ঐখোয়গী হকচাংদা নুংশা মঙালগী অমসুং অফবা বেন্তিলেসনগী তঙাই ফদবা অসি কোবিদ-১৯ লাইনা-লাইচৎ অসিনা ঐখোয়দা তাক্লে  হায়না উপ-রাস্ত্রপতি শ্রী এম ভেনকাইহ নাইদুনা ঙসি ফোংদোকখ্রে৷ শহরগী মী য়াম্না কুংনা তাবা মফমশিং অসিগা অমগা অমগা ক্রিক ক্রিক ইনশিন্ননা লৈবা অসিদা মহাক্না পামদবা ফোংদোকখ্রে অমসুং য়ুমশিং, ওফিসশিং, রেস্তুরেন্তশিং অমসুং কনফরেন্স হোলশিং অসিদা অফবা নুংশিৎ নিংথীনা চংহনগদবনি হায়না মহাক্না ফোংদোকখ্রে৷

অফবা আর্বান প্লানিংগীদমক এসেস্সিবিলিতী, ইনক্লুসিব অমসুং সস্তেনেবিলিতীগী প্রিন্সিপলশিং অদু পল্লদুনা হৌজিক লৈরিবা শহর অসি হেন্না ফবা তংদু লৈতানা হিংবা য়াবা শহর অমা ওইহন্নবা সিতী প্লানিংগী এদ-হোক এপ্রোচ অসি মতম কুইনা চৎপা  অমসুং চাওখৎপা অমরোমদা পুশিনবা য়াবা অমনা মহুৎ শিনগদবনি হায়না মহাক্না ফোংদোকখ্রে৷ 

শহর অসিদা লৈরিবা ময়ুম-মকৈ লৈজদ্রবা অমসুং কা হেন্না লাইরবা মীওইশিং অসিগী ফিভম ঙাক শেনবিবা অমসুং মতেং পাংবিবগী তঙাই ফদবা অদু পল্লদুনা খুঙ্গংগী মফমশিং অসিদগী লাক্লিবা মাইগ্রেন্তশিং অসি সবস্তেন্দর্দ কন্দিসনশিং অসিদা লৈতনবা ঐখোয়না হোৎনগদবনি হায়না উপ-রাস্ত্রপতি অসিনা ফোংদোকখ্রে৷

লাইরিক অসিগী অইবা দা. সামীর শর্ম, নেস্নেল ইন্সতিত্যুত ওফ আর্বান এফিয়র্স্কী দাইরেক্তর শ্রী হিতেশ বাইদ্য, পি.ঐচ.আই. লর্নিং প্রাইভেৎ লিমিতেদকী চিয়রমেন অমসুং মেনেজিং দাইরেক্তর শ্রী অশোকে কে. গোশনা ভর্চুয়েল প্রোগ্রাম অসিদা শরুক য়াখিবা শকনাইরবা মীওইশিংগী মনুংদা খরনি৷

মখাগী অসি ৱারোল অদুগী মপুং ওইবা অইবনি –

“নুংশিরবা ইচলশিং অমসুং ইনাওশিং,

‘তেক্সবুক ওফ আর্বান প্লানিং এন্দ জিওগ্রাফী’ হায়না মমিং থোনবা লাইরিক অসি ভর্চুয়েল ওইবা মওং অমদা ফোংবগী থৌরম নহাক্না লোইননা শরুক য়াবা ফংজবা অসি ঐহাক অসুক্কী মতিক নুংঙাই৷ইন্দিয়ন ইন্সতিত্যুত ওফ কোর্পোরেৎ এফিয়র্স্কী সি.ই.ও. অমসুং দাইরেক্তর জেনেরেল দা. শমীর শর্মনা হায়রিবা থবক অসিদা য়াম্না কন্না হোৎনখিবা অসিগীদমক ঐনা মহাক্না থাগৎপা ফোংদোকচরি৷

আর্বানিজমগী নুংগী ওইবা ৱাহন্থোক

মরুপশিং,
মোদর্ন ইকোনোমী অমা হেক্তদা শহরশিং অসিনা শেল-থুম চাওখৎহনবগী ইঞ্জিন ওইরি৷ মখোয়শিং অসিনা ললোন-ইতিক তৌবগী, লৈঙাক-শাশনগী, কল্চরগী, এন্তরপ্রিনরশিপ্কী, একাদিমিয়াগী অমসুং অতেপ্পা হিরম কয়াশিং সেন্তরশিং ওই৷ শহরশিং অসিনা ঐখোয়গী চৎনবি-নাৎ য়াম্বা অমসুং মান্নদবা জাৎ কয়ানা খুন্দারিবা লৈবাক অসিগী ইতিনফমসু ওই৷ তোঙান তোঙানবা হৌরকফমশিং, লোনশিং, মফমশিং অসিদগী মীওইশিংনা খুদোংচাবা কয়া ফংননবা শহর অসিদা লাক্লি৷ করিগুম্বা মীওই অমনা ইন্দিয়ন কল্চরগী মওং অসি খঙনিংবা তারবদি মীওই অদুনা য়াম্না লাইনা ভারতকী শহর অমা হেক্তদা চৎতুনা য়াম্না লাইনা খঙবা ঙমগনি৷ শহর খুদিংমক্না ময়ামগা মান্নদবা অখন্নবা মওং অমদা লৈনবা অখন্নবা কেরেক্তর অমা শেম্মী৷ দিল্লী, হায়দ্রবাদ, চেন্নাই, কোলকতা রাজ্যশিং অসিনা লৈরিবা অতোপ্পা মফমশিং অসিদা ফংদবা মওং অমদা মশা মশাগী ওইবা অখন্নবা মওং অমদা শেম্মী৷ মখোয়দা লৈরিবা তাংলবা ক্বালিতীশিং অসি ঐখোয়না শুংশোই শোইদনা য়োকখৎকদবনি!

অরিবা মতমগী পুৱারি

কোলোনিয়েল ইরা অসিগী মমাংদা ঐখোয়না ঐখোয়গী আর্বানগী পুৱারি(ইন্দস ভেল্লী সিভিলাইজেসন) অমা লৈজৈ৷ হরপ্পা অমসুং মোহেনঞ্জোদারোগী শহরশিং অসিনা মখোয় মখোয়গী সিতী প্লানিং তৌবদা কা হেন্না মাংজিল থারিবা, মৈ ইৎলবা চেকশিং শিজিন্নদুনা শেমগৎ শাগৎপগী থবকশিং পাংথোকখিবা অমসুং গ্রেথ বাথকুম্বা মখোয়গী মফমশিং লৈরম্বা অসিনা মালেম অসিদা লৈরিবা অতোপ্পশিং অসিদগী মঙাল নাইনা মাংজিল থাদুনা চৎলম্মী৷ মসিগী ত্রেন্দ অসি মখা তারকপা মতমদসু অদুমক মতুং ইন্দুনা লাক্লম্মী৷ আর্বান প্লানিংগী প্রিন্সিপলশিং অদু মনসারাগী শিলপাশাস্ত্র অমসুং কৌতিল্যগী আর্থশাস্ত্রগুম্বা লাইরিকশিং অসিদা য়াওরম্মী অমসুং মদু হায়রিবা মতম অসিগী শহরশিং খুদম ওইনা অয়োদ্য, ইন্দ্রপর্স্থা, মদুরাই, ভাঞ্জি, কভেরিপূমপত্তিনম, কাঞ্চিপুরম্নচিংবা শেমগৎ শাগৎপদা শিজিন্নরম্মী৷

শহরশিং চাওখৎলকপগী খোঙচৎ

নুংশিরবা মরুপশিং,

ইন্দস্ত্রীগী অওনবা অমা লাকপদগী শহরশিং চাওখৎলকপা অসি মালেম অসিগী ত্রেন্দ অমা ওইখ্রে৷ ঐখোয়গী লৈবাক অসিদসু ভারতনা মনিং মখা তম্লবা মতুংদগী শহরশিং চাওখৎলকখ্রে অদুবু হৌখিবা চহী খুজিং অনি অসিদা ভারত লৈবাক অসিদা লৈরিবা শহরশিং য়াম্না থুনা চাওখৎলক্লি৷ হৌজিক্তি ভারততা লৈরিবা মীওই মশিং অসিগী চাদা ৪০দা শহরশিং অসিদা লৈরে অমসুং মসিগী সেযর অসি ২০৫০ ফাওবগী মনুংদদি চাদা ৬০ ওইরবা য়াই হাযনা থাজনরি৷ ২০৫০ ফাওবগী মনুংদা ভারততা অতোপ্পা মিলিয়ন ৪১৬ অমগা শহরশিং অসিদা লৈরগনি হাযনা য়ু.এন.না হাযরি৷

আর্বান প্লানিং অমসুং মসিগী মরু ওইবশিং

মরুপশিং,

শহরশিং চাওখৎলকপা অসিনা হেন্না খুদোংচাবা অমসুং চেলেঞ্জ কয়া থেংনবা হেনগৎহল্লি৷ চেলেঞ্জশিং অসিগী মনুং চল্লিবশিং অদুদি লম, ইশিং অমসুং ইনফ্রাস্ত্রকচর য়াম্না চাংনা অকক্ননা ফংবা, মীয়ামশিং অসিগী মরক্তা অমগা অমগা চাংদম্নরকপা অমসুং মশিং হেনগৎলকপা অসিনি৷ অদুবু মখোয়শিং অসি অফবা মওং অমদা নিংথীজনা শিজিন্নরবা তারবদি মখোয়শিং অসিনা ঐখোয় পুম্নমকপু চাওখৎহন্দুনা কান্নবা পীরগনি অমসুং মীওই খুদিংমক্কী লৈফমশিং পীরগনি৷ হাযরিবা মরমশিং অসি ঐখোয়না শিজিন্নরিবা অদুগী মতুং ইন্না ঐখোয়গী শহর অসিগী মরাইবক লেক্কনি৷

মরুপশিং, অফবা আর্বান প্লানিংদা য়াম্না মরু ওইবা মচাক অহুম এসেস্সিবিলিতী, ইনক্লুসিবনেস অমসুং সস্তেনেবিলিতী চংই৷ হায়রিবা মচাকশিং অসি নিংথঈজনা বেলেন্স তৌরবা অমসুং নিংথীজনা শিজিন্নরবদি মসিনা য়াম্না ফবা চাওখৎপা শহর অমা শেম্লগনি৷

১. এসেস্সিবিলিতী

ইহান হানবা অসি এসেস্সিবিলিতী অসিনি৷ ইনফ্রাস্ত্রকচর ফেসিলিতীশিং খুদম ওইনা ত্রান্সপোর্ত, হাউজিং অমসুং শহরগী তঙাই ফদবশিং খুদম ওইনা ইশিং, গ্যাস অমসুং ৱেস্ত মেনেজমেন্ত অমসুং অতোপ্পা তঙাই ফদবশিং অসি লাইনা, মশাগী অপাম্বগী মতুং ইন্না অমসুং যেৎনবা যাওদবা মওং অমদা ফংহনবা অদুবু এসেস্সিবিলিতী কৌই৷

চাওখৎলক্লিবা শহরগী বোদীশিং অসিনা লৈবাক মীয়ামগী কান্ননবা পাংথোক্লিবা ওপরেসনশিং অসি হেন্না মাই পাক্নবা সেল্ফ-ফাইনান্সিং মোদেলশিং শোইদনা শিজিন্নগদবনি৷ লৈবাক মীয়াম অসিনা শিজিন্নখিবা রিসোর্চশিং অদু অমুক হন্না নোমিনেল ফী অমা ওইনা ফাওবদা পীখৎলক্লবা মতমদা শিজিন্নরিবা মীওইশিং অসিদা মশা মশাগী ওইবা থৌদাংশিং অমসুং মপু অমা ওইবগী থৌদাং অদু খঙহনবা ঙমগনি৷ মসি ভারত অমসুং মালেম অসিদা চৎথবা খ্বাইদগী ফরবা থবক অমনি৷ ফী অমা লৌদনা থক্নবা ইশিং পীবা অসিনা শহরগী মফম ময়াম অমদা ইশিং মপুং ফানা লোইশিনখিবগী খুদোংথিবা অদু লৈ৷ ঐখোয়না অদুগুম্বা ফিভম অদু থোক্তনবা হোৎনগদবনি৷

২. সস্তেনেবিলিতী

সিতী প্লানিং অসিসু সস্তেনেবিলিতীগী চাংয়েং অসি-শহরগী তঙাই ফদবশিংদা শেল থাদবা ওইরবসু, গ্রীন বিল্দিংশিং হেন্না শেমগৎপদা, ফত্ত হাউদিশিং অমুক্ক হন্না শিজিন্ননবা শুংদোকপদা, নোংগী ইশিং য়োকশিনবদা, পব্লিক ত্রান্সপোর্ত হেন্না য়োকখৎপদা অমসুং অতোপ্পা অফবা থবকশিং অসিদা থৌনা হাপ্পবু ওইরবসু শোইদনা মাই পাক্কদবনি৷

গারিশিং অসিনা থোকহনবা পোলুসন অসি হন্থনবা পব্লিক ত্রান্সপোর্তশিং অসিনা প্রাইভেৎ ত্রান্সপোর্তশিং অসিদগী হেন্না শিজিন্নগদবনি৷ গ্রীন ইনিসিয়েতিবশিং খুদম ওইনা কার-পুলিং, সি.এন.জি. নত্রগা ইলেক্ত্রিক গারিশিং হেন্না শিজিন্নহনগদবনি৷ প্রজাশিং অসিগী শরুক অমা ওইনা মখোয়না শরক্কী লম্বীশিং অসি শিজিন্নরিবা মওং অদু হোংদোকপা তহাই ফদে৷ সাইকল থৌবা অসিনা হকচাং ফহনবা অমসুং পোলুসন হন্থহনবা অসিনা সাইকল থৌবা অসি হেন্না য়োকখৎনবা মীয়ামগী ইহৌ অমা পাংথোক্কদনি৷

৩. ইনক্লুসিবিতী

অরোইবদা হেন্না ফনা হিংবদা য়াম্না নুংঙাইবা শহর অমা শেমগৎপদা তঙাই ফদনা চংলিবা অসি ‘ইনক্লুসিবিতী’ অসিনি৷ মসি শহর অসিবু মশাগী ময়ুমনি খল্লিবা অমসুং মদুদা হিংলিবা মীওইশিং অসিগীদমক্তনি৷ অদুবু লাইবক থিবদি শহরদা লৈরিবা লাইরবা মীওইশিং অসি য়াম্না তোইনা তোইনা শহর অসিদা নাথৈদুনা থম্মী৷

মরুপশিং,

অরোইবা ওইনা নৈনবা মতমদা শহরশিং অসিদা লৈরিবা মীওইশিং অসি হেন্না শাফবা মওং অমদা লৈগদবনি৷ শহরশিং অসিদা লৈরিবা হিংবগী মওং অসিগী মতুং ইন্না সরকার অসিনা শহরশিং অসিবু ‘য়াম্না লাইনা হিংবা লিভিং ইন্দেক্স’কী মতুং ইন্না রেঙ্ক খায়দোকই৷ মসিগী ইন্দেক্স অসি হেন্না ফহনবা অসিনা ভারততা লৈরিবা শহরশিং অসিগী পান্দম ওইগদবনি৷ হায়রিবা রেঙ্কিং অসিদা লেংদনা মকোক থংবা ১০গী মফম কন্দুনা লাক্লিবা শহরশিং অসিবু ঐনা থাগৎচরি৷

মাইগ্রেসন অমসুং প্রোব্লেমশিং

নুংশিরবা ইচলশিং অমসুং ইনাওশিং,

খুঙ্গংগী মীয়ামশিংনা থেংনরিবা প্রোব্লেমশিং অসি মাই পাক্না থেংনদনা শহরগী মফম চাওথোক্নবা হোৎনবা অসিনা আর্বানাইজেসন অমসুং মী কুংনা তাশিল্লকপা অসি খক্তনা হেনগৎলক্কনি৷ ইসু অসিগী মতাংদা ঐখোয়না ইসু অসি করি মরমদগী লাক্লিবনো অমসুং করিগীদমক মীয়ামশিংনা খুঙ্গংগী মফমশিং অসিদগী শহরশিং অসিদা লাক্লিবনো হায়বা অসি ঐখোয়না থিদোক্কদবনি৷ মখোয়না পাক শন্না শহরশিং অসিদা লাক্লিবগী মরম অসি অনি থোক্না লৈবা য়াই- অমনা থবক ফংদবা অমসুং অমনা মখোয়না শহরগী মফমশিং অসিদা ফংলিবা হিংবদা তঙাই ফদনা চংলিবা মচাকশিং অসি ফংদবা অসিনি৷

লাইরিক অসিগী অমসুং অইবা অসিগী মতাংদা ৱাহৈ খরা

মসিগী লাইরিক অসি ফোংবিবগীদমক লাইরিক অসিগী অইবা দা. শামীর শর্ম অমসুং ফোংবিরিবা অদুবু ঐনা থাগৎপা ফোংদোকপা পামজৈ৷ শহরশিং অসি প্লানিং তৌবদা অইবা অসিনা চাওখৎলবা নোংচুপ লৈবাকশিং অসিদা নিংথীনা খঙদনা মতৌ তম্বা অসিগী মহুৎতা ইন্দিজিনিয়র্স ওইবা লৌশিং অমসুং ঐখোয়গী এক্সপরিয়েন্স অসিগী মতুং ইন্না শহরশিং অসিগী সোলুসনশিং পুথোকপদা সপোর্ত তৌখিবা অসি খঙলকপদা ঐহাক অসুক্কী মতিক নুংঙাইবা ফাওই৷ মসি শহরশিং অসিবু প্লান তৌরিবা মীওইশিংনা খঙবদা কান্নবা পৌতাক অমনি৷

মসিগী লাইরিক অসি মী ময়াম অমনা পানবা, মসিগী ফিল্দ অসিদা তৌরিবা রিসর্চ হেন্না হেন্না পুক্নিং থৌগৎপা অমসুং আর্বান প্লানিংদা অনৌবা ইন্নোবেসনশিং পুথোকপা ঙম্লসনু৷

জাই হিন্দ!”

                                                                                                ****