা মশাদা থাজবা অমা পীরি। মহাক্না থাজবা অসিনা মরম ওইনা ময়েক শেংনা ৱাহৈ অসি থোরক্লি মদুদি – “নিংতম্বা অসি পীরক্কদবা নত্তে, মসি লৌগদবনি”।

নিংতম্বা অসিদা, নেতাজীনা লৌরিবা অসি, “রাজনিতিগী ওইবা অসিগী অফা অপুন্দগী নান্থোকপা অমসুং লন মান্ননা য়েনবা, জাৎকী খেন্নবা লৈহনদবা অমসুং সমাজগী খেন্নবা লৈতবা, ধর্ম্মগী ওইবা খেন্নবা লৈহন্দবা অসিনি”। মহাক্না হারম্মী মদুদি: “চারা হেল্লিবা মিল্লিয়ন কয়াদা চানবা ফংহবগী অৱাবা লৈরিবা, শেৎন চানবগী অৱাবা থেংনরিবা অমসুং মখোয়বু মহৈ তম্বা ফংহনবগী অৱাবা- লৈবাক অসিগী ওইনা হকশেল অমসুং মশা-মউ ফগৎনবগী অৱাবা, মসি পুম্বা অসি ভারত অসিনা ফাজিন্দুনা লৈরবদি কোকপা ঙম্লোই”।

মহাক্না মহাক্কী মমিং চৎলবা ৱাহৈশিং নহারোলদা লাওরি মদুদি –“ই খক্তনা নিং-খা তম্বগী মমল পীবা ঙমগনি। ঐঙোন্দা ই পীয়ু অমসুং ঐহাক্না অদোম্বু নিং-খা তম্বা পীগে”।

নেতাজীনা মহাক্কী ফাওরবা য়াম্না কন্না লাওখিবা ‘চল্লো দিল্লী’, মহাক্না মহাক্কী লান্মীদা শেংনা তাকখি – “ঐহাক্না নখোয়দা লাম্বা, খৌরাংবা, নমদুনা চংশিনবা অমসুং শিবা নত্তনা করিগুম্বা অমত্তা পীনিঙাই লৈতে। অদুবু নখোয়না ঐহাক্কী ইতুংদা হিংবা নত্ত্রগা শিবা ফাওবা ইন্নরবা – ঐহাক্না থাজবা পীরি মদুদি অদোম্না শোইদনা -ঐহাক্না অদোম্বু মায় পাকপা অমসুং নিংখা তম্বা ফাওবা চিংদুনা পুগনি”। মহাক্না মহাক্কী কাংবুদা ৱাশক্তুনা হায়খি মদুদি, “অমম্বা অমসুং অঙানবা, অৱা-নুঙাই, অৱাবা অমসুং মায় পাকপদা” মতম চুপ্পদা মখোয়গা লৈগনি।

মহাক্কী মিত্রংগুম্না লৈবা অসিনা মহাক্না মহাক্কী লান্মীশিংবু ‘প্রিজন্নর ওফ ৱার’দগী ‘ফ্রীদম ফাইত্তর”দা পুরকপা ঙমখি। মখোয়না মখোয়গী মমা লৈবাক্কীদমক মখোয়গী লুচিংবগী মতুং ইন্দুনা অরোইবা খোঙফম ফাওবা লান্থেননবা লেপখি।

নেতাজীগী ৱাখল্লোল অসি কদাই ফাওবা য়ৌবগে হায়বা অসি মহাক্না নুপীগী কোর্পস অমা আই.এন.এ.দা রানি ওফ ঝান্সি রেজিমেন্ত থোন্দুনা শেম্নবা লৌখিবা ফিরেপ অসিদা খঙবা ঙম্মী। বোস্না নুপীদা চপ মান্নবা হক পীবা অসি মরু ওইনা লৌখি। মসিগী মিয়েং অসি ঙসিসু চৎথরি অমসুং সরকারনা নুপীগীদমক লেঙদবা কম্মিসন অমা আর্ম ফোর্সেস্তা পীখিবা অসিদা থাগৎপা ফোংদোক্লি।

নেতাজীনা য়াম্না চেৎনা থাজখি মদুদি মহৈ অসিনা লমচৎ শেমগৎপদা মরুওইবা মচাক অমনি অমসুং মীওইবা অমগী পুন্সিদা চাওখৎপদা মাইকৈ খুদিংদগী চংই। অফবা মহৈ অমগীদমক ওজাশিং অসি খুমাং চাওশিনবা ত্রেনিং অমা পীবগী মথৌ তাই হায়না মরুওইবা পীরি। মসি ঙসিসু মরী মদুম লৈনরি।

ৱাহং অমনা মতম খুদিংদা ঐহাকপু ৱাহল্লি ….. মতৌ করম্না ব্রিতিশ খরনা ইন্দিয়ন মিল্লিয়ন কয়া অমবু মতম শাংনা পান্দুনা লৈরম্লিবনো? পাউখুম অদুদি ঐখোয়না অপুনবা হায়বা অদু ওইরমদে অমসুং ইমা লৈবাক নিংবগী লৈরমদে; ঐখোয়না পুনশিনবগী অপাম্বা ফাওনখিদে। মসিনা মরম ওইরগা মীরম্না ঐখোয়বু মীখা পোলহনখিবনি। 

“ইচল-ইনাওশিং,

ঐখোয় অসি নৌরিবা লৈবাক অমা হায়বদু ওইরি। মীশিং অসিগী চাদা ৬৫দি চহি ৩৫গী মখাদা লৈবা ওইরি অমসুং চাওরাক্না চাদা ৫০ অমনা চহি ২৫গী মখাদা লৈবা ওইরি। হৌজিক্তি নহারোলগী মতম হায়বা অদু ওইরে মদুদি মখোয়না লায়রবা, লাইরিক হৈতবা, সমাজ অমসুং নুপা-নপী খায়বা, জাৎ-বিজাৎ খায়বা অসি মুথৎকদবনি।

ঐহাক্না নহাশিংবু নেতাজী সুভাস চন্দ্র বোসকী পুন্সিদগী পুক্নিং থৌগৎতুনা অমসুং অনৌবা ভারত অমা – নুঙাই য়াইফবা ভারত অমা হায়রিবা অসিদা নাগরিক পুম্বা চপ মান্নবা খুদোংচাবা ফংবা খেন্নবা অমত্তা লৈহন্দবা অসিনি। ঐহাক্না নেতাজীগী ৱাহৈশিং অসিবু নহারোলশিংদা অমুক হন্না হায়রি মদুদি – “ভারতনা কৌরি …হৌগৎলো,ঐখোয়না মাংহনবগী মতম লৈত্রে”।

****



(Release ID: 1691631) Visitor Counter : 14