কেমিকেল্স অমসুং ফর্তিলাইজর মন্ত্রালয়
কেন্দ্রগী কেমিকেল অমসুং ফর্তিলাইজর মন্ত্রীনা লুচিংদুনা নামরুপ্তা শাগৎলিবা য়ুরিয়া প্লান্তকী মতাংদা মীফম অমা ফমখ্রে
Posted On:
21 JAN 2021 3:38PM by PIB Imphal
কেন্দ্রগী কেমিকেল অমসুং ফর্তিলাইজর মন্ত্রী, শ্রী দি.ভি. সদানন্দ গৌদানা লুচিংদুনা নামরুপ্তা শাগৎলিবা লাখ ১২.৭কী এম.এম.তি.পি.এ.গী মতিক লৈবা য়ুরিয়া প্লান্তকী মতাংদা মীফম অমা ফমখ্রে। মীফম অসিদা ফুদ প্রোসেসিং ইন্দস্ত্রীজকী রাজ্য মন্ত্রী, শ্রী রামেশ্বর তেলী, অসমগী শেল-থুম মন্ত্রী, শ্রী হেমন্তা বিস্বা শর্মা, ফর্তিলাইজরগী সেক্রেতরী, শ্রী আর.কে. চতুর্বেদী, এদিস্নেল সেক্রেতরী, শ্রী ধরম পাল, ও.আই.এল.গী সি.এম.দি., শ্রী সুশিল চন্দ্র মিশ্রা, আর.সি.এফ.কী সি.এম.দি., শ্রী এস. মুদগেরিকার, বি.ভি.এফ.সি.এল.গী সি.এম.দি., শ্রী আসিম কুমার ঘোশ। এন.এফ.এল.গী দাইরেক্তর, শ্রী নিরলেপ সিংহ রাই অমসুং অতোপ্পা মীওই কয়ানা শরুক য়াখি।
অৱাং-নোংপোক লমদমবু চাউখৎহনবা অসিনা প্রধান মন্ত্রী, শ্রী নরেন্দ্র মোদীনা লুচিংলিবা হৌজিক্কী সরকার অসিগী খ্বাইদগী ইহান হান্না পাংথোক্কদবা থবক অমনি হায়না শ্রী গৌদানা হায়খি। মরম অদুনা, প্রধান মন্ত্রীনা য়ুরিয়া পুথোকপদা ৱাত্ত-পাত্তবগী মঙলান অসিগী মতুং-ইন্না নামরুপ্তা মতমগা চান্নবা য়ুরিয়াগী য়ুনিৎ অমা লৈহন্নবা থবক পাংথোকপা অসি য়াম্না তঙাই ফদবা অমা ওইরিবনি। মসিগী য়ুনিৎ অসিনা লমদমসিগী লৌমীশিংগী য়ুরিয়াগী অপাম্বশিং পীবা ঙম্বতা নত্তনা, করিগুম্বা হেন্না পুথোকপা থোক্লবদি, খা-এসিয়াগী য়ুম্লোন্নবা লৈবাকশিংদসু থাদোকপা ঙমগনি। মহাক্না স্তেকহোলদর পি.এস.য়ু.গী সি.এম.দি.শিংদা প্রোজেক্ত অসিগা মরী লৈনবা মনুংগী ওইবা থবকশিংবু অথুবা মতমদা লোইশিন্নবসু হায়খি।
শ্রী বিস্বাসনা অসম সরকারনা নামরুপ প্রোজেক্ত অসিগীদমক্তা শেল-থুমগী মতাংদা মখোয়গী অঙম্বা থাক য়াওনা অঙম্বা মতেং পাংনবা শেম-শাদুনা লৈরি হায়খি।
শ্রী তেলীনা নামরুপ-৪ য়ুনিৎ অসি মফম অসিবু চাউখৎহনবা অমসুং থবক পীবগীদমক্তা য়াম্না মরু ওই হায়রদুনা প্রোজেক্ত অসিনা থবক হৌবা অসি য়াম্না তঙাই ফদবনি হায়খি।
অসম সরকারনা অনৌবা ইন্দস্ত্রীশিংদা ইন্সেন্তিব পী হায়না শ্রী পাতোৱারীনা পাউদম্লদুনা তুংদা লাক্কদৌরিবা প্রোজেক্তশিংনসু মখোয়গী মথৌ তৌবা হেন্না হেনগৎনবগীদমক্তা ইন্সেন্তিব অসি ফংবা য়াই হায়নসু হায়খি।
স্তেকহোলদর পি.এস.য়ু.শিংগী সি.এম.দি.শিংনা নামরুপ প্রোজেক্তকী ওইবা মখোয়গী মনুংগী ওইবা থবকশিংবু লোইশিন্নবা য়ানবসু পুরকখি।
কেন্দ্র মন্ত্রী, শ্রী গৌদানা মীফম অসিদা শরুক য়ারিবশিং/স্তেকহোলদরশিংবু প্রোজেক্ত অসিদা মখোয়না শৌগৎপগীদমক্তা থাগৎপা ফোংদোকখি অমসুং প্রোজেক্ত অসিনা য়ারিবমখৈ থুনা থবক পাংথোকপা হৌবা অসি মন্ত্রালয় অসিগী অপাম্বনি হায়নসু ফোংদোকখি।
*****
(Release ID: 1691007)
Visitor Counter : 93