ভারততা রোদ সেফতীগী মতাংদা ময়ামদা এৱার্নেস পীনবা অমসুং লম্বীগী এক্সিদেন্ত থোকপগী চাং অসি হন্থনবা ঙসি ইহান হানবা ওইনা থা অমা চুপ্না পাংথোক্কদৌরিবা নেস্নেল রোদ সেফতী হৌদোকখ্রে৷ হৌখিবা চহী খরা অসিদা চয়োলগী ওইবা রোদ সেফতী পাংথোক্লি অমসুং ইসু অসিগী মতাংদা লৈরক্লিবা তঙাইফদবা অসি মুন্না খন্নরবা মতুংদা হন্দক্কী চহী অসিদা থা অমা চুপ্না মতম শাংবা প্রোগ্রাম অমা শিনখ্রে৷ ফঙ্কসন অসি দিফেন্সকী কেন্দ্রগী মন্ত্রী শ্রী রাজনাথ সিংহ অমসুং রোদ ত্রান্সপোর্ত অমসুং হাইৱেজ অমসুং এম.এস.এম.ই.গী কেন্দগী মন্ত্রী শ্রী নিতিন গদকরিনা হৌদোকখি৷ আর.তি.ঐচ.কী রাজ্যগী মন্ত্রী, জেনেরেল(রিতাইয়র্দ) দা. ভি.কে. সিংহ অমসুং নিতি আয়োগকী সি.ই.ও. শ্রী অমিতাভ কান্তসু থৌরম অসিদা শরুক য়াখি৷ অমৃতসরদগী কন্যকুমারি ফাওবা নেস্নেল চেমপিয়নশিপ সেফ স্পিদ চেলেঞ্জ অমা ফ্লেগ থেৎতুনা চৎখিবা অমসুং রোদ সেফতীগীদমক এৱার্দশিং পীথোকখিবা অসিদগী হেন্দোক্তুনা থৌরম অসিদা রোদ সেফতীগী মতাংদা ফিল্ম অমা পুথোকখ্রে৷ সেমিনারশিং, ৱাকেথোনশিং, পোস্তর-মেকিং কম্পিতিসনশিং য়াওনা এৱার্নেস পীনবগী থৌরমশিং অসিদা রাজ্য সরকারশিং, পি.এস.য়ু.শিং অমসুং ইন্সুরেন্স কম্পেনীশিং অসিসু শরুক য়াখি৷

থৌরম অসিদা ৱা ঙাংলদুনা লম্বীগী মতাংদা এৱার্নেস পীবা অসি রোদ সেফতীগী মনুং চল্লি হায়না দিফেন্স মন্ত্রী শ্রী রাজনাথ সিংহনা ফোংদোকখ্রে৷  দ্রাইভরশিং অসি খক্ত নত্তনা গারি থৌরিবা মীওইশিং অসিনসু মখোয় মশা মশাদা এক্সিদেন্তশিং থোক্তনবা মশা মশানা চেকশিন্না থৌগদবনি৷ এক্তিদেন্তনা মরম ওইরগা শিবা অসিনা মখোয় মখোয়গী ইমুং মনুংশিং ৱাহনবা অসি খক্ত নত্তনা মসিনা লৈবাক অসিগী মমল লৈরবা রিসোর্চতা কা হেন্না মাংজবা অমা ওই হায়না মহাক্না ফোংদোকখ্রে৷ সেফতী এৱার্নেস শন্দোকপা অসিনা মাংখ্রবা জি.দি.পি.গী চাদা ৩রোমগী চাংদা কনবা ঙম্মী হায়না মহাক্না ফোংদোকখ্রে৷

তোঙান তোঙানবা কাংলুপশিং খুদম ওইনা রোদ সেফতী ৱার্কশিংদা খ্বাইদগী হেন্না ফজনা পাংথোকখিবা রাজ্য, অফবা সমারিতন এৱার্দ, বেস্ত স্তেত কোর্পোরেসন্স, সেফ ওইবা হাইৱে শেমগৎ শাগৎপদা খ্বাইদগী ফজনা পাংথোকখিবা, কা হেন্না হৈ-শিংলবা ফিল্দ ওফিসরশিং অমসুং রোদ সেফতীদী এন.জি.ও.শিংনা তৌখিবা খ্বাইদগী হেন্না নিংথীজরবা থবকশিং অসিদা মকোক মথং তাখ্রবশিং অসিদা রোদ ত্রান্সপোর্ত অমসুং হাইৱেজ অমসুং এম.এস.এম.ই.গী মন্ত্রী শ্রী নিতন গদকরিনা থাগৎখ্রে৷ ঙসি মনা লৌবগী থৌরম অসিদা মনা লৌহৌদবা রোদ সেফতী মিসনদা সরকার অসিগা খুৎশম্নদুনা মখোয়না য়াম্না কন্না হোৎনখিবা অদু মশক খঙবিবা ওইনা স্তেকহোল্দর, ওর্গনাইজেসন পুম্নমক অসিদা ইকাই খুম্নবগা লোইননা য়াইফ মঙ্গল পীজরি৷

এম.পি., এম.এল.এ. অমসুং অতোপ্পা পব্লিক রিপ্রজেন্তেতিব পুম্নমক্না দিস্ত্রিক লেবেল রোদ সেফতী কম্মিতীগী খুৎথাংদা প্লেতফোর্ম অমা পীননবা অমসুং মখোয় মখোয়গী কন্সতিত্যুয়েন্সী অসিদা রোদ সেফতী অসি মিসন মোদ অমা ওইবা মওংদা পাংথোক্নবা পুলিস, দোক্তরশিং, পেরামেদজিক্সশিং, প্রোফেস্নেলশিং, এন.জি.ও.শিং, মহৈরোইশিং অমসুং মীওই খুদিংমক্না শরুক য়াহন্নবা শ্রী গদকরিনা হায়খ্রে৷ রাজ্য সরকারশিং/য়ুনিয়ন তেরিতোরী এদমিনিস্ত্রেসনশিং, এন.ঐচ.এ.আই., এন.ঐচ.আই.দি.সি.এল.,ও.ই.এম.শিং অমসুং এন.জি.ও.শিং অসিগা খুৎশম্নদুনা লৈবাক অসি শিনবা থুংনা নেসন –ৱাইদ এক্তিবিতীশিং পাংথোক্নবা হান্না মাংজৌননা প্লান শেমখ্রে হায়না মহাক্না ফোংদোকখ্রে৷ রোদ সেফতী ই৪ অমুক হন্না শেমগৎ শাগৎতুনা অমসুং হেন্না ফহন্দুনা লম্বীগী এক্সিদেন্তশিং থোকপগী চাং অসি হন্থনবা তোঙান তোঙানবা খোঙথাংশিং লৌখৎলি হায়না মন্ত্রী অসিনা ফোংদোকখ্রে৷ মসি য়াম্না মরু ওই: • ইঞ্জিনিয়রিং • এদজুকেসন • এনফোর্মেন্ত • ইমর্জেন্সী কেয়র সর্ভিসেস৷

                                                                                        ****