মিনরেল এক্সপ্লোরেসন কোর্পোরেসন লমিতেদ (এমি.সি.এল.), রাজস্থান স্তেৎ মাইনস এন্দ মিনরেলস লিমিতেদ (আর.এস.এম.এম.এল.) অমসুং রাজস্থান সরকারগী দিপার্তমেন্ত ওফ মাইনস এন্দ জিওলোজী (দি.এম.জি.)গী মরক্তা রাজস্থানদা পোতাশকী সোলুসন মাইনিং তৌবগী  ফীসিবিলিতী স্তদীস তৌনবা মাইকৈ অহুমগী ওইবা য়ান্না চেরোল অমা খুৎয়েক পীনখ্রে।

এম.ও.য়ু. অসি কোইল, মাইন্স অমসুং পার্লিয়ামেন্তরী এফিয়র্সকী কেন্দ্রগী মন্ত্রী শ্রী প্রহলাদ জোশি, পার্লিয়ামেন্তরী এফিয়র্স অমসুং হেভী ইন্দস্ত্রীজ এন্দ পব্লিক এন্তর্প্রাইজেসকী কেন্দ্রগী রাজ্য মন্ত্রী শ্রী অর্জুন রাম মেঘৱাল অমসুং রাজস্থানগী মুখ্য মন্ত্রী শ্রী অশোক গেহলোৎ য়াওদুনা ভর্চুএল ওইনা খুৎয়েক পীনখ্রে।

শ্রী প্রহলাদ জোশিনা হায় “এম.ও.য়ু. অসিনা সোলুসন মাইনিংগী খুত্থাংদা সব-সর্ফেস্তা লৈরিবা থুম অসি লৌথোক্তুনা শীজিন্ননবা ফীসিবিলিতী স্তদীশিং পাইখৎনবা, রাজস্থানগী মরাং কাইরবা মিনরেল রিসর্বশিং শীজিন্ননবা, মাগী শেন্মীৎলোন ফগৎহন্নবা অমসুং লৈবাক অসিগী অহানবা ওইগদবা পোতাশকী সোলুসন মাইনিংগী হব অমা লিংখৎনবা লম্বী য়াৎলগনি”।

রাজস্থানগী অৱাং-নোংচুপ থংবা শরুক্কী নগৌর –গঙ্গানগর বেসিন্দা সক্বের কিলোমির ৫০,০০০ পাইনা পোতাশ অমসুং হেলাইৎ রিসোর্সশিং মরাং কাইনা লৈ। জি.এস.আই. অমসুং এম.ই.সি.এল.না মথং শিৎনা পোতাশ অমসুং হেলাইৎ মিলিয়ন তন ২৪৭৬.৫৮ অমসুং মিলিয়ন তন ২১১৯৯.৩৮ পুথোকখ্রে।  লৈনুংগী থাওগী থমফম, হাইদ্রোজেন, এম্মোনিয়া অমসুং হেলিয়ন গ্যাসকী রিপোজিতরীশিং, কমপ্রেস গ্যাস অমসুং ন্যুক্লিয়ত ৱেস্তকী থমফমগীদমক্তা বেদেদ সোল্ত ফোর্মেসনশিং অসি কান্নবা মওংদা শীজিন্নরি। বেদেদ সাল্ততগী ফংবা পোতাশ অমসুং সোদিয়ন ক্লোরাইৎ অসি ফর্তিলাইজর ইন্দস্ত্রী অমসুং কেমিকেল ইন্দস্ত্রীনা পাক শন্না শীজিন্নরি।

ইন্তরনেস্নেল কনসল্তেন্ত অমগী মতেংগা লোইননা রাজ্য অসিদা পাঙথোক্কদবা ফীসিবিলিতী স্তদী অসিগী প্রোগ্রাম মেনেজর ওইনা এম.ই.সি.এল.না থৌ পুহনখ্রে। লৈবাক অসিগী অহানবা সোলুসন মাইনিং প্রোজেক্ত পাইখৎহনদুনা প্রোজেক্ত অসিনা থবক পীরগনি লোইননা পোতাশ অমসুং মরী লৈনবা মিনরেলশিংগী দোমেস্তিক মিনরেল প্রদক্সন হেনগৎহনদুনা মপালদগী পুশিল্লকপা অসিগী মহুৎ শিনদুনা আত্মানির্ভর ভারত অভিয়ানগী মতেংসু পাংবা ঙম্লগনি।

****