রোদ ত্রান্সপোর্ত অমসুং হাইৱেজ অমদি ইন্দিয়ন ইন্সতিত্যুৎ ওফ তেক্নোলোজী (আই.আই.তি.), রুরকেগী মরক্তা হাইৱে ইনফ্রাস্ত্রকচরগী মতাংদা রিসর্চ অমসুং দিভেলপমেন্ত, লাইরিক তাকপীবা অমসুং ত্রেনিংগী লমদা মিৎয়েং চঙবগী এম.ও.আর.তি.ঐচ.কী প্রোফেসরিএল চেয়রগী মখা চত্থনবা এম.ও.য়ু. অমগী ঙসি খুৎয়েক পীনখ্রে। এম.ও.য়ু. অসি রোদ দিভেলপমেন্তকী দাইরেক্তর জেনেরেল অমসুং স্পিসিএল সেক্রেতরী, শ্রী ইন্দ্রেশ কুমার পান্দে অমসুং আই.আই.তি., রুরকেগী দেপ্যুতী দাইরেক্তর অমসুং সিভিল ইঞ্জিন্যারিংগী প্রোফেসর, প্রোফঃ মনোরঞ্জন পরিদাগী মরক্তা খুৎয়েক পীনখিবনি। এম.ও.আর.তি.ঐচ.কী সেক্রেতরী, শ্রী গিরিধর অরামানেনা খুৎয়েক পীনবগী থৌরম অসিবু লুচিংখি।

মসিগী খুৎশম্নবা অসিনা রোদ সেক্তরগী আর. অমসুং দি.গী থৌওংশিংবু মপাঙ্গল হেন্না কনখৎহনগনি অমসুং চেয়র প্রোফেসর অসিনা হাইৱে ইনফ্রাস্ত্রকচর চাউখৎহনবগী লমদা রিসর্চ পাংথোকপা অমসুং মহৈ-তম্বীবগী থৌওংশিংদা লমজিংগনি হায়বগী থাজবা থম্নরি।

ইন্দিয়ন ইন্সতিত্যুৎ ওফ তেক্নোলোজী (আই.আই.তি.), রুরকে অসি অৱাংবা থাক্কী তেক্নিকেল এজুকেসন অমসুং ইঞ্জিন্যারিং, বেসিক অমসুং এপ্লাইদ সাইন্সকী লৈবাক্কী ওইবা মরু ওইবা ইন্সতিত্যুৎশিংগী মনুংদা অমনি। ইন্সতিত্যুৎ অসিনা হেক হৌদোকরকপদগী লৈবাক্কী তেক্নিকেল মেনপাৱর অমসুং লৌশিং পীবা অমসুং রিসর্চকী থৌওং পাংথোকপদা মরু ওইবা থৌদাং লৌদুনা লাক্লি। ভারত সরকারগী রোদ ত্রান্সপোর্ত অমসুং হাইৱেজ মন্ত্রালয় (এম.ও.আর.তি.ঐচ.) অসিনা লৈবাক শিনবা থুংবগী নেস্নেল হাইৱে শেমগৎপা অমসুং য়েংশিংবগী থৌদাং পাংথোক্লি। লুপ অনি অসিনা এম.ও.আর.তি.ঐচ.কী প্রোফেসরিএল চেয়রবু আই.আই.তি. রুরকেদা মখাগী হীরমশিংদা লমজিংনবগীদমক্তা মখা তানা চত্থবগী য়ানবা পুরকখিঃ

১) লৈবাক অসিগী হাইৱে শেমগত-শাগৎপদা এম.ও.আর.তি.ঐচ.কী এম্বেসেদর অমা ওইনা থৌ পুবা।

২) আই.আই.তি., রুরকে অমসুং ভারতকী একাদমিয়াদা হাইৱে সেক্তরগী চাউখৎপা পুরক্নবা অনৌবা থৌওং অমসুং রিসর্চ পাংথোকপা।

৩) হাইৱে চাউখৎহনবগী প্রোজেক্তশিংগী অকোয়বা অমসুং খুন্নাইদা চৈথেং পীরিবা অসিগী মতাংদা আই.আই.তি., রুরকে অমসুং ভারতকী একাদমিয়াদা হাইৱেগী মরমদা তম্বগী খুদোংচাবা পীবা অমসুং তম্বীবা।

৪) চৎনবা য়াবা কাঙলোন, সেমিনার, ত্রেনিং অমসুং য়ুজর মেনুএলনচিংবগী খুত্থাংদা হাইৱে শেমগৎপগী থৌরাং য়াৎপা, মওং শেম্বা, শেমগৎ-শাগৎপা  অমসুং শেমজিন-শাজিনবগী মতাংদা অনৌবা তেক্নোলোজী শিজিন্নবগী মতাংদা খঙহনবগা লোয়ননা শিজিন্নবদসু তেংবাংবা।

৫) আই.আই.তি., রুরকে অমসুং ভারতকী একাদমিয়াগা লোয়ননা এম.ও.আর.তি.ঐচ.কী মরক্তা তেংবাংনবগী থৌওং লৈহন্দুনা সাইন্তিফিক রিসর্চ পাংথোকপগী খুত্থাংদা হাইৱেদা থেংনরিবা শিংনবা কয়াগী ৱারোইশিন পুরকপদা তেংবাংবা।

৬)  হাইৱে অমসুং মরী লৈনবা হীরমশিংদা থবক তৌরিবা আই.আই.তি.আর. অমসুং অতোপ্পা এজুকেসনগী ইন্সতিত্যুৎশিংদা হাইৱে ইঞ্জিন্যারিংগা মরী লৈনবা রিসোর্সশিং শিজিন্নবা অমসুং পাকথোক চাউথোকহনবা।

৭) মরী লৈনবা অতোপ্পা থবকশিং।

থৌরম অসিদা ৱা ঙাংবদা, এম.ও.আর.তি.ঐচ.কী সেক্রেতরী, শ্রী গিরিধর অরামানেনা খুৎশম্নবা অমসুং মেন্তোর তৌবগী প্রোগ্রামশিংগী খুত্থাংদা রিসর্চশিংবু হেন্না মগুন লৈহন্নবা পাংথোকপা  থবকশিং অসি সরকারনা শৌগৎলি হায়খি। মসিগী এম.ও.য়ু. অসিনা মহৈ-তম্বীবগী থৌওংবু হেন্না ফগৎহনবা অমসুং আই.আই.তি. ফেকলতী অমসুং মন্ত্রালয়গী তেক্নিকেল ওফিসর কয়া শেমগৎপগী অনৌবা খুদোংচাবা কয়া লৈহনবা য়াবা  সরকার অমসুং একাদমিয়াগী খুৎশম্নবগী মতাংদা অনৌবা থৌওং অমা ওইহল্লে অমসুং ঐখোয়না মসিগী খুদোংচাবশিং অসিবু মীয়ামদা য়ৌহনবা য়ানবা মনুংগী ওইবা কেপাসিতী বিলদিং তৌবদসু য়াম্না কান্নরক্কনি।

রোদ দিভেলপমেন্তকী দাইরেক্তর জেনেরেল অমসুং মন্ত্রালয় অসিগী স্পিসিএল সেক্রেতরী, শ্রী ইন্দ্রেশ কুমার পান্দেনা এম.ও.য়ু. অসিগী খুত্থাংদা খুৎশম্নবগী থৌওং অসিবু ফোর্মেল ওইহন্নবা ৱারেপ অসি এম.ও.আর.তি.ঐচ. অমসুং আই.আই.তি., রুরকে অনিমক্কী ওইবা মরু ওইবা অমসুং মশক থোকপা খোঙথাং অমনি অমসুং ৱারেপ অসি মখোয় অনিমক্কী মরক্তা লৈরিবা মরু ওইবা হীরমশিং অমসুং চুনবা মরী কয়াবু নীংথিনা য়েংশিল্লবা অমসুং মশক খঙদোক্লবা মতুংদা লৌখিবনি হায়খি।

মসিগী খুৎশম্নবা অসি রোদ ত্রান্সপোর্ত অমসুং হাইৱেজকী কেন্দ্র মন্ত্রী, শ্রী নিতিন গদকরিনা লম্বী-শোরোক/থোং অমসুং শুরুং শেম-শাবগী প্রোজেক্তশিংগী অচঙবা মতম অমসুং শেল হন্থহন্নবা ইরমদম অসিগী ওইবা অমসুং চান্নবা তেক্নোলোজী পুথোকপগী খোঙথাং অমা পায়খৎখিবা অদুগী মরমদগী লৈরকখিবনি। লৈবাক অসিগী রিসর্চ ইন্সতিত্যুৎ অমসুং একাদমিয়াদা লৈরিবা মহৈ-মশিং অমসুং খঙ-হৈবশিং অসিবু পান্দম অসি ফংনবগীদমক্তা মপুং ফানা শিজিন্নরি।

***