জনুৱারী ২০, ২০২১দা ৫শুবা ইন্দিয়া-সিঙ্গাপুর দিফেন্স মিনিস্তর্স দাইলোগতা ঙাকশেল মন্ত্রী রাজনাথ সিংহনা রিপাব্লিক ওফ সিঙ্গাপুরগী ঙাকশেল মন্ত্রী দা. অং এন হেনগা লোইননা পুন্না ময়াই তাংবল লৌখ্রে। ভর্চ্যুএল ওইনা মখোয়না ৱারী শান্নবা অসিদা মন্ত্রী অনিমক্না হৌজিক শন্দোক্লিবা কোবিদ ১৯ লাইচৎ অসিগী অপনবশিং লৈজরবসু লৈবাক অনিগী মরক্তা হৌজিক চত্থরিবা দিফেন্স কোওপরেসনগী থবকশিংগী খোঙজেল অসিদা অপেনবা পোকই হায়না ফোঙদোকখ্রে।

ভর্চ্যুএল ওইনা মখোয়না ৱারী শান্নবা অসিদা ঙাকশেল মন্ত্রীনা সিঙ্গাপুরদা লাইচৎ অসি লাকশিন্নবা কান্নবা ফংলবা খোঙথাংশিং লৌখৎখিবা অমসুং কোবিদ-১৯ শন্দোকপা লাকশিন্নবা সিঙ্গাপুর আর্ম ফোর্সশিংনা মতেং পাংখিবা অসিদা থাগৎপা ফোঙদোকখ্রে। মহাক্না কোবিদ-১৯ থেংনবদা অমসুং মীরমদা পনদুনা লৈখিবা ভারত মচাশিং পুরক্নবা তোঙান তোঙানবা মিসনশিং লৌখৎপা মতেং পাংনবা ঐখোয়গী আর্ম ফোর্সশিংনা লৌখিবা থৌদাং অদুসু পাউদমখ্রে। সিঙ্গাপুরগী ঙাকশেল মন্ত্রী দা. অং এন হেন্নসু থাগৎলকখ্রে অমদি লাইচৎ লাকশিন্নবা সরকারগী থৌরাং পুম্নমক্তা আর্ম ফোর্সশিংনা লৌখিবা থৌদাংগী মতাংদা ৱাখল্লোন ফোঙদোরকখ্রে।

মন্ত্রী অনিমক্না লৈবাক অনিগী মরক্তা ঙাকশেলগী মরী ফগৎলকপা অসিদা অপেনবা ফোঙদোকখ্রে। হৌখিবা চহিদগী পাইখৎখিবা তোঙান তোঙানবা বাইলেতরেল দিফেন্স কোওপরেসনগী থৌরাংশিংগী থবক্কী খোঙজেল নকল অনিমক্তগী য়েংশিনখ্রে অমদি আর্ম ফোর্সশিংগী মরক্তা অমদি দিফেন্স তেক্নোলোজী অমসুং ইন্দস্ত্রীগী লমশিংদা থবক তৌমিন্নবা অসি মখা তানা হেনগৎহন্নবা ফোঙদোকখ্রে। দাইলোগ অদুদা মন্ত্রী অনিনা চুংশিন্নবা য়াবা অনৌবা লমশিংগী মতাংদা খন্নখ্রে অমসুং হিরম অসিদা মখোয়গী ৱাখল্লোন ফোঙদোকখ্রে। মন্ত্রীশিংনা ইন্দিয়ন নেভী অমসুং রিপাব্লিক ওফ সিঙ্গাপুর নেভীগী মরক্তা সবমেরিন রেসক্যু সপ্পোর্ত অমসুং কোওপরেসনগী ইমপ্লিমেন্তিং এগ্রীমেন্ত খুৎয়েক পীনখিবা অদু মীৎয়েং তাখ্রে।

থৌরম অদুদা ঙাকশেলগী সেক্রেতরী দা. অজে কুমারসু শরুক য়াখ্রে।

জোইন্ত স্তেৎমেন্ত সিঙ্গাপুর দি.এম.দি. য়েংনবা মসিদা নম্বীয়ু

****