মাই পাকপগী অতোপ্পা থৌওং অমা ওইনা, দি.আর.দি.ও.না লমদম অসিদা শাজবা স্মার্ত এন্তি এয়র্ফিল্দ ৱেপন (এস.এ.এ.দবল্যু.)বু হিন্দুস্তা এরোনোতিক্স লিমিতেদ (ঐচ.এ.এল.)কী হোক-১দগী  কেপ্তিব অমসুং রিলিজ তৌবগী চাংয়েং অমা ওরিশাগী সমুদ্র তোর্বান্দা জনুৱারি ২১, ২০২১দা মাই পাক্না পাংথোকখ্রে।

স্মার্ত ৱেপন অসি ঐচ.এ.এল.গী হোক-এম.কে. ১৩২দগী মাই পাক্না কাপখিবনি। মসিগী চাংয়েং অসি দি.আর.দি.ও.না ঙসি ফাবদা পাংথোকখিবা এস.এ.এ.দবল্যুগী ৯শুবা মাই-পাকপা মিসন অমনি। থৌওং অসি পান্দম খুদিংমক ফংদুনা মাই পাক্না পাংথোকখি। মসিগী তেলিমিতরী অমসুং ত্রেক্কিং সীস্তেম অসি বালাসোরগী ইন্তেরিম তেস্ত রেঞ্জ (আই.তি.আর.)দা খিনবনি অমসুং মসিনা মিসনগী থৌওং খদিংমকপু লৌশিনখি।

এস.এ.এ.দবল্যু. অসি হাইদ্রবাদতা লৈবা দি.আর.দি.ও.গী রিসর্চ সেন্তর ইমারৎ (আর.সি.আই.)না মরোমদোম ওইনা শেম-শাজবনি। মসিগী কিলোগ্রাম ১২৫গী স্মার্ত ৱেপন অসিনা কিলোমীতর ১০০গী অরাপ্পগী মনুংদা লৈবা রেদার, বঙ্কর, তেক্সি ত্রেক অমসুং রনৱেগুম্বা য়েক্নবগী এয়র্ফিল্দগী পোৎলমশিংবু মাইয়োক্না ঙম্মি। মসিগী খুৎ চুম্লবা গাইদেদ বোম্ব অসি মসিগী থাক মান্নবা খুৎলাইগী পথাপশিংগা চাংদম্নবদা য়েম্না য়াংই। মসিগী খুৎলাই অসি মমাংদসু জেগ্বার এয়র্ক্রাফতগী মাই পাক্না চাংয়েং তৌখ্রবনি।

দি.দি.আর. অমসুং দি.গী সেক্রেতরী অমসুং দি.আর.দি.ও.গী চেয়র্মেন, দাঃ জি. সতীশ রেদ্দীনা মাই পাক্লবা চাংয়েং অসিদা শরুক য়ারিবা তীমশিংদা থাগৎপা ফোংদোকখি।

*****