সাংস্কৃতিক মন্ত্ৰালয়
২৩ জানুৱাৰীৰ পৰা বছৰজোৰা কাৰ্যসূচীৰে নেতাজী সুভাষ চন্দ্র বসুৰ ১২৫তম জন্মবার্ষিকী উদযাপন কাৰ্যসূচী আৰম্ভ হ’ব
উদ্বোধনী অনুষ্ঠান পৌৰোহিত্য কৰিব প্রধানমন্ত্রীয়ে
প্রতিবছৰে ২৩ জানুৱাৰীৰ দিনটো “পৰাক্রম দিৱস” হিচাপে উদযাপন কৰা হ’ব
Posted On:
19 JAN 2021 6:45PM by PIB Guwahati
বছৰজোৰা কাৰ্যসূচীৰে নেতাজী সুভাষ চন্দ্র বসুৰ ১২৫তম জন্মবার্ষিকী উদযাপন ২৩ জানুৱাৰীৰ পৰা আৰম্ভ হ’ব। কেন্দ্রীয় সাংস্কৃতিক আৰু পর্যটন মন্ত্রী শ্রী প্রহ্লাদ সিং পেটেলে আজি নতুন দিল্লীত সংবাদ মাধ্যমৰ প্রতিনিধিৰ আগত এই ঘোষণা কৰি কয়, প্রধানমন্ত্রী শ্রী নৰেন্দ্র মোদীয়ে কলকাতাত আয়োজিত উদ্বোধনী অনুষ্ঠানত পৌৰোহিত্য কৰিব। চৰকাৰে প্রতি বছৰে ২৩জানুৱাৰীৰ দিনটো “পৰাক্রম দিৱস” হিচাপে পালনৰ সিদ্ধান্ত গ্ৰহণ কৰিছে। মন্ত্রীগৰাকীয়ে কয় যে, এই সংক্রান্তত গেজেট অধিসূচনা আজি জাৰি কৰা হৈছে।
নেতাজী সুভাষ চন্দ্র বসুৰ ১২৫তম জন্মবার্ষিকী ৰাষ্ট্ৰীয় আৰু আন্তর্জাতিক পৰ্যায়ত যথাযথভাৱে উদযাপিত হ’ব। এই বিষয়ে বিভিন্ন অনুষ্ঠানৰ পৰিকল্পনা কৰিবলৈ প্রধানমন্ত্রীৰ নেতৃত্বত এখন উচ্চ পর্যায়ৰ কমিটী গঠন কৰা হৈছে বুলিও শ্রী পেটেলে জানিবলৈ দিয়ে। এই কমিটীয়ে গোটেই বছৰজুৰি যিসমূহ অনুষ্ঠান অনুষ্ঠিত হ’ব সেইসমূহৰ তদাৰক কৰিব। কমিটীয়ে নেতাজী আৰু আজাদ হিন্দ ফৌজৰ সৈতে সংপৃক্ত দিল্লী, কলকাতা সহ দেশ-বিদেশেৰ বিভিন্ন স্থানত নানাধৰণৰ অনুষ্ঠান আয়োজনৰ পৰিকল্পনা কৰিছে। যি সমূহ অনুষ্ঠান আয়োজিত হ’ব সেইসমূহৰ বিষয়ে কমিটীয়ে পৰামর্শ আগবঢ়াব।
মন্ত্রীগৰাকীয়ে আৰু কয়, বছৰজোৰা কাৰ্যসূচীৰে নেতাজী সুভাষ চন্দ্র বসুৰ ১২৫তম জন্মবার্ষিকী উদযাপনৰ অংশ হিচাপে সাংস্কৃতিক মন্ত্রালয়ে ভালেমান প্রকল্পৰ প্রস্তাৱ ৰাখিছে। কলকাতাত ২৩জানুৱাৰীত ভিক্টোৰিয়া মেম’ৰিয়েল হলত প্রধানমন্ত্রীৰ পৌৰোহিত্যত অনুস্থিত হ’বলগীয়া উদ্বোধনী অনুষ্ঠানত নেতাজীক লৈ এক স্থায়ী প্রদর্শনী আৰু প্রজেকশ্যন মেপিং শ্ব’ৰ উদ্ধোধন কৰা হ’ব। নেতাজীৰ জীৱনৰ ওপৰত ভিত্তি কৰি “আমৰা নতুন যৌৱনেৰী দূত” শীর্ষক এক সাংস্কৃতিক অনুষ্ঠানৰ আয়োজন কৰা হ’ব। শ্রী পেটেল কয়, উক্ত দিনা এটি স্মাৰক মুদ্রা আৰু ডাক টিকটো মুকলি কৰা হ’ব। একেদিনাই কলকাতাৰ নেশ্যনেল লাইব্ৰেৰীত এক আন্তর্জাতিক সম্মিলন আৰু শিল্পী শিৱিৰৰ আয়োজন কৰা হ’ব। শ্রী পেটেলে আৰু কয়, সাংস্কৃতিক মন্ত্রালয়ে উৰিষ্যাৰ কটকত নেতাজীৰ জন্মস্থানত এক অনুষ্ঠানৰ আয়োজন কৰিব। পেট্র’লিয়াম আৰু প্রাকৃতিক গেছ মন্ত্রী শ্রী ধর্মেন্দ্র প্রধানে এই অনুষ্ঠানত অংশগ্রহণ কৰিব। নেতাজীৰ স্মৃতি বিজড়িত গুজৰাটৰ হৰিপুৰাত আৰু এটি অনুষ্ঠানৰো আয়োজন কৰা হৈছে।
কেন্দ্রৰ অন্যান্য মন্ত্রালয়েও এই উপলক্ষ্যে বিভিন্ন অনুষ্ঠানৰ প্রস্তাৱ কৰিছে। উচ্চ পর্যায়ৰ কমিটীৰ পৰা পৰামর্শক্রমে এই অনুষ্ঠানসমূহ আয়োজন কৰা হ’ব। পর্যটন মন্ত্রালয়ে কাবাডী টুর্নামেন্ট সহ ৰাষ্ট্ৰীয় স্তৰত দেশীয় নানা খেল-ধেমালিৰ আয়োজন কৰিব। সুদীর্ঘ ৩৭ বছৰ ধৰি মধ্যপ্রদেশৰ নৰসিংহপুৰ জিলাত নেতাজীৰ জন্মদিনত সহযোগ ক্রীড়া মণ্ডলে এই অনুষ্ঠানটিৰ আয়োজন কৰি আহিছে। ক্রীড়া দপ্তৰ, নেতাজী ফুটবল টুর্নামেন্ট আৰু মাৰাথান, যুৱ বিষয়ক দপ্তৰে পদযাত্রা আৰু চাইকেল যাত্রা, পর্যটন মন্ত্রালয়ে মণিপুৰত নেতাজীৰ জীৱন আৰু ঘটনাৱলীক লৈ “দেখো আপনা দেশ” -শীৰ্ষক ৱেবিনাৰ, প্রতিৰক্ষা মন্ত্রালয়ে এইবছৰ বিটিং ৰিট্রিট চেৰিমনিত আজাদ হিন্দ বাহিনীৰ বিখ্যাত সুৰ “কদম কদম বঢ়ায়ে যা” বাজি উঠিব। অসামৰিক বিমান পৰিবহন মন্ত্রালয়ে বহুকেইখন বিমানত নেতাজীৰ ছবি অংকন কৰিব। বিশেষতঃ আন্দামান আৰু নিকোবৰ অভিমুখী বিমানসমূহত এই ছবি অংকন কৰা হ’ব। ৰেল মন্ত্রালয়ে নেতাজীৰ নামত এখন এক্সপ্রেছ ট্রেইন চলাচল কৰাৰ প্রস্তাৱ গ্ৰহণ কৰিছে।
শিক্ষা মন্ত্রালয়ে দেশৰ ৫খন বিশ্ববিদ্যালয়ত নেতাজীৰ নামত ৫খন আসনৰ প্রস্তাৱ লৈছে। ইয়াৰউপৰি নেতাজীৰ ওপৰত অনলাইনত বক্তৃতা আৰু তেওঁৰ জীৱনৰ শিক্ষাৰ ওপৰত ৱেবিনাৰৰ আয়োজন কৰিব। তথ্য আৰু সম্প্রচাৰ মন্ত্রালয়ৰ নেশ্যনেল ফিল্ম ডেভলপমেন্ট কর্প’ৰেশ্যনে “ভাৰতৰ বাবে নেতাজীৰ সপোন কিদৰে বাস্তৱায়িত হ’ব” শীর্ষক এক চুটি চলচ্চিত্র প্রতিযোগিতাৰ আয়োজন কৰিব। আকাশবাণী আৰু দূৰদর্শন-এ আলোচনাচক্রৰ আয়োজন কৰাৰ লগতে নেতাজীৰ জীবনক লৈ তথ্যচিত্র সহ বিভিন্ন অনুষ্ঠান প্ৰস্তুত কৰিব।
ৰাষ্ট্ৰীয় বাস্তৱায়ন কমিটীয়ে ২০২০ৰ ২৫ নৱেম্বৰত এখন বৈঠকত দেশত নেতাজীৰ অসামান্য অৱদানৰ প্রতি সম্মান জনাই তেওঁৰ ১২৫তম জন্মবার্ষিকী যাতে ৰাষ্ট্ৰীয় আৰু আন্তর্জাতিক স্তৰত যথাযথভাৱে আয়োজন কৰা হয় সেই বিষয়ত সিদ্ধান্ত গ্ৰহণ কৰিছিল। সাংস্কৃতিক মন্ত্রালয়ে ১৫ ডিচেম্বত এই উদযাপন সন্দৰ্ভত এক বৈঠকৰ আয়োজন কৰে। উক্ত বৈঠকত বিভিন্ন অনুষ্ঠান সম্পর্কে আজাদ হিন্দ বাহিনীৰ প্রাক্তন সেনানী সহ বিশিষ্ট লোকসকল উপস্থিত আছিল। এই সংক্রান্তত এক গেজেট অধিসূচনা ৮ জানুৱাৰীত প্রকাশ হৈছে। এই কমিটীত বিশিষ্ট নাগৰিকসকল, বুৰঞ্জীবিদ, লেখক, বিশেষজ্ঞ, নেতাজী সুভাষ চন্দ্র বসুৰ পৰিয়ালৰ সদস্যসকল আৰু আজাদ হিন্দ বাহিনীৰ সৈতে জড়িত ব্যক্তিসকল আছে।
******
NB/SK/KG
(Release ID: 1690254)
Visitor Counter : 317