ঙাকশেল মন্ত্রালয়

৫শুবা ইন্দিয়া-সিঙ্গাপুর দিফেন্স মিনিস্তর্স দাইলোগ, জনুৱারী ২০, ২০২১

ঙাকশেল মন্ত্রী রাজনাথ সিংহ অমসুং রিপব্লিক ওফ সিঙ্গাপুরগী ঙাকশেল মন্ত্রী দা. অং এন হেনগী অপুনবা ৱারোল

Posted On: 20 JAN 2021 4:15PM by PIB Imphal

ভারত অমসুং সিঙ্গাপুরগী মরক্তা ৫শুবা  দিফেন্স মিনিস্তর্স দাইলোগ (দি.এম.দি.) জনুৱারী ২০, ২০২১দা ভিদিও কনফরেন্স অমগী খুত্থাংদা মাই পাক্না পাংথোকখ্রে অমসুং চহি কয়াগী মমাংদগী বাইলেতরেল কোর্পোরেসন অমসুং দিফেন্স পার্তনর্শীপ তাঙ্কক নাইনা হেনগৎলক্লিবা অদু মখা চত্থনবা ৱারেপ লৌখ্রে ভারত অমসুং সিঙ্গাপুরগী দিফেন্স অমসুং সিক্যুরিতী ওইবা অপুনবা থবক থৌরমশিং অসি আর্ম ফোর্সেসকী সর্ভিস অহুম্মক্কী হীরম খুদিংমক্কা লোইননা দিফেন্স তেক্নোলোজী অমসুং ইন্দস্ত্রীগী লমদসু শিংথাংনিংঙাই ওইবা মওংদা পাক-চাওথোরক্লি 

মসিগী ৫সুবা দি.এম.দি., অসিদা মন্ত্রী অনিমক্না সবমেরিন রেস্ক্যু সপ্পোর্ত অমসুং নেভি অনিগী মরক্কী কোর্পোরেসন্দা ইম্প্লিমেন্তিং এগ্রিমেন্ত অমা খুয়েক পীনখিবদা অপেনবা পোকখি। মন্ত্রীশিংনা লাইব ফাইয়রিংশিং পাংথোক্নবা অমসুং মিলিতরী কোর্সেশিংদা ক্রোস এতেন্দেন্সকী রেসিপ্রোকল এরেঞ্জমেন্তশিং পাংথোক্নবা য়ানাচেশিং অথুবা মতমদা পাংথোক্নবা মখোয়গী অপাম্বশিংসু ফোঙদোকখি।    

খুদোংথীবশিং মায়োং য়াবদা অমসুং অমগা-অমগগী অপাম্বদা কেপাসিতী-বিল্দিংগী থবক থৌরমশিং পাংথোক্নবা আর্ম ফোর্সেস অনিনা য়াম্না মরী চেৎনা থবক থৌরমশিং পুন্না পাংথোক্নবা অগস্ত ২০২০দা হ্যুমেনিতরিয়ান এসিস্তেন্স এন্দ দিজাস্তর রিলিফ (ঐচ.এ.দি.আর.) কোর্পোরেসন্দা খুয়েক পীনখিবা ইম্প্লিমেন্তিং এগ্রিমেন্ত য়াওনা বাইলেতরেল দিফেন্স কোর্পোরেসন চাওথোক্নবা খোঙথাংশিং অদুবুসু মন্ত্রীশিংনা তরাম্না ওকখি। আর্ম ফোর্সেস অনিমক্কী সাইবর এজেন্সীশিংসু অমগা অমগা থবক তৌমিন্নবা হেনগৎলক্লি।  

দাইলোগ মনুংদা মন্ত্রী অনিমক্না মখোয়গী আর্ম ফোর্সশিংনা পাইখৎপা খ্বাইদগী ফবা খোঙথাংশিং অদু য়াওনা দিফেন্স অমসুং সেক্যুরিতীগী থবক-থৌরমশিংদা মালেমগী ওইবা কোবিদ-১৯ লাইচৎ অসিগী চৈথেংগী মতাংদা ৱাখল্লোন ফোঙদোক্নখ্রে। শ্রী রাজনাথ সিংহনা লাইচৎ অসি কন্না শন্দোরকপা মতমদা সিঙ্গাপুর আর্ম ফোর্সশিংনা ফোরেন ৱার্করশিং অয়াম্বনা ভারত মচাশিং ওইখিবা অদুবু মতেং পাংবদা লৌখিবা থৌদাং অদুবু তৌবিমল খঙবা উৎখ্রে। দা. অংনা জিওগ্রাফী পাক-চাউবা অমসুং মীশিং য়াম্বনা মরম ওইরগা শিংনবশিং লৈজরবসু অপুনবা মশিং অসি মাই পাক্না হন্থহনবা ভারতনা মাই পাকপা ঙমখিবদা থাগৎখ্রে।

মন্ত্রী অনিমক্না ভর্চ্যুএল ওইনা পাঙথোকপা মীফমশিংগী খুত্থাংদা ওইরিবা লাইচৎ অসিগী মনুংদা এন্যুএল দাইলোগশিং মখা চত্থহনদুনা পাঙথোকহনবা ঙমহন্নবা মখোয়গী মকোক থোংবা ওফিসিএলশিংনা হোৎনখিবা অসিবু থাগৎখ্রে। মসিনা বাইলেতরেল দিফেন্স কোওপরেসন অসি পোজিতিব ত্রেজেক্তরী অমদা থম্বা ঙমহনখি অমসুং ২০২০দা মখা তাবা কোওপরেসনশিং থম্নবা য়ুম্ফম থোনখ্রে।

মন্ত্রীশিংনা সিঙ্গাপুর-ইন্দিয়া মেরিতাইম বাইলেতরেল এক্সর্সাইস (এস.আই.এম.বি.ই.এক্স)কী ২৭শুবা ইদিসন মাই পাক্না পাঙথোকখিবা অমসুং সিঙ্গাপুর-ইন্দিয়া-থাইলেন্দ মেরিতাইম এক্সর্সাইস (এস.আই.তি.এম.ই.এক্স.)কী অনিশুবা ইদিসন্দা শরুক য়াখিবা অদিদা ইন্দিয়ন নেভী অমসুং রিপাব্লিক ওফ সিঙ্গাপুরগী নেভীবু থাগৎপা ফোঙদোকখ্রে; অনিমক নবেম্বর ২০২০দা পাঙথোকখিবনি। এক্সরসাইসশিং অসিনা নেভীশিংগী মরক্তা ইন্তেরোপেরেবিলিতী হেনগৎহল্লি অমসুং সমুদ্রগী লাইন্স ওফ কম্ম্যুনিকেসন হাংদুনা থম্নবা পুন্না থবক তৌবদা লৈবাকশিংগী থৌদাং য়ামিন্নবা অদু হেনগৎহল্লি।

শ্রী রাজনাথ সিংহনা রিজনেল সেক্যুরিগী আর্কিতেকচরদা এসিয়ন সেন্ত্রেলিতী লৈহন্নবা থাজবা পীখ্রে অমসুং এসিয়ন দিফেন্স মিনিস্তর্স’ মীতিং (এ.দি.এম.এম.)-প্লসগী থবক পুম্নমক্তা ভারতনা মতেং পাংগনি হায়না ৱাশকখ্রে। দা. অংনা ঐচ.এ.দি.আর.দা এ.দি.এম.এম.-প্লস এক্সপর্তস ৱার্কিং গ্রুপকী ভারতনা কো-চিয়রমেনশিপ্তা ওইগদৌরিবা অসিদা মতেং পাংগনি হায়না ফোঙদোকখ্রে।

মন্ত্জরী অনিমক্না ভারত অমসুং সিঙ্গাপুরগী বাইলেতরেল দিফেন্সকী মরী অসি মখা তানা ফগৎহন্নবা অমসুং লমদম অসিদা লিশাং শিৎনা শান্তি অমদি তংদুন লৈতাবা পুরক্নবা মল্তিলেতরেলগী থৌরাংশিং মতেং পাংননবা ফোঙদোকখ্রে।

প্রেস রিলিজ য়েংনবগীদমক্তা মসিদা নম্বীয়ু

****

 



(Release ID: 1690759) Visitor Counter : 224