চহি অনৌবা হৌবগী নোংমা মমাংদা , খাদি এন্দ ভিলেজ ইনদ্স্ত্রিস কমিসন (কে.ভি.আই.সি.)না খাদি ইন্দিয়াগী ওফিসিএল ই-কোমর্স সাইত eKhadiIndia.com. হৌদোকখরে। ৱেবসাইত অসিদা লোকলগী ওইবা খাদি অমসুং খুনগী ইন্দস্ত্রিশিংগী ৫০০দগী হেনবা মখলগী ৫০,০০০দগী হেন্না পোৎচৈ লৈরি। পোর্তেল অসি প্রধান মন্ত্রীগী "আত্মানির্ভর ভারত"কী পন্থুংগী মাইকৈদা এম.এস.এম.ই.শিংবু মতেং ওইনবা খোংথাং অমনি।

পোর্তেল অসিগী ত্রায়েল লোঞ্চ তৌবা মতমদা, এম.এস.এম.ই.গী সেক্রেতরী, শ্রী এ.কে.শর্মানা হায়খি  ফি-শাবশিং, আর্তিসানশিং, ক্রাফসমেন অমসুং লৌমীশিংগী য়ায়ফবনা ঐখোয়গী খ্বাইদগী হেন্না মরু ওইবনি ।  মসিগা চপ মান্ননা, মখোয়না শাবা একোফ্রেন্দলী ওইবা অমসুং অশেংবা খাদি অমসুং খুঙ্গংগী ইন্দস্ত্রীগী পোৎচৈশিং অশি মতম পুম্নমক্তা ইন্দিয়াগী মিচম্না থমোয় শেংনা পাম্নৈ।  হৌজিক মসিগী পোৎচৈশিং অসি ক্লিক অমদা ফংবা ঙমলগনি। পোর্তেল অসিনা কস্তমরগী মথৌতাবশিং অদুবু মনিং থুংহনবা ঙম্লগনি অমসুং পোৎচৈশিং অসি য়ুমথোং খুদিংগী থোংঙালদা সপ্লাই পীবা ঙমলগনি। হৌখিবা থা খরদগী ঐখোয়না কোবিদ লাইনাগী অৱাবা থেংননবা অমসুং তঙায়ফদ্রবা অথিংবা কয়া ঙাক্না চৎতুনা থবক অসি পাংথোক্নবা হোৎনরি।  কে.ভি.আই.সি.গী ই-কোমর্স পোর্তেল অসি ঐখোয়না লেপতনা থবক পাংথোকপগী মহৈনি।

ৱেবসাইত অসি হৌদোকপগী থৌরমদা কে.ভি.আই.সি.গী চেয়রমেন, শ্রী ৱিনয় কুমার সক্সেনানা হায়খি ekhadiindia.com অসি খুঙ্গংগী শেনমীৎলোন ফগৎহন্নবা অমসুং ইশানা ইশাবু ইরোমদোম লৈপচবা ঙমহন্নবা সরকারগী ওইবা অসিগুম্বা মখলগী অহানবা ওনলাইন শোপিং প্লেতফোর্মনি। হৌখিবা চহি খরা অসিদা খাদি অমসুং খুঙ্গংগী ইন্দস্ত্রীশিংদা শেম্বা পোৎচৈশিং পাম্নবগী চাং অসি খংহেন হেনগৎলকখি, ২০১৮-২০১৯দতা ২৫% হেনগৎপা উবা ফংখি। কে.ভি.আই.সি.গী চেয়রমেননা মখাতানা হায়খি মদুদি মসিগী খোংথাং অসি অসিগী মরু ওইবা পান্দমদি খাদি ইন্দিয়াগী পোৎ-চৈশিং অসি অনৌবা জেনেরেসনগী কঞ্জুমরশিংদা য়াম্না লাইনা ফংহনবা হায়বসিনি।

ৱেবসাইত অসিদা ফি, চান-থক্নবা, য়ুমদা চংবা পোৎচৈ, কেনবা পোৎচৈ, য়ুম ফজহনবদা চংবা পোৎচৈ, হকচাং ফনবা পোৎচৈ, মরু ওইবা অমসুং খুদোল ওইনা পীবা য়াবা পোৎ-চৈশিং য়াওরি। অনৌবা জেনেরেসনগী কঞ্জুমরশিংনা মহৌশাগী পোৎথোকশিংনা হেন্না পামখৎলকপগী মওং অসি উবদা, কে.ভি.আই.সি.না ময়াম্না পাম্নরবা ইন্দিয়াগী মমিং লৈরবা খাদি ব্রেন্দ অসি ই-কোমর্স পোর্তেলগী খুথাংদা অনৌবা জেনেরেসন অসিদা যৌহন্নবা হোৎনরি।  পোর্তেল অসিনা বজারদা চৎপগী মহুত্তা ওনলাইন শোপিং তৌবা পাম্নবা হৌজিক্কী অনৌবা জেনেরেসন্দা হেন্না খুদোংচাবা পীরি।

ekhadiindia.comবু অতৈ-অতোপ্পা ওনলাইন কোমর্স প্লেতফোর্মশিংদগী খেৎনহনবগী মরু ওইবা মরম খরা:-

• খাদি অমসুং খুঙ্গংদা শাবা পোৎচৈ খক্তা ওইনা য়োনবা।
• অশেংবা খাদি ত্রেদ মার্ক য়াওবা পোৎচৈ খক্তা পোর্তেল অসিগী খুথাংদা ফংগনি।
• পোর্তেল অসি এস.এম.ই./ আর্তিসনস / ফিশাবা খুদিংমক্না মখোয়না শাবা পোৎচৈশিং কস্তমরশিংদা মশানা য়োনজবগী  খুদোংচাবা পীবগী মওংদা শেম্বনি। মসিনা দিজিতেল ইন্দিয়া অমসুং “আত্মানির্ভর ভারত”কী মাইকৈ তম্না লৈবাক অসিনা খোং থাংজিবদা অচৌবা মতেং অমা ওইরি।
• ekhadiindia.com ৱেবসাইত অসি অনৌবা তেক্নোলোজীদা য়ুমফম ওইদুনা পুথোক্লিবা অতৈ-অতোপ্পা ই-কোমর্স পোর্তেলগা লেংমান্ননা চৎপা ঙম্লি।
• পোর্তেল অসিদা য়াম্না অচৌবা ওর্দর অমসুং য়োনবা মীনা মসানা য়োনজবগীদমক্তসু রেজিস্তর তৌবগী খুদোংচাবসু লৈরি।

• কে.ভি.আই.সি. / কে.ভি.আই.বি. / পী.এম.ই.জি.পী. / এস.এফ.য়ু.আর.তি.আই.  / এম.এস.এম.ই. / এন্তরপ্রেনরশিংগা পুল্লগা অমসুং কি.ভি.আই.সি.গী মখাদা থবক পাংথোক্লিবা অনৌবা এম.এস.এম.ই.শিং অমসুং পী.এম.ই.জি.পী.গী অনৌবা য়ুনিতশিংবু মতেং পাংলিবা স্তেকহোল্দরশিংগীদমক য়াম্না খুদোংচাবা প্লেতফোর্ম অমনি।
• পোর্তল অসিনা কস্তমর কেয়র ফেসিলিতী; পীখিবা শেল পুম্নমক হন্দোকপগী ফেসিলিতী পীরি।
• পোর্তল অসি মতম অমদা য়ুজর ৫০,০০০দগী হেন্না শিজিন্নবা য়াগনি।
• পোর্তল অসি সোসিয়েল মীদিয়াগসু য়াম্না চুন্নৈ
• পোর্তল অসি ৱেবসাইত অমসুং মোবাইল এপ ওইনসু ফংগনি।
• দিজিতেলগী খুত্থাংদা শেল থিদোক-থিজিনগী খুদোংচাবা লৈবা।
• মসিদা রাজ্য ২৯দগী সিতী ২৪০০+/তাউন ২৫৬০০গী মীশিং বিলিয়ন ১.২ হেন্না লৈরিবা ভারতকী মফম শিন্থুংনা য়ৌহনবগী খুদোংচাবা লৈ।
• কঞ্জুমরশিংগী মখল মথেলগী অপাম্বাশিংবু খন্দুনা ১৫০০দগীশু হেল্লবা পোৎচৈশিং য়াওনা পোর্তল অসি হাংখ্রে।

কে.ভি.আই.সি. অসি লৈবাক অসিদা থবক খ্বাইদগী য়াম্না পীরিবশিংগী মনুংদা অমনি অমসুং মসিনা মখোয়গী অনৌবা ৱাখল্লোন কয়া অমা পুথোরক্তুনা প্রধান মন্ত্রীগী দিজিতেল ইন্দিয়াগী মঙলান অদুবু মঙফাওনহনবা ঙম্লিবনি। কে.ভি.আই.সি.না খাদি অমসুং খুঙ্গংগী ইন্দস্ত্রীশিংগা মরী লৈনবা ভারতকী ফিশাবশিং, আর্তিসানশিং, লৌমীশিং অমসুং মাইক্রো/স্মোল এন্তর্প্রেনোরশিংগীদমক্তা অনৌবা মতম অসিগী দিজিতেল মার্কেতপ্লেস অমা ওইনা ওইরক্নবগী মঙলান থম্লি।

*****